兄弟工房 (已結業)

嚟過呢間食店幾次，一定要係午時前到，因為每次都好快客滿。見到門口張貼告示，好似做埋今個月就結業，有啲不捨。焗原塊雞扒配意粉 $82餐湯及飲品 +$10西蘭花打碎整成餐湯，食得岀少少疏菜碎。三塊小小雞扒，香煎入味。連埋意粉，分量對女生嚟講唔少。

之前食完「Explorer」，經過見到隔離呢間「Brother」好似唔錯咁，決定試一試。雜菌黑松露忌廉汁意大利飯（$74）轉套餐（+$10）套餐有餐湯（是日餐湯係西蘭花湯，唔會太稀，味道正常）及餐飲。意大利飯份量不少。雜菌勁多，加上三色椒粒及洋蔥；忌廉汁濃郁香滑；但黑松露味道唔太出；飯粒煮得剛好，外軟內微硬，兼且入哂味。整體不錯，好味道。不設加一服務費。

Taste good. The risotto had not enough rice. And the sauce was lame. The soup was good tho. I drank the pumpkin soup. The taste was creamy.Even tho the risotto was not so tasty, the soup was still worth it.I recommend not ordering the risotto. The coffee was ok too.

食物質素好一般，店員態度好一間坐得幾舒服既小店，環境不錯，叫左一個蜆肉三文魚意粉同厚切豬扒飯其實落單果陣講左要薯條，不過黎左飯，但無所謂廢時換。賣相不錯，但食落真係好一般，煙三文魚好碎，又少。。。🥺塊厚扒豬扒好硬，但好大塊。個南瓜湯值得加分，幾好飲😃埋單180$，覺得好唔抵食。。。因為整體質素同茶餐廳差唔多，覺得價錢略貴，因為同質素不成正比。如果成個set$50~$60先合理。試完一次無打算回頭既餐廳。。。

今次我約咗係石門返工嘅朋友食lunch, 咁附近多寫字樓食飯, 周圍都好多人要等位, 所以我都早咗半個鐘出嚟搵定位等; 我本身已經有首選係食呢間兄弟工房, 但點知都係full house, 不過服務員都好好, 雖然話後面仲有1pm嘅Booking, 但都肯俾我留電話有位再通知👍🏻👍🏻咁等嘅期間諗住搵吓有冇其他餐廳有位啦~點知我準備入另一間餐廳嘅時候就收到電話話有位, 咁我就即刻狗衝返去兄弟工房😍入到去其實間餐廳好細, 得20幾個位左右, 有啲逼, 我哋三個人都係叫左set lunch, 都有加$10 包餐湯同飲品, 但係有啲失望嘅係….呢間都算係cafe啦~但點知冇latte, cappuccino個d咖啡, 淨係得茶記野飲😔我同朋友都係叫左西冷扒配薯菜$96 睇相的而且確係有啲膠, 似人地日本display😂但係其實佢份量都好足夠, 一個portion 有1塊半牛扒👍🏻味道都唔差😋但係肉質就麻麻地👎🏻有啲韌, 不過呢個價錢已經算唔錯😌另外, 我老公揀左厚切豬扒飯$85反而呢個有驚喜😍豬扒口感好夠冧又夠juicy👍🏻只係味道差dd唔夠入味, 但唔鐘意食咁濃味嘅人就覺得ok👌🏻呢個lun

好喜愛一個人去京瑞廣場揾食，呢度餐廳小店多到食一個月都未食得曬今日2點先出動，要搵杯咖啡飲下醒一醒先😛☕️今日揀左Brother’s Chef，見佢鋪面唔大，有啲休閒嘅感覺，揾個角落坐低。本身個lunch無set,但侍應介紹加$10就可以有餐湯同飲品，當然要加啦。餐湯係粟米湯，1分鐘就上枱，飲嘅時候都真係有少少粟米粒嘅，味道都ok飲完湯隔咗5分鐘個意大利飯都上枱，賣相唔錯，睇得出係即時煮嘅用心之作。黑松露味好香，你食得出佢落足料，意大利飯生熟度亦剛好，食晒。最後一杯咖啡機沖出嚟嘅即磨熱齋啡埋尾，唯一美中不足就係杯咖啡嘅粉味道唔夠香濃整體來講都唔錯，可以encore

石門小店，鋪頭細細，枱與枱之間較近，不過樓底算高，未致有壓迫感。香煎雞扒配意粉🍝雞扒煎得好香口，而且很慷慨，大大塊，應該到晚餐時間都覺得飽飽加$10 就可以有餐湯同嘢飲，餐湯係甘荀忌廉湯，幼滑味濃。餐飲就要杯熱咖啡☕️，為午餐劃上完美句號。

多個月covid-19的防疫措施及嚴謹的限聚令下，沒有踏足食肆已經一段好長的日子！今日終於相約三位朋友，一起到「brother‘s chef」暢所欲言，享受我地的至愛「德國豬手」。豬手燒得皮脆肉香，鹹味剛剛好，入口鬆軟，真係鎮店之寶！難怪見到幾檯食客也點了這個「德國豬手」。楓糖雞翼，starter的份量也很充足，加埋一碟蜆肉意大利粉，姐妹們成功洗碟，表達對食物質素的滿意度，5星星✨！美中不足，就係飲品，奶茶帶苦澀味，加上奶的奶茶還是不夠滑，相對於以往喝的咖啡，有點失色呢。老闆如果可以再下一些功夫，針對飲品方面有一些提升，相信會有更多人來光顧！

噚日14-4-2022(Thur)又返公司做嘢,都唔帶飯出嚟搵嘢食,唔知食咩好,去麵道(https://www.openrice.com/zh/hongkong/r-%E9%BA%B5%E9%81%93-%E6%B2%99%E7%94%B0-%E6%97%A5%E6%9C%AC%E8%8F%9C-%E6%8B%89%E9%BA%B5-r530663)啦,但我搵唔到,而經過呢間,就睇睇menu,然後決定食呢間.入到去舖頭唔,一眼就望晒,老闆娘即刻走出嚟招呼,坐低後,佢俾張menu嚟時,都講低加$10.00有湯同嘢飲,而今日係南瓜湯.再詳細睇完後,就決定要$69.00O嘅C,鹹蛋黃蟹肉忌廉汁意大利飯,加$10.00飲嘢,要熱奶茶.冇耐,南瓜湯到嚟,呢個稠杰度啱啱好,亦飲到南瓜味.等咗一段時間,鹹蛋黃蟹肉忌廉汁意大利飯到嚟,份量唔係多,鹹蛋黃同蟹肉忌廉汁意大利飯都幾夾,但飯都幾硬同食到米味.食完後,熱奶茶都未到,於是同老闆娘講聲,轉頭就有喇.呢個茶味較濃,有少少苦,要加少少糖至得.環境:雖然唔大間,但啲凳係坐得舒服嘅.

今日同一個好耐冇見嘅朋友食飯 星期六中午嘅石門實在太多人～～～竟然揾到間冇乜人可以坐耐啲嘅野食！我同朋友share叫左兩個Lunch Sets~一份雞扒一份豬扒～ 仲有薯蓉同沙律菜每個餐仲有個湯同飲品～ 份量好夠！雞扒同豬扒都好食～唔會好油 又有肉味！雖然價錢唔係特別抵 但係石門中午好難得揾到間唔錯又有位嘅西餐🤣我同朋友傾計傾左一段時間都冇趕我地走🤣有機會會再黎食～🤍

星期六同女兒學完興趣班，正煩惱有咩合適小朋友飲食之際，路經兄弟工房門口看見餐牌什有興趣，菜式亦適合一家大細口味，就膽粗粗衝入去坐低。睇左餐牌好快就點菜，點選左兩道，分別為明太子忌廉汁蘆筍意粉，香煎厚切豬扒意粉待應先上餐湯，呢個餐湯唔簡單，雖然無標明湯款式，但一飲就飲得出濃濃既洋蔥味，呢個洋蔥湯還有微微薯仔粒增添口感。明太子忌廉汁蘆筍意粉忌廉汁帶有蟹子依附在意粉上夠掛身又夠香，每啖意粉都食到忌廉汁，意粉當中帶有幼蘆筍增添口感，鮮嫩唔老剛剛好。女兒平日食正餐都食唔多，佢竟然食完一碗要求再添，太太見到咁情況已經話下次黎石門都要再黎兄弟工房。香煎厚切豬扒意粉豬扒非常厚身，接近兩指厚度，絶非一般茶記豬扒，厚切豬扒剪得夠香脆，切落去肉身中間還帶有肉汁，熟度剛剛好，唔會過老又唔會過生，好岩小朋友食，味道帶有胡椒及香草味，增添層次。意粉亦有用橄欖油撈過，增添香味，亦可以避免意粉黐住一嚿嚿，獨立分明。最後餐茶，一杯凍咖啡，一杯凍奶茶，兩杯都有水準，味道香濃，唔會過甜，甜度遍微，好過唔少所謂西餐餐茶，劃上一個完美嘅句號。返食指數08/10

三人行，預早 Book 咗位餐廳感覺整潔座位不多，時間正是黃昏，氣氛都唔錯點咗一個頭盆，兩個主菜share加錢轉做餐，有湯、有飲品- 蕃茄濃湯Creamy , 用蕃茄肉打成，好足料，味道好好- 白酒煮藍青口味道好好，汁好食，香濃奶油味- 德國鹹豬手外皮香脆， 肉唔鞋，鹹度剛好- 12OZ安格斯肉眼扒味道和配菜都好好，但肉方面就有啲普通職員態度好好，而且細心飲品叫咗杯橙茶，好飲餐牌仲有好多食物想試，下次會再來試其他Openrice book 位仲有八五折

今日去石門換身份證後同老公諗住攞車走，經停車場入口見旁邊有間餐廳又有D肚餓，就同老公入去一試！餐廳不算大，店員帶位坐低後感覺一下環境氣氛有種好warm嘅感覺，(其中一原因店員有禮貌)睇睇餐牌都係一般西餐菜式，我同老公都係食肉獸，所以點了牛同豬，其實都唔抱好大期望，到上菜嘅時候我同老公都打過突個人推介安格斯肉眼，必食！但喜歡食豬嘅黑毛豬又一定要試，但要趁熱食肉質必定鬆軟，下次會同老公再試羊同其他飯或意粉😋😋溫馨提示，有揸車嘅可泊正門囗，因旁邊停車場都幾貴下，冇嘅坐港鐵石門站行2分鐘到。

呢個食評係一個合輯🤣🤣由上年開始，有影相嘅有3次，冇影相嘅就數唔到了。石門出名多野食，呢間通常都會有位，因為佢唔係喺正商場多人行嘅位置，但食開嘅都知，呢度好多街坊，成日返黎幫襯，早，午，晚我都食過，係好好味。先講早，其實唔係真係早餐，係all day breakfast.我最鍾意食個portobello ，值得讚嘅係炒蛋好滑，而且細細個牛角包好啱胃口細嘅我。我先生就食扒啦，係，brunch都會食扒，呢度嘅牛扒係CP值超高，肉嫩多汁。仲有蘆筍好鮮，勁想encore，如果俾多幾條就好滿足了。而跟蒜頭黎食，係我最鍾意嘅食法，通常一開始唔點任何野，都好夠味，食到後尾，就開始點汁，加蒜，會將味蕾提升到另一個層次。最值得提嘅係個薯蓉，入面係有薯粒，好有質感，有咬口，但薯蓉又好滑，絕對係我另一個回味無窮嘅推介。跟餐嘅湯，同其他餐廳唔同嘅地方係我鍾意佢個蕃茄味有輕微嘅酸，好開胃，唔洗飲完湯就飽左一半，而佢又唔係完全打爛晒，有少少地咬口咁，唔錯，個餐未到個陣都頂得下肚。🤣另外嘅係蝦意粉同雞扒冬蔭功意粉，係上年食架啦，不過我印象冬蔭功係好食。我記得當時睇完空肚講消夜，祖祖有整過冬蔭功意粉，搞到我好想食，點

本身住九龍，要我入沙田，得！一定要揸車囉。。。11:30am打去訂位，好快有人接電話，訂位全個對話，店員也有禮貌，語氣也友善。呢間店係地舖，可以泊正門口，慳番停車場費用 (當然要有Ｄ運先泊到正正門口，朋友話，夜晚去，通常一定泊唔到正正門口，也可以泊到近店) 冇位也可以入停車場，不過36蚊一個鐘。中午去到一入店，waiter帶左去角邊位，正，因為已有一台客在令一邊角位，分開Ｄ人，醒目食左個All Day Breakfast (本來朋友介紹個12 oz US prime 牛扒, 點之晚市先有) 食才，三文魚，沙律菜，隻大菇，腸，係新鮮及有質素，炒蛋做得夠滑，好味。特飲做得唔錯夠味，唔會太甜(人老了，不飲太甜的飲品。環境係干淨，企企理理，呢次食唔到朋友推介的牛扒，食完個All Day Breakfast, 一定有信心，下次去試晚餐個12oz美國牛扒。