元朗冰室

營業中

休息中

一家大細去開這冰室得多次，小兒每次都會叫黑椒鷄扒蛋飯，汁另上的。今次落單居然話無，仕應和經理仲話一向都無，我答我每次來食都可以的。最後我話走汁，佢地就話可以，真係千奇百趣，最攪笑係，我另一個餐，豬排腸飯，我無要求分開上，佢就分開了。本人希望元朗冰室老闆可以睇下一本名為海底撈的書，值得服務業的人去睇下，客人係一小一小儲回來的，汁另上的少少要求，仲要話一向無此做法的大話令我非常失望。

呢幾天都在太子，今日又係去咗元朗冰室，貪佢夠近唔使等位又方便，其實個個都話呢度嘅厚豬扒大件夾抵食，不過見到個下午茶餐牌，好自然揀番下午茶餐。今日叫左個肉醬燴意粉$36（肉醬味道都算唔錯）、吉列脆魚柳$36（可以配炸薯條或者沙律，今日就叫左沙律，沙律主要係生果，魚柳熱辣辣）、馬來咖央多士$27（咖央醬都幾好味，吾係太甜，但覺得西多好食啲)、仲有叫左一個洋日風味豬骨湯拉麵配雞扒蛋同香腸$50（拉麵就一般般,雞扒吾錯）全部餐都送咖啡或茶。

做完野經過太子已經係下午茶時間，在朋友介紹之下入左一間茶餐廳元朗冰室食下午茶。今日天氣超熱，好在吾洗等位，而且大部分是卡位，冷氣都充足，環境上算衞生，一坐底就送水幾杯水。我地三個人，叫左一個凱薩沙律$38，𥚃面有麵包糠整得好好食，仲有D似煙肉乾，同埋好多芝士粉，D菜都好新鮮，但沙律醬其實可以少D，這個不是下午茶餐，好大份量。另外叫左特大炸雞脾下午茶餐$39，好大隻雞脾，有一杯熱飲，凍飲加$3。仲叫左個甜品馬來咖央西多士下午茶餐好好味。

之前試過厚豬扒，唔係好識欣賞。再試早餐，最普通B餐，沙爹牛麵，炒蛋，蒜蓉多，凍奶茶。如果蒜蓉多唔啱，只能改齋多，牛油都冇滴果隻。對比其他配蒜蓉多嘅餐廳，都可以改配牛油方包，呢點毫無彈性。食物味道都可以，凍奶茶得個甜字，完全飲唔到茶味。最慘俾我見到有啲嘢，由通道爬去前面枱底。原本諗住快快食完閃，可惜我轉頭一望......嘩！！係咪同一隻？定前後夾擊？冇再研究，極速閃人。同樣價錢，我會去大街另一冰室，起碼炒蛋多士可以轉蛋治，仲好味好多。

本身諗住出嚟食個靚靚早餐有啲令人失望首先蒜蓉麵包買相係唔錯但係唔知係咪因為我11點食嘅關係麵包嘅邊邊已經乾到咬唔到咬落去真係會𠝹損個口炒蛋都幾滑 不過佢已經落咗鹽我唔想食咁咸我唔想食咁咸我真係唔想食咁咸點知雪菜肉絲米粉仲咸😭我係忍唔住叫侍應幫我攞多一個兜裝熱水 將米粉放過去熱水個邊食 味道先係正正常常啱啱好😔你明唔明俾咗＄37食個早餐但係食得唔開心嘅感覺係咪因為我太晏先食早餐 所有野都最濃縮 / 放太耐？老實講食物份量 服務態度都真係唔錯 但係點解會咁鹹😭

之前聽人講呢間餐廳豬扒超正，心諗，豬扒啫，有乜咁巴閉？等我試吓先，今日專程去食返個早餐，特登揀佢嘅豬扒！唔係講笑，豬扒比平時厚一倍，切開之後，質感同平時食既豬扒完全不同，一啲都唔靱及好有肉味，果然冇介紹錯！

今晚係太子做完野，原來都十點啦，好肚餓呀救命，行過太子道西見到元朗冰室，見到門口餐牌有貓頭鷹menu🤗🤗又幾抵食喎，即刻入去試下😍😍😍😍我嗌左厚豬扒飯配司華力腸😋😋😋$44真心抵食，朋友嗌左pizza食，好邪惡呀！！我碟豬扒飯真心大碟，豬扒真心厚身，切落去好淋，即刻咬啖試試先，有驚喜呀，唔好以為係宵夜時段平左所以質素低喎，塊豬扒keep到juicy，新鮮既，啖啖肉既😱😱😱😱配埋自家制甜鼓油，好味道！！朋友嗰pizza都一樣出色，啲cheese多到呢🤗🤗🤗滿足到呢！

约了人在太子大角咀，因為早到就在太子地铁站附近找间茶餐厅坐低等，顺便来个下午茶。嘩，幾乎所有下午茶餐都要四十蚊以上，香港消费都吾講得少。最后就点咗個巨無霸豬扒飽加咖啡。一看，用的是脆豬，比一般豬扒飽大一陪，來的時還是熱辣辣，咬落皮脆內軟。材料就是一大塊厚切豬扒加蕃茄和霖上沙律汁，連蕃茄都是大隻兼厚切，份量十足。如果可以加一片生菜就做到劃龍點睛。現在起馬做到出位效果！最后配上一杯香濃即磨咖啡，完美配合。

😓元朗冰室(太子) 不在元朗的元朗冰室 冇乜奶油的奶油豬下午茶時間 入去歇下腳 叉叉電，平日非常喜歡奶油脆豬的我 ，想也不用想便叫了一份。另一份叫了馬來咖央多士，下了單，待應轉頭回來說今天冇咖央多士😅係冇咖央醬定冇多士，算啦，改吃熱狗🌭️。奶油脆豬登場啦，嚇得我目定口呆，我的煉奶呢，我的(人造)牛油呢，少得可憐，個包唔可以用脆豬來形容！！！ 咬下去看看，其實牛油是否已滲透入底層我看不到呢😓未食過咁差的奶油脆豬。奶茶 我都唔知得唔得，冇哂心機去評價。句號。

元朗冰室由深水埗大埔道開始我已幫襯，近日進駐太子，舖門更大了很多。認識佢是因為佢掛正旗號賣馳名豬扒。任何時段早、午、晚餐都有豬扒配搭。可以豬扒招徠，自然信心十足。豬扒確係非一般，每件都特大塊，而且足足半寸厚，咬落濕潤而帶冧身，絕不鞋口痴牙。除咗烏冬，麵、米粉之外，仲可以食豬扒沙律,焗豬扒飯同豬扒包都好正架。不得不提，東沙島街分店，營業至凌晨三時，幾乎想食隨時都有得食。茶餐廳因為受歡迎，所以開到成行成市，但要突圍而出，總要建立i Con，而家見到元朗冰室就會諗到豬扒，所以説元朗冰室好聰明

放工宵夜最中意來元朗冰室平靚正個面都好濃，最正係個大雞髀開到好夜，又可以慢慢坐。其實仲有好多款可以選擇，呢度嘅服務都唔錯。個豬扒堅係好大塊。都唔錯幾好味。哈哈😄晚晚都嚟食消夜。最後都坐到一兩點先至走。

出開去九龍區諗住去花墟行一轉，順便係太子食埋一個簡單午餐。其實之前去過太子唔少出名既茶餐廳，味道都唔錯，所以今次決定去一間未試過既餐廳，所以㨂左依間近地鐵站又大間既試下。可能近排新派冰室既質素都唔錯，所以我一開始對餐廳都有大期望，不過試完只可以話一般般，沒有任何驚喜。餐廳可以㨂既種類好多，厚豬扒丶蒸飯、炒麵、連乳鴿都有得食，不過最後我都係揀左最穩陣既公仔麵餐加奶油豬。公仔麵餐只有一款可以選（再加要加錢），所以我浄係揀左腸仔。個麵煮得比較腍，湯亦不算濃，所以不是我杯茶。奶油豬份量不過不失，最好味係最後既奶茶，好濃茶味，有傳統茶餐廳質素。

今次黎到太子的一間新餐廳，餐廳全新裝修 帶點玩味 座位舒服 但職員比較混沌 可能係新開張 需要時間適應 歐美全日早餐普通跟雞扒、牛扒及魚柳想轉食厚豬扒要加十蚊大家都一定以為塊肉甘厚 會好易「孩」但呢間整得既多肉汁 又嫩滑 既不煎炸又不油膩 加十蚊都抵 整體而言 呢個價錢$48 但有甘多款野食 係叫好抵 足料 有茄汁豆、歐陸腸、炒蛋、牛角包、沙律 每樣野質素都唔差馳名厚豬扒麵份量大 一個普通既男人都會食唔曬 厚豬扒一樣有質素 加上普通公仔面一個餐牌：

今朝因為趕唔到校巴，要自己坐的士帶阿仔返學， 帶完返學同啲阿叔阿嬸一齊行晨運咁…… 漫步花墟！ 見冇乜嘢做一路漫步至到太子地鐵站。很少晨早出門的我，又做了晨運咁，肚裡在叫嚣，於是來到呢間元朗冰室。元朗冰室不在元朗，香港仔魚蛋粉也可不在香港仔是常識吧！叫咗個雪菜肉絲麵早餐包埋厚多士同炒蛋一杯熱啡成為$34蚊好奇怪的感覺雪菜肉絲面啲雪菜好似成座山咁！ 厚多士加蒜蓉味感覺特別 ，始終較喜愛牛油多士 ……炒蛋不算太多略嫌少 。唯獨是 熱咖啡比普通茶記優勝很多，也應該不遜色於大酒店餐廳入口甘香好味，令人回味！

新年過後的第一個星期日，同老公走到太子附近行逛，見有點兒累便四處尋找既可歇腳又可吃個下午茶的食店。聯合廣塲附近又沒有茶餐廳，便走到大南街一帶看一看。幸運地看見一間門面又整潔又給人舒適感的茶餐廳，走進去，侍應生忙碌得很，等了一會向侍應生點了兩個下午茶餐(豬扒飽加餐飲)。細看餐牌，原來厚豬扒乃是此餐廳主打，但奇怪的是看見很多食評家一些評價都是劣的，心裡不寒而慄，戰戰競競。答案快要揭盅，送上來的是一個超脆既飽，中間夾着兩片番茄，紅椰菜，一片超厚豬扒，唧了帶有wasabi味沙律酱，熱騰騰的。由於整個食物太厚，幸好厨師用了一支很長的牙簽串着，對於咀细的我在食時會有點困難，不能把太厚的食物大口大口的吃下。細味品嘗，厚厚的豬扒味道超好，又香口，不肥膩，與其他食材簡直是绝配。