傷心酸辣粉 (越秀廣場)

營業中

休息中

秋風起，早2日去新蒲崗嗰邊搵朋友，諗緊食啲咩嗰時，朋友話不如試吓傷心酸辣粉放題，真係冇諗過傷心酸辣粉都有放題😂😂原來佢而家做緊新張優惠，依家全日做緊$108一位，仲要唔使加一🤗，就可以享受到兩小時任飲任食🥳，講真真係CP值超高👍🏻佢有四個煲（雞煲/ 烤魚/肉骨茶煲/胡椒豬肚雞煲）可以選擇，我哋選擇咗胡椒豬肚雞煲，等個煲都要一段時間，所以我哋就叫咗個雞軟骨小食過吓口忍😝個煲終於嚟到喇，我哋首先試吓個湯，個湯胡椒味都好重，啲雞都好滑，豬肚都好入味同好爽口食咗啲雞件同豬肚之後，就可以繼續打邊爐啦，我哋出去揀咗啲配料，肥牛，牛丸，墨魚丸，雞肉腸，芝士腸，生菜，仲有薯粉添🤭重點介紹係，佢嘅牛丸，唔講唔知原來佢嘅牛丸係自家製”傷心牛肉丸”，食落去都好爽口同多汁😜最後，仲有個豆腐花作為甜品，其實小編已經好飽啦🤣整體來講其實CP值都好高，價錢都係優惠，雖然配料選擇唔係話太多，但係其實都足夠嘅👍🏻P.S: 天文台話今日開始會凍，真係好適合打個邊爐🫕暖暖身😉

傷心酸辣粉平時食一碗碗的酸辣粉食得多，原來傷心酸辣粉都有雞煲烤魚放題今個星期天氣開始轉涼，食返個麻辣雞煲暖下身非常滋味新蒲崗店只要$108就可以兩個鐘放題任飲任食，性價比高，大家又點可以錯過升級放題可以在重慶麻辣雞煲/烤魚/胡椒豬肚雞煲/肉骨茶煲之中四選一，食完個雞煲就可以加湯即刻打邊爐，大家可以無限追加各款精選配料、飲品、汽水、啤酒食品方面 : 今次選擇了小辣的重慶麻辣雞煲，辣度微辣適中，不會太鹹，雞煲份量十足，香辣入味自助區精選配料充足，有美國肥牛、豚肉片、魚柳、各式類丸、豬皮、豬紅、豆腐、新鮮菜類、薯粉、寬粉、幼麵、米線等等美國肥牛肥瘦均勻，放題中非常出色，真係可以任飲任食吃到飽最後仲有山水豆腐花做甜品，完美的一餐雞煲放題Ours Tips : 升級放題係每位$108(2位起)，記住約埋朋友一齊去食啦

食雞煲??定烤魚好呢??兩樣我都好鐘意食呀!!!最後任性嘅我決定食曬兩樣，順便回報俾大家聽邊樣吸引啲~~重慶辣雞煲因為我唔太食得辣，所以叫咗小辣，感覺辣度適中，一打開個蓋，香辣味非常濃烈，雞件份量都算多，而且超級入味但真係要提醒大家，食之前要撈一撈啲雞件先，如果唔係食到底就會有小小咸同埋一定要趁熱食，因為咁樣啲雞肉先會嫩滑啲酸菜烤巴沙魚喺香港食烤魚，呢度就寅係抵到爆呀!!!我諗一條烤魚都夠2個人食，而且佢有好多酸菜配料就有蓮藕、芋絲、金菇、木耳、豆卜等我就鐘意一啖魚夾住小小酸菜咁食，魚肉索曬酸菜味，味道更開胃好啦，到咗大家最期待嘅比分時間啦!!overall嚟講我會覺得雞煲CP值係比較高，因為烤魚真係唔算非常入味，只係我一啖魚夾住小小酸菜咁食搭救返，同埋魚肉有小小鞋身，但呢個價錢嚟講我覺得都可以一試嘅

🌶地獄雞翼$32辣子粟米$28重慶麻辣烤魚$198雞翼炸得非常之香但好似唔夠辣多啲辣粉應該會惹味🔥粟米唔夠脆但係甜嘅夾埋辣椒碎非常之好味好少喺傷心酸辣粉食烤魚今次第一次食估唔到係有驚喜㗎喎🤩魚肉唔係好散亦都係食得出新鮮嘅 肉質細膩魚皮都有煎過食到最尾都食唔到一條骨 湯底好濃郁鹹辣香味適中❗️我留意到佢做緊一個非常之抵嘅放題優惠如果你哋行過新蒲崗又鍾意食辣野嘅就要去試一試啦🏠傷心酸辣粉 (越秀廣場) 新蒲崗寧遠街3-23號越秀廣場地下G10-G11號舖

最近天氣開始轉涼，即刻心郁郁去打邊爐。留意到新蒲崗竟然有間大排長龍嘅$108任飲任飲嘅烤魚雞煲，似乎係街坊熱門捧場之地！對於平時其實唔係特別好放題嘅我，可以話係有少少喜出望外。首要先講下呢個放題係點計法，$108（無加一）可以自選麻辣雞煲、烤魚（麻辣／酸菜）、胡椒豬肚雞煲或者肉骨茶煲，兩個鐘頭內自助區任食任飲。今次叫咗酸菜烤巴沙魚，估唔到兩個人份量嘅烤魚會有手臂咁長，酸菜咸酸度適中，烤魚肉質夠厚實，極少骨，係唔食開魚嘅朋友都絕對可以100%成功挑戰。另外好少可以一讚嘅係，湯底竟然完全無油， 直情可以當湯飲！！自助區種類有極多，肥牛、豚肉片、各類腸丸、豆腐、菜、薯粉寬粉等等。肥牛係喜出望外，除咗夠厚切之外，比坊間$100-200放題出色在肥瘦均勻，唔係果種死肥嘅肥牛，食兩塊都爆廠果啲。而且牛丸應該係佢地自家品牌出嘅，牛味超濃，入面仲少少爆漿咁，非常推介！講到打邊爐至愛點可以無啤酒，任飲區以呢個價錢嚟講可以話種類極多，見隔離檯4件麻甩佬一嚟隊咗半打啤酒，汽水紙包飲品亦都唔缺。順帶一提，佢哋食物refill速度好快，樓面侍應都好夠。應該係食過性價比最高嘅烤魚雞煲放題。平日要食可能要早少少到，

放題可以揀雞煲 胡椒豬肚雞煲 烤魚同肉骨茶煲❣️每位$108就可以食雞煲同打邊爐🥰飲品有好多選擇 除左各款汽水 啤酒 茶🫖仲有有汽檸檬茶🍋.🌟雞煲雞煲配料好多 有洋蔥🧅薑蒜 夠晒濃味揀左小辣 辣味夠突出🌶️🔥雞好嫩滑 好入味而且份量都好足❤️.🌟火鍋配料食完雞煲就可以加湯打邊爐🍲係外面嘅雪櫃冇標籤🏷️所以唔知係邊種肉肉類有雞牛豬同魚 又有唔同丸類🔥芝士年糕最吸引 煙韌又有芝士味🧀仲可以任食薯粉 紅薯寛粉🍝酸辣粉迷要試😍.🌟夫妻肺片 $42另外加錢叫左碟小食 麻辣汁好惹味🌶️牛展同牛肺都好入味🔥

忽然間心癮起…好想食辣野…但係今日打緊風🌀仲係八號風球🥲但比我發現傷心酸辣粉原來仲有開🤭所以八號風球我都同老公要出去食😌佢哋做緊任飲任食兩小時放題雞煲/烤魚/肉骨茶煲/胡椒豬肚雞煲（4選1）每位$108仲要冇加一真係抵到爛🤭我哋揀咗麻辣烤魚小辣，（亦都可以揀酸菜味）不過真係越食越辣，食到我流晒鼻水🤣佢哋係用巴沙魚，我第一次聽，都係第一次食，超級大條，肉質嫩滑鮮甜，而且仲好入味🤤完全滿足到我嘅慾望我地重叫咗皇牌口水雞，一如以往夠晒麻，夠晒辣🌶️雞肉皮爽肉嫩火鍋配料有好多唔同嘅丸類，肥牛，豬肉片，雞肉，鳳爪等等，另有多款蔬菜🥬芋頭，雞髀菇，南瓜…飲品選擇都好多，亦都有啤酒🍻我地最後用豆腐花做結尾，原來可以用飲管食豆腐花😂呢個方法幾特別又🈶️創意😂總結呢個放題真係好抵食👍🏻順帶一提店員好有善好有禮貌👍🏻埋單嘅時候見到有佢地自己嘅花生🥜賣，我都買咗兩盒返屋企嘆😂因為真係又香又脆

真係估唔到傷心酸辣粉都會有雞煲烤魚放題🤣可以兩小時無限追加配料和汽水飲品任飲～而價錢勁抵只需要$108/位😎如果唔鍾意食雞煲烤魚，亦都可以選擇豬肚雞同肉骨茶四擇其一🥳-🌟重慶香辣烤魚 (BB辣) $108/位好惹味，BB辣唔會話好辣可以接受的😌仲要超大條呢個價錢好抵食😋-🎈火鍋配料區基本上簡單的火鍋配料都有齊哂！！而我向來打邊爐食烤魚都喜歡食丸類，呢度竟然有芝士魚腐🤩而且仲有一啲牛肉和雞肉可供選擇😎-🎈放題飲品區有好多紙包和罐裝飲品～仲要有埋無糖茶同埋啤酒添🍻-🎈豆花奶茶 +$18呢款就係散叫既，豆腐花好滑同奶茶好夾😆😆-整體食完真係覺得好抵😎呢個價錢呢個質素算係咁了～如果住附近又好想食真係會成日落去食啊🤪-🔶傷心酸辣粉📍新蒲崗寧遠街3-23號越秀廣場地下G10-G11號舖

呢間傷心酸辣粉最近做埋放題，主打雞煲/烤魚，仲有打邊爐材料任食同埋任飲，價錢仲要好平（$108一位）屋企人收工唔想煮飯就過左去試試佢🤣🤣今次揀左麻辣烤魚鍋底，可以揀BB 辣，不過都幾辣既，要落返D 湯沖淡佢先打到邊爐🤣🤣魚肉結實同幾滑，入哂味都幾好味😋😋出面有唔同既生料可以自取，種類都幾多，又唔洗等佢黎，想食幾多就拎幾多，都幾方便架😉😉飲品種類都唔少，有無糖飲品又有啤酒，滿足到唔同人既需要💁🏻‍♀️💁🏻‍♀️ 最後仲有甜品添，每人一個豆腐花🤤🤤 📍 傷心酸辣粉 (越秀廣場) (新蒲崗)新蒲崗寧遠街3-23號越秀廣場地下G10-G11號舖#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkig #hkfoodie #hkfoodies #food #foodie #foodstagram #foodblogger #berryfoodie #berry新蒲崗 #傷心酸辣粉 #烤魚 #火鍋 #放題

放題可以揀雞煲、烤魚、肉骨茶煲及胡椒豬肚雞煲4選1 (2位起)。新張優惠1位只係$108，重要免加一，超抵食🤭🍲我揀左胡椒豬肚雞煲，好有驚喜😍湯底胡椒味香濃，帶胡椒辛辣，但又唔會辣到苦，調味啱啱好。好似飲緊肉骨茶咁，好正👍🏻雞塊份量好多，夠入味。本身唔太鐘意豬肚，但佢嘅豬肚無腥味之餘，重入哂胡椒味，好食嘅。雞煲食到咁上下，加湯就可以打邊爐😋⭐️自助拎火鍋配料有牛肉、豬肉、多款丸類、燒賣、蝦、蟹柳、菇、蔬菜、芋頭、年糕、腸仔、粉麵薯粉等等。⭐️飲品有啤酒、汽水、紙包飲品、茶等等。食材種類選擇都幾足，性價比高👍🏻🍗地獄雞翼 $32雞翼好香脆，調味香，好好食。雖然叫地獄，但我食唔出辣味，唔知係咪咁啱😂🍆涼拌茄子 $25醬汁調味剛好，有好香蒜蓉味。茄子入味，一樣好食，係偏油左少少。

有日放工發現新蒲崗新開左傷心酸辣粉做緊全日嘅火鍋放題，就搵日過去試下。平日中午，全場爆多學生～打邊爐向來豐儉由人，今次要寫傷心酸辣粉推出嘅2小時火鍋放題 （雞煲/烤魚/胡椒豬肚雞/肉骨茶湯底）4選1+任食火鍋配料+汽水任飲$108/位 （2位起） 眼見火鍋配料放入凍櫃分別一盤盤放好。牛肉、雞肉、豬腩片、什丸、魚皮餃腸仔仲有魷魚等仲有近來新寵 維他有汽檸檬茶 任飲烤魚可選酸菜/麻辣口味，再選辣度！烤魚超大條,煎香左先放入鍋內！魚肉唔算好多骨。薯粉/寬粉吸湯汁必拎之選！多款火鍋配料食物質素唔錯，$108無加1呢個價錢真係超值無投訴！

麻辣米線/薯粉都會諗起好多間雲南米線，而其中一間係傷心酸辣粉都比較出名，近期推出咗任食放題，有四款唔同嘅煮食俾你四選一 ✨每位都係只收$108就有好多嘢食俾你食，仲要有2小時慢慢食又唔會太過急😆其他所有配料都可以俾你任飲任食，我就嗌咗一爐麻辣烤魚 ，原條鯰魚慢慢滖熱湯底，麻辣嘅湯底滾後成條鯰魚好似滾動好有生動😂咁呀上邊配襯芫荽、紫洋蔥🧅煮緊嘅時候會有浸麻辣嘅香味之餘亦都有香蔥嘅香味，先食咗鯰魚肉質比較厚實，魚皮煎好兩邊所以唔好話住得泰萊會變咗魚肉會爛晒，浸住麻辣嘅湯鍋裏邊，魚肉更加索晒麻辣湯底，我就用咗小辣食落去個味道啱啱好夠辣 ，再配埋任食嘅配料薯粉、川粉、冬瓜、南瓜、牛丸、包心丸等估唔到都多食物選擇，每位$108呢個價錢係超抵，仲有熟食食品嘅一個甜番薯🍠春卷呢個必定要食，好味😋最後我同朋友都嗌咗招牌特色飲品 只係加$19就有一杯🤩✨荳花奶茶軟綿綿香滑豆腐花配埋奶茶香滑，茶味更加濃郁不會有苦澀味，而想不到原來咁好飲，呢杯下一次會再encore😍😍✨椰汁涼粉涼粉一定配椰汁，涼粉爽口又清涼得來帶有少少椰汁嘅甜味，簡直係絕配😋

😆嘟嘟妹最中意食烤魚～🥰​因為麻麻辣辣又可以瘋狂食寬粉真係勁幸福～🗿​但大家都知嘟嘟妹同大家一樣都係小資女​所以呢間只需要同$108就食到兩個鍾嘅烤魚真係岩哂我～🌟​​***​✨抵食之選：$108任食烤魚🐟​👉🏻推薦指數：🌟🌟🌟🌟​👉🏻食評：呢間烤魚係任食任食～因為就屬於平價烤魚😍所以係出面自己拎野食🤣款食唔多😆但就有得任夾金菇～薯粉同寬粉🌈但質素就似以前食漢陽苑嘅frd😚野飲方面都有烏龍茶同埋其他紙包飲品～重有啤酒任飲嫁‼️‼️​​✨如果想黎食就早少少黎排隊霸位😆​✨烤魚任食真係好吸引～最重要係個味真係好麻麻辣辣😆唔似出面求其搵一個水嘅湯底加辣椒粉嘅感覺～​✨如果想平平地食下都正正宗宗嘅烤魚真係可以黎試下😆​​***​🎏店鋪：傷心酸辣粉 (越秀廣場) (新蒲崗)​🏚地址：新蒲崗寧遠街3-23號越秀廣場地下G10-G11號舖​

忙咗成日 放工想搵嘢食 經過越秀廣場俾佢大大個宣傳吸引到 任食任飲放題兩小時$108/位 超抵喎🥳一於入去試吓 我哋叫咗少少辣酸菜烤魚🐟 滾起來香噴噴 好正😋 但我唔食得辣😅有超過20款罐裝紙包飲品任揀🧃火鍋配料有肥牛雞？肉豬、有燒賣、龍蝦丸、南瓜🎃芋頭、魚皮餃、蝦🦐生菜、娃娃菜等等 好多選擇食完個烤魚 我哋就可以加啲配料落去打邊爐啦，食足兩小時最後仲有豆腐花送

今晚放工經過新蒲崗越秀廣場，比傷心酸辣粉門口嘅廣告吸引咗🤩大大隻寫住 「任飲任食放題 2小時 每位$108」！會唔會太抵食呀？放題喎！但實不相瞞，傷心酸辣粉嘅大名聽就聽得多，但因為自己唔太好辣嘢 所以從來未食過🙈 好愚昧咁問門口收銀哥哥 放題嘅雞煲有無得叫唔辣🥺點知個哥哥話：梗係可以叫唔辣啦！你講就得架喇😎我同🦁仔就諗都唔諗殺咗入去！一黎就叫咗雞煲(走辣), 再加多小食 海蜇手撕雞$38，先講個海蜇手撕雞，好好味 我哋兩個幾乎爭食🤣雞肉好滑，配上爽口嘅海蜇同青瓜絲，一流😋過咗陣我嘅走辣雞煲就到啦😍喺雞煲煮緊之際，我出咗去拎飲品同火鍋配料～請睇相 睇相你就知食材有幾豐富！🤤淨係飲品大概有廿種🤭火鍋配料方面⋯我見到店員不停加添，絕對唔會吝嗇🤗好多款火鍋配料我都鐘意，最鐘意芋頭(好粉好香), 南瓜(超甜), 丸類同埋肥牛，肥牛算厚切，一定岩晒各位牛魔王～ 主角雞煲內好多大蔥 洋蔥 少少芫荽咁，一開真係勁香，忍唔住食完一舊又一舊😳幻想到冬天食應該更正 熱辣辣🤤我哋兩個食晒啲雞肉就開始火鍋喇～足足食咗兩個鐘，店員都好好 無催過我哋，食得好舒服，冷氣又夠～我地食完大約係8:30左右，門口已經有好多