傷心酸辣粉 (已結業)

之前都o係老店食過兩次傷心酸辣粉, 个時覺得好出色好正 (因為个時係老細自己”淥”面既,可能好食d. 但昨日自己一條友去食左個口水雞+酸辣粉套餐. 唉….錯晒!! d雞無晒个種麻味,上枱成碟辣油雞咁!! 今次食到成日油,好差勁, 好失望!! 碗粉個湯底得個酸字, d粉又少又淋,無晒口感, 又食唔飽. (我係一個唔大食既女仔都覺得唔飽, 咁男人去食點算??) 個餐連一杯凍飲$41,唔係平架,但食唔飽囉!! 最可取就係有冷氣同埋可以坐得舒服d囉(新店).

本人完全係傷心酸辣粉個尖椒重慶皮蛋粉絲，皮蛋通透溏心蛋黃，老闆曾經話過此非一般皮蛋貨，所以賣得比較貴, 食過多次果然與別不同，沒有一般皮蛋 ”澀澀”地味，本人不太愛一般皮蛋有澀味，最多買貴少少食台灣溏心皮蛋，因為冇澀味，所以對傷心酸辣粉個尖椒重慶皮蛋，直頭超愛上!平時買開外賣食，不過本人昨天發現，他們用開嗰種兩隻比較通透皮蛋唔同咗, 換上一隻黑實一隻通透皮蛋賣. 咁貴食, 居然比d普通貨仲有澀味皮蛋, 咁我唔駛再幫襯啦!!!!黑色嗰隻皮蛋唔好食, 又唔係溏心!

下午到黃金購物順道到此吃酸辣粉. 之前都吃過兩次感覺都可以, 但當然不及深圳東門八哥了. 今次去到看到旁邊開了分店, 挺光猛及坐得舒服但都坐滿了, 唯有去本店了, 老店真的坐得很不舒服, 今次也是要了中辣多酸, 吃完感覺不及之前的兩次, 以前覺得麻味不多不少剛好, 今次一點麻的感覺都沒有, 配料如花生炸菜等都比以前少了, 湯頭很淡, 喝下去只得辣味. 薯粉好像也比以前幼了但還可以的, 有Q勁. 加了杯椰汁, 這汁跟以前一樣不好喝, 只得甜味一點椰香都沒有, 下次還是可樂好了. 比剛開業失色不少, 不知是不是做大了, 開始不注意品質, 希望不會一直差下去, 不然每次也只能回深圳吃.

睇到報紙~特登走去買野食..我就買外賣既...咁第一次去個到買野食...唔識點叫係好正常...咁我問多兩句..作為一個客人問多幾句係咪都唔得先???今時今日既服務態度好唔得lo!!咩事呀?接待我個個人係個中年男士,,唔係好老......我仲記得佢著白色3架!!我佢問我要咩辣..我咪講酸辣lo點知佢講大中少姐!!之後問佢咩係加底..佢個樣又唔知講咁..佢話 我問你咩辣..你又講加底..你最緊要講左咩辣咩...個樣變曬lo仲要大聲講wo,,,未試過咁樣衰~又唔係女人..更年期咩!!!買到返來 d湯又少...索曬水...搞到好鬼咸...我諗真係不外如事~!

今日路過 聽講呢間店好出名 就入去試吓, 我係去新店, 一入店內, 就叫咗一份中辣口水雞套餐 跟酸辣粉條, 試咗一口, 覺得只有酸同辣, 酸得嚟無咗陳醋之獨有香味, 辣得嚟又無咗花椒之香與蔴, 啲粉條比較淋, 如果從來未試過, 可能會覺得係正宗酸辣, 我個人就認為試吓都無妨, 不過珠玉在前, 我曾在廣州食過四川菜, 都因為四川獨有香味及蔴辣開始吸引到我食四川菜, 但今日食到都不一樣, 可能店主因要遷就香港人口味, ok 未試過可以一試.

叫左個餐set, 有口水雞, 酸辣粉同椰汁口水雞無味既, 淨覺得d點麻, 又唔太辣又無咩鹹味, 連花生都唔香口, 唔通口水雞真係連口水都中和埋, 仲好少好少肉, 得d雞皮, 咁緊係滑啦, 好似純粹有舊滑潺潺既野係口到趙下酸辣粉d湯底唔夠味, 淨用辣味掩蓋, 深圳幾蚊碗仲香d添, 不過d薯粉幾彈牙杯椰汁過甜, 係有椰味, 不過甜到好似飲糖水, 解辣都唔需要咁甜下話, 唔知一杯椰汁落咗幾匙羹糖呢, 分分鐘肥過飲同份量既可樂!!

, 老實講~如果大家真的受不了辣就不要去食但大家唔好誤會~我係該店的長期fans~我就覺得舊舖原汁原味d~雖然係熱d細d口水雞一流!!必試(我至愛~)雖然, 粉既份量不算太多所以如果大家想飽既可以食"滷水拼盤套餐"因為o個碟野食完真係好飽...好多野(2隻雞翼+豬大腸+鴨son)另一建議:可能因為本人食得幾辣下所以我會要中辣, 然得一路食就一路加d口水雞既辣汁~真係勁勁好食~~

重慶酸辣粉$15+雞翼$6本人之前都起大陸食過幾次重慶酸辣粉，見話佢做得幾好今日專登嚟呢度試下(早上約12點)，先講薯粉我就覺得未算好彈牙，粉嘅份量唔算多(因為已經先睇咗食評，所以都知唔多粉)，但我都OK因為我唔太肚餓湯底我揀小辣，因為我怕面頭果浸油其實個湯都唔多夠香，唔知係咪我叫小辣呢配料之類幾好，花生都好香脆雞翼$6有2隻，係滷水嘅，都入味Summary:我之前知佢有分店，但唔知道原來我去個時間係唔開咁我就去咗呢間食，呢間眞係勁細囉我去到只有1個位，就係坐起門口，最近個爐嘅位置又唔覺有冷氣，所以未食都已經熱，食到中段個身都濕晒冇下次除非去大嘅一間啦！！不過我覺得都唔好多食，首先係多調味料味精，其次又落鬼咁多辣油，唔多健康想肥死咩但總係覺得大陸好味D，可能係先入為主仲同護士Kitty去食，諗住辣到頂唔住，護士Kitty可以急救添，原來都唔需要，哈哈

因工作出來深水埗,無視大熱天時,拉了同事試試我一直都想食的傷心酸辣粉~1人1碗酸辣粉,share一份口水雞再加杯野飲,開餐^^口水雞:一看到都成口口水啦~~看起來好吸引,cut得整整齊齊,食起來不太辣卻好麻好香,share食有D唔夠喉呢!傷心酸辣粉$15:點了小辣,剛剛是可以接受的程度,味道不錯哦~炸花生好香口(不過國內的都係用炸黃豆的呢),只是粉沒有國內的彈牙而且比較細碗,女仔食都係剛剛不餓而矣~凍奶茶:本身應該OK好味嫁,不過食完酸辣粉杯野飲都變左麻麻的,好有趣~

昨日早上 10:40am 已經改掛了一號風球, Thxdtsdd 及太太見天氣好轉了, 雨勢也細了, 所以決定出外吃午餐! Thxdtsdd 見去深水埗維記吃豬潤麵多了, 想轉轉口味, 太太聽同事講傷心酸辣粉味道不錯, 想試一試! Ok, 傷心酸辣粉係 openrice 口碑都唔錯, 冇問題, 一於試下啦! 招牌的傷心酸辣粉, 辣度分 4 級, 食客可以根據自己的口味及嗜辣的能力加加減減!傷心酸辣粉提供不同的套餐, 方便客人點菜, 而且價錢也較為便宜! Thxdtsdd 及太太兩人都點了套餐, Thxdtsdd 揀了口水雞套餐, 配酸辣粉 + 凍咖啡 ($41). 口水雞做得很好, 雞肉很滑, 而且雞味也很鮮, 醬汁也很香. Thxdtsdd 吃第一啖還以為不辣, 但當把雞肉吞入喉嚨後才覺得舌頭後端感到火辣辣, 要馬上喝一口凍咖啡舒緩一下! 跟住 Thxdtsdd 就挑戰酸辣粉了, 其實我已經揀了小辣, 但一樣很辣, Thxdtsdd 開頭吃的時候只好慢慢一啖一啖吃, 再間歇性地飲凍咖啡令舌頭舒服一點. 太太則點了涼伴雜錦拼盤套餐, 配以涼伴炸醬晶絲薯粉 + 可樂. ($42),

我某日係forum見到有人提呢間舖，話好好食，我咪同女朋友去食囉。咁我地去到，就坐低，我地睇完餐牌，準備叫嘢食。當時店內只有另外兩人食緊，無人叫外賣。我同女朋友足足叫咗個女侍應3次，佢都唔應，記住，係唔應，而唔係叫你等陣，好似聾咗咁，記住，佢只係企係門口望住條街唔知做乜。到最後我即頭起身想走，先有位中年男仕過來問食咩。咁我地就叫咗兩個酸辣粉，我加了鴨腎，我女友加了豬大腸。上菜速度都ok，好過好多食店。但食物就真係難以想像。可能我先聽過人地講話好酸好辣，所以我心理已經expect好酸同真係勁辣。第一口食落去，我即頭係驚嫁，我再飲多啖湯，我仲驚，我以為自己無晒味覺，完全係零味度，講大話我乜都得。我女友夾了我個鴨腎試吓，佢咬咗幾嘢吐了出來，跟住我試吓，嘩，好有原始味度呀!!!!!係腥嫁，幾原汁原味呀。唔係知係咪我食開潮州鹵水鴨腎，我真係唔慣原味鴨腎，就算同優之良品既鴨腎都係同呢個差別好大。講返個粉，賣相唔錯，紅光滿"麵"，好似波斯灣漏油咁，成碗油。究竟係重慶四川菜真係咁多油定係個廚熱得濟滴咗自己d面油落去呢。可能呢個係賣點，神奇在點解成碗明明係辣椒油都可以唔辣嫁?碗面仲好有風味，突出重慶人「

我食左一個涼伴雞絲涼面只係一般,好似唔夠正宗.個面唔夠凍再有一個涼伴豬皮,魷魚,依一個加分,夠凍又夠辣.成個餐一個涼伴雞絲涼面+涼伴豬皮,魷魚+凍奶茶(套餐價要46)我認為佢應該38-40就OK

想不到未夠半年，又再次來深水埗挖掘寶藏了，今天也預算和女友走訪數間食店，第一站來了此店子。此店子賣的重慶菜，大家可能會問，究竟重慶菜跟川菜有什麼不同呢？簡單點說，其不同之處在於重慶菜的味道比川菜更激，就看看今天會有幾激，此店子最出名就是其招牌的酸辣粉，當然是不會錯過，而另外也當然會試試其它的。由於要留肚吃之後的食店，所以看過餐牌後，遂決定點一個餐及一碗粉，餐選了麻辣肚絲餐，有一碟小吃麻辣肚絲，而粉麵有四款選擇，分別是酸辣粉、涼拌炸醬晶絲涼粉、川北涼粉及雞絲涼拌麵，由於女友怕辣好像點涼拌的會較適合她，所以選了小辣的涼拌炸醬晶絲涼粉，另外再有一杯飲品，我和女友捨汽水而取椰汁，因為椰汁內的油份更能解辣，而另外再點了一碗酸辣粉，因為我來也是因為它，有大辣、中辣、小辣及BB辣，我當然的點了大辣。先吃小吃麻辣肚絲，吃下一口，絕對是有麻的感覺，但也不是麻到失去知覺的那一種，而辣度對我來說絕對是小兒科，肚絲有咬勁而煙韌，沾了點辣油，配合面頭的芝麻及芫茜同吃，很是滋味，雖然碟頭不少，很抵吃，但好吃的也是輕易清碟。再來的是招牌的酸辣粉，面頭有一點炸醬、蔥花、芫茜、花生及酸菜，粉是晶瑩剔透的涼粉，吃起來如薯

今次醒左...睇完哂 d 食評...再作現場堪察後.....決定打包番去食...有位都唔坐呀....免得熱死+等死+坐到寒晒背無裝修既食店大把....但佢既簡陋程度...真係一絕呀....開左分店於約廿米之遙....但好奇怪....無興趣坐,就係無興趣坐個酸辣粉.....好過東門果 d 好多......東門果 d ...有層恐佈紅油响面,但食入口只係小辣今次叫中辣...係有油响面,但唔係密不通風果種除左有花生/炸菜,...仲有少少豬肉碎....令咬口更多層次...(東門果 d ...只有花生+芫茜)酸味同辣味都有...無互搶...無"牛奶味與朱力古味"既問題喎番到黎..已絰浸左15 分鐘...都仲煙煙韌韌丫...可能堂食更好....碗粉好食...口水雞........都係手撕好 d....手撕至真係食得出佢撈果個汁既味........佢係斬件既......你要用筷子夾住佢,用個嘴食肉 lur 骨...件雞停留在嘴唇上既時間長左好多...咁對於嘴唇黎講...少辣都變勁辣啦.......食完變豬嘴....好鬼憎佢個店名........語不驚人死不休咁.....你傷心咋,我唔傷心喎!!!!你

因為睇雜誌話哩度食酸辣粉真係會標眼淚，咁就試一試係咪咁勁啦，又再一次証明雜誌推介唔可信，真係要自己試過先知。我叫左碗中辣試，見成碗紅卜卜以為好勁，開頭都驚自己受唔到，點知大熱天時食竟然唔覺辣，就連少少麻痺味甚至酸味都無，我都估到大辣係咩程度，應該都唔係四川勁辣嗰隻，如果好辣的人一定會好失望。除左唔夠辣之外，著粉都唔夠爽，剩係食到一舊舊麵粉咁，成碗麵都好似無味咁，好彩我都係叫一碗試一試，無叫其他小食o者。