影片
以上資料只供參考, 請與餐廳確認詳情
深水埗區內其實有不少菜館/大排檔， 這一間是個人覺得幾出色的一間。論環境及食物精緻度，個人覺得區內的漁小館會更出色，不過份量小和較貴。論傳統風味就應該去增輝。這一間比較平民大眾化， 論味道這一間會亦是不錯的選擇，在露天之下，冷氣就一定無，但食客可以除下上衣，一路食煙，一路大聲講粗口高談闊論，鄰枱客人甚至飲完啤酒就去揸車，雖然睇起上來有點亂來，不過又是另一種粗豪風味！！自己比較重視食物的味道，來這裡應該是味覺的享受！椒鹽鮮魷（$108）外皮炸得脆口，但內裏仍然彈牙，而且肉質鮮嫰，真的好好食。生炒牛飯（$78）雖然是平凡的食物，不過這兒的炒飯炒得乾身，很香，食得出鑊氣！ 正！另外，菠蘿生炒骨（$88）和雜菜煲也是有水準之作。忽然間覺得有點美中不足，其實應該走去附近的金寶買半斤义燒和乳豬，再加2支冰凍啤酒，應該可以更完美，或許這完美只能留在下次完成吧！
繼續閱讀
食咗: 香辣盤魚一條魚, 豉椒鵝腸, 香脆豬手, 一碟炒面, 5支啤酒今日一行四人大約六點鐘去食, 有一個大約六十歲做樓面嘅女人(仲以為係老板娘, 原來唔係), 態度十分十分十分差, 食咁耐比佢鬧咁耐, 期間, 隔離枱唔知乜嘢事, 都比佢鬧。催點菜又鬧你要快啲, 黑口黑面, 盤魚未到, 個女人先將一個長方形gas爐放響枱, 由于坐響街邊很窄, 而且亦是一張小圓枱, 我地四個人唔可以平均地坐, 只能在不影響行人使用下, 兩個兩個黏埋坐一邊, 但佢將個gas爐打橫放響一張小圓枱, 根本唔夠空間食嘢！於是將個爐打直向返行人路, 才至夠空間, 但個女人見倒又鬧, 話點解郁個爐, 我話阻住我地食嘢, 點解唔郁得, 佢發晦氣話唔就手開爐, What's The Facts！之後盤魚到咗, 發現未熟, 終是開返大少少個火, 點知個女人經過, 睇都冇睇問都冇問, 就將個火扭到最細, 就走開, 乜嘢事呀？ 而另一個頭髮稀疏, 大約五十幾嘅男人, 每次送菜, 都係大力掉響枱面, 唔係放響枱, 今日冇跑馬, 但哩個男似輸馬咁, 同電視劇見倒嘅一樣, 我地4個人不約而同講, 真係食倒"香港嘅特式"。食物方面, 只有盤魚味道不錯, 其他簡直不值一提, 尤其是所謂香脆豬手, 相信估計一直放響冰櫃, 有order先至攞出嚟炸, 因爲係割開晒先至炸, 搞到啲肉"柴"到冇朋友, 炸乾到一小小水份都冇, 係咁大個仔, 未食過咁難食嘅德國豬手！真心, 冇下次！
繼續閱讀
新的一年，這一天是我的「大排檔日」。哈哈😆事關今早已去了尖沙咀大排檔食了牛丸和沙嗲牛肉麵。到了晚上，都想貫切大排檔之日，於是到了食飯時間，都坐車到石硤尾找大排檔。我們周圍找，都找不到，最後再問問街坊，同埋突然間聞到酸酸的生炒排骨味！於是乎，便根據街坊指示及香味，尋找「大排檔」。終於找到啦！我們都是點一些簡單菜。1）生炒排骨 -好多洋蔥🧅及大大件青椒🫑，不過，我又覺得太生，雖然爽口，可是再熟一點會較好，但，唯一不好是「菠蘿」。主角排骨，好食😋！不多肥膏！酸味夠，但又不會over, 不錯👍🏻2）鼓油蝦 - 蝦的大細不一，有一些正常size, 但有一些好細隻！我都會接受的🥹。不過廚師有剪晒蝦頭的觸鬚位，所以方便食客進食，沒咁容易整到個口，都算是貼心的。3）鼓油皇炒面 - 都好食，面算乾身，可是我覺得太油膩！如果放少啲油會更好吧。呢間都好有鑊氣，整體都算好食，價錢合理。😃會繼續支持大排檔！
繼續閱讀
朋友話想食大排檔，之前在深水埗食過一兩間都沒有驚喜，所以我帶佢黎呢間傳奇大排檔一試!先睇一睇份餐牌平時經常會接觸到兩餸飯，大排檔的款式和質素未免會同兩餸飯有比較。細選之下，我們叫了三款小菜，希望會擺脫兩餸飯的感覺。首先點了椒鹽鮮魷，香脆可口之餘鮮魷都夠新鮮，送酒一流。之後點了黑椒牛仔骨煲，但上枱時竟然是碟上...不過我們還是接受了。味道不錯，牛仔骨亦很淋身，很入味。相信如果是煲仔上菜的話味道會更好。最後點了金銀蛋白菜仔去中和一下椒鹽鮮魷的熱氣，不過味道就較為清淡，白菜仔吸收不到鹹蛋的鹹香。總的來說，在買少見少的鐵皮大排檔中用餐，坐街邊食飯都是一種價值與情懷，雖然傳奇並不是我食過最好食的大排檔，但我還是很希望它可以一直營運下去。
繼續閱讀
原來諗住食強記大排檔，點知無開。最後去左食傳奇…點知…啲野食好似係番熱咁…真心唔掂…椒鹽鮮魷好似放左好耐再加番熱咁…啫啫雞煲…啲雞啲完全無味…好hea椒絲腐乳炒通菜…最後黎左個蒜蓉炒通菜…咁樣都收差不多$300…真係唔係好掂…
繼續閱讀