Two Greens (Minden Avenue)

收工同同事仔去左呢間成日經過都好想食ge馬拉港式fusion餐廳😍😍好耐之前同朋友食過一次都讚不絕口，今次帶埋妹豬過黎一齊食好西🤤🤤呢度環境勁港式懷舊，又播著香港經典金曲，好享受呢種情懷🩷我地嗌左幾樣招牌菜～小籠包胡椒湯，胡椒湯底勁濃又夠香辣，小籠包湯汁再加一啖湯，絕對無得彈🥰香煎脆邊蛋肉餅飯，絕對一讚係成碗飯加左豬油豉油，童年回憶返哂黎，煎蛋又夠香脆～肉餅肉嫩彈牙多汁，‼️必點‼️蛋炒豬腸粉，‼️高度評價‼️呢個炒腸粉係好香口，一d都唔糊口，加埋蛋香真係勁完美，係令人上癮的味道😆招牌炸雞翼，雞翼大大隻，香脆又大隻，仲要勁juicy～～雞翼控必點🥰咖央多士，‼️必食‼️超級薄脆，牛油同咖央醬勁creamy，就算食飽飽都仲食得落😋😋💛💛💛💛💛💛💛💛以下係我所點的食物🤤🧡🧡🧡🧡🧡🧡🧡🧡小籠包胡椒湯香煎脆邊蛋肉餅飯蛋炒豬腸粉招牌炸雞翼咖央多士樽仔奶茶可樂（樽）💛💛💛💛💛💛💛💛…Read More

🇭🇰兩草·喺呢間餐廳食嘢真係超級開心 嗌到成枱都係嘢 都唔使$200🤑🤑·滑蛋叉燒飯$40 l 招牌炸雞翼$27 l 淨肉餅 $22佢個滑蛋叉燒飯幾有驚喜🤩佢個滑蛋好滑 之後叉燒都唔錯 係半肥瘦既🐷另外個招牌炸雞翼超正 佢係超級熱辣辣 個皮炸到好脆🐥另外我哋驚食唔晒 所以就咁嗌咗個淨肉餅 冇嗌飯 佢呢個肉餅都好食 口感好好😎·胡椒肉骨茶$38 l 蛋炒豬腸粉$27之後佢個肉骨茶都好味 胡椒味好濃 而且入邊嘅排骨都好食🤤反而佢個蛋炒豬腸粉冇我上次食咁香口 冇咁惹味🤣🤣·#rbyeat#rby港式#rby尖沙咀 #rby炮台山 #rby旺角·📍尖沙咀棉登徑7號地舖📍旺角白布街16號地舖📍北角炮台山宏安道18號威德閣地下6號舖…Read More

星期六去咗尖沙咀嘅兩草餐廳食飯，真係一個懷舊又滿足嘅體驗！餐廳裝潢好有舊香港茶餐廳feel，牆上嘅老招牌同紅罩燈，仿如穿越咗時空。點咗胡椒肉骨茶，湯頭好濃，胡椒味香到爆，肉骨燜得軟腍，飲完暖晒胃！香煎脆邊蛋肉餅飯係真愛，蛋煎到金黃脆卜卜，肉餅嫩滑多汁，配飯食到停唔下來。咖央多士外脆內軟，咖央醬香甜到舔晒手指！蛋炒豬腸粉好滑，蛋香同醬汁夾到正，份量仲好足。招牌炸雞翼炸得金黃，皮脆肉嫩，調味啱啱好，超香！飲品試咗檸檬薏米水，清新又解膩，酸酸甜甜好爽；樽仔奶茶就係經典，香濃順滑，港味十足。總括嚟講，兩草嘅嘢食好地道，味道正，份量多，服務又親切，價錢合理，真係抵讚！想感受正宗茶餐廳風味，無論同朋友聚餐定一個人chill，這裡都係好選擇，絕對要再encore！…Read More

去咗尼間幾地道港式feel小店「兩草」食tea，主打大馬+ 港式地道道美食，價錢又親民，店內走復古懷舊風格，好有香港特色！💥 咖央多士 $25多士外脆內軟，滿滿香甜咖央醬再加多咸牛油🧈，真係幾邪惡，味道幾正，好食🤤。💥 蛋炒豬腸粉 $27腸粉炒得幾有鑊氣，腸粉仲有薄薄的蛋花，腸粉又滑，加埋店家秘制醬汁好好味。💥 香煎脆邊蛋肉餅飯 $42 即叫即煎，太陽蛋邊煎到脆トト，流心蛋黃撈飯一流，加埋手打肉餅，好有家感覺，肉餅煎得外脆內軟又多汁，配埋蔥花同甜豉油撈飯真系無得輸。💥 叉燒豬油撈麵加脆邊蛋＄55 厚切叉燒肉質軟腍，配上豬油和甜豉油撈面，夠曬香口，加埋脆邊蛋，超好食🤤，食得辣的朋友可以試埋店家的辣椒醬，撈埋面一齊食更有層次感。💥 檸檬🍋意米水 $25@one 好有屋企煲的意米水，加咗檸檬好清新，又勁多意米。…Read More

兩草位於尖沙咀K11 Art Mall附近，交通非常方便，同朋友行商場，順便過來試試這間大坑名店，主打港式和馬來西亞菜，價格非常親民。餐廳牆掛上紅色餐牌，一排排紅色吊燈，充滿懷舊茶餐廳情懷。香煎脆邊蛋肉餅飯：肉餅好似中式漢堡扒，表面煎至金黃色香脆，內裏新鮮半肥瘦豬肉餅彈牙多汁，將脆邊流心蛋戳破與飯拌勻，金鳳米飯充滿蛋香，配上甜豉油和蔥花，簡單而美味。 脆香魚餅：完全無添加自家手打鯪魚肉餅，即叫即煎，口感彈牙，完全沒有魚腥味，十分惹味。小籠包胡椒湯：胡椒湯有少少辣，小籠包皮薄餡靚又多汁，似肉骨茶同中式小籠包的完美融合。油菜：新鮮，份量不少。咖央多士：薄身多士烘至香脆可口，夾住鹹味牛油和香甜咖央醬，有驚喜，今餐至愛。檸檬薏米水：少少檸檬酸，少甜，薏米煙煙韌韌，健康又解膩。羅漢果水：天然甜味，而且飲後回甘，清熱潤肺，健康飲品。兩草 (尖沙咀)尖沙咀棉登徑7號地舖…Read More

約左朋友仔係尖沙咀塭朋友之前食過Dinner先尖東站出左行@3min 就到係一間主打馬來西亞菜叫左個香煎脆蛋肉餅飯$42肉餅食到尾有d鹹 煎脆蛋加埋肉餅同飯食都唔錯…Read More

喺尖沙咀唔起眼嘅巷仔入面，有間咁好食咁高質嘅小店，而我居然先第一次食！佢啲野食真係好好食又抵，高質到值得開到全港都有分店！佢鋪面唔大，係好懷舊嘅港式裝修，連「九龍皇帝」嘅塗鴉設計都有，啲碗碟、匙羹都係舊香港style，佢除咗有港式野食，都有經典嘅馬來西亞野，例如肉骨茶、咖央多士，我地就叫咗肉餅飯，各位唔誇張，我封佢為全香港食過最好食嘅煎肉餅，煎得好香口，蛋金黃有脆邊，仲要係流心，一吉蛋汁就流出嚟，配埋啲淋咗豉油嘅飯，加一舊肉餅，呢種感覺就係幸福喇！肉骨茶湯好濃郁，勁種胡椒味，好好飲，佢唔係有勁多料果種，始終呢個價錢，仲有幾舊豬骨，性價比算係咁，不過略嫌豬骨煮得唔夠腍，估佢唔到兜油菜都好好食，明明只係一兜普通嘅菜，可能係個豉油好食，煮得好爽脆鮮甜，檸檬薏米水都足料，好多薏米，成餐非常滿足，非常非常推薦！💰價錢參考：- 香煎脆邊蛋肉餅飯 $42- 胡椒肉骨茶 $38- 油菜 $18- 檸檬薏米水 $25…Read More

兩草帶嚟平又正嘅滋味~主打馬來風情加 香港懷舊食物，嘢食平均都係三四十蚊就有~嚟到一定係要點佢哋嘅招牌香煎脆邊蛋肉餅飯~肉餅煎得香噴噴，但最整係個燶邊蛋🍳一定要篤穿個蛋黃再混埋加入豬油同特製豉油嘅飯粒~一個鐵匙羹兜搵放入口，爽！（怕肥嘅仲可以走油，貼心）另一款特色名物肉骨茶小籠包~湯底係偏重胡椒味，小籠包皮唔算薄但夠多肉。呢個組合都幾新奇蛋炒豬腸粉 - 夠平夠細兜，啱晒想試多幾款小食嘅朋友~醬汁豐富又係可以多葱，啱曬葱友咖央多士 勁薄脆多士加爆餡甜蜜咖央醬，呢款醬口味偏甜有微微椰香（不過就無乜斑蘭味~）🥥 配埋檸檬薏米水冰涼消暑解渴…Read More

今日去咗尖沙咀棉登徑嘅兩草食飯，想搵返啲懷舊風味！ 😌 呢間餐廳嘅裝修好有特色，令人諗起以前嘅冰室！ 🤩 食嘢之前，先嚟回憶殺！ 📸📍 地址：尖沙咀棉登徑7號地舖🍳 香煎脆蛋肉餅飯肉餅夠經典！ 🇭🇰 佢哋嘅肉餅煎得好香，蛋又夠晒脆！ 配埋白飯一齊食，美味！ 🤤 🍜 豬油叉燒撈麵一上枱就豬油香味撲鼻！ 👃 個調味少少咸，但係夾埋 D 豬油食就啱啱好！ 👍🥚 蛋炒豬腸粉呢個配搭都幾特別！ 🤔 腸粉同蛋原來都幾夾，有蛋香之餘，腸粉有少少燶邊，食落更加香口！ 😋🍗 招牌雞翼招牌雞翼，炸得啱啱好，好脆！ 🤤 小食嚟講都幾惹味！ 🍻🥤 羅漢果水最後叫咗羅漢果水，因為偏重味，所以叫咗嚟解渴！ 😌 睇佢哋水吧，似係佢哋自家製嘅，滿滿嘅誠意！ 💖 飲完好舒服！ 😌兩草呢間餐廳嘅嘢食都幾有特色，價錢合理，值得一試！ 🌟 如果你想搵返啲懷舊風味，不妨嚟呢度試吓！ …Read More

兩草隱藏於K-11背後的懷舊小店餐廳以香港懷舊風作裝潢 進店見到好多傳統紅色「雞蛋燈」，好多外地遊客到訪一試馬來西亞食物。望一望餐牌發現食物定價好划算，而且無加一收費! 絕對是旅遊區的寶藏餐廳♡︎ᴥ︎小籠包胡椒湯每碗胡椒湯有四粒小籠包，連帶一啖湯、咬一口小籠包，湯微微帶點辣且香濃，而小籠包肉質香口惹味，皮薄餡多汁，配搭幾特別，湯底完全不會搶了肉餡的味道。ᴥ︎ 咖央多士一份有四片細細輕薄的小多士，裏面嘅餡料幾重咖央味，口味甜而不膩，岩曬胃口細細既我地 ♡︎(留肚食其他餐點呢~)ᴥ︎香煎脆邊蛋肉餅飯每份都有一塊大肉餅、煎蛋鋪上載滿豉油白飯既碗上 賣相已經好吸引煎香既「脆邊」蛋、蛋漿的滑順口感，搭配上甜豉油的香味、蔥花、已經很豐富，配飯一流肉餅肥瘦適中 煎得好香口 希望減低罪惡感既我地選擇左走豬油~相信豬油撈飯惹味指數會更加提升ᴥ︎ 香茅雞扒飯(走豬油多蔥)雞扒飯比較少人order，畢竟佢唔係招牌菜式 身為雞扒控不得不試試雞扒好厚肉大大塊，咬落唔會話成口油 ，一樣出色蔥花一點也不吝嗇，大量蔥花增添整體香氣 好掂!ᴥ︎ 蛋炒豬腸粉豬腸粉撈埋豉油同蛋一齊炒，炒出嚟有鑊氣超香口感彈牙 鹹香適中完全不膩! 🥢ᴥ︎油菜(走豬油)菜品是必須的心爽口簡單配豉油已經OK! ᴥ︎梳打水ᴥ︎白桃烏龍冷泡茶最後結帳$239 我地食到好滿足(⁎⁍̴̛ᴗ⁍̴̛⁎)/依個價錢係香港一餐食到咁多菜品實在難得下次想回訪再試肉骨茶♥︎…Read More

Bookmark左呢間大坑名店好耐，終於有機會去試。兩草係北角，旺角同尖沙咀都有分店，今次幫襯既係尖沙咀分店。舖仔細細，座位不多，可能都算係半間快餐店，大家快食快走，中午黎食都唔需要點等位。不過炎炎夏日，冷氣略嫌有點不足，特別坐門口位就會熱少少。《$42 香煎脆邊蛋肉餅飯》 ⭐️⭐️⭐️⭐️好完美的太陽蛋，流心，脆邊，蛋黃一督就穿，因為飯量不多，蛋汁同豉油可以完美地包裹住每一粒飯，無論味道同色水都冇得輸。肉餅好腍，好厚，但略嫌煎得唔夠香脆，而家食落既口感介乎於煎同蒸之間，有少少尷尬，但都無傷大雅。《$40 小龍包胡椒湯》⭐️⭐️⭐️⭐️⭐️落枱已經聞到好香，個湯一落肚，成個人熱血沸騰，這就是胡椒湯的力量嗎？胡椒香而不辣，小龍包皮薄，湯水足，一咬落去爆哂汁，相當有誠意。其實呢間小店每款食物既份量都唔多，定價都唔高，所以就算係一個人黎，都可以試到幾款食物，唔會話食個飯就飽左。三五知己更加唔洗講，share幾款小食一齊食都好開心。人均消費：$100環境：7/10食物：8.5/10服務：8/10性價比：8.5/10整體：8/10 #香港 #美食 #香港美食 #foodie #食評 #尖沙咀美食 #旺角美食 #北角美食 #馬來西亞菜 #兩草 #性價比之選 #港式#旺角 #尖沙咀 #小龍包 #胡椒湯 #小龍包胡椒湯 #肉餅飯 #太陽蛋 #脆邊蛋肉餅飯…Read More

呢間隱世喺小店，裝修走懷舊大牌檔風格，紅牌鐵皮牆夠晒地道。價錢貼地，人均$70左右已經食到飽，難怪成為街坊飯堂！🍚 香煎脆邊蛋肉餅飯 ($42)招牌必試！將脆邊蛋、蛋黃汁、香蔥、豬油同豉油撈勻白飯，邪惡但滋味無窮。肉餅雖然細件但夠香口，每枱都有支豉油俾你自行調味。🍞 咖央多士 ($25)烘得金黃香脆，咖央醬椰香十足，夾住冰凍牛油，甜中帶鹹，作為甜品一流。🍗 招牌炸雞翼 ($27/4隻)即叫即炸，外皮香脆，內裡肉質嫩滑，熱辣辣食最正！🥬 油菜 ($18)菜心新鮮爽脆，可以選擇走油或走豉油，怕肥嘅朋友都啱食。…Read More

兩草地址：尖沙咀棉登徑7號地舖今次試咗間街知巷聞嘅老字號，價錢親民到笑但質素絕不馬虎～ 叉燒豬油撈麵 🍝$55 一上枱就比陣豬油香攻陷👃🏻 麵條夠爽身，每條都掛滿金黃豬油，閃令令好誘人✨ 叉燒肥瘦適中，蜜汁香甜🤣正香煎脆邊蛋肉餅飯 🍛$42 即叫即煎誠意十足！太陽蛋邊煎到脆卜卜🍳 一篤穿蛋黃流出嚟撈飯真係冇得輸～肉餅手打feel好明顯，仲食到粒粒豬肉口感！甜豉油係靈魂，撈飯可以食多碗😋 正咖央多士🥪 $25 邪惡程度爆燈💥 多士外脆內軟，夾住冰凍牛油同超厚咖央醬，一啖咬落去冰火口感正到痺🥰！正招牌炸雞翼🍗 $27 熱辣辣即炸上枱♨️ 外皮脆到似食緊薯片，咬落咔哧聲超滿足！醃得夠入味，連骨頭都索滿味道，食多隻先夠喉～ 油菜🥬 $18 簡簡單單但好重要！菜心嫩綠冇渣，淋上豉油剛好可以平衡返成餐嘅油膩感🌱 梳打水🍹 $24 夠氣又夠凍❄️ 食完濃味嘢飲一啖即刻清爽晒～ …Read More

早幾日喺K11行完街走出嚟搵嘢食，行行吓見到呢間都有唔少人排隊，就入去試吓～鮮蝦胡椒湯米 我見有啲特別就叫咗呢一碗湯米粉，佢個湯底有胡椒，食落幾刺激又暖胃，蝦有好多隻而且好新鮮，米粉吸曬d湯汁精華，唔錯唔錯招牌炸雞翼 呢個炸雞翼我超級推介！佢炸得啱啱好，外皮顏色靚而且好脆口，食落去肉質都幾嫩滑，而且調味唔會太鹹。百香果烏龍茶 呢杯茶係百香果加冷泡烏龍茶，有埋個茶包喺度。個茶底幾清香，加埋百香果酸酸甜甜咁，飲落好清新…Read More

呢個香煎脆邊蛋肉餅飯真係好正！肉餅煎到金黃脆口，咬落去啖啖肉汁，完全冇失望。仲有隻流心蛋，蛋黃一戳就流出，搭配埋熱辣辣白飯，一流！上面加咗啲新鮮蔥花，唔單止靚，口感都更加豐富。米飯粒粒分明，吸晒肉餅同蛋嘅味道，食到每一口都好滿足。至於檸檬薏米水，清爽得嚟又解膩。檸檬味道正好，薏米口感又特別，飲完之後感覺好舒服。#兩草 #香港美食推介 #香港美食日記 #香港 #hkfood #hkfoodie #hkfoodstagram #hkfoodlover #hkfoodblogger #foodblogger #foodporn #foodstagram #igfood #igfoodies #foodie #hongkong #養生 #藥膳 #薬膳食 #happiness #hk #hkgirl #番工狠鮮Fu系列 #saludlivingstyle #養生殿堂…Read More