影片
以上資料只供參考, 請與餐廳確認詳情
朗屏街坊推介嘅下午茶， 下午5:45入去人唔算多，得一枱卡位坐左人，我同朋友可以隨便揀位坐。餐廳地方都闊落，但入面就有一陣味道唔太好聞。下午茶真心抵食，我叫咗滷水雞翼米線+半份朱古力吐司+凍嘅茉香奶茶，盛為港幣$37。食完之後到夜晚10點幾都仲未肚餓，份量十分足夠。CP值非常高，絕對會encore。另外佢都有好多野食選擇，我朋友叫咗炸雞扒米線，啲炸雞配酸辣醬好似食緊麥當勞嘅雞翼，細細粒方便入口，好好食。
繼續閱讀
可能我比較細食，覺得下午茶時段有 lunch的份量，一碗粉麵加一個小食加一杯野飲，價錢合理，很好，有住家風味，幾欣賞佢既小食炸魷魚同椒鹽豆腐，另外佢既辣椒油都很不錯炸魷魚既粉唔厚亦緊貼住魷魚，本人覺得炸得十分好，忍唔住食左先記得影低佢🤣🤣🤣🤣豆腐都保留到外脆內嫩，很好，係椒鹽有點不夠
繼續閱讀
經過元朗，又不知道吃什麼好，經常都經過呢間餐廳，不妨一試。叫咗鹽酥雞滷肉燥飯加珍珠奶茶。um⋯⋯你問我好無食，我只可以話一般，飯堂嘅水凖，家庭式嘅感覺。有個眉豆花生雞腳湯幾正，不過無影到
繼續閱讀
搬鋪後第一次試八壹八，鋪頭位置細左，但人情味依舊💓Menu嘅選擇主要分為肉燥飯，拌麵，水餃等等。但一d台式小食如台式香腸，鹽酥雞，柯仔煎，又或者牛肉麵都....係冇嘅😅其實都幾奇怪。所以我會覺得八壹八會更似一間港式台記多d🤣BTW..下午茶時段黎坐得更舒服，價錢更優惠😎叫左一份鹵肉米線配朱古力吐司+凍珍珠奶茶，味道就正正常，但幾抵食嘅😁
繼續閱讀
新正頭好多舖頭都無開，開親嘅食肆都會Mark up少少，八壹八都唔例外，貴$5一個午餐，當係新年無得放假嘅補償，可以接受！叫左個愛心靚湯餐，湯+主食+清香綠茶！($45)星期四靚湯有粟米紅蘿蔔煲豬肚，揀左個香菇茄子飯！湯都足料味濃，優勝過茶記嘅例湯好多！香菇茄子飯有原隻大菇同4舊開邊茄子，隻菇大隻又入味，唔錯喎！另外有碗細肉燥同滷蛋，好送飯喔！朋友仔叫左個台式雞扒麵($46)，賣相同味道都好一般，好唔台式，而奶茶又唔好飲！
繼續閱讀