傷心酸辣粉 (已結業)

終於在這裡寫了第一篇的食評，想了又想，就獻給深水的傷心酸辣粉吧。一早去了長沙灣的富臨渴茶，最後唔太飽，便忽發奇想去試點新東西，又因為爸爸今天有車方便，結果立刻想到去買一些小吃來為這個偷得浮生半日閒的星期天點綴一下。去到這間傷心酸辣粉，聽朋友話經常都好多人排隊，幸好只是十二時多，沒有什麼人，入到去就叫了一個口水雞+酸辣粉的套餐環境老實唔多好，加上出面個坑渠好臭，扣了不少分。阿姐好像剛剛開門很忙似的，最後選擇外賣回家吃。個套餐都ok抵，口水雞好滑，勁入味，不過唔係太多舊，而個酸辣粉我就只係叫bb辣，但已經好鬼辣。佢地辣分四種，bb已經係最少，不過食呢隻辣都辣到我條舌頭麻痹左半個小時，如果吃得辣就吃大辣因為爸爸說大辣超正。的確，好有重慶風味，冬天吃一流，夏天吃的話應該就十分刺激下，男仔大汗的話就最好唔好係個度食，因為鋪頭冇乜冷氣。

this is the second time i tried this. when u feel bored with the usual stuff, this place is a pretty good choice & the taste is more addictive then expected.i recommend u try the $38 set (+ $1 if take away).the set got 3 things:1) the spicy noodle2) the spicy chicken3) coconut juice* u can choose the level of spiciness but for me, "less less" spicy is enough.the noodle is chewy and it blends well with the its unique spicy soup.people may find it quite oily but i don't think the majority would

週日行完街後,老婆建議去深水埗吃酸辣粉.選擇了傷心酸辣粉,地方細,又要等.等到後又要坐街邊.平時只喜歡乾淨地方進食的老婆,看見也無奈的接受,因為太吸引,所以坐下立刻叫左一個口水鷄餐,和一個酸辣粉.我是要小辣.但巳經令我不停流眼淚.(因為我不是吃辣的人).但味道十分入味,不能不吃.尤其是隻口水鷄,估不到在地方可以吃到咁好味的口水鷄.老婆都大讚酸辣粉辣得好味,坐街邊都值得.最後明白門前的一對對聯(辣到流眼淚.酸到流口水.)掂呀!

090214口水雞套餐＄38酸辣粉中辣（套餐）夫妻肺片$35青椒皮旦$20紅油青瓜$12一股悶氣湧上心頭, 加上啲天氣又熱又濕, 個天好似想作落雨, 非常影响心情，就決定去食辣嘢﹐麻醉自己嚟發洩心中嘅不滿諗住去雲貴川, 外賣都有排等, 唯有轉番去傷心地啦呢次嗌多幾樣, 口水雞套餐抵食, 隻雞有肉味, 有少少肥膏幾滑溜, 個汁又惹味酸辣粉有花生、炸菜、芫茜同肉碎, 啲花生好脆, 個粉粗粗哋, 食落彈牙, 食到個鼻同頭出汗夫妻肺片不過不失, 唔係好入味個皮旦唔漏黃, 青椒唔辣, 唔想再食落去青瓜拍得太碎, 冇咗咬口, 食落唔爽唔過癮流完成餐汗同涕, 心情都好番少少嘞

今日第一次食，叫了酸辣粉 + 口水雞 + 椰汁酸辣粉 + 麻辣肚絲 + 椰汁酸辣粉 - 麻辣道十足，酸菜等料亦很正，邊食要邊飲椰汁降火，走左之後個咀仲係麻痺的。口水雞 - 雞味不重，肉質很滑，調味不錯麻辣肚絲 - 只食得出麻辣調味料的味椰汁 - 普普通通食物結論 - 很地道的內地味道=咸+辣，略為缺乏材料本身的鮮，不過賣點的麻+辣確是給俾到很足。服務 - 不錯，看得出老闆是有熱誠的。當日他們發現前一晚炸好的花生因為太熱入樽關系所以焗淋左，而主動停此落生花配料到酸辣粉改為給多點肉醬由於老婆不太喜歡食麻辣，而本人是很喜歡，下次只好單人encore…

門日大大隻字寫住「酸到流口水,辣到流眼淚」哈哈哈哈好搞笑同友人一人一碗酸辣粉小辣份量唔算大碗但做宵夜就岩岩好有花生有芫茜有炸菜有肉碎酸酸辣辣其實真係好開胃我上次係深圳食過一次正宗酸辣粉嫌果度d粉太硬但呢間除左個湯底正就連個粉既硬度都岩岩好一個字:「正」我將會係長期客仔最衰間舖頭仔太細坐唔得多人

一向鐘意係深圳東門食酸辣粉,今次行街行過聞到啲酸酸辣辣嘅味道,就被吸引,行咗一陣街之後決定去試,叫咗碗少辣酸辣粉,有基本榨菜、花生、肉碎、莞茜等配料,辣辣哋,估唔到幾好味!如果唔係為飽肚,細細碗當下午茶都幾好食完傷心酸辣粉唔傷心,反而好開心,因為估唔到咁好味

經過深水埗,本來打算食維X豬潤面,不過排咗成幾十人.......見呢間野好似唔錯......門口已嗅到好香的辣味我哋叫咗:1) 酸辣粉(少辣) - 可以自己選擇酸/ 辣/ 麻的程度, 初初食唔覺好辣, 點之一路食就開始FEEL 到好麻, 整體好似有好多香料味, 個人喜歡粉Q d 比較好食2) 口水雞 - 唔"鞋", OK3) 紅油青瓜 - 好多蒜頭, 芫茜....正! 有幾款套餐可以選擇 $35 - $42, 有酸辣粉+小食 (e.g. 口水雞 / 麻辣豬肚....)+ 椰汁

每天都早出晚歸工作，吃麻辣似乎成了最大樂趣而傷心酸辣粉而好大大滿足我!酸辣粉﹕由十多種香料製成，味道濃厚而複雜，絕不死鹹死酸死麻死辣，紅薯粉十分Q，彈牙到非常，而麻酸辣可以自由加減調節，味道絕不遜於深圳八哥!!!紅油青瓜﹕本人誠意推介之作，由大量手切蒜蓉(一定要用手切先正!!)鋪面，再加上紅油，味道麻辣之餘並能突顯青瓜鮮甜，在香港並未有吃過比她還好的!!好味秘技只有一個，不要懶!青瓜是用拍的!!口水雞﹕初初開張來吃時曾表示口水雞味道不夠濃厚，後來她在香料配方上做了調整，現在她能做到了味濃而複雜，亦是誠意推介之一。紅油豚皮﹕當然也是味濃而複雜啦，而老闆特別選了厚而爽脆豬皮位置，喜歡吃豬皮的不要錯過椰子汁﹕老實說沒有什麼特別，如果我要飲我會到對面椰林大王買好了。雖然地方小小只有幾張摺檯坐下環境不是怎樣，但我覺得這是風味的一種，如果給你坐豪華裝修又不會比這環境好味啦。而我亦感到老闆的誠意，他從食材選擇至烹調方法都非常注重，務求給客人予最好味道!!!最重要的....是她營業至半夜....

係香港冇幾多間可以做到似SZ的口味.這一間做到了. 酸+辣+麻 都齊. 加上一罐罐的調味料由師父的車仔逐匙"畢"落碗, 最後加上脆花生, $15一碗真的很值.不足的是, 始終香味不足, 只在店前才聞到那種酸辣粉味. 食起來的確不夠香. 我碗紅薯粉未煮得十足, 可以再泡多一陣. 我叫中辣, 可能始終要就hk人口味, 不算太辣. 不過只是下料多寡問題, 如果叫師父放心下重料, 一定夠辣.

我和老公叫了2個中辣套餐1.是傷心酸辣粉 + 口水雞 + 椰汁 = $382.是傷心酸辣粉 + 滷水拼盤 + 椰汁 = $38讚: 熱食酸辣粉時好辣勁好味，口水雞好香好滑、滷水拼盤味道OK‧ 外賣醬拍青瓜好正，凍左唔辣，最好熱食‧彈: 舖位座位太少，只可容納8人，加枱要在路邊渠口，多人時要等，野食好遲先來，辣粉和食物份量太少，價錢唔合符比例，店員只有3人，忙到唔憂做‧

夜裡的深水埗有許多食肆依然營業，包括劉森記，夜歸的人有口福了!本想到老地方劉森記，眼角'梢'到大字招牌傷心酸辣粉，名字有趣而我又愛嗜辣......被吸過去; 對不起劉森記，給新店一個機會吧!酸辣粉(小辣) $15 - 在香港吃尋常米線鋪的米線，小辣於我，一般都是毫無辣味。這酸辣粉的湯，麻不似聯記川王的程度，辣不似佐敦雲貴川的程度，但已是及格;但酸味不知跑到o那裡去!? 配料方面，有炸花生、榨菜、肉碎、莞茜，花生令酸辣粉更香口，建議多加肉碎;薯粉是圓滾滾的型狀，不及其他四川店售賣的扁狀煙韌，倒是比較爽口像瀨粉。拍青瓜(小辣) $10 - 正如另一食評所說，拍青瓜的辣似乎來自大量蒜泥，青瓜倒是爽脆清甜，是一道不錯的開胃小品。椰汁 $7 - 解辣不能沒有椰汁，等不及到椰汁大王買，這裡的椰汁甜味適中，但不夠椰香，可以更香濃。這裡的四川小吃可以為嗜辣者暫解相思之苦，但真正的朝聖地依然是紅墈!深水埗的美味選擇太多，下回走過才再想想是否再續前緣，一試其口水雞......

唔辣唔酸。中辣都無感覺。嗜辣之人唔會岩囉$15酸辣粉：如其他食家所言，真係好少粉又細碗，多花生、少炸菜、有d肉碎、粉太淋講完，總之預左食辣既人黎到，請別抱太大期望，同真正酸辣粉差得遠，可能為迎合本地人口味吧！

行完黃金~一出黎見到有間好得意既鋪頭名~"傷心酸辣粉"外賣左個拍青瓜~未開盒已經聞到好香~返到屋企一開陣味超勁~食落去好辣~不過唔係辣椒的辣~而係蒜頭的辣~真是另一番味道~不過都係好食的~

第一次去, 佢sell我要套餐, 有酸辣粉, 口水雞, 飲品我要了汽水, 另外加錢.酸辣粉份量少, 叫了小辣, 都ok辣, 好好味,下次可以試下中辣,至於口水雞, 五舊都冇, 份量超少, 有d比人搵笨既感覺...多骨, 冇乜肉, 係就係幾好食, 但以咁既份量黎講算係貴, 咁既份量去紅磡食好過囉...