八壹八台食餐廳 (已結業)

同家人黎食，份量多味道好。我叫左滷肉飯既餐，六十幾蚊，有湯，飯，菜，小食，再加主菜，真心覺得好抵😍😍😍叫左茄子豆腐飯😉茄子較油膩，豆腐就煎得幾香，唔錯滷水雞翼都幾入味😍我鐘意食😍有菜係真係健康啲既，可惜個蠔油好咸，唔太好食，而且比較油膩。中湯味道還好，有味精味，但足料既。🤔🤔🤔🤔滷肉飯真係好大碗，要比啲飯其他人share先食得哂😂😂😂😂可能我細食掛🤔🤔可惜滷肉既味單一冇乜質感，只食到同一種咸味😳未算好好食。整體環境舒服，價錢適中，選擇多，而且份量多，都算係唔錯既餐廳🤓

非常好有禮的一間食店， 無論 招呼，落單，埋單， 店員同老闆都好有禮貌， 見到佢哋好用心對待客人 ，值得讚。 啲食物又好好味， 無得彈。 無論早餐，午餐，下午茶，晚餐，都好多選擇。最鍾意食佢的多士， 有好多的味道。良心食店😁

星期日多數食下午茶，朋友想食呢間，所以就到這裡。今天差不多兩點半入到黎，但侍應話未到下午茶，不可以俾下午茶餐牌，其實要兩點廿五分啦。。。最後，我地兩點半叫下午茶，我今日很想吃飯因爲很肚餓。我叫了煙鴨胸肉燥飯和熱檸水。飯大約十分鐘就到了，有幾塊鴨胸，一堆仔肉燥，少少菜，飯就比較多。鴨胸係好食的，不太鹹，但當然有脂肪皮啦！肉燥不太多，味道幾好，不太多肥肉。如果有多些菜就好喇。其實下午茶的分量真係好細。我朋友叫的雪菜肉絲米加炸魷魚絲，魷魚絲只有兩條，真誇張！不過，另一個朋友叫了炸雞米線，佢的炸雞就比較多了。其實三十幾蚊一個下午茶真係算唔貴了。

之前幫襯過幾次，但覺得最近食物質素下降了，以前平日下午有特價午餐，宜家都沒有，今次叫了2樣食物，分別是拌麵和湯飯。台灣牛肉肉燥拌麵 $51一上枱真係嚇親，賣相完全不討好，無諗過拌麵係日式拉麵，而且麵質過淋，牛肉完全唔係相像中的台灣牛肉，似係中式牛腩，而且頗韌，可選是日例湯或飲品，選了例湯，係木瓜雪耳煲豬骨，湯是不錯的，不太油不太味精。鮮魚湯湯飯 $55有A同B 2個column嘅食物揀，揀左生菜、冬菇、鮮牛肉同埋豬潤，比較普通，鮮魚湯味道欠鮮，我覺得$55不太值。

同朋友去行山，經過朗屏，周圍搵嘢食，搵到呢間台式小店。見到環境唔錯，而且價錢都好合理就入去試吓啦。我自己叫咗個台灣牛肉麵，實在非常滿意！首先個湯底就已經非常一流，鮮甜可口，而且牛肉肉質鮮嫩，牛肉麵嘅面質都非常唔錯，彈牙爽口。而朋友就叫咗個雞扒飯套餐，有飯又有湯飲，仲要餐飲添。 碗湯好鮮甜好足料，飲落應該冇落味精，好有家的感覺。真心，食完呢碗牛肉麵我成日心思思想再食，可惜太遠，如果唔係一定成日嚟幫襯！

朋友說話間餐廳佢連續兩個星期日都去食野，介紹我去，話好食。於是就同佢去試下啦，今次去食下午茶了，因為已接近三點。朋友叫了一個茄子豆腐肉鬆拌麵，我叫了香菇豆腐肉燥拌麵。朋友的那碟上先，哇！甘大碟嘅！食得到嗎？兩件茄子，佔了半隻碟的位置，仲有炸豆腐和肉燥，麵也很多。我的香菇沒有茄子的大，但很厚身，都好味。不過，我無諗過豆腐係炸的，我唔想食炸野，仲以為豆腐健康添。。。肉燥方面，味道不錯，但好油，分量不算多，麵都夠了。總的來說，以這價錢，大碟飯，又有野飲真係抵的，唔怪得之我朋友連續三個星期日都去食啦！

之前食過幾次下午茶餐都勉強ok,今日同朋友去食完之後，唔會再去囉。今日食十二點幾去食午餐，我叫咗蚵仔大腸面線，食咗一片大腸，啲大腸好靭，似橡根😵，個收銀大姐話滷水大腸係咁㗎，我話你可以試吓至講，後來換兩隻滷水雞亦比我，又係難食，鞋拾拾，蚵仔又少又腥又细隻，大過豆豉小小😵我朋友叫咗糖醋骨便當，啲排骨似湯渣，鞋拾拾，覺得似係煲完湯再炆番當一味餸賣比客人食。仲有我諗住食完面線至叫飲品，点知我朋友個餐食咗一半我碗面都未嚟，叫飲品凍鴛鴦，又要等，我個位望到水吧，無人做嘢，問侍應，佢話要冲架媽，我說我都做過水吧，將咖啡、奶茶溝埋加冰就成啦！對呢間嘢好失望，唔會再幫襯，仲要話比朋友知😨

飲品: 珍珠奶茶-茶香奶滑            紅豆棷奶-棷香豆夠軟綿.                                                                                                   食物: 豬手飯-豬手夠林, 仲有滷水豆腐正               豬扒飯-豬扒熱辣辣又唔硬.味道正            台式牛肉拉麵, 本來以為一片片牛展, 原來係牛肉粒, 味道可以, 但拉麵一般                                                                  總括:　會再去食

今天晚上在元朗想找台灣菜食，剛好經過呢間餐廳，見到舖面ok!於是入去試下，點知叫左個台式雞扒麵，點知真係難食到嘔！一見到個賣相就知道唔掂，當時都知心知不妙！湯底淡而無味，超級差！ 麵又煮到lum曬😰食左一半都冇就唔想食！珍珠奶茶味道唔濃，珍珠又一d都唔煙un! 另外叫左一個雞扒飯， 比湯麵味道好少少，總算入到口，但真的很普通。沒有下次！呢間餐廳令我忍不住寫了人生第一次的食評！ 沒有預計到咁難食所以冇影到相，見隔離都食剩好多！總之千萬唔好叫湯面食😰😨很少在元朗食到咁樣差質素的餐廳！超級失望！

小弟鍾意食台灣菜，見佢新開，即管去試下，好食嘅話係元朗又可以多間飯堂。 今次点左個牛肉拌麵，上到枱－睇，個麵餅仲未煮開，係－pat野，好恐怖。食落無味。俾$50食個咁嘅歺，認真谷氣。下次都係去返教育路果間台灣麵好過。好食過佢唔知幾多。小弟－直不寫食評，但今次係不平則鳴，忍無可忍

假期和聰仔出街玩, 出完街經過重新開業的八壹八台食試下, 結果.......  台灣主播貢丸拉麵餐$39 (無影相) 好鹹, 不過聰仔食得鹹話好食, 鹵水雞翼面$32 正常即食麵味同一條街其實有好多選擇, 街尾轉角街市重有幾間好食名店, 大家懂的吧~(苦笑)