先滋先覺 (已結業)

The food is great! All the roast pork, chicken are all prepared very nicely and fresh. I like the healthy rice, in particular!!Best roast pork shop along the street!!

總共去過呢度3次,其中兩次都係order 左芝麻雞絲福建麵, 皆因頗欣賞呢個麵, 雞胸肉配芝麻醬, 惹味芝麻醬令味淡淡雞胸肉不會過寡, 配搭恰到好處. 最欣賞佢福建麵, 彈牙有咬勁..... 麵同芝麻醬分開上,客人能隨自己的喜好加芝麻醬入麵中, 附上芝麻醬分量亦十分足夠, 唔似大部分舖頭般吝嗇老闆娘又nice又有禮貌, 其他店員都ok..... 記得第一次食福建麵時候, 由於第一次食, 我同我朋友都唔肯定d芝麻醬係用點雞定加落麵入面, 老闆娘就好希禮貌同耐性咁教我地.... 我朋友叫左燒併燒鵝配滋味飯, 燒同燒鵝都好得...最鐘意厚切燒, 燒鵝亦唔會黏住一大舊肥羔.... 好欣賞有滋味飯提供創意, 略嫌白飯太多, 粟米同紅米太少..... 價錢方面, 燒味雙併都算抵, $25, 去檀島食個雙併都要差不多$40啦......

今日黎到中環想食蘭芳園早餐, 點知未入門口已經見倒煙霧離蔓, 於是唯有走人。行過d見倒隔離有間新開的食肆, 唸住試下。開頭見佢一個客都無, 都有d猶疑, 不過見佢好似幾乾淨, 所以終於都坐低。一見佢個menu就有第一個驚喜, 所有早餐只o係$10蚊, 仲有多款選擇(唔想食一般的火腿蛋通gum悶…), 但安全起見, 叫左個芝士粟米烘飛碟, 唔知d o野得唔得…. 一黎到, 見到個金黃色賣相, 就好開心, 即刻咬佢一啖, 哇! d芝士熱辣辣溶出黎, 好味道! 呢個o係驚喜二. 再黎一杯熱咖啡,原來係原豆即磨, 果然同平時大排檔飲o幾唔同, 呢個o係驚喜三. 睇唔出一間外表普通的燒味茶餐廳, 原來內裡都幾有心思.埋單15蚊，抵!下次黎試下佢d下午茶先! 已經瞄倒佢地有d另類的紙米卷同油豆付粉絲…

突然好想食燒味飯聽聞呢間係自製燒味而且味道不錯今日黎左食午飯叫左個叉燒燒鵝滋味飯燒鵝俾左脾位觀感上已經加分而且叉燒同燒鵝都幾瘦唔會話一口都係肥膏燒鵝皮都幾脆身鵝肉點左甜酸汁幾好味反而叉燒有ｄ失望蜜味不足而且有少少un滋味飯即係白米加紅米加粟米粟米應該係新鮮貨幾清甜加埋紅米o係白米度增加左口感但個人認為紅米同粟米份量加多d會更好醬汁味道反而唔錯唔會好似平時燒味店o個d咁一味死鹹堂食送例湯不過味道一般而且似乎落左少少味精跟餐加5蚊有凍檸茶不過個茶唔得太濃好苦

叫左個蜜汁叉燒拼鼓油雞滋味米(紅米+栗米).首先, d叉燒好好味, 唔會太肥, 瘦既又唔會"un";d雞都好滑;最好吁我覺得你d飯, 雖然d紅米少得可憐, 但d飯好乾身, d汁又好好味.同理間野都幾clean ~

上兩個星期六在中環辦點事前，在這區醫下個肚先，想去的食店總是找不到，這是冇mark定個地址後果，在誤打誤撞的情況下黎到這裡，睇下有乜好食先。餐牌冇麵食，而自己對湯米粉一向都冇乜好感，除了在茶樓上，我也是第一次食飯，而且只有燒肉飯，不妨一試。皮脆到幾乎係硬的，正好俾的牙做下晨操，肥的部份有點爽爽地，肥與瘦各佔一半，飯裡面的汁多到可以倒出來，食落去時咁乾。我個人好怪，無論食乜野燒味，都要有薑伴著。加埋杯凍啡廿蚊有找，一日之計的開始。

這是小弟第一篇的食評~來到中環工作只有三個月, 試過的食肆不多今天是第二次光臨「先滋先覺」第一次去的時候印象不錯, 起碼比起對面的龍記環境好得多今次去到同樣是很多人, 還好仍有位子叫了切雞拼燒鵝滋味飯, 幸運地雞和鵝都是脾位, 幾滑我不怕肥膩, 雞皮鵝皮都吃下, 味道不錯滋味飯也幾好, 但我比較喜歡白飯加豉油湯比較淡, 但好像無乜味精, 比較健康整體來說值4分, 如果店舖可以寬敞一點就好了, 價錢方面亦算合理, 25蚊雙拼飯+ 例湯, 難怪這麼多人光顧下次再來的時候會試一試這店的麵質素如何了

星期一的早上，想吃點不同的食物。行過結志街，見這裡原來都有得供應早餐，就姑且又來試下。甫進店，阿姐問「食燒臘飯請埋邊坐。」晨咁早食燒臘飯，唔係卦？除左燒臘飯，亦有幾款如叉燒包、燒鴨撈米粉等。不想吃隔夜叉燒，就要了個溏心蛋米粉，記憶所及，朝早食溏心蛋，還是第一次。如Olivian所言，呢度係間新派燒臘舖，裝修得不錯，又有LCD電視睇。舖後又自置工場燒製燒味，而之前買過燒腩亦好對辦。在見到隻溏心蛋前，都拉扯了一輪整起定未整起的問題，更一度改了叉燒米，好在最後也吃得到溏心蛋。溏心蛋連淡醬油另上，蛋是雞蛋，蛋黃真的是幾溏心的，及格。先吃半隻蛋，不沾醬油是很淡，不過吃了溏心，人也開心一點的；碗湯米粉幾大碗，湯底油多，但無咩味，加埋湯米，是成碗都無味。可能太早，檯上也沒有醬油及辣油等佐料，所以吃了幾啖也沒有興趣再吃。杯熱咖啡不過不失，在燒臘舖飲到這個水準已算交足功課。埋單16蚊，都算經濟抵食。轉營是痛苦及冒險的，有自家製的燒臘作後盾，希望這裡能成功吧！

又係睇到報紙介紹所以o黎試下，lunch time勁多人等位，主打係燒味，唔係傳統的燒味舖一定配白飯或粉麵，可以配滋味飯(紅米粟米飯)、福建麵、鴛鴦米任君選擇。我第一個舉手要叉燒滋味飯，之後同事再叫芝麻雞撈福建麵、油雞撈鴛鴦米(粉絲加米粉)同一碟燒腩燒鵝雙併，D份量唔細，好彩係大家share食。每人先送個例湯-紅蘿蔔菜乾湯，料十足，飲唔出有味精味，不過勁多油。叉燒好好食，大家都認為好過利苑tim，滋味飯是白飯較多，紅米同粟米好似係點綴形式。芝麻雞撈福建麵撈左d麻醬好香，雞絲已去晒皮，而福建麵外形似油麵，但較為彈牙好食。油雞撈鴛鴦米，油雞夠嫩滑有雞味，可能我o地食雞上脾的關係，汁唔多所以d粉絲同米粉都幾乾。另外雙併的燒腩，大家亦都讚好，皮脆肉嫩，皮與肉中間帶有少少肥同軟骨，怕肥的我都忍唔住食多幾舊。每人都叫左杯野飲，埋單都係$125，勁抵。大家都話值得翻炒。

今日係我第一次光顧此餐館, 因為之前看過食家"半素人"的食評, 話師傅用黎切野的刀, 黏滿砧(音:針)板屎, 所以當我踏入此餐館時, 都不期然望下師傅把刀, 只可惜睇唔清楚有冇砧板屎.此餐館企理而雅致, 有別於一般食燒味的地方, 值得一讚! 而燒味飯係用碗盛載著, 個人感覺上比用碟衛生.我叫左一碟燒腩飯, 只是侍應心不在焉說燒腩即係等於燒肉! 我唔信, 於是之後我問第二個侍應, 果然係有燒腩飯, 而且只須加五蚊(即$30)! 那我當然要燒腩飯啦!燒腩沒有怪味, 相信沒有砧板屎吧! 而且皮很脆, 味道也不錯, 雖然未至於頂呱呱, 但也令人滿意.再加杯凍奶茶, 只須$5, 合共$35, 價錢都尚算合理.

早兩日來食叫了碟燒肉飯，此處的燒味真係幾好食。燒肉皮脆，本是很滿足的一餐。可惜食到last兩舊燒肉時，覺得D味怪怪地，有D似雞潤味。當其時無為意，傻傻下照食落肚。食完行返出舖面見到切緊燒味個師博把寶刀黏滿針板屎，我才彷然大悟兼作嘔作悶!!經此一役，相信我都唔敢再來這裡食了!!對我實在太大陰影了!!

年三十下晝，同班同事在辦公室開扒地，靚女同事話想食燒肉，竟然也有不少人和議。識揀燒肉的，方圓幾里都係得我，唯有親自出動。原本去龍記，可能今日做節，條人龍排到去隔離新景記咁滯。見斜對面的呢度有隻燒豬剛燒起，又無人排隊，就過來買。呢度以前係新記，而家換了招牌，出品仍是自家燒製，質數不會差到去那裡。燒肉55蚊斤，燒腩就64蚊，要食當然食最好，要四條燒腩骨。其實一隻燒豬有八、九條肋骨係燒腩部份，最好的就是頭四條骨，肉質肥廋相間，加埋新鮮熱辣的脆皮，真係鵝脾或乳豬都要行埋一邊。這裡的燒肉，肉質潔白，豬肉榮話齋，係新鮮豬肉。返到公司趁熱食，同事個個食過都讚好。110蚊夠三十人吃，都米話唔抵。題外話：如果間舖是自家燒製燒豬的，吃不到好燒肉，只能怪自己唔識揀，不能怨人家。因為正貨就在那幾條骨，吃不吃到要看做化。當然唔好奢望碟叉肉飯有靚燒肉，十幾蚊碟飯會唔會俾六十幾蚊的靚燒肉呢？吃到的當場是沙梨篤啦！