傷心酸辣粉 (已結業)

夜晚一個人去左深水土步搵野食，今次選左呢間。坐位唔係太多，不過冇人，今次都算 ok。點了一個酸辣粉，加鴨腎和金菇，配上忌廉一罐。已經叫左小辣，但係都食到我勁滴汗；不過一罐忌廉都仲頂得住。算係幾好食，d 粉又粗又大條，正 不過酸度就似乎俾 d 辣味搶哂，相對地唔多夠酸。如果唔係個招牌寫到「酸到流口水，辣到流眼淚」，我都會俾個笑，但係食唔到酸，就只可以俾個 ok, sorry~

傷心酸辣粉.個名好盞鬼..酸到流鼻涕, 辣到流眼淚..呢檔酸辣粉,其實同深圳東門d酸辣粉并沒有什麽分別,只是,個名都幾吸引人~我最鍾意吃呢度嘅 涼拌皮蛋.. 因為距d味道夠濃

上次係openrice見到好多食家讚好..今日大熱天時30幾度去食去到又迫又細都算..1碗細面.+個送...點知見剩係見d油係碗野度1食同東門食ge$5重慶酸辣粉1樣..被呃了..

懶理食客話佢又貴又坐得唔舒服傷心酸辣粉將會喺區內開分店時日order少辣傷心粉+口水雞份量少已經唔駛我再多講反正我一早已經將佢當做零食但係轉咗個後生仔淥粉之後辣度好似拿揑得唔係咁好比平時羊咩鬚伯伯辣咗好多

傷心酸辣粉係一間我一直好想試的小店, 尤其係佢門口寫住「辣到流眼淚‧酸到流口水」, 講到咁勁, 應該試下。但係好少去嗰頭, 間舖又咁細, 買外賣又唔知可以去邊度食, 所以 ...最近, 佢終於喺同一條街開咗「第一分店」, 雖然都唔算好大間, 但點都冇正店咁「屈質」。由於已經吃過了正餐, 於是只係叫了三個小食, 打算下次再試各式粉類。1)口水雞(下例)真係只有小食咁嘅份量, 但味道不錯, 唔係荃灣雲桂香嗰種酸味雞。2)夫妻肺片, 色水同口水雞一模一樣, 但麻味重d ...... 冇錯, 睇唔到有花椒, 但食到有麻味。3)招牌腸頭, 最令人失望, 皆因上述兩樣都叫中辣, 而呢樣特登叫大辣, 結果, 佢根本唔係一樣辣餸, 附上的疑似生胡椒粉, 也不是辣的, 可能係夥記做到頭昏腦脹, 乜都問要咩辣吧!賣單係$105, 唔算平, 水準亦不過不失, 不過至少不是掛羊頭賣狗肉那種「黑店」, 下次一定要試下酸辣粉。至於嫌佢迫夾的朋友, 可以考慮行多幾步去分店, 起碼, 有冷氣嘛!

睇咗報章雜誌介紹呢間鋪。特登去食。我食開深圳街頭酸辣粉，我很愛吃辣。呢間都有跟足深圳味道。但深圳人家買五蚊，佢買十五蚊，我都驚佢份量少，我叫多個餸做再加底。都喺得個碗大，酸辣粉得幾條，乜紅薯粉好貴咩，花椒幾香但湯重味精，坐位辛苦，加咗底食完唔覺有食過嘢，唔會有下次嗰隻。深水埗咁多男人嘅地方，以＄３０嘅價錢都食唔飽人，都幾難以至信。唔憤氣去長發麵家食碗好正嘅牛腩面，咁就滿足晒同飽晒，都係上深圳酸辣粉好d。

見咁多報章雜誌都有介紹呢間鋪....黎深水埗點可以唔試一試丫....當我搵到間鋪時......真係"o"左...間鋪咁細間...由3張細檯拍埋做一張大檯....都諗緊食唔食好丫...加上尋日咁熱丫...不過黎到點可以唔試...就坐抵試下la....口水雞套餐($38):口水雞一小份+一小碗酸辣粉(小辣)+椰汁先黎酸辣粉....紅紅的...看似好辣...但....食落一d辣味都冇...食哂成碗粉先覺得"麻".......=.=等左咁耐碟雞同椰汁都未到...催催先...唔係丫ma...咁少人都可以唔漏單....碟雞都還可以.....38蚊一個餐好似貴左些少........總括黎講...唔好抱太大期望....要食辣就第2間吧....要食麻....呢間岩哂你.....哈哈

同友人係附近買野, 幾記報紙介紹過, 就專登慕名黎試下由於第一次食, 唔係好識點, 就點左兩個餐, 餐包一個粉一個小食一杯椰漿一個係口水雞餐一個係肺片餐總括黎講 D粉好有咬口 不過完全唔酸同埋油較多反而個雞幾好食, 啖啖肉夫妻肺片最好食 真正係麻 香 辣椰漿唔係溝水貨 又可以解辣 都唔錯因為今次友人唔食得辣 為左就佢而叫左小辣下次再搵人陪我去食多次 試中辣先

又細又窄，完全唔得！老婆睇到“飲食男女"話好似幾好咁，行開深水埗咪去試下啦。誰不知間舖細到離奇，眼見熱死辣辣重要喺條街排晒大隊己經好唔想去入，不過老婆大人話真係好想試下，唯有就下佢啦！辛苦搵來致在食，放咗工都係想食得舒舒服服,喺條街到足足等咗20分鐘,成身大汗才有位子.地方細不在講入到去是由兩張摺枱組成的一張大枱已經坐咗十個人,兩個成人坐在兩個只適合小朋友坐的位子實在是十分辛苦,坐得實在好唔舒服,雙手要縮著,背脊重要比條"博"頂住.冷氣又細同街邊無分別,見個套餐重要成38蚊,其實比起茶餐廳的價錢都叫做貴.繁忙時間可能太忙關係又等了10分鐘才order到食物.員工煮麵煮得實在很慢............再等了10分鐘,終於有個粉來了,一句講晒好少粉又細碗酸辣粉好重味精完全唔值$15.喺大陸幾蚊一大碗已經食到你唔食.至於個麻辣牛肚尚算ok,但order個椰子汁竟然要吹幾次先記得奉上.食完晒重覺得好肚餓要過隔離吉串魚蛋吉串牛雜食先致夠飽,食完成肚氣唔知好辣定好笑,雖然有位小背心靚女但都一定唔會再幫襯了.

睇到雜誌.....見到呢間酸辣粉.....令我即時醒起幾年前的Q嘜.....所以放工走黎試.....三個人....食左:傷心酸辣粉 - 要BB辣...冇難度.....但酸味好香....D粉都好食.....北川涼粉 - 呢個唔掂...個醬怪怪的.....D涼粉.....似甜品多D.....口感勁怪.....雞絲涼麵 - 呢個好味.....D麵好爽口....係酸辣粉外另一推介....涼拌炸醬晶絲薯粉 - 晶絲薯粉都係熱食好味D....涼食...D粉好似啫喱凍條......我至憎果D......龍炒手 - 即紅油抄手 - 一般...都OK 既..冇乜特別咁囉...尖椒皮蛋 - 本人唔食...但朋友猛話好正.....因為D皮蛋溏心喎....口水雞 - 明明叫左 BB 辣....但又麻又辣....我頂唔順...干撈牛肚 - 麻 > 辣....食一件...條脷即麻哂....我又頂唔順.....開心冰粉 - 係一舊類似 silicon 的軟啫喱狀物體的甜品....對於怕食啫喱的我黎講....完全唔掂得.......所有食品都可以揀大/中/小/BB辣......之前睇左其他食評...所以都唔敢

見口碑幾好，專誠嚟呢到試下。一個人叫咗個夫妻肺片餐。先食夫妻肺片，入口一陣花椒香味，然後嘴唇麻晒，而且辣味夠，算正宗。再嚟咗個酸辣粉，雖然要中辣，但初入口已覺辣度十足，味蕾剛適應辣味，跟住酸味殺到，又酸又辣，好不過癮，但難為頭上已大汗叠細汗，d粉煙煙靭靭，幾好口感。正呀!肯定會再嚟過。不過地方就簡陋d。

明報副刊講到佢咁堅, 去見識下喇, 乜都要中辣...就睇下佢係咪真係酸到流口水, 辣到流眼淚 食左一啖牛肚...已飲左好大啖凍檸茶, 真係好很辣...但最弊係, 一味得個辣, 酸則完全欠奉辣得黎, 仲要無哂味覺, 食咁少少野, 就要勁抖等口腔cool down咁樣食法, 都幾無癮...為辣而辣, 完全兼顧唔倒是否好味道...咬左一啖傷心酸辣粉, 救命, 辣到唔可以再食第啖我唔算超級食得辣, 但一般辣絕對辣我唔死, 但呢度, 果然傷心佢未係我食過最辣既一間, 但d辣好攻鼻, 食左2野已想流鼻水同眼水...不過辣得無層次, 亦辣得唔香, 我唔知算唔算好食, 但呢度就肯定唔可以成日食 皮蛋好入味, 鬆化, 讚土豆絲鹹到嘔, 掂左2條已食唔落去雞絲乾麵中辣得黎都唔野少, 因為無乜汁, 係乾辣, 芹菜好香但唔好食口水雞最出色, 雞肉滑溜 值得一讚係個冰粉, 老闆娘話只有重慶先有, 而d辣椒更加係佢親自整不過間舖第1日新開, 立立亂, 成堆員工響樹行黎行去唔知做乜, 漏我地單不特止安排座位又無技巧, 冷氣機滴水又唔識搵個桶接住d水, 黎左野又唔比筷子碗碟總之就係人多手腳亂, 成班好似發夢王一樣 好

在深水埗福榮街上,有一間自稱越食越傷心的食店,他的名字叫"傷心酸辣粉".以小店形式經營.聽聞近日人氣正盛,這一個下午要去黃金買點東西,順道來此一試,食完之後是否令人傷心欲絕?店內只得一張檯,店內亦得兩張細檯,在午市時段自然要等位,眼見亦有很多人外賣.等了一會兒便有位,坐下之後看看菜單,吃些甚麼好?一個人吃得不多,但往往慾望大過理智.又想吃口水雞,又想吃辣粉.可以叫個套餐,內有口水雞,酸辣粉,同飲品.另外再來個川椒皮蛋.寫明"重慶口水雞",事前不知此店的底蘊,不敢托大.口水雞要中辣,先試一點辣汁,對我而言,此小店的中辣已經是底線.但只有辣,吃不出辣以外的麻辣香.很單調.而紅油下的雞肉,因為不是鮮雞之故,肉質特別粗,沒有雞味.同川王,佐敦雲貴川差得遠.川菜的小吃之中,川椒皮蛋是我最喜愛之一.充滿溏心的皮蛋,連麻辣紅油,蒜粒一同入口,那種豐厚的感覺,很難用三文兩語去形容.此店的皮蛋,同樣地不及雲貴川,分成八小件的皮蛋,只得三件有點點溏心,紅油不夠麻香,一味得個辣.有點失望.同前兩味一樣,酸辣粉一樣要中辣.如地獄血池的湯底,未吃之前,見到也流汗.湯底內裏包含著花生,炸醬,榨菜,莧茜等.沾滿湯底

傷心酸辣粉...酸到流鼻涕, 辣到流眼淚..呢檔酸辣粉,其實同大陸果d酸辣粉并沒有什麽分別,只不過乾淨D姐,個名都幾吸引人黎嘅我最鍾意吃呢度嘅 涼拌皮蛋.. 好香皮蛋香味唔錯唔錯

總覺得去吃辣的話…就特別容易約到食友去的…這夜即興傷心局…看看到底誰會最傷心…?這店真的好小…只可以迫迫的坐十零人…等外賣的人重重圍著門口…情況有如銀行擠提…~幸好食友們先到達…我一坐下就可以開始吃~口水雞不錯…雞肉挺嫰滑而且不會太瘦…我比較喜歡有少許肥的雞…點了中辣…雖然有不少辣油…但並不是太辣…是可以再來吃的…麻辣青瓜和豬皮…青瓜爽爽的…很清新…很好吃…我第一次吃麻辣豬皮…豬皮是爽口的而非炆得稔稔的那種…有點像海哲頭的口頭…吸滿辣油的不錯的~川椒皮蛋...溏心皮蛋皮蛋味濃...再配上麻辣醬汁...真的可以吃好幾顆皮蛋呢..~酸辣粉我們叫了一碗小辣和一碗中辣…份量確實不多…有榨菜, 肉碎和花生…我想我一個人也可以吃掉兩碗….哈哈哈~我試了小辣…對我來說其實都有點辣的…再試少許中辣呢…吃的時候真的會感到眼睛和鼻有點刺激…會流少許眼水和鼻水…我覺得中辣已經是我的極限了…如果不是有一杯椰汁在身邊的話…我也不知道怎樣才好…最後點了一個爽口熗藕丁…其實大家都不知道是什麼來的…不過有一個藕字…我們都相信應該是和蓮藕有關的…熗應該是一種煮法…在網上找到好像是乾辣椒泡熱油出來的風味…不過不肯定…這個