傷心酸辣粉 (已結業)

其實印象中，好似無咩點食過傷心酸辣粉，但一直都聽朋友講佢地既粉同埋口水雞都係唔錯的。有日放工就上去試下，叫左個精選套餐，有碗酸辣粉同埋口水雞。酸辣粉好好味！ 材料肉粒花生都好豐富，幾乎就飲哂d湯咁濟！口水雞超冰凍，雞好肥美，再加上特製既辣味，有別於一般既口水雞！👍🏼👍🏼👍🏼

「傷心酸辣粉」好耐以前就聽過呢個名喇，由以前既一間店，開到而家好多分店，梗有一間係你左近!同他成日周圍覓食，但就竟然未試過去食酸辣粉，所以今晚他就提議不如去試下。雖然小妹唔太食得辣，但又突然好想食口水雞，所以都可以試下。.今次去左太子呢間，食物款式頗多。但就要講下呢度既服務態度有待改善，個位疑似老闆既中年男人，問野問幾句都可以唔應，完全被忽視，真係呆左，心諗快快食完走人。.叫左個二人自選套餐 $118，從餐牌上的A、B、C款各揀一款，再配兩碗粉或白飯。由於怕太辣，所以全部食物我地都揀左要bb辣。.夏日炎炎，仲要食辣野，就叫左杯凍檸茶及凍檸樂。.小寬麵寬麵內仲加左酸瓜、花生、肉碎等。睇落好似普通麵條咁，估唔到咬落麵質爽口彈牙，湯底辣辣地，有時會食到有嗆候感，但係愈食愈覺惹味。.重慶黃涼粉呈白色半透明既黃涼粉，咬落同樣爽口，而且無咁辣。.皇牌口水雞口水雞帶微辣，肉質頗嫩滑，帶有陣陣麻辣既味道，醬汁惹味，味道唔錯，係份量較少。.乾撈牛肚由於牛肚係乾撈，質感會比較鞋口，呢款食落會帶出陣陣香辣味，味道還好。.涼拌海帶絲味道酸酸辣辣既海帶絲，夏天食呢個會很醒胃呢。.飯後甜品，相信呢個係桂花味啫喱，

我最初認識酸辣粉是在中國國內, 從末嚐過, 後來香港越開越多, 試過又幾好味, 尤其那酸辣味道另人開胃.手撕雞冷麵、份量不少. 伴以花生、香茜, 青瓜絲, 芝麻粒, 再加上麻油醬調味. 惹味, 層次感豐富. 麵條有嚼勁! 冷冷的最適合夏日不過. 手斯雞都算滑溜, 略欠肉味. 還有可樂汽水奉送, 真棒.紫薯酸辣粉，上檯時已聞到陣陣酸辣味，薯粉爽滑又不失煙韌質感，由於選擇了中辣, 所以入口麻麻辣辣又帶點酸味，相當刺激. 越食越開胃, 基乎掃清.有機會下次挑戰大辣, 看看如何去面對那口水鼻涕長流的感覺...哈哈!

雖然傷心酸辣粉已經開店很久，而且分店也已經N咁多間，但係我還是頭一次吃~ 最近和同事吃四川菜吃上癮，喜歡吃辣的癮開了個頭，所以忍不住到這家新開的分店吃一次。除了有簡單的枱紙看到最常吃的粉麵外，雖然我覺得餸比較少還有另一本有各種重慶菜的食譜，附有二人餐、四人餐，以至小菜，讓我很意外啊~ 沒想到有這麼多款。這裡的凍檸茶，茶底也頗濃(因為我忘了篤檸檬)，不錯~ 我選了這個普通的紅薯粉配麻酸辣湯底，就是這裡最出名的湯底，我選了小辣~ 這裡比其他譚仔或是其他米線舖的湯特別之處就是有花生、榨菜、炸醬、芫茜和青蔥。我很喜歡這裡的紅薯粉，特別煙韌和淋，而且其酸辣的湯底，更為醒胃惹味，只吃一口便不能停止。選取三個餸以上還送冷熱咖啡或茶一杯，男友選了晶絲薯粉，要另外再加$5，與紅薯粉相比，這個晶絲薯粉就比較扁身，而且沒紅薯粉般煙韌，但卻得男友偏愛。雖然紅薯粉很吸引，不過這裡的餸就麻麻，選擇不多，而且雞翼也瘦弱，醃得連肉質也破壞了，我吃了一隻後就沒再吃，尊心吃粉就算了。這碟貢菜皮蛋的確很吸晴，其皮蛋不像平時米線舖看到的黑黑啡啡，但這碟卻用黃金皮蛋，而貢菜和蒜頭混合，讓沒吃過貢菜的我比較容易接受那種味道。黃金

今天和友人在太子一帶血拼購物一番後，因已經很晚了，就到附近找一間食肆醫醫肚，看見這間新簇簇又燈火通明的傷心酸辣粉，應該很不錯吧，所以就進去了 ▼由於都頗晚了，場內客人都不多，環境很好，我們坐得很舒適呢！▼由於我和同行友人今天購物都購得很累了，所以不想吃太刺激的宵夜，所以先點了個《香油海蜇》（HKD$32），香油是不辣的，卻是非常的香，麻油味道很重，而又不覺得很油膩，還帶點酸酸的味道，讓人一吃就停不了 海蜇亦處理得很爽很彈牙，絕不比街外的遜色呢！▼接著是一個《紅油黑木耳》（HKD$25），黑木耳對女性尤為健康呢！對於經常沒氣沒力的我們，當然要點個來吃啦！其實它原來真的是紅油來的，只是我們都想吃不辣的，所以就改為香油了，沒關係啊！香油的確很開胃，酸酸的讓人一吃再吃，這碟黑木耳我們真的吃得一件不漏呢 ▼然後再來一個《滷水拼盤》（HKD$45）。這個拼盤非常超值呢！有滷水蛋、牛展、紅腸、五花腩、雞翼尖等等 全都很入味呢！▼最後來多一個《水晶肴肉》（HKD$48）。這個是友人特別愛吃的，所以就算我們已經有7分飽了，也要多點這個來品嚐一下。平常都有看媽媽在嘗試做這個，步驟的確不容易的，這

都說吃辣是一種習慣，辣的程度是訓練出來的。第一次吃辣，是因為另一半的喜好，慢慢跟他吃上癮。今晚拍住拖黎食酸辣粉，吃到流汗是最開心的。我的皇牌口水雞併紅油蒜茸小黃瓜， 配傷心酸辣粉、小食、啫喱。雞皮爽口肉嫩滑，平日最怕雞皮的我，也能輕易吞下來。小黃瓜好像溫室青瓜般，爽脆清甜，蒜茸份量也沒有過位而影響味道。小辣酸辣紅薯粉，紅薯粉煙韌滑身，索汁一流；湯底的酸與辣比例剛好，不會酸到濁喉。老公的夫妻肺片套餐， 配傷心酸辣粉、小食、啫喱。夫妻肺片是牛的內臟，我不吃牛，老公說味道不錯又不韌。小辣的酸辣米線，麵條質地非常好，條條分明有咬口。小食有黃金芝士豆腐及黃金花枝丸。難得有人陪我食辣，再點了我至愛，蒜泥白肉與紅油木耳。塊塊完整如小樹葉般大小，小辣脆口的，一口一塊，瞬間已被掃清。既長且薄的白肉，看似多脂肪，實際口感爽身，不過被辣油淹沒下，顯得有點油。套餐跟啫喱，以為是開粉的普通啫喱，想不到是桂花啫喱，好感即時提昇。沒有刻意的加甜，保留桂花的清甜，吃得清心又舒服，解辣一流，好貼心啊。

記得以前在銅鑼灣上班的時候，我跟一班同事最愛去傷心酸辣粉吃lunch，但後來公司搬了去荔枝角之後，因為附近沒有分店，就沒有機會再去吃飯。但因為我實在太想念酸辣粉的味道，上星期經過太子見到傷心酸辣粉開了新分店，於是我又有機會可以吃我最愛的酸辣粉了!我們點了$118皇牌二人自選套餐，包了酸辣粉兩碗及三款自選涼菜。>酸辣粉酸辣粉依舊非常大碗，配料有大量花生、菜莆及肉碎等等，而辣度可以自行選擇，我選了中辣。粉質很幼滑，吃起來超彈牙煙韌好有咬口，而酸辣湯底十分濃郁，又酸又辣，吃得很過癮。>皇牌口水雞雞肉很入味，但因為是雞胸肉口感比較粗鞋，但又麻又香味道很有層次，中辣味道很合我胃口好過癮，但朋友認為太辣，如果是第一次吃的朋友還是由BB辣或小辣開始嘗試比較好。>乾撈牛肚牛肚切得很薄，煙韌夠入味。>酸辣士豆絲很多辣油，看似很辣，但原來只有微微辣味，口感好爽脆，好醒胃。>油菜生菜新鮮又爽脆，吃得滿口辣味時，吃點油菜可以清清口腔。

早幾日和同事到大南街看完貨辦順道食午飯，路經心愛的傷心酸辣粉，雙腳自自然然就走入去自從十多年前在大陸街頭品嚐第一口的酸辣粉後，我一直超沈迷這種又酸又辣又麻痺的口味，可惜的是香港難以可以品嚐這種風味，自多年前傷心酸辣粉在深水埗開幕之後，想食一碗正宗深圳街頭口味的酸辣粉只要去深水埗就可以啦以前傷心酸辣粉剛開幕的時候只有酸辣粉，口水雞、蒜泥白肉幾款食物，但當時只是幾款食物已經令一眾食家趨之若鶩，大排長龍，分店開完一家又一家，到今時今日，傷心酸辣粉已經佈滿全港，而且食品款式更多元化我點了最喜歡的酸辣粉加口水雞套餐＄５０酸辣粉味道十年如一日般美味，入面加了大量秘制香料，蒽、莞茜、肉碎等，味道就如深圳街頭般的滋味，令人回味，也食得安心（在香港嗎～）每次我連湯都幹掉，至於粉方面，我覺得比以前食的腍，一問之下原來店方為了迎合港人口味，改成軟身的口感，老實說，我比較喜歡以前較彈牙的口感口水雞，十年如一日般高水準，跟餐的份量也足有５大件雞件最值得讚是雞中間的位置都是全熟的，絕不會出現紅色，但雞肉卻十分嫩滑，而且肥廋平均，雞皮又滑又爽口，別丟掉不吃呀～水煮龍利柳看起來好變態嗎？我把它放上ＦＡＣＥＢＯＯＫ竟然

這天下午,本來打算去剛搬到大南街美x餃子店食白菜餃,誰知賣晒! 嬲嬲豬!結果,就係睇到句Slogan,走到隔離食傷心酸辣粉,真係嬲都好想喊.....午後的時間,人不多,仲有卡位,正呀!原來大辣同加辣都要 +$2 ,可惜這些機會不是我的~(因為我頂多是BB辣!)叫了BB辣的酸辣粉,配紅薯粉,另加了美國肥牛,雲耳,金菇...份量都叫OK,女生食夠飽,而且食物放得都叫整齊,感覺都不錯!每次吃酸辣粉,都會點晶瑩剔透的紅薯粉,極喜歡煙韌有咬口的感覺!美國肥牛.....吃了一片,我才醒起我原來唔食得,明明仲戒緊口,搞咩呀!!不過又真係幾好味,牛味香濃又不會太韌(可能是餓牛肉太久的錯覺,笑!)雲耳好像一朵朵的,超爽口,湯底少辣但麻感略為薄弱另外點了口水雞(下例,BB辣)以紅油浸著,單看顏色都感覺都幾辣.....雞肉入口挺嫩滑的,味道不太辣,光速吃完一整碟~店員還送我新的出品,是蜜糖桂花O者喱~淡淡清香的桂花味,不會過甜,口感方面比一般的Jelly彈牙,食完咁刺激的酸辣粉,來得正好!整體來說,不算太差或不好吃,只是全部菜式都是同一個味道,同一個醬汁.感覺就會比較單一,一人前還好,如果多人的飯局,也不會

這是友人的晚餐，我不知道好唔好吃太子最近成為我同朋友出來飯局新地區之一，近來去太子發現開了不少新食店，價錢普遍好平,今日約了友人在太子行街，我們行了一陣之後又到晚餐時間，我們行到大南西街見到傷心酸辣粉,傷心酸辣粉在這幾年開了不分店,曾去過CWB同元朗店,今次同朋友試下這間太子分店,我們行入去店鋪時候，客人並不太多，十分清靜,這裡環境靜靜地都幾好,當初我話要入來傷心時候，友人問我咗一句，友人知道我不愛吃辣,傷心有得揀唔辣 ,我們坐下之後，開始看餐牌，我同友人各自叫了一個米線+口水雞+2杯飲品 ,友人為了相就我的口味，就揀了不要辣,傷心的口水雞真的好好味,麻油味道好香,雞肉好滑，凍菜蜜較為怪咗些小，我同友人講可能是這分店新口味，我真是末飲過有檸檬的菜蜜，搞到以為自己飲檸檬茶，它的味道真是似檸檬茶，我点豆腐芝士+豬紅+生菜米線 ，湯底就豬骨湯 ,芝土豆腐味道好濃郁，有淡淡芝土味,豬紅都好好味 ,豬骨湯又幾好飲，湯味道並不太咸,米線好爽口，口感又不會太淋 ，我覺得又幾好味，這間太子分店出品又有水準，服務就一般,可能人手不足,我們想叫人寫單時候，見不到有店員，最後要企起身出去搵店員寫單,而家做飲

今日真係好熱，行街行到攰又係時候揾食，今啱見到傷心酸辣粉，又真係好耐無食過酸辣粉，咁不如就食佢啦！坐低無耐，店員就推介一個新出嘅二人套餐，有三個小食同兩碗酸辣粉，都係一一八蚊，認真抵食，拍板啦！傷心酸辣粉，只要了bb辣，bb辣都好夠辣啦。一送上已經聞到呢隻味，重慶嘅酸辣粉真係好正！酸、麻、辣一齊黎，十分刺激味蕾。配料有花生，咸菜，芫荽，蔥花，肉醬，滿滿一大碗，再加上紅薯粉，覺得越食越大碗，好飽肚呀。口水雞，貌似平平，但實比好多尊賣口水雞嘅舖頭做得出色。雞件十分滑溜，係辣油底下仍食得出雞味。辣汁並唔係死辣個種，帶有麻香，好味好味。涼拌海帶絲，之前未試過叫呢樣，第一次試呢。海帶絲清爽，不過硬亦無太淋有口感，咸咸地帶微辣，好適合夏天食。麻辣肚絲，有嚼口但又唔會韌，同樣辣得黎帶麻香，越食越上引，唔覺唔覺又食哂成碟。另加凍椰汁七蚊，抵飲！夠凍又解辣，啖啖椰香架。好正宗嘅酸辣粉味，但我覺得唔係個個香港人都接受到，同行友人話bb辣都太辣，食到眼淚水都流埋，真係傷心酸辣粉喎哈哈。

我比較少吃酸辣粉, 若不是同行的孩子扭吃, 我們也不會踏進店裏。有下午茶餐便點下午茶餐, 一款餸配酸辣粉或酸菜米線, 奉送冷熱咖啡或茶 (特飲加$10)柑桔青檸蜜屬特飲, 要額外加$10皇牌口水雞餐 $34一客有四件白切雞, 是上庄的位置, 白切雞本身肉不嚡, 淋上我要求的BB辣口水醬汁, 微辣中帶隱隱的甜味, 配菜中的芝麻與花生有增香的效用。酸辣粉點小辣, 其實味道未夠震憾, 酸與辣未能取得平衡, 如果有能力吃大辣便可真正體驗酸辣粉。  紅薯粉煙韌滑溜, 要咬多兩三遍才能折斷, 配料有花生、炸菜、肉碎、青蔥及芫荽, 足以令味道沒有這般單調。店員稱為「桂花啫喱」, 但我相信是「桂花冰粉」, 根本與啫喱的質感不一樣, 冰粉的質感是晶瑩滑亮, 多一份輕盈, 至於加了桂花糖調味亦多了份清香。