兩三碗車仔麵 (已搬遷) 新店位置

自從疫情之後，已經好耐冇食過車仔麵。最近上網見到話兩三碗係慈雲山最出名嘅車仔麵搞到我心郁郁想試，我見佢做開到深夜12:30，一於食佢來做宵夜。上網見到篇報道老闆話佢地嘅辣汁同其他出名嘅車仔麵有得比，篇報道仲有介紹呢度出名食村大部份自己烹調，豬頸肉最多人叫。所以我就叫咗豬頸肉同埋小辣（第一次食唔敢叫太辣），$42宵夜來講唔算太貴，而且份量非常多。佢嘅辣汁我覺得唔錯不過未至於非常出色。豬頸肉食得出香茅味，佢啲邊位脆脆地嘅最好味，老闆不蓋為串燒店起家蘿蔔麻麻哋，可能時間唔啱有啲渣我女朋友叫咗個春卷，同普通春卷唔一樣係好大條好扁，我覺得幾特別。我試咗佢一啖牛腩汁好重藥材味好足料，但係我覺得藥材味有啲over左揸車半夜去到其實可以喺條街度Double parking，快快趣拎食物就可以離開。有三種方法可以預先order,分別係熊貓, OpenRice 同打電話，極力不推薦熊貓, 因為價錢mark up左20%. OpenRice order 價錢同真實menu 價錢差唔多一樣，但係唔知點解佢OpenRice 外賣自取服務有時係Offline, order唔到。所以最實際拉打電話去order。仲有

今次我叫咗滷水豬腸、蘿蔔、豬頸肉、咖哩豬皮、韮菜同麻辣雞腎，麵底要粉絲，飲凍奶茶。粉絲、豬腸同雞腎係出色嘅！但豬皮同豬頸肉就比較普通。蘿蔔都淋但好多渣。但個奶茶真係好難飲，酸嘅🤮飲咗兩啖頂唔順掉咗，嘥咗我9蚊☹️

叫左個三餸麵（$36），揀左油麵、多蔥、少辣汁。而餸就揀左芝士粟米餃、五香牛筋、咖喱豬皮。外賣要加$1，所以變成 $37揀油麵，因為麵條夠粗易飽肚。🙈叫左多蔥都OK有蔥。要左少辣汁，反而吾覺有食到個湯有辣味。🧐芝士粟米餃有2件，我覺得一般般！一夾就散，入口吾覺有芝士味。粟米並吾係融入豬肉入面，而係食落覺得似兩樣分開既口感，豬肉都比較散。不過粟米同豬肉都新鮮，無up味既。🧐同埋有可能我攞到番屋企放左陣，D湯浸住浸住，浸到個粟米餃易散。🙈牛筋有4嚿，幾有牛味，但就腍得濟，一夾好易散。🧐有可能我攞到番屋企放左陣，D湯浸住浸住，浸到個牛筋浸到軟鬼左。🤣不過係幾易入口，非常之嫩滑。👍🏻其實我覺得牛筋最緊要夠大嚿之餘，吾好太腍或者太韌，而佢呢個size 就啱啱好！咖喱豬皮都有4嚿，係最有驚喜既！豬皮有豬皮味，非常煙韌有咬口。而且食到咖喱汁個香同辣味，但咖喱味又吾會太辣。我係專登個湯底吾揀咖喱，都食到個咖喱豬皮個咖喱味。店員態度正常，有基本禮貌。同埋個外賣牌幾得意，一開始吾覺上面有個英文字母「T」。直到店員叫「Q」牌既人攞外賣😂

慈雲山呢間有名嘅車仔麵😱果真名不虛全🏆
真有驚喜喎🥰----------------------講墨魚卷，佢係用舊式茶樓個炸春卷皮嚟包著 d 墨魚滑炸❤️好有誠意❕
出到嚟熱辣辣卜卜脆脆卜卜，好新鮮好有驚喜🤩然後，🐽佢招牌嘅豬頸肉話明係招牌🐒邊有得輸呀❓厚切嘅，勁有口感🤤🥳醃得入味炸完又香口💞💞 仲有個必食招牌豬扒，依個個真係抵食都痴線！原塊比你，又揼鬆左大大塊，軟林林😍香茅醃過，佢先加$2 🙄 抵到呢......-----------------------🚩不過溫馨提示唔好夜個晚飯時間去，如果唔係好多必食item好似炸紅腸炸滷水豬腸炸魷魚鬚就會賣晒冇得食💵💰💸正常車仔麵加$40至$50大家值得去啊👆🏻🤗🏁差 d 漏講～辣醬好好味👍🌶🌶少少就足夠成碗辣度又唔會好嗆喉！佢仲要有一兜辣菜脯擺喺枱面任食任添❤️😍不得了

慈雲山街邊小店一間對住條馬路，環境可以叫做污糟店內零裝修，一定唔會坐得舒服。冷氣都無，包你食到成身汗服務水平茶餐廳以下兩個丫姐零服務可言重點是食物收費十分高3個餸的車仔麵收43蚊無食飲跟。簡單啲講就係一碗麵加小小野係面就收你43蚊間店重打豬頸肉。重要加價到6蚊先可以食有人投訴佢收費太高。店主夠膽在牆上面寫如果你話豬勁肉太貴，就睇清楚來貨價先。之後貼左兩張貨單係牆。我真係睇到笑左。如果間店都咁做咪得加價加到上天。好心店主檢討一下自己。沒有能力搵平既來貨商係你無料到。被人話係應該架👌🏻？

一直食開文記嘅我知道呢到都有瀨粉食就過黎試一試瀨粉係一般燒鴨瀨個隻 幼身啲文記個種係粗啲 我都喜歡文記個隻多啲聽講墨魚春卷出名 即叫即炸所以有一定期望 上菜一睇一黎浸左係湯 有部分已經淋左 無左脆口感覺二黎好厚春卷皮 墨魚餡好少春卷皮真係酒樓春卷個隻整體感覺食緊一埋厚粉老實講對個春卷失望春卷黎講 (唔計顏色) 南記春卷出色好多 雖然佢味精重 但係軟身春卷皮比起一堆厚粉 會好食好多兩餸麵 另外叫左牛筋牛筋淋 好有膠質 份量正常 不過佢係五香本身有小小辣本身只係食bb 辣嘅朋友 叫左牛筋就唔好再叫少辣汁至於少辣汁 一啲都唔少 我就唔係好受到我開頭以為佢會係辣醬 點知真係汁 辣得濟想畢起啲都唔得咁係我自己理解錯誤左個辣汁 不過少辣就一啲都唔少辣黎講 文記更勝一籌兩餸$30 三餸$36的確人窮L恩物午飯時段人多 要俾啲耐性呢間有做開飯外賣自取同食物熊貓亦有客人自己打電話黎落單外賣堂食都好旺場對面新開左兩三碗餃子希望餃子會做得好啲

去隔離佢個檔食餃，入去叫明明叫羊，比左牛我，其實野食算幾好食，個另外個邊做餃個邊，個麵同湯底差好遠，叫左個醉雞，味道有點鹹，煎餃真唔換比我，要我硬食，仲要面口好差！認真無下次

附近行山，慕名而來，第一次食，星期日五點幾唔使等位車仔麵材料多，湯底夠味，食材和油麵都唔錯幾好味招牌豬頸肉味道唔錯，但略嫌切得太大舊，如果切薄啲會好味啲，也值得一試

特登入慈雲山食街坊都介紹既呢間車仔麵，下午三點左右去到，唔洗排隊可以直接坐低，環境街坊，坐位還算不太逼湯底是牛腩汁湯底，點了豬紅，招牌雞中翼同自家制雲吞湯底幾甜，雞中翼麵相當入味，肉質較實淨唔係好淋身，雲吞好足料另外單點了招牌必食豬頸肉，不過略為失望，顏色好深有點乾身，食落似送啤酒既豬肉乾咁，味道其實ok係質感差少少🤏可能唔單點放埋落湯度浸住再食會比較好？總括而言其實都算好食，不過可能被報道講到期望太高，好食過乜記物記咁😅

因為想到慈雲山街市幫襯香港製造的午餐肉所以就到附近的餐廳食晏，揀呢間因為見到Openrice的食評不錯。食店裝修簡樸，座位不太舒適，如果我住附近一定會選擇買外賣返🏠屋企食。我哋早上11點多到達，唔使等位直接就坐。老公叫咗咖喱豬皮，紅腸，豬頸肉河粉配香辣咖喱汁（碗麵送到黎嘅時候佢話冇晒咖喱汁）。我就叫咗鮑汁魚肚，響鈴卷同蘿蔔銀針粉配少辣汁。我真心忠告各位只可以食少辣嘅朋友唔好叫少辣汁，真係太過超級🌶辣，我之後去左7-11買左盒🥛奶幫條脷同個胃降溫。開心嘅係佢哋嘅麵底有好多種類揀，有我最鍾意嘅銀針粉。鮑汁魚肚有一兩件比較硬，蘿蔔冇渣但唔入味（最愛文記車仔麵既蘿蔔，清甜冇渣），響鈴卷唔脆（我想建議店家既然響鈴卷都係現成買返嚟不如改供應炸魚皮，就唔會有唔夠脆呢個問題），老公話咖喱豬皮都係唔入味，豬頸肉就表現不錯，啖啖肉，唔係扁同乾嘅嗰種。整體感覺 - 車仔麵嘅餸唔夠入味真係致命傷，希望店家可以俾多少少時間煮耐少少。

今日心血來潮想食車仔麵，咁啱三點半都未食lunch，去咗兩三碗食個四餸車仔麵。四餸包括：墨魚春卷，溏心蛋，麻辣雞腎，瑞士雞中翼，配台灣麵，要辣汁多葱，盛惠45蚊。墨魚春卷即炸，呢個每次嚟都點，幾乎必食。溏心蛋第一次食，覺得平平無奇，個心唔太流，專登加9蚊食多個餸，得一隻唔流心既蛋，有啲失望，下次揀第二款餸算。麻辣雞腎份量好多，有一碗仔，但食完有啲口渴，似係有味精。瑞士雞中翼水準keep到，所以我都成日食佢。台灣麵第二次食，口感偏軟，都好味，但嫌份量少咗啲。辣汁其實唔太辣，當普通調味都ok，整體車仔麵都ok。👌

應該好多人都知我係慈雲山返工🤪慈雲山其實都算係個小美食沙漠平時係公司 我都係自己買餸煮比自己同小朋友不過今日可以hea 就買左係慈雲山都幾出名嘅兩三碗車仔麵 (早排睇蘋果先知🥴)睇完個陣都好想即刻食佢招牌嘅豬頸肉今日一試 名不虛傳 真係入味得黎幾香口另外墨魚鬚 好襯個湯底 好爽口彈牙成碗麵材料都好足 性價比高👍🏻大家不妨黎山區一試 $39/3餸順路黎探我都得🤣🤣🤣-裝修環境：/服務態度：/食物質素：✨✨✨✨✨(5個✨為滿分)唔信我嘅可以自己去試試😂

呢間車仔麵每日都有好多學生排隊食，相信無慈雲山既街坊係唔識，除咗價錢平之外（2餸$29蚊，3餸$35），仲要有幾款特獨既餸係值得為左佢上慈雲山食，佢既墨魚炸春卷同招牌豬頸肉都係非常值得一試，佢既炸雞翼都係即叫即炸，炸到脆卜卜熱辣辣，真係蔗渣嘅價錢燒鵝髀嘅質素，餸菜既種類好多，鍾意食車仔麵既你可以去試一試😛，。服務：⭐️⭐️⭐️⭐️價錢：⭐️⭐️⭐️⭐️⭐️食物：⭐️⭐️⭐️⭐️⭐️性價比：⭐️⭐️⭐️⭐️⭐

疫情下 自己煮or外賣返屋企既次數十隻手指都數唔曬🥱依間車仔麵食過好多次 就係無一次食得曬佢d餸🤣🌟招牌豬頸肉+香菇貢丸+蠔油冬菇+瑞士雞中翼+韭菜+河粉+辣汁腩汁兩款招牌豬頸肉必食!🤤秘制整法 類似香茅果d食落香口 油脂均勻 唔會好乾唔夠喉可以嗌豬頸肉淨食🤣不過價錢唔平香菇貢丸正常 瑞士雞中翼麻麻地韭菜多到痴線🤣佔左半碗份量 嗌成碟韭菜總得鳥🤭河粉就唔好嗌喇 碎曬同埋索曬d湯 食餸已經飽!🙈湯底有辣汁就惹味d🌟麻辣雞腎+墨魚春捲+豬紅+蘿蔔+肥牛片+粉絲+辣汁腩汁兩款想試下水煮feel 就可以嗌下d水煮feel既菜😂麻辣雞腎 肥牛都唔錯 蘿蔔同豬紅就麻麻地 唔夠入味墨魚春捲我就覺得唔好味 好油同無咩味屋企人就覺得ok🤦🏻‍♀️粉絲無河粉咁索水 所以正常如果有嗌麻辣系列既餸 又唔係好食得辣 記得唔好簡辣汁🤣⚠️ 依間車仔麵汁底都ok 食餸多過食麵😆好抵食⚠️記得睇下店內白板 有咩餸無 先好order⚠️兩個人食左百幾蚊 疫情下外賣返去就更好😉

因疫情關係慈雲山人流真的越來越小，想食點野都要搵下，今日搵回這間兩三碗車仔麵嚐嚐。店中有自家制生餃子，一打12隻$48 都相當抵食。車仔麵店有車仔麵食外，他們都可以三餸跟飯，非常多元化，多選擇。疫情影響真是不淺，平常都好小聽到車仔麵會有外賣服務，現滿$70便可作外送服務，餐飲業真的艱難了。豬頸肉 / 牛根 / 鱿魚鬚米線豬頸肉份量頗多，而且肉質彈牙煙韌。牛根軟腍，香軟透味，膠質甚濃。鱿魚鬚味道惹味，而且好爽口。本人一向都支持小店，雖然這幾天晚上沒有堂食服務，但都阻唔到我食你們 - 兩三碗車仔麵的決心。