兄弟工房 (已結業)

上個月在石門看見這間新開餐廳，openrice評價不錯，決定晚飯去試試味道如何餐牌上的主菜不包餐飲需另外加$12餐湯+飲品，今晚的餐湯是粟米湯沒有什麼特別所以沒有拍照，飲品選擇了橙茶味道還可以類似檸檬茶的檸檬轉了橙出發前再看看openrice的圖片，看見其中一款主菜羊架頗吸引，所以到達後即時order了羊架和三文魚意大利飯。大約等了三個字後，待應送上羊架，擺盤令我們極失望，一：羊架只有四件和openrice有七件的數目不一樣二：羊架的伴碟只有菜、幾舊薯仔、瓜，沒有openrice相片上的薯蓉三文魚意粉亦很普通，不值$9X最後，食完還要吃宵夜總結份量細，價錢不合理

最近石門開左好多餐廳唔洗再去新城市同人逼同等位啦🤣而且仲好近屋企! 食完返屋企好方便今日同朋友慶祝生日揀左呢間新開既西餐廳! 小食揀左黑松露芝士薯條黑松露另上👍🏻 想沾幾多就幾多熱辣辣好香! 不過凍左就好淋主菜要左個忌廉三文魚意大利飯本身以為三文魚係生點知係混埋一齊! 對於唔食生三文魚既我黎講實在太好😍另外要左個德國豬手皮脆肉嫩😋性價比高! 唔錯唔錯最後叫左個檸檬撻朋友生日🎂 佢地仲可以插左生日牌加埋蠟燭好有氣氛! 岩哂兩個人慶生重點係個撻酸酸地唔會好濟😚呢度既服務員態度都好好👍🏻值得推介!!

石門自從起咗京瑞廣場之後，就多咗好多食肆進駐，所以我就決定逐間逐間試曬佢入到去舖面有6張4人枱，裝修幾靚。可能因為係工商廈區，平日夜晚既人流唔算多，計埋我有3枱客，靜靜地幾適合Girls Talk!仲發現原來佢地係有now既足球直播睇，不過我去個日就冇比賽，所以佢哋都冇開電視投影器。我哋叫咗 芝士薯條、Carbonara spaghetti、豬手，仲加咗12蚊配埋餐湯同餐飲是日餐湯：南瓜湯味道唔錯，唔算太稀，有南瓜味Starter薯條係粗身嘅，食落冇太粉，焗得好香好脆，我自己幾中意佢個黑松露醬到主菜啦個意粉賣相好靚，食落啖啖都有醬汁，唔會淨係得芝士粉，而且都有唔少煙肉。唯一就係份量好似比較少豬手都到咗，啲皮望落去係脆，不過切落去個下有少少失望，唔知係咪煮耐咗，外皮有係淋不過食落去，豬手都真係好入味，仲好易入口，而佢個薯蓉都食得出有落cream，唔錯！只係個皮扣咗分餐飲就試咗橙茶，味道唔錯呀～整體黎講，員工服務態度都好好，有禮貌，反應好快

在石門發現一間新開的西餐廳味道很不錯 全家6大3小都一致大讚好味新店沒什麼人 招呼也很好 價錢不貴 抵食推薦：羊架(好嫩滑、火喉掌握到好好，非常美味）牛扒（煎得好好，有牛味，比想像中大塊，抵食）魚扒（脆脆的皮，肉也嫩，很久沒吃過這樣的魚）黑毛豬（厚厚的一塊，火喉拿得剛剛好）甜品：檸檬撻（意外地好味，大愛）必吃😋😋😋😋😋😋用心製作 質量很好 很少新店有這樣的水準好味的小店🥳🥳🥳 必會再來!在還不需要排隊的時候🤣🤣🤣

又到weekend又係去覓食既時候，石門好多西餐廳都試左，search到呢間好似唔錯咁，就決定去試一試。可能因為location既問題，餐廳冇乜人，未入去果陣都有啲猶豫，有啲驚中伏。但見啲食評話ok就膽粗粗咁入左去試。Lunch set有5-8種(冇影menu唔記得)，+$7配餐湯同野飲。我叫左個蘑菇意粉set，包左南瓜湯同埋一杯餐飲。南瓜湯唔錯，南瓜味好出但又唔係好怪果種。意粉睇落好似好cheese，但其真入面啲配菜中和左個芝士，有露荀，洋蔥，車厘茄。食哂成個意粉都唔會覺得特別「留」。餐飲叫左杯冰茶，平時出面飲冰茶多數要加錢，呢度唔洗。冰茶有濃郁血橙味，正。2個人食加埋$200有找，每人$80左右，而且食物質素唔錯，性價比高。Overall: 高性價比，冇限制用餐時間，service幾好，會再去

難得好友放假，專登入黎石門搵我食飯，即刻上網睇下有咩新餐廳，發現有間新開西餐廳，啱晒鍾意食西餐嘅老友！去到剛好有位，睇下餐牌，同朋友不約而同揀咗燒蕃茄牛脷焗飯，跟餐湯，餐茶點了凍檸茶。傾咗一陣，熱騰騰餐湯就送到，是日餐湯係薯仔湯。薯仔完全打碎，好creamy，好飽肚。飲完湯焗飯就上，店員十分細心，提醒我哋小心碟邊熱，值得一讚！焗飯充滿茄汁及芝士，牛脷無騷味，夠腍，再加上一杯凍檸茶，我同朋友都超級滿足，仲要約定下次再黎食過！

住係馬鞍山咁耐，多數飲茶都係去新港城，而石門只係去過2，3次，但亞媽近期特別鍾意去石門飲茶點解?因為亞媽話哩度酒樓唔駛等位，頭2次係唔駛等，但今次就等咗45分鐘，我發覺人越來越多，等位途中我周圍行，睇下有咩新野可以下次試，繼之前試過車仔麵同雞煲，今日又俾我發現到新野，就係地下有間西餐，就京瑞一期地下酒吧隔離，唔行前基本上唔知有間西餐（因為從來都只係行正門）睇到午餐價錢好經濟，入面又滿哂人，心諗應該都唔差得去邊決定今晚就試下佢我地1行4人，入到鋪見到地方不大，我諗都有30幾個位，見差唔多都滿座，睇睇餐牌我地就揀咗4肉1粉甘筍湯🥕出色咸豬手 🐷🖐一個字……脆外脆內軟肉眼 🐴兩個字……大件5成熟啱啱好，唔會血淋淋，肉汁勁多豬鞍 🐷三個字……勁厚身我未食過咁原嘅豬扒囉，基本上出街係唔會食豬，鞋烚烚，但哩件原全唔鞋口，讚羊架 🐏4個字……肉質嫩滑羊架係我西餐首選，哩個羊架完全冇 騷味（我係唔怕騷味嘅）開頭朋友都0興趣，但上菜時大家都有期待表情牛肩肉扁意粉……已經開始飽不能不推介嘅西柚冰茶，你飲完係會上癮分量啱啱好，唔似出面食西餐，分量少，仲要叫勁多野食，都未必飽哩間兄弟工房真係唔錯，係沙田區搵間

見蘋果有優惠，4人行送德国咸豬手，就去试下。一家4口星期天六点半到。装修简约，小店連門外只能容20人。先点小食尤魚圈，熱棘棘来到，因估计不是新鲜的，質素都ok。再来一个意粉及磨姑饭，味道比美大酒店出品，但份量亦是”貴精不貴多”。约為平民快餐份量的一半。再来免费的咸猪手，内裹好juicy，猜不到。最後叫個羊架$218 有8支小骨，味道中上。最低係加$12 有湯连餐饮，正！小店連厨房估有4人，出品較慢，適合吹水慢慢嘆。希望音乐不要放D咁勁的就更適合吹水。