全記小店

營業中

休息中

上次一家人到西貢， 想在戶外走走，吸下新鮮空氣～西貢旁邊有很多家餐廳， 我們找了這間餐廳吃下午茶。 餐牌非常豐富種類繁多。 由上餐早餐西餐和中餐也有。老公最愛吃乾炒牛河所以我們就是一試這裏的乾炒牛河。 這個乾炒牛河賣相吸引上菜的時候已經搵到一陣香味。 鑊氣十足而且牛肉鮮嫩， 感覺不是太多味精。

同朋友入黎西貢 好地地諗住快快手食個早餐就玩水大家叫左四個早餐 07分落單1 漢堡扒 沙嗲牛面2漢堡扒 炒蛋面3，4兩個炒蛋 沙嗲牛面第一個餐3分鐘到左3，4 分鐘到左但結果個2等左20分鐘都未到但1係漢堡扒 3，4係炒蛋 兩樣都出晒2竟然出唔到？然後我地追單 完全hea我地有嫁啦～等下啦～～～你係咪追過？ 我岩岩出黎嫁咋 你問番佢地啦：）落左單嫁啦應該：）最後等到35分先有 漢堡扒要煎咁耐出黎@@然後塊扒勁咸 同1果塊完全唔同 唔知係咪加料😓

星期日諗住入西貢行下食個下午茶，叫咗個芝士火腿牛角包，要成40蚊但hea 到爆！俾少少誠意啦唔該，個牛角包熱都唔熱下，凍嘅 烘下都好啦大佬！塊火腿同塊芝士都仲係凍嘅！離曬譜！叫咗杯紅豆奶茶仲要唔跟餐收正價！即係40蚊食舊又凍又難食芝士火腿又薄切切嘅牛角包！正垃圾！男朋友叫咗個花生醬西多士，落單落咗半個鐘都味黎途中催咗個姐姐一次，到最後牛角包都食完飲品又飲完都味黎！搵個西裝男職員催催佢 先見到廚房先攞塊包出黎查花生醬！！即係個個姐姐完全冇幫我地跟進過！以後唔會再黎呢到食！！

呢間嘢之前D清湯牛腩麵個湯底都唔知係雲吞湯底定係通粉湯底，令人不感興趣。最近我每星期都來食一碗，我叫呢碗係牛坑腩湯河，會有少少白蘿蔔放在湯裏，湯味濃郁，有牛味，牛腩唔硬而且帶少許肥，比起開面D雲吞麵檔仲好食，I like it自從今年呢間餐廳番新裝修後，無論係環景舒適度和衛生都做得很好，讚！

草根入親西貢行山🌳，總會去呢間茶餐廳食嘢，食物味道正正常常咁啦🌚，主要貪佢夠方便🍴。💁🏻‍♀️既然食過咁多次，就同大家講下佢個辣到噴哂火嘅咖喱牛腩撈👀，點樣食到草根姐姐發脾氣😂🥵！.📍咖喱牛坑腩撈公仔麵（$44）Instant Noodles Mixed Curry Beef Brisket牛坑腩5-6嚿，牛味都幾濃郁，肥瘦均勻。可惜咖喱味道太辣🍛，係一般人都覺得係大辣嘅程度👉🏻👈🏻，其實草根姐妹真係食唔到啲咩味😤，因為辣到痛感太於一切🥵😢，使唔使咁辣啊！辣到噴火啦🔥🤯！如果你自問自己一向食開大辣都可以去挑戰下，不過如果你好似草根咁只可以食BB辣就唔好亂做傻事啦！.📍重量級三文治（$38）Super Sandwich 一個平平無奇嘅公司三文治🥪，份量絕對唔係餐牌所講嘅重量級😂，有蛋🍳、火腿🍖、芝士🧀、番茄🍅同千島醬，配料一般，講唔上你豐富👉🏻👈🏻，味道正正常常。.📍冬陰公海鮮湯河（$44）Seafood and Noodles with Tom Yum Soup老實講賣相唔吸引，要俾啲心機執執佢，海鮮有蝦🦐、魷魚🦑、魚肉🐟等等，個冬陰公湯底唔夠酸唔夠辣🥣，缺少咗開胃醒神嘅精髓😤，不過味道

街坊、遊客酒樓風味茶餐廳重點係檸檬茶茶底不錯下午茶、晚餐必要，下午餐我會簡酸辣肥牛米線好過去譚仔食西貢區黎講，酸辣湯底吾錯，而且份量正常，至少無肥牛過少晚餐食過好多次，雞煲同路邊雞必試，沙嗲肥牛煲夠惹味份量正常、薑蔥蒸紅魚肉質好，鼓油吾會過咸，蒸排骨有酒樓小菜風味晚市小菜加錢跟餐有例湯，例湯無偏咸，至少吾會味精過多例湯有湯渣環境比一般茶餐廳坐得舒服，吾會坐到好迫，重點客人用餐後抹檯清潔夠乾淨用餐都開謂好多

Local Cantonese food on the harbour front, further away from the main drag so its a little quieter and chill. The food is just as delicious and tasty and well worth it. Deep fried squid always a good bet, all other dishes were fine. Local style so dont expect any frills. As its a seafood place always ask for prices of the dishes and be sure to bring your own tissues.

呢間餐廳都算唔錯，價格係呢區算一般。， 呢次我就嚟呢度食下午茶，呢間餐廳既下午茶套餐，分量唔算好多，性價比都ok既。如果做完運動或者係男士們就可能未必夠。以呢個價錢，喺西貢區來講都算係咁。 咖喱牛腩撈丁（$38）：味道幾好👍👍咖喱味幾香又唔會太辣。牛腩都好林、好好食。下午茶餐附送熱飲，如果要凍飲就加$3。 餐飲方面，我就叫咗茶走，水準不過不失，冇咩值得提及。 服務方面，侍應服務良好，可訂位，但係食物上枱嘅速度都快。 環境方面，整體來講算唔錯環境算清靜。 總體來講，係一間唔錯既餐廳。 以下係食物嘅相片同埋店內嘅環境

之前桃桃嘅朋友介紹如果去西貢食下午茶就要試下呢間全記小店｡ 嗰日難得同父母去到西貢行山, 返到西貢市中心正好係下午茶時間, 就帶埋父母去試下呢間鋪頭｡ 為咗試下唔同既款式, 我地就叫左三個唔同既下午茶餐share｡星洲喇沙海鮮湯米粉（＄42）呢個係桃桃個朋友推薦嘅款式, 果然好好食, 喇沙夠味, 而海鮮都好新鮮｡ 有蝦, 青口, 魚蛋, 連最大機會有雪味嘅魚塊都係鮮味嘅, 好明顯係新鮮貨｡ 好味到桃桃都無見過d魚塊就俾人食晒｡冬陰功海鮮湯河（＄42）材料同上面個喇沙一樣, 不過個湯底唔同｡ 怕辣的桃桃本身唔太敢叫, 但媽媽堅持要叫｡ 估唔到比喇沙更好食, 少少辣釣起成碗湯河｡鹹牛肉蛋潛艇 （＄41）媽媽評價呢個最唔抵, 雖然份量唔細, 但無突出之處｡因為太肚餓竟然唔記得左影食物, 唯有影返餐牌補數啦｡

今日黎到西貢郊遊，可惜遇上大風大雨，係碼頭釣魚釣左幾個鐘，見到天氣漸有好轉，於是就想揾間餐廳醫下肚。行左一陣就見到呢間全記小店，大大個下午茶牌放出黎下午茶選擇還可以，價錢吾算抵食，不過吾想再周圍行，天氣又麻麻，所以就決定呢間喇我叫左重量級三文治同朋友share, 因為吾算太肚餓。不過上到枱，三文治吾算真係好重量級，只係普通份量，不過都算係新鮮熱辣，但要$40價錢略貴朋友叫左呢個咖哩牛坑腩撈出前一丁，就咁睇落去賣相一般，好似得d汁無料咁，不過原來d料係晒底下。但朋友食完話質素都係一般，一丁面煮得過淋。呢餐下雨天既下午茶只係一般般，下次會再尋找其他更好既選擇

早兩日天朗氣清去了西貢郊遊，周圍很多人餐廳都迫爆，行過全記小食，竟然有位，一於試試下午茶套餐 ：1. 四寶紫菜湯河，丸類中規中矩，河粉很軟硬得來嚟夠滑，還有我最喜歡的夠多䓤和冬菜！2. 特色常餐，沙嗲牛肉公仔麵，麵質太淋，腸仔奄列，蛋皮略嫌太薄 ！總括來講$40～$50，ok啦，身形較高大的朋友，記得坐樓上，座位較寬闊 !😄

早餐叫左碗餐蛋一丁麵，個麵都未熟，硬到食柴咁，湯又唔夠熱，炒蛋好似發泡膠一樣，hea到暈！ 餐肉應該煎定左兩年，唔知以為係蒸餐肉!! 基本早餐都煮唔好，全無誠意，味如嚼蠟，永久 black list!!

今日去茶餐廳食下午茶，叫左雞脾沙律，凍鮮奶。食物如圖。呢間餐廳開業多年，開張時食物味道不夠專業，已經很多年没有幫襯。最近無聊食下午茶，味道偏淡，不錯。就是沒有再裝修。

朋友相約去西貢走走，呼吸新鮮空氣。走累了，想食下午茶，誰知遲了2分鐘，吃不成。點了椒鹽魷魚和亁炒牛河。椒鹽魷魚還可以，炸得似黃金。味道香，外層脆。牛河的肉就偏亁，河粉味道一般。

周日與家人來到西貢逛逛，來一個寫意休閒的一天遊，隨意走進了這間「全記小店」。邪惡的梅菜扣肉，腩肉肥瘦分佈平均，入味軟腍，底下墊有2-3棵菜心。餸汁蠻惹味香口的，加上梅菜，佐飯一流。白飯也煮得挺不錯，粒粒分明。「全記小店」的小菜味道挺好的，起初筆者本著身處遊客區，對餐廳不抱任何期待。第二道小菜是蒸排骨：排骨肉質腍身，上面舖著蝦乾梅菜，也許是成本問題，蝦乾只有三數隻。但惹味程度還是前者——梅菜扣肉為佳。價錢最貴卻是最令人失望的，首先意粉已毫無賣相可言，白烚好的一堆意粉以及淋上了茄汁的所謂海鮮。海鮮有青口、鮮蝦、魷魚跟魚柳；鮮味欠奉，魚柳非常粉，感覺劣質。意粉煮得太腍，沒有煙韌口感，若沒有茄汁，應該會是淡而無味。但茄汁亦未見令人感滿意，質感偏稀也無蕃茄香，相信也是次等貨。無論茶味又或是奶味都很淡，絕對不會是上品的一杯奶茶，但求解渴罷了。