影片
營業時間
今日營業
06:30 - 03:00
星期一至日
06:30 - 03:00
以上資料只供參考, 請與餐廳確認詳情
今日朋友帶左我去佢既飯堂"元朗冰室", 佢話平時成日食, 一唔知想食咩就會黎我就第一次食元朗冰室, 茶記黎講質素又真係唔錯, 每道菜式都有港式風味, 價錢合理份量足~~呢道出名厚豬扒, 成幾CM厚喎, 咁真係要試下啦新推既多士系列魔鬼醬厚豬扒包一啖咬落去, 個包脆到"咔嚓"聲!!!豬扒真係好厚喎, 厚得黎肉質好幼嫩, 多汁juicy, 完全唔會乾柴, 堅得!!!個秘製魔鬼醬都好正, 成個包味道好夾, 大個個咁, 好抵食厚豬扒拼沙律豬扒同上面一樣咁正, 又厚又大件!!拼水果沙律食就最正啦, 清爽解膩~~沙嗲牛肉麵必食沙嗲牛肉!!! 沙嗲醬香濃惹味, 牛肉份量超多呀!!!牛肉嫩滑唔韌, 公仔麵煮得啱啱好, 有咬口籠仔荷葉北菇蒸雞飯荷葉香氣撲鼻!! 雞件份量又係超多呀!!! 成個飯面都係雞件呢~~雞件嫩滑多汁, 北菇厚肉鮮香, 飯粒吸晒雞油同荷葉香, 好入味丫!!!禾味燒BB鴿BB鴿皮脆肉嫩~~ 最正係個鴿胸肉, juicy到爆汁, 點埋淮鹽更加惹味奶油脆豬烘到脆卜卜, 塗滿煉奶同牛油, 外脆內軟, 甜到入心最正係邊位烤到微焦, 脆到"咔嚓"聲雙拼治: 雞蛋+咸牛肉雞蛋炒到滑溜, 咸牛肉鹹香十足~麵包夾埋蛋同牛肉, 簡單好味~~炸雞脾即叫即炸熱辣辣!! 雞脾大超大隻, 對得住價錢~外皮炸到金黃脆口, 肉質嫩滑多汁
繼續閱讀
屋企人行完花墟就過嚟食個早飯，時間尚早仲有卡位坐幾舒服～ 門口寫住「 厚豬扒專門店 」，咁要試吓啦。《 焗豬扒飯 $68 （ 跟飲品，凍飲+$3） 》份量好足，豬扒果然好厚，真係足足有5cm，又夠多汁撈飯！《 厚豬扒沙律 $57 （ 跟飲品，凍飲+$3） 》豬扒厚實入味，生果沙律好減膩。特餐： 《 金牌沙嗲牛肉即食麵餐 $52 》 自選 太陽蛋 及 蒜蓉厚多士+$5紅豆冰 沙嗲味香，配埋港式風味濃嘅即食麵；蒜蓉厚多士幾香脆。鐵板扒餐： 《 一級牛扒 $112 》 自選 黑椒汁 +$8 意粉/飯附- 焗薯蓉、牛肝菌湯、蒜香法包 吱吱聲好吸引，牛扒大塊加埋黑椒汁好惹味。牛肝菌湯好濃稠，蒜香法包香口。*仲送埋豆腐花，送完即止*《 +$5紅豆冰 》 夏天飲好正。《 奇味火辣烤雞 $102 》附- 焗薯蓉、牛肝菌湯、蒜香法包 *仲送埋豆腐花，送完即止*好大隻雞！皮帶脆口，肉好嫩兼有汁，配酸辣醬原來好夾！《 奶油豬 $32 》 兩大件外脆內軟，加煉奶係重點！《 禾味燒BB鴿 $53 》 色水好靚又有油光，皮脆有肉汁，加啲淮鹽好提味。
繼續閱讀
最近我地都食得貴野多，今次我地就去左食平民化既冰室，呢間元朗冰室我間唔中就見到有一間，裡面成日都好多人，但我都撞唔岩機會食，今次又見到佢，又未食飯就入左去食😆餐廳環境幾好，雖然係冰室，但佢地主打係厚豬扒，叫做厚豬扒專門店，我地帶住BB去食，職員特登比張卡位我地，好闊落，同時都覺得佢地好好人☺️焗意式厚豬扒飯（$62）個焗豬扒飯好好食，佢豬扒唔係快餐店咁一大塊過，佢係好多件細d既厚切豬扒，啖啖肉，彈牙唔韌，芝士同個茄汁都唔錯，飯亦都係平時食開既炒飯底🐷香炸雞脾配薯條（$48）呢度既炸脾就唔係酥炸果款，所以唔會話粉太厚，佢就咁成隻炸香，塊皮都幾脆，亦都冇炸得太過火，雞脾保持應有肉汁，配菜可以揀薯條或沙律，我地揀左薯條，個薯條佢就冇落鹽炸，不過個位係有鹽提供比客自行調味🐥🍟禾味燒BB鴿（$53）估唔到冰室都有乳鴿食，見佢咁特別就叫左隻黎試，size適中，同茶樓食開既差唔多咁，塊皮都好香脆🐦法蘭西多士（$38）西多士都係普遍冰室既招牌，梗係要叫份，佢地炸得金黃香脆，牛油就比左一小件，而糖漿係成樽比你自己落，鐘意重口味既岩曬，可以怒轟糖漿，勁爽😋凍奶茶（凍飲+$3）凍檸茶（凍飲+$3）下午茶餐全部包野飲，飲品質素ok，同平時其他餐記冰室差唔多🧋呢間元朗冰室個豬扒真係出色既，不愧係厚切豬扒專門店，其他下午茶餐都做得好，特別佢調味料，鹽同糖漿比客任落好抵讚，有d人真係鐘意食醬，就真係岩曬👏🏻
繼續閱讀
平日很多時候都會去茶餐廳，昨晚跟朋友到太子站附近的冰室，店外寫着「厚豬扒專門店」，很吸引啊。入到店內，環境清潔衛生，餐牌上有很多不同的豬扒餐，及各式美食，價錢與一般茶餐廳相若。厚豬扒拼沙律（$57）+凍檸茶（$3）這豬扒比平日吃的豬扒更厚身，而且肉質並不粗糙，有肉汁。即叫即製熱辣辣送上，外面煎香，亦不會太咸。配以冰凍香甜的雜果沙律，冷熱交融，配搭得好！奇味火辣烤雞+ 焗薯+牛肝菌湯+蒜香法包（$102）+凍檸茶（$3）除了豬扒，這個烤雞也十分出色！又是即叫即製，熱辣辣的烤雞外皮香脆入味，而且很少皮下脂肪，不怕太油。切開時，肉汁不斷滲出，雞肉十分嫩滑。這餐的焗薯也十分幼滑，裏面也有一些薯仔粒，味道和口感一流。牛肝菌湯很香濃美味。和風叉燒豬骨湯拉麵（$70）+凍檸茶（$3）這拉麵出場時，見到這厚厚的叉燒感到驚訝。超厚的叉燒交織着瘦肉和脂肪，而且很入味。豬骨湯底很香濃，配以彈牙拉麵，很滿意。法蘭西多士（$37）去茶餐廳我最喜歡就是西多，雖然已是晚餐時間，但這店仍有西多供應。這西多很香口，糖漿是按個人口味加添，十分合適不同口味的食客。禾味燒BB鴿（$53）想不到冰室有乳鴿供應，這乳鴿外皮十分香脆入味。手拍青瓜（$25）吃了太多肉，這個青瓜小食可調和一下。青瓜辣味十足，份量也不少。
繼續閱讀
今次專登嚟試佢哋嘅「金牌沙嗲牛肉麵」，一上枱就知冇揀錯——沙嗲汁濃到黐線，啲牛肉又多又軟腍，仲帶微微焦香，撈埋即食麵食真係「邪惡級滿足」！ 「招牌厚豬扒」果然名不虛傳，厚過部手機咁誇張，切開肉汁爆瀉，外皮脆卜卜，咬落鬆化唔柴口，仲醃到超入味。朋友笑話要兩隻手先拎得起，大件夾抵食！ 「奶油豬」長過手臂，烘到金黃脆身，淋滿煉奶同牛油，一啖咬落去「咔嚓」聲，甜香唔膩，全枱人搶住食！ 「凍檸茶」茶底夠濃，檸檬新鮮冇苦澀，飲落冰涼解膩，配炸物一流！ 壓軸係驚喜「禾味燒BB鴿」，皮脆到似玻璃糖衣，肉質嫩滑爆汁，連胸位都唔鞋，蘸淮鹽食仲惹味，水準拍得住酒樓！ 總括：份量霸氣，價錢親民，會為咗隻乳鴿同厚豬扒再encore～
繼續閱讀