傷心酸辣粉 (越秀廣場)

營業中

休息中

天氣開始轉涼，又係時候食烤魚、火鍋、雞煲、肉骨茶煲等等暖暖身體！😍「傷心酸辣粉」居然推出極抵食優惠，一位只係需要$108就可以任飲任食，cp值好高！🌸🌸🌸🌸🌸🌸🌸🌸🌸🌸🌸🌸🌸🌸🔸皇牌老壇酸菜烤魚🐟選擇好多，有雞煲、烤魚、胡椒豬肚煲等等！今次選擇「老壇酸菜烤魚」，大大條美味烤魚，賣相吸引，味道豐富！😝先說外皮炸脆，魚肉卻是啖啖肉、外脆內嫩，建議魚皮魚肉一齊食，配上開胃微酸的酸菜湯底，三重享受！而魚肉都超多，不怕不夠飽！🔸多款火鍋配料🍲選擇都唔算少！有蝦、牛肉、豬紅、大量丸類以及蔬菜選擇！蔬菜方面，比較喜歡芋頭，芋頭切得細條，粉而香，煲得耐幾入味！丸類選擇不少，有香腸、年糕、芝心丸、龍蝦丸等等任君選擇！😋🔸烤魚必飲任飲飲品🧃飲品都算齊全，就算你想揀罐裝或包裝飲品，選擇都唔少！除了可樂雪碧等罐裝飲品，仲有罐裝啤酒，爽！如果想降下火健康啲，包裝的竹蔗茅根以及金橘檸檬都不失為好選擇！✔️

//< 傷心酸辣粉 >傷心酸辣粉食粉就食得多，估唔到依家竟然有烤魚/雞煲放題！🥰價錢仲要好抵～～ 性價比高😆————————————- 皇牌烤魚：老檀酸菜味 $108/1位（兩位起）-小編諗咗好耐究竟食雞煲定係烤魚好！因為兩樣都好吸引同好抵呀🤣🤣小編唔知係咩魚，但係超級大條，煎得好香🥰 魚腩部分超級滑，邊邊位則好香～ 記得趁快食！如果唔係會老曬唔好食架喇～湯底味道都選豐富，酸鹹到適中～ 唯獨食到後期稍微鹹左少少，基本上小編都唔需要將火鍋配料額外沾醬汁，已經夠味🥰火鍋配料選擇都好多，質素正常啦！不過小編食魚都已經好飽lu😇飲品有紙包飲品、罐裝汽水甚至啤酒🍻都有，非常豐富😊————————————- 鹽焗手絲雞 $36 -呢到既小食總類非常多～ 呢個正常發揮，雞肉唔會太嚡，帶有少少鹹味🧂配埋青瓜絲同芝麻都香口同爽～過下口癮非常不錯！————————————評分：7.2/10地址：新蒲崗寧遠街3-23號越秀廣場地下G10-G11號舖營業時間：08:00-23:00#傷心酸辣粉 #新蒲崗美食 #新蒲崗 #新蒲崗必食 #烤魚 #烤魚放題 #雞煲 #雞煲放題 #酸菜魚 #香港美食

知道有酸菜魚加放題，又$108位及食兩粒鐘，當然唔放過。去之前打電話預訂枱，約7:45分到，餐廳九成滿。安排坐四人枱，點了酸菜魚中辣後就出去搵食，有兩盆可即食，包括春卷及番薯。由於肚餓，所以都食住先。春卷唔錯，脆口內有木耳絲，爽爽地，好食。飲品都好多選擇，有最新的零系可樂。酸菜魚係炸過，所以較香口，但我比較喜歡傳統的，冇乜點炸的酸菜魚。條魚好大條，份量足。至於打邊爐料，丸類都多，喜歡有魚肉選擇，雞肉都好食，可能係跟供應雞煲有關，但末見有鮮牛肉。由於烤魚的煮盆比較淺，所以打邊爐時不太方便，另外係湯底偏咸。雖然如此，這餐開心酸菜魚，都令我食到捧着肚回家！

去咗九龍城探朋友順便食飯，想食雞煲見到新蒲崗有仼飲任食就過去試試，仲要有新張優惠$108唔需要加一，☺️更加吸引我哋去食，7:30左右去到，未算好多人，眼見8成full所以座位唔迫環境都算舒適嘅。開始食無幾耐就見到要等位啦，不過可能係呢區嘅人早開餐，都見到keep 住有人埋單，所以好快就有位。雞煲方面，雞件好滑👍🏻👍🏻👍🏻唔係講笑😄配料都唔hea有洋蔥，芹菜，芫荽，蔥🤩齊晒仲有我個人，對於雞煲嘅調味都覺得剛剛好唔會太濃亦唔會覺得鹹有我最鍾意❤️無糖coca cola 🎉🎉仼飲唔需要再加錢😋有自助醬料區，選擇唔會係多，我相信都係因為個煲本身都係重口味嘅，所以醬料區亦都唔需要太多配料啦自助食品區，應該有超過30種不同嘅食物比你可以選擇，有肥牛，雞件，丸，菜，蝦🦐，基本上打邊爐有嘅基本野佢都有齊嘅，唔錯呀😋😋😋🔺🔺🔺🔺總括來講呢個價錢算係性價比高嘅仼食放題

————————————————————————-🎉估唔到傷心酸辣粉都有雞煲烤魚食，而且係任食任飲，價錢都係$108一位，抵到喊，即係就同家姐去咗新浦崗試試！🔆原來四位已經可以任選雞煲/烤魚/肉骨茶煲/胡椒豬肚雞煲其中兩款！可惜我地得兩個，就揀咗烤魚～上枱已經紅噹噹香噴噴，條魚一睇就知肥美大條，兩個人絕對唔會唔夠喉！食落肉質一啲都唔差，加埋微焦嘅魚皮，食唔停手，問落先知係巴沙魚，正！🏮成日都形住香港所有辣嘅菜式都被港式化，唔夠辣同惹味，但傷心酸辣粉出品嘅烤魚，絕對無呢個問題，叫咗中辣，夠晒味，湯底同配料都配搭出色，好夾條魚🤎食完烤魚梗係要打bino!呢度嘅配料雖然款式唔多，得絕對夠，大路野你想打嘅配料都有，而且肉類味道都完全合格，過足火鍋癮，我最滿意就係任食任飲款式好鬼多，而且啤酒竟然可以任食任飲！宜加好多地方都要加錢，加分！烤魚雞煲怎能沒有酒！🚼小結：已呢個可能係全城最抵嘅價錢，食到一啲都唔失禮嘅烤魚，性價比係超高質，而且仲要任食任飲，爽😎

$108食兩個鐘，兩位起可以揀肉骨茶，烤魚，酸菜魚或雞煲以上係一次性，之後加湯打邊爐任食一行三人去食餐廳幾大，座位幾多，而且坐得唔迫不抱期望去食，估唔到有驚喜以呢個價錢，真係好難搵到另一間烤魚有一大條，肉質好滑，烤得好香，湯底夠辣食完其實都飽左5成火鍋配料選擇唔少，基本豬，牛，雞都有雞係冰鮮，但肉好多好滑有菇類，有幾款菜，仲有丸類飲品都係任飲推介有鮮牛肉，好滑有肉味另外牛丸都好值得encore食滿$250仲送一包200g 自家制牛丸，爽口彈牙有牛味埋單$108, 唔駛加一唔駛茶錢，非常抵食

平價雞煲放題傷心酸辣粉相信大家都聽過呢個名，細細個已經開始識佢嘅酸辣紅薯粉。今日去miKiki行街之後見到原來佢已經唔同咗好多，出咗好多新野～茶餐廳環境，寬敞舒適，尚算乾淨企理，服務質素都ok~雞煲放題每位$108～有得選辣度，我就揀咗BB辣😋除左雞煲，仲有烤魚、肉骨茶煲、胡椒豬肚等選擇，非常多款式，而且價錢便宜～放題可以係免費區自選火鍋配料（大量丸類、魚腐、燒賣、年糕、麵類、菜類、肉類等）少量炸物、還有多款飲品～自助形式，連加湯都係，免收+1服務費雞煲選了BB辣，微辣，很易接受，越食越辣。雞肉嫩滑份量多而且很入味，辣得惹味，不錯👍🏻吃完之後加湯，食火鍋，食菜的話會變到很辣🙈推介肥牛、芝士魚腐～放題食到飽～服務質素：7/10環境舒適度：7/10ᶘ ᵒᴥᵒᶅ個人口味評分：7.5/10

天氣一轉涼，就想搵啲暖笠笠嘅嘢食🐷最近去咗傷心酸辣粉，試左佢哋嘅麻辣雞煲放題✨平時去傷心酸辣粉食酸辣粉就多，但今次嚟到新蒲崗分店，試咗佢哋性價比極高的麻辣雞煲2小時放題($108/person)💛首先服務方面一入店內店員好熱情，即刻帶你入去坐低，好有耐性講解套餐是怎樣的～食食下見到我哋嘅雞煲就嚟燒燶，會提醒客人關小點火，抵讚👍🏻💛然後食物方面我哋order咗重慶雞煲小辣，辣度適中，雞肉份量算多，非常嫩滑入味~重點係花椒和辣椒的配合，簡直係味覺嘅衝擊❤️‍🔥食完雞煲，可以加湯打邊爐🍲配菜款式選擇多，質素不錯😆好鍾意食佢哋嘅芝士丸魚皮餃，食到最後再加少少薯粉，薯粉吸收左湯汁，煙煙韌韌好有口感，非常正😈💡配料款式有:肥牛，雞肉，豚肉片，蝦，豬紅，丸類，豬皮，新鮮蔬菜，豆腐，寬粉薯粉，米線••••••💛最後店員主動送上山水豆腐花作為甜品，為完美的一餐雞煲放題畫上句號✨

行過新蒲崗竟然發現傷心酸辣粉🍜出咗一個爛市街坊價的$108超抵放題🍲，小編當然唔可以執輸同大家試吓係咪真係咁抵咁正先🙆🏻‍♀️👉2小時任飲任食放題($108/人，兩位起)1️⃣雞煲🐓/烤魚🐟/肉骨茶🐽/胡椒豬肚中選一款☝🏻小編就揀咗酸菜烤魚🐟，巴沙魚先煎香🔥開邊再用方盤爐上枱，份量大份到有成隻手臂咁長又冇咩骨，食落肉質嫩滑抵讚😍不過酸菜味🥬就略嫌唔夠重🤏🏻，如果再多d就好啦🤣2️⃣ 任揀30幾種火鍋配料🍲門口位有兩個大雪櫃放滿唔同嘅肥牛🐮、肉類🐓、海鮮🦐、丸類、蔬菜🥬、菇類🍄同招牌的紅薯粉等等包你揀到心水❤️種類多到好似去咗酒樓🥢咁食緊幾百蚊的放題🤣✅滑牛肉🐮必食坊間少見嘅滑牛肉😎✅凍豆腐吸晒湯的精華🤤✅芝士年糕、芝士丸🧀芝士粒粒都爆棚🧀好邪惡😈✅招牌紅薯粉(寬粉/普通版)3️⃣自選飲品/醬料有10幾種飲品絕不欺場💯4️⃣自助小食區當晚有咖喱角、滷水雞翼花生🥜，但我哋食得太飽啦試唔到😢P.S: ▪️識得一提店員會keep住refill食物，每次出去都唔會見到有吉左的情況出現👍🏻

估唔到傷心酸辣粉都有烤魚火鍋放題，只係$108/位就可以任飲任食 2小時，呢個價錢出面食條烤魚都唔得，真係抵到爛😱烤魚有兩款口味，老壇酸菜同秘製麻辣，烤魚係原條沙巴魚咁上，絕對唔會張貨就價，由於條魚太大條，所以真係分分鐘食烤魚都已經夠飽了😂傷心酸辣粉仲有好多特色小食，我地單叫左個黃金花枝丸，黃金色嘅外皮，咬落真係好有口感，點埋個泰式辣醬非常惹味🤩火鍋配料都好新鮮，而且款式都幾多下，食完之後仲有每人一個維他山水豆腐花做甜品，今餐真係飽到上心口呀😆除咗烤魚之外，仲有唔同風味嘅雞煲，例如香辣啤酒雞同藥膳雞煲，連肉骨茶煲都有，選擇好豐富，下次再試埋其他款先🤪

🔸最近見到傷心酸辣粉推出咗個$108/位2hr任飲任食放題😍除咗有我最愛嘅烤魚，仲有雞煲，肉骨茶煲及胡椒豬肚雞煲供選擇！非常吸引呀！即刻嚟試下先😛🐠麻辣烤魚放題 $108/位 免加一烤魚辣度揀咗小辣，烤魚份量十足，好大條超厚肉！湯底好香辣，唔算好麻，條魚係有炸過，冇乜細骨，啖啖肉呀魚肉外酥內嫩，食落非常惹味，好食入面仲有些少嘅芽菜，吸曬d湯汁，食完烤魚，就可以自己加湯落去開始打邊爐啦🔸自助吧仲有各式各樣的火鍋配料，包括牛肉，豬肉，豬紅，薯粉，丸類及時令蔬菜等等，大概30款左右，非常多選擇！我就最鐘意牛肉，粟米，薯粉同蔬菜！牛肉唔算好肥粟米超甜呀！薯粉吸曬d湯汁超正，不枉為呢間店嘅招牌菜而蔬菜非常新鮮🔸而飲品方面選擇都幾多，有汽水，烏龍茶及酒精飲品等等，估唔到竟然仲有新出嘅無糖可樂，啱曬我🔸紅油海哲 $32好耐冇食海哲啦，突然間好想食😛哇，都幾大碟，要咗小辣，味道非常唔錯，好抵食呀！💁🏼‍♀️呢個烤魚放題性價比真係極高，抵到爛呀！我諗咁嘅價錢其他地方真係好難食到咁嘅質素🤩👍🏻嗰日平日夜晚都full house😆

其實好中意食放題❤️但唔係成日食🥺因為胃口不大😵‍💫成日都眼闊肚窄，最後一係飽到嘔，一係就食得太少好唔抵😅最近見到有人推介抵食放題🤩🤩即刻衝！！💰價錢：$108/位（不用加一）🕑時限：2小時任飲任食主食可以叫麻辣雞煲/肉骨茶雞煲/胡椒豬肚雞煲（4選1），然後無限追加配料同飲品😍好正！🥢胡椒豬肚雞煲先介紹胡椒豬肚雞煲，上左枱要等佢煲一陣間，打開蓋即刻聞到好香既胡椒味🤩雞夠滑，豬肚都好爽口，仲好重胡椒香，幾入味，唔錯❤️🥘邊爐放題任食配料有好多選擇，目測有肥牛、豬肉、雞肉、丸類、芝士腸、蝦🦐、蟹柳、多款蔬菜、豆腐、薯粉等等🤩🤩推介返先，呢度既肥牛都唔錯喎，食落幾軟腍，牛味香濃，唔會係好韌果種，岩晒肥牛控😉👏🏻👏🏻🥢海蜇脆耳 $36因為太餓，等緊雞煲既時候，忍唔住叫左碟海蜇脆耳醫下肚餓先😛叫左小辣，食落比想像中辣🌶🤣海蜇同豬耳都爽脆有韌勁，吸晒麻辣香味，好惹味😍好快俾我地清晒‼（同時都辣到流鼻水🤧️中意食辣既朋友岩晒）🥤任飲開頭以為只有汽水(menu係咁寫)，行到去發現仲有多款紙包飲品、罐裝啤酒🍻而汽水有罐裝可口可樂、雪碧、芬達🥤同出面幾百蚊放題既選擇差唔多～超開心🤣最後仲有豆腐花作結，超滿足既

以前學生時期經常去傷心酸辣粉食野，最近發現原來餐廳推出左放題系列，有雞煲、烤魚、肉骨茶同胡椒豬肚雞煲放題選擇，心動的我又走左去試喇💓我同朋友揀左烤魚放題，辣度揀左bb辣，等左15分鐘左右條魚終於到了😍 烤魚好香，而且非常大條，睇見都流哂口水🤤 魚身肉多，而且好滑，魚上舖左滿滿嘅酸菜，令魚肉更惹味🐟 我地仲點左兩樣小食作伴菜，味道同以前食嘅一樣好味！土豆絲辣味夠香，香脆爽口；而茄子柔軟滑嫩，同樣開胃滋味🌶食完烤魚後更可以無限追加各款配料打邊爐，配料選擇以呢個價錢嚟講其實都算可以，有牛肉，豬肉，雞肉，各種丸類，菜類，寬粉等，仲有飲品任飲，真係幾抵食🌶

本身見個裝修有啲噏耷 都冇乜期望 估唔到個烤魚幾好味叫咗個酸辣魚 有兩條大魚！兩條都冇骨 幾多肉 真係估佢唔到！108蚊食到半自助式放題 嘢飲任拎 材料任加 食得好飽咁走 啲湯都可以自己任加！會再來

新蒲崗❣️雞煲火題聽聞傷心酸辣粉有放題食即刻超有興趣，平時去食酸辣粉就多，放題真係第一次😎🔸雞煲/烤魚/肉骨茶煲/胡椒豬肚雞煲 · 四揀一 · 2小時放題當日心情係想食雞煲🐔2-3人係細份雞煲、4人以上大份雞煲！重點係…出面有30+款火鍋配料，覺得雞煲份量太少咩？自己可以去拎大大舊雞件繼續自製雞煲😌亦得，得左！重要有埋粗幼薯粉，太開心喇！10+款飲品可供選擇🥰 汽水、茶、啤酒…咩都有，任君選擇！性價比極高既雞煲放題👍🏻好食指數：8.5/10傷心酸辣粉新蒲崗寧遠街3-23號越秀廣場地下G10-G11號舖