兩草 (棉登徑)

營業中

休息中

呢間餐廳一直好受歡迎因為CP值超高‼️主打嘅懷舊港式風味而家已經比較少搵到🪭其中又混合左D馬來風味既元素🇲🇾 平民嘅口味但係唔平凡值得一試呢❤️⭐️ 香煎脆邊蛋肉餅飯 🥩可算係呢間餐廳嘅名物🥹 肉餅煎得香脆加上金黃既脆邊蛋🍳 豬油配上醬油撈飯係我傳統但邪惡既美味😈拌上蛋汁有種溫暖嘅童年回憶感🤡⭐️ 滑蛋叉燒飯 🥓滑蛋同叉燒雖然看似簡單但係感覺好Homey🏠 叉燒嘅鹹香配上蔥花嘅點綴🌿撈飯係滿滿既滋味⭐️ 鮮蝦胡椒湯 🦐自家製嘅胡椒湯底加上蒜粒好有地道新加坡感覺🇸🇬 胡椒味香濃但係唔嗆喉🌶️大蝦用料新鮮帶鮮甜⭐️ 香茅雞扒 🍗雞扒煎得香脆又嫩滑🐔迫出金黃嘅油香連皮都食埋💛⭐️ 蛋炒豬腸粉 🐷已經好少食到咁懷舊嘅小食😋 簡單既材料配上蛋香係平凡既美味😙⭐️ 咖央多士 🍞多士烘得香脆🥰 半溶嘅牛油配上帶椰香嘅咖央🧈冰火既感覺混合在一齊好有南洋風味🧊喺香港嚟講係數一數二高質嘅咖央多不誇張🏝️

之前係大坑都曾經幫襯過兩草，當時已經好喜歡，但畢竟個位置對於本人來說都比較遠，所以一直都沒有再去。剛巧要去尖沙咀，發現原來兩草係尖沙咀都有分店，今次就同老公去食個午飯。 見到兩草的餐牌，已經每款都好想order，看似好簡單好平民既料理，但其實越簡單就越難煮得好食。舖頭都幾早就開工，有時間可以過嚟食個早餐，不過原來早餐只係尖沙咀分店有供應，其他分店係冇嘅。香煎脆邊蛋肉餅飯 – 見到隻脆邊蛋個流心蛋黃搖動中，已經心心眼，然後蛋漿流進白飯裡，再配上煎到外脆內軟既肉餅，每一啖都好正。好欣賞可以將最平凡的食材混在一起，但可以煮出咁好食的一碗飯。叉燒豬油撈麵 (麻辣) – 撈麵可以有豉油味或麻辣味選擇，今次我地就揀左麻辣味。每一口麵都食到麻辣的香氣，辣度適中，麵條爽口，還有叉燒肥瘦恰當。忍唔住要另加一碟豬油渣，好邪惡，與麻辣麵一同食，真係好好味。檸檬薏米水 & 樽仔咖啡 – 檸檬薏米水，酸酸甜甜，又解渴，感覺健康d，唔怕肥。另外也有樽仔咖啡和樽仔奶茶，兩款都可以揀原味，又或者好似我咁係揀斑蘭味咖啡，味道特別，很不錯。

「兩草」一直都係想試之選，今日行過見人流唔多，決定一試！鋪頭滿滿懷舊情懷，超有Feel !小籠包胡椒湯第一次小籠包浸湯食，胡椒味剛剛好，唔會死辣味，試一啖就會想keep 住飲佢。feel到天氣再凍d的話，暖心暖胃感覺應該會更加分。小籠包方面，肉感足夠，肉汁配搭胡椒湯令成件事又辣又甜，值得一試。蛋炒豬腸粉開頭以為好細份，食落原來越食越有。蛋香之餘，每條腸粉都炒得好均勻，好乾身。整體調味不錯，食完唔會覺得好咸好口渴。樽仔奶茶作為餐廳自製既樽仔奶茶，對比出面周圍有得賣既幾款樽仔奶茶，絕對唔失禮。唔算太甜，茶味都足夠，食野同時有得嘆好飲既奶茶，非常滿足。薏米水（暖飲）最啱而家濕重季節👍🏻👍🏻麻辣叉燒豬油撈麵叉燒肥瘦適中，雖然話係豬油撈麵，但係唔會覺得個麵好漏，而且一d油益味都冇。反而麻辣味就好出，岩哂好辣人士，越食越辣，但係又會令人想繼續食落去。如果唔怕辣既人真係可以試下香煎脆邊蛋肉餅飯 飯一到已經聞到好香既煎蛋味，唔識點用文字去形容，簡單一句就係好經典既碟頭飯豉油味，充滿回憶。肉餅都唔野少，微微煎香左，口感十足。 大推！講明兩草野，性價比高，平民之選！

今日放工之後，約埋朋友去尖沙咀食飯，真係好開心！我地揀咗一間馬來西亞Crossover港式餐廳，聽聞佢哋嘅餐牌選擇多，價錢又唔貴，於是就迫不及待想試下。。一入到餐廳，就感受到一種輕鬆嘅氛圍，裝潢簡約但又有啲特色，適合同朋友聚餐。餐牌上真係有好多選擇，從馬來西亞嘅經典菜式到港式嘅懷舊美食，令人眼花撩亂。。我地首先點咗香煎脆邊蛋肉餅飯，呢個係佢哋嘅招牌之一。肉餅煎得金黃香脆，搭配上面嗰隻脆邊蛋，真係一流！飯粒吸收咗肉餅嘅鮮味，每一口都好滿足。接住就係叉燒豬油撈麵，加咗脆邊蛋，撈麵有兩種口味可以揀，我選咗豉油味。豉油味撈麵滑溜又有咸香，配上脆邊蛋，簡直完美！。然後我地試咗蛋炒豬腸粉，呢個真係一個驚喜！腸粉滑溜，蛋香四溢，搭配上少少醬油，味道真係好正。再加埋咖央多士，甜甜地，啖啖都係滿滿嘅椰漿香，食完真係心情好好。。飲品方面，我地選咗凍檸檬薏米水，清新又解渴，特別係今天天氣有啲熱，飲一口真係好舒服。。所有食物都大約$40-$50，真係好平民，食得咁開心，唔使擔心荷包。食完之後，大家都覺得呢間餐廳真係值得再來，因為唔單止食物好味，環境又舒適，最緊要係價錢實在。

今日同朋友去咗尖沙咀棉登徑嘅「兩草」食飯，呢間平民食堂雖然地方唔大，但勝在夠地道，而且價錢親民，絕對係打工仔同學生嘅福音！叉燒豬油撈麵（$45）我哋點咗幾樣招牌菜，首先係 叉燒豬油撈麵，一上枱已經聞到好香嘅豬油味，麵條彈牙，叉燒肥瘦適中，撈埋豬油真係好邪惡但好滿足！香煎脆邊蛋肉餅飯（$42）跟住係香煎脆邊蛋肉餅飯，個蛋煎得啱啱好，蛋黃流心，肉餅煎到外脆內嫩，送飯一流！咖央多士（$25）另外仲試咗咖央多士，多士烘得脆卜卜，入面嘅咖央醬香甜唔膩，好食到停唔到口。蛋炒豬腸粉（$27）最後仲有蛋炒豬腸粉，腸粉炒得夠鑊氣，蛋香十足，簡單但好味。檸檬薏米水（熱）（$25）、樽仔奶茶（$25）、無糖可樂（樽）（$12）飲品方面，我哋叫咗檸檬薏米水（熱）同，樽仔奶茶同樽裝無糖可樂，檸檬薏米水清熱解膩，奶茶茶味濃郁。總括嚟講，「兩草」嘅食物質素唔錯，價錢合理，而且選擇多樣，絕對係平民美食嘅好選擇。如果你喺尖沙咀想搵間平靚正嘅餐廳，不妨試吓「兩草」！而餐廳營業時間係早上8點半至晚上9點半，建議避開繁忙時間去，唔使等位等咁耐！

人氣平民食店，裝潢充滿懷舊風情。主打大大碗足料平民碟頭飯，店名「兩草」，是指$20x2便可食到地道美食的理念，親民扺食。肉餅煎得香口，非常厚身，口感鬆軟，保留肉汁味道，煎蛋燶邊，入口焦香微脆。邪惡的豬油渣炸至香脆，滿滿豬油香味，再配合溫泉蛋蛋汁，味道香濃。雞扒皮脆肉香，雞肉醃製得宜，蛋白質滿滿 ，一咬Juicy爆汁。叉燒鮮嫩多汁，完美半肥瘦比例，大大塊厚切，超級惹味，配合嫩滑香濃滑蛋，再淋上靈魂甜豉油，真係無敵組合。腸粉熱辣辣超級軟身，散發陣陣豉油香，每條腸粉都有陣陣蛋香，炒得好有鑊氣。

呢間港式馬來西亞fusion小食店，我已經幫襯過好多次，每次帶朋友嚟都大獲好評！裝修走懷舊香港風，霓虹燈牌、鐵閘花紋、舊式茶記摺枱，每個角落都係打卡位📸。食物擺盤精緻，份量啱啱好，重點係超級好味！🍜 叉燒豬油撈麵（麻辣）一上枱就聞到豬油香混合麻辣醬嘅誘惑！麵質煙韌彈牙，掛滿秘製醬汁，麻辣味唔會死辣，反而帶啲甜香，越食越上癮。叉燒半肥瘦，咬落去有蜜汁香，同麻辣豬油出奇地夾，食完碗底啲汁都想撈埋！ 🍳 香煎脆邊蛋肉餅飯半生熟煎蛋嘅邊煎到脆卜卜，一篤開蛋黃即刻湧出嚟，撈勻啲飯再加埋**煎到金黃嘅肉餅，鹹香得嚟帶少少甜，口感似午餐肉但更有肉香。特製醬油帶啲豉油皇香氣，撈飯一流！ ☕ 樽仔奶茶奶茶裝喺懷舊樽，茶底濃到掛杯，煉奶甜度剛剛好，唔會膩。飲落順滑帶微微回甘，同麻辣撈麵係絕配！ 週末晏晝超多人，建議平日下晝3-5點去，慢慢影相唔使逼。尖沙咀分店有早餐set，$50有交易，可以試勻招牌菜。

【#思思賢推介】尖沙咀懷舊茶記「兩草」— 馬拉風味 x 港式情懷🌿✨早幾日午餐去咗尖沙咀嘅「兩草」，呢間餐廳將馬拉風味同港式元素融合，創造出獨特嘅菜式！🌿🌿 餐廳裝修充滿懷舊茶餐廳嘅感覺，好有香港特色！🇭🇰午餐時段餐廳都幾多人，好彩唔使等位！我叫咗以下呢幾樣：咖央多士: 多士烘得香脆，咖央醬香甜，配埋牛油真係perfect match！🤤 不過如果咖央醬可以再厚身啲就更好喇！滑蛋叉燒飯 (🌟必點！): 呢個真係每次嚟都必叫！💯 炒蛋滑嫩，叉燒用嘅係豬梅頭，肉質鮮嫩，油脂分布均勻，而且仲特登切碎，令每一啖飯都撈到叉燒同蛋，真係好滿足！🤤 簡單嘅菜式最考功夫，呢個叉燒飯就係最佳例子！😋樽仔咖啡: 樽仔嘅設計好有懷舊feel，咖啡香濃順滑！☕️ 不過甜度比較高，如果可以揀少甜就更啱我口味喇！整體嚟講，「兩草」嘅食物質素唔錯，價錢合理，而且環境舒適，好啱同同事朋友食lunch！👍🏻 想試吓唔同嘅午餐選擇，不妨去「兩草」感受一下馬拉 x 港式風味啦！😉兩草 📍 香港尖沙咀棉登徑7-9號地下 🕰️ 星期一至日 : 08:30am - 09:30pm#思思賢 #思思賢午餐推介 #兩草 #尖沙咀美食 #香

去咗尖沙咀小店食晏，叫咗幾樣港式菜式，味道都唔錯，帶香港風味。叉燒豬油撈麵嘅麵撈得均勻，有豬油香，叉燒肥瘦適中，肉質鬆軟。而香煎脆邊蛋肉餅飯🍳都唔錯。我轉咗全熟蛋嘅肉餅煎得香脆，肉汁豐富，配埋全熟煎蛋，蛋黃依然保持濕潤，唔會乾爭爭。油菜就比較簡單，菜心爽脆，調味適中。咖央多士烘得金黃香脆，咖央醬嘅椰香味同牛油嘅鹹香味好夾，食落甜甜哋，好滿足。飲品方面，叫咗樽仔奶茶🥤同百香果烏龍茶。樽仔奶茶茶味香濃，奶味適中，甜度剛好。百香果烏龍茶就酸酸甜甜，好解渴。

啱啱同老公去尖沙咀食個午飯, 發現原來「兩草」係尖沙咀都有分店; 位於尖沙咀棉登徑嘅舖頭好有懷舊情懷, 佢屬於平民食堂, 雖然地方唔大, 但夠哂地道, 而且價錢親民, 絕對啱哂打工仔同學生哥嚟食飯呀！餐牌上嘅食物選擇唔算多, 睇落好似好簡單嘅料理, 但味道真係唔錯呀! 呢間店長好有禮貌, 服務好好。鮮蝦胡椒湯米 - $48呢碗鮮蝦胡椒湯米真係好濃郁, 湯底入口有啲啲微辣, 胡椒味非常突出。鮮蝦有四隻, 份量唔算少, 爽口彈牙, 落湯裏面煮得好入味, 而且新鮮得嚟易剝殼。香茅雞扒飯 - $40好香香茅味, 雞扒煎得香口, 雞肉好嫩滑一啲都唔柴, 又夠大塊, 性價比超高! 白飯再淋上少許甜鼓油, 配埋雞扒已經好夠味。淨肉餅 - $22煎肉餅可以淨叫, 都係佢地招牌之一。肉餅煎得金黃香脆, 內裡都好多肉汁, 送飯淨食都唔錯。脆香魚餅 - $27魚餅好彈牙, 唔會覺得煎得好油膩, 仲有淋咗少少甜鼓油, 真係好好味呀!檸檬薏米水 - $25檸檬薏米水, 酸酸甜甜, 清新又解渴, 感覺健康, 特別係天氣熱時飲返口, 真係好舒服。白桃烏龍冷泡茶 - $25低溫長時間萃取茶葉精華, 保留烏龍茶嘅醇厚茶

經過尖沙咀諗唔到食乜，經過棉登徑見到有間「兩草」，之前一直未食過，但上網都見到有人推介，所以一於就試一試!!鋪仔細細，但目測都坐到30人左右，而且亦唔會坐到好迫，去到個陣時間仲早，未算多人，但食食下就愈黎愈多人排隊今次試過幾款野食，都值得推介俾大家，會再嚟食!胡椒肉骨茶 $38有成4-5條肉骨，湯底濃味夠辣!!好抵食香煎脆邊蛋肉餅飯 $42絕對推介!! 肉餅唔會太厚亦唔會好乾身咖央多士 $24必食之選! 抵食之餘份量又多，多士薄得黎啲漿岩岩好唔多唔少滑蛋叉燒麵 $40叉燒薄薄地，唔乾身，夠濃味 有豉油味有麻辣味平民之選 兩草野賣單

之前係K11行街，下午茶嘅時候試過呢間嘅咖央多士，性價比好高，今日就嚟食個快lunch，回味吓佢個多士😋-呢度嘅咖央多士（$25）雖然唔係大大份，但多士煩到好脆，入面有滿滿嘅咖央醬，食落超滿足🤤-另外試埋佢嘅小籠包胡椒湯（$40），雖然被湯浸住，但小籠包皮都仲有啲煙靭，唔會變到一pat pat，配埋胡椒湯食，呢個配搭好有驚喜😍-呢度啲飯都幾抵食，四十零蚊一個，肉量好足夠👍🏻脆邊蛋肉餅飯嘅肉餅好Juicy，唔會好實好難咬～雞扒就超滑，雞皮仲煎到脆卜卜🐔原來叉燒撈麵係signature ，仲有豉油味或者麻辣味揀，呢個就留返下次先試～-飲品唔算好多選擇，但都有啲特色，檸檬薏米水（$25）唔會酸，仲有好多薏米係入面，誠意十足💪-呢間算係平民飯堂，今日12點嚟到唔使等位，但12:15開始要排隊，想嚟食lunch就要早啲嚟排啦～尖沙咀呢間分店仲開好早，附近返工可以嚟食早餐添～

👱🏻‍♀️收工晏左，同同事係附近食埋先去。見到有煎肉餅飯🐽梗係要試吓啦🥳🍛香煎脆邊蛋肉餅飯：肉餅果然係好好食🤤佢哋係用新鮮豬肉打成🐷加埋豬油煎脆🔥上面仲鋪左隻燶邊𠺖太陽蛋🍳加埋甜醬油真係勁好食呀💯🍝叉燒豬油撈麵：好鍾意佢地呢個麵嘅質地✅入口好彈牙又有咬口😍個醬汁強惹味💯枱面仲有支醬油🫙晤夠可以再落啲☺️正呀喂！🥪咖央多士：薄薄嘅咖央多士入面勁多餡✅咬落口脆卜卜🔥一定要趁熱食先正呀👍🥗油菜：唔比睇吓佢細細碟😍油菜細細份❤️但好鮮嫩✅🍹檸檬薏米水：好大杯又真材實料嘅檸檬薏米水🍋佢會跟一支粗飲管✅連埋啲薏米一齊食💯好健康好啱呢個濕濕熱熱嘅天氣飲呀🥳☕️羅漢果水：呢杯羅漢果水又清熱又潤肺💯好有益✅好過飲汽水🥤

馬拉特色菜百吃不厭，多款小食眼花撩亂，最緊要係平靚正「兩草野」有找，以前去開大坑總店，尖沙咀分店超方便，喺正K11 art後面！香煎脆蛋肉餅飯及滑蛋叉燒飯：肉餅薄薄一片，豬油炸得外脆內軟，無論係燶邊蛋或者滑蛋加豉油蔥花撈飯，簡直絕配！小籠包胡椒湯：呢個小籠包每次都會order，胡椒湯底驅寒又好飲，根本就係一碗湯！蛋炒豬腸粉：簿簿嘅蛋漿加上煎到脆皮豬腸粉，係滿分嘅小食！斑斕樽仔咖啡：鍾意飲latte嘅朋友，都唔可以錯過呢個斑斕味咖啡，加入咗星馬特色嘅斑斕，啡甜得來又香滑，非常有特色！

簡單而又懷舊嘅味道再加入馬來風情元素，都幾吸引。餐廳設計簡潔，內部環境乾淨企理，雖然面積唔大，但擺設得宜，令空間感唔會覺得太擠迫。🥣鮮蝦胡椒湯 ($40)非常濃郁嘅胡椒香氣，味道上胡椒味非常突出，一碗湯飲到尾，湯底仍然保持濃香，暖胃又滿足。蝦有四隻，份量唔算少，而且新鮮得嚟易剝殼。🍜叉燒豬油撈麵 ($45)可以揀麻辣撈或豉油撈。油麵加咗豬油，拌勻之後有小許香味，入口滑溜，另外再加小小辣椒油更加提味，令整體層次更加豐富。叉燒軟腍，肥瘦比例啱啱好。個人覺得豬油再多小小就更正。🍚香煎脆邊蛋肉餅飯 ($42)煎蛋狀態剛剛好，蛋邊脆口蛋黃流心，拌飯一流。白飯再淋上少許甜鼓油，已經好夠味，就算冇配菜都可以食得津津有味。至於肉餅，質地較軟腍，味道唔錯，但如果煎得再脆身啲會更加完美。🍖招牌炸雞翼 ($27)雞翼外皮脆卜卜，入口香脆得嚟唔會覺得油膩，內裡雞肉仍然嫩滑，調味簡單但唔失香口。🧋樽仔奶茶 ($25)奶茶香濃順滑，茶底味道突出，味道偏甜但入口有種濃厚嘅懷舊香港茶餐廳feel，值得一試。☕樽仔咖啡（班蘭）($25)帶有淡淡班蘭葉嘅香氣，咖啡香味相對濃烈，甜度適中。（如果將樽仔奶茶同班蘭咖啡混埋一齊