影片
以上資料只供參考, 請與餐廳確認詳情
可能黃竹坑的OL不喜歡牛肉吧？這間本來以牛肉麵着名的小店也要轉營，改為食雞！主打去骨海南雞飯和雞米線。今日和同事上去食午飯，想不到非常了得，而且很平宜。小店在工業大廈，環境未必最佳，但味道好，價錢親民。🏅至尊去骨海南雞飯（$49）原價$58已唔貴，現在堂食／外賣自取減至$49，更是平得很。海南雞飯用特製調色盤盛載，三種醬料加酸菜，整齊企理有誠意。雞肉份量不少，雞肉嫩滑，雞皮下脂肪不多，只有透明啫哩，亦不會太肥膩，雞油飯軟硬適中，香而不膩。🏅胡椒豬肚雞湯飯（$60）湯底濃郁辛辣，雞肉、豬肚、豆卜、蘿蔔、白果，非常足料。湯好飲，餸好食。🏅薑汁薏米水（+$5）🏅羅漢果菊花茶（+$5）兩款特色飲品都是店家自製，真材實料。原價$15。
繼續閱讀
🔹️與朋友仔到黃竹坑 “元洲牛肉麵” 店午餐🍜 店內分為兩邊, 設有多坐位, 店員十分友善👨💼👩💼高效率💯價錢親民💰🥢午市套餐送例湯和熱飲, 凍飲+$5🥣是日例湯 ~ 豆腐菜雞腳湯🐔🤌十分足料, 湯底夠清無味精👍👍🔸️至尊去骨海南雞飯🐔🍚熱騰騰香噴噴送上, 海南雞鮮嫩幼滑啖啖肉,油飯醇香不膩, 配上自家制薑蓉及醬料 ~ 無得彈😋🔸️元洲三寶牛肉麵🐮🍜以牛筋、牛肉、牛丸為三寶, 味道鮮香、濃郁牛味牛筋 ~ 幼滑腍身😋牛肉 ~ 腍而不韌👍牛丸 ~ 爽口彈牙🤤🔸️飲品點了招牌薑汁薏米水🫚🥤和羅漢果菊花茶🧆🌼🥤👍
繼續閱讀
嚟黃竹坑探朋友班，晏晝就順便一齊食午飯。本來打算去返上次幫襯過嗰間茶餐廳，點知朋友話有好介紹，帶咗我嚟呢間「元洲牛肉麵」。原來餐廳喺長沙灣起家，主打紅燒牛肉麵，於坑口村也有分店，而黃竹坑呢間新舖更有海南雞飯、肉骨茶同喇沙等供應，啱晒心多多嘅我！我哋每人點咗一個餐，堂食奉送無味精靚湯及熱飲，轉凍飲+$3、薑汁薏米水、羅漢果菊花茶+$5。今日嘅例湯係紫菜蛋花湯，入口熱辣辣，非常足料，內有雞腳同瘦肉，紫菜同蛋花都好有營養，有益又健康。招牌元洲牛肉麵 ($57) 湯底以牛骨及雞骨每日新鮮熬製，入口味道非常濃郁。牛肉選用牛腱心，筋肉分明有至，入口軟腍帶脂香。麵條爽身煙韌，掛湯力一流！至於另一客去骨海南雞飯 ($55) 亦係人氣之選，用上畫家調色盤盛載，賣相非常討好。雞件皮爽肉嫩又無骨，油飯香而不膩，入口粒粒分明，能嚐到香茅同紅蔥頭嘅味道，配埋三色醬汁食，好惹味。食完飯再嘆返杯羅漢果菊花茶，自家炮製，入口唔會太甜，像家裡煲的味道。
繼續閱讀
餐廳：元洲牛肉麵地點：黃竹坑業勤街餐牌：海南雞飯，馬來咖哩，元洲牛肉麵，扒餐，湯飯等，飲品招牌元洲牛肉麵 $57招牌元洲牛肉麵湯底好香，飲落唔會太鹹，味道剛好。牛肉有4大件，整得好淋又有牛味，仲有筋添，非常好食，大大件啖啖肉。嫩綠菜心有兩條，仲有一細件白蘿蔔，蔥花另上。白色幼麵好有口感，唔錯唔錯。新加坡喇沙海鮮米線 $65新加坡喇沙海鮮米線個湯比普遍喇沙較紅，辣油多少少，味道辣少少。海鮮有彈牙炸魚蛋兩片，好淋既蟹柳兩條，爽口細蝦仁好多隻，仲有烚蛋半隻，豆卜兩件，爽脆洋蔥絲，最後加上蔥花同芫荽。米線非常淋。跟餐有熱飲，可加錢轉其他凍飲。薑汁薏米水 加$5薑汁薏米水薑味剛好，下底好多薏米，非常淋身，味道唔會太甜。凍華田 加$3凍華田用杯裝，冰粒唔少，夠凍。總括而言，今餐招牌元洲牛肉麵唔錯，上菜好快。
繼續閱讀
元洲牛肉麵新分店位於黃竹坑工業大廈內，距離地鐵站都只係數分鐘，交通方便。餐廳除咗牛肉麵出名之外，佢哋嘅「至尊去骨海南雞飯」及「孖寶秘制肉骨茶」都非常優質美味。🧡招牌元洲牛肉麵（$57）：廚師特意調教湯底為香港人喜愛嘅口味，濃郁口感，充滿豐富牛肉風味。有三大塊經過慢煮嘅軟滑牛腱，啖啖滿足滋味。🧡至尊去骨海南雞飯 （$55）：嫩滑嘅雞肉配上香氣四溢嘅油飯，再搭配搭三款醬汁，分別放喺如油畫調色盤嘅碟上面，賣相有心思，味道亦鮮美。🧡孖寶秘制肉骨茶配白飯 - 贈送葯善雞腳（$60）：份量非常之大，我覺得可以兩個人分。碗內放滿排骨、雞腳及葯善香料，散發出濃郁嘅肉骨茶獨特嘅風味同香氣。湯底濃稠，感覺充滿膠原蛋白。餐廳亦有特色自家製飲品，好似「薑汁薏米水」（$15）同「羅漢果菊花茶」（$15）真材實料，味道天然又解喝。
繼續閱讀