傷心酸辣粉 (已結業)

星期二放假，當然搵0的好野食下，下午就來左旺角新開的傷心酸辣粉﹗記得一年前在深水步的老店吃過，鋪仔細細得0個一張枱仔0係門口，堂食真係等十年都未有位，味道是不錯的但環境真係麻麻，所以去一次就無再去。知道佢幾個月前已經在深水步另外開左間大鋪，不過地點唔多就腳未有一試，今次來了旺角店﹗地點是登打士廣場，之前的史路比餐廳執左就轉左做酸辣粉。格局似新派茶記，地方挺大，落地玻璃光猛坐得舒服﹗有餐供應，同食家就叫個餐SHARE再加多個酸辣粉﹗餐跟了口水雞，是這兒的招牌菜﹗雖然係跟餐不過都幾大碟﹗個汁有甜帶微辣，是花椒油香，雞肉雖未算嫩滑不過實淨幾好肉，惹味香口﹗吃得滿口芝麻香，一陣就俾我地兩個掃哂。主角來了，傷心酸辣粉﹗食家上次吃過中辣後成身冒汗，我食辣仲屎過佢都係不要懶醒，要了小辣﹗湯紅紅的，雖知是小辣不過望到都已經流定汗﹗薯粉上是大量肉醬、蔥花及菜莆等，夠哂香口﹗醋未算下得多，酸度不夠，但辣度就驚人，本來開頭食都無咩野，不過食食下已經滿頭大汗，最後去到汗如雨下，口腔有少少麻痺感覺，果然食小辣已經係我既極限﹗我最愛就是吃煙韌的食物，薯粉是至愛，呢度的薯粉圓身偏粗，口感一流，富彈性又煙韌，超好O趙

經開旺角, 見人之前講呢間d酸辣粉幾好食就走左去試下~本身鐘意食辣野, 都係aim係辣粉上面見個口水雞幾好食..就叫左個餐試下口水雞同埋涼粉都可以揀bb辣/小辣/中辣/大辣/特辣第一次食..唔敢叫大辣..都係叫小辣好啦!野食黎到其實有少少失望細碟左d...同價錢唔成正比...但味道唔錯!假如份量多番少少就好啦

朋友帶我來，第一次食這間傷心酸辣粉因為我唔係好食得辣，所以選了肥腸+鴨腎酸菜麵，好豐富，酸酸地幾得意，肥腸也無怪味，鴨腎也很軟朋友點的蒜香白肉，我最喜歡，而且蒜蓉很多而口水雞，賣相不錯，我斗膽一試，都不錯，但我真係唔係好食得辣

日前同朋友仔去旺角行街街, 見到開左間 "傷心酸辣粉" 分店...之前響原舖食過, 即係深水埗總店...唔錯既!! 不過分量實在太少...相對價錢就會覺得偏貴...因為朋友仔一直都未試過, 所以就決定晚餐響 "傷心酸辣粉" 解決 響條小樓梯上到 2 樓, 似乎係裝修無幾耐既格局...簡簡單單但坐位就比較密同有少少迫既感覺... Menu 竟然就係路邊派既傳單紙, 可能真係開業無耐, 未整好 menu...似乎多左好多選擇, 多左小食, 仲有....甜品 =v=價錢方面, 同總店差唔多啦...因為 2 個都唔太肚餓, 所以叫左 1 人1 個粉試下就算: 川北粉皮 (中辣) 傷心酸辣粉 (小辣)先到枱既係... 川北粉皮, size 一般, 個樣唔錯, 吸引~ 攪完一輪, 冷冷既粉皮好爽口, 辣味好足~ 之後上枱既係.... 傷心酸辣粉, size 比總店大碗喎 一邊攪一邊聞到酸麻辣味, 唔錯~嗯, 唯一不足, 就係食落口既時候, 酸 / 麻 / 辣都足夠, 但此終唔夠總店....香!!!!有待改進唷~