倫哥私房菜 (已搬遷) 新店位置

好食嘅餐廳都係朋友介紹，倫哥都係朋友介紹，當時朋友同我講一餐要差唔多二百八蚊左右，我心嗰句：嘩！咁貴架！但食咗第一次就覺得二百八蚊真係好抵食，然後我又介紹畀第二啲朋友，我又話二百八九蚊度，佢哋又話好貴喎。我又同佢哋食完，佢哋又話好抵食。正所謂一傳十，十傳百就係咁解。第一次去食嗰陣，我知道有佐敦同觀塘店，一睇觀塘地址發現係公司後面喎，就約朋友去食先。最正係觀塘店唔限時，同朋友聚舊都唔會趕你走，又有免費WIFI，所以隔一兩個月就會去一次。（因為小弟減緊肥，美食真係唔可以食咁密，但好食到又忍唔到口）今次應該係第五次嚟倫哥，當然識路上嚟啦。店員好親切，有個女店員好好人但無戴名牌，真係唔知佢叫乜名。一坐低，店員已經奉上小菜，次次唔同，上次係辣味四季豆，今次係麻辣雞腳，辣一辣Warnup下。如果朋友無乜意思可以叫小辣或以上，但今次有朋友唔食得辣，只好食ＢＢ辣。雞煲一嚟到，店員都會講一次點煮，八分鐘撈三次，再焗兩分鐘就食得。咁複雜煮法當然有原因，啲辣味入晒啲雞度，雖然係ＢＢ辣，但已經好美味了。最邪惡嘅一刻嚟啦，將雞煲剩低嘅麻辣汁煮港式三寶牛栢葉豬皮同魷魚，食落口嗰種好味真係形容到！太好食啦！！！食完

原本唸住訂佐敦嗰間倫哥私房菜火煱之前同朋友食過ok喎 訂位時職員話冇位介紹太子或觀塘 我簡觀塘啦…泊車方便呀…15人 未齊人叫左幾個小食冰鎮涼瓜，牛柳粒，椒鹽豆腐 味道都ok喎 要錢架 有個麻辣雞腳免費嘅 有人食到停唔到口要再嚟一碟都係免費，齊人先嚟兩個雞煲 1個小辣 1個中辣 我唔食得太辣所以覺得ok 朋友話中辣唔夠辣呀…要大大啦先夠囉都未食到出晒汗喎跟著1個龍蝦湯底 1個蟹湯底 龍蝦要加錢架蒜蓉聖子 ，包魚 火煱料 手切牛，海鮮拼盤，餃 呀丸呀 等等唔夠可以再叫嘅，不過有某些食物要錢飲品都係免費再飲架 有某些飲品要錢嘅，重有獨立房間我地座阿仙奴 有個朋友臨走先睇到 話最憎阿仙奴喎下次要座曼聯房呀…職員態度由其後生板嘅許志安 傑仔巧攪笑 每次入房都講下笑 大家都食得開心 真的假不了 假的真不了

今晚為左慶祝父親節，特別帶同家人到觀塘一個隱蔽既地方食特房菜，實在係與別不同的私房菜，先黎一個任食雞煲，味道適中吾會太咸，雞肉嫩滑美味，記住啊，依個係一個任食雞煲，食完吾夠可以再添架品嚐完雞後就到豐富既海鮮火鍋哪，海鮮值得一讚，抵食夾大件最緊要係新鮮我地叫果個係蟹湯底，好甜美，食到我地個個都讚不絕口，會吾會再食多次？更係會啦！佢地環境清潔，工作人員服務態度一流，爆like

同朋友食生日飯，朋友book左哩間食一去到要㩒鐘，因私房菜。最好既係一坐底，有職員入嚟講解，very good,對於我地有選擇困難症既人來講，唔洗order,食材斷人頭計，會自動上菜。首先開胃菜麻辣豆角~開一開味蕾先跟住前菜蒜蓉蒸蟶子~爽甜美味包魚~炆得入味然後上雞煲雞煲來到要再焗多一陣一開蓋香味四射味道特別，好好味呀有別於一般麻辣雞煲差唔多食曬D雞就落埋D豬皮落去煲唔洗講 入曬味 無得輸同友人encore多一次就開始換火鍋加錢要龍蝦火鍋湯底湯底鮮甜食材新鮮牛肉唔係普通肥牛係靚牛嚟架加一碟都係30蚊抵!抵!抵!海鮮拼盤用料新鮮十分吸引火鍋配料任食飲品任飲 仲有五花茶 抵讚仲有熱辣辣燉蛋白做甜品好有Heart一定會再enore......

據我認為，在觀塘區的上班族一定不會餓死。因為在小小的工廠區內，說得出的餐廳都會有，中西日法樣樣齊。倫哥私房菜，打正旗號主打近來炙手可熱的雞煲海鮮火鍋。地獄星期一的晚上，與同事們一行十人浩浩蕩蕩來會一下倫哥。倫哥位於鴻圖道聯運工業大廈3內，晚上要經由停車場搭貨lift上去，在觀塘打滾的我也花了一點時間才找到大廈入口，好不易找。眾人坐下不久，店員便把雞煲拿出並細心講解。雞煲甫上枱，麻辣味撲鼻，忍不住即嘗一口，呷下雞肉肉質嫩滑，香辣惹味，而且湯底越煲越濃，送飯一流豬皮、魷魚、牛栢葉，跟雞煲送來時一拼上枱，店員教導這些材料是等到雞差不多吃完時才放入煲。豬皮、魷魚、牛栢葉盡吸雞煲精華，包你食過番尋味叫得私房菜，當然有熟食。倫哥把鮑魚炆得'淋滋滋'，鮑魚味重，咬下鮮甜可口，厚肉鮮甜，不會過韌，想瘋狂encore蒜蓉蒸大聖子，絕對是誠意之作。聖子蒸煮時間處理恰好，沒有過火喉。爽口彈牙，鮮味十足，佳品也主角到了，海鮮拼盆大雜燴！賣相震撼，厄like必備📸📸📸整個拼盆最出色的是龍𧄌片，魚味濃郁鮮甜。丸類high tea set 和墨魚滑，不過不失。牛肉肉味極重，師傅刀工好，切得不會太厚或太薄，烚兩下非常

預約可以wtsapp book位,都幾方便，我地去觀塘個間，安排我地入房坐，間房2張桌，五會話好迫。飲品任飲，我地叫5花茶，五會太甜。一食就食雞煲先，任加，我地叫左2轉，雞好滑而且足料，五係俾骨你，然後海鮮煲我地加30蚊要龍蝦煲，嘩，個聖子王好正，新鮮,無乜沙，可惜不能encore，但就可任叫小聖子，不過質素當然無聖子王咁正了。芝士丸同墨丸一流，好大粒，味道好香，特別前者，啲芝士好Full，牛肉又係正野，5個人3碟，不能encore，但都飽到喊，最後仲有甜品椰汁登奶。所有野都好有水準，係良心有誠意之作!讚!

好朋友生日食好野👍🏻任食雞煲 + 龍蝦湯底火鍋唔洗叫 佢地會安排好 一坐低上鮑魚 再上聖子 已經覺得好吸引之後再上雞煲（叫左BB辣） 味道好！唔係雞頭雞尾 雞肉仲好滑！之後再上龍蝦湯底 湯底唔係好濃 但好入味海鮮好鮮 牛質素唔差！打完一陣後 湯底海鮮味更濃好正！每人都係300蚊有找，仲要係任食質素又咁好 邊到搵到？大力推薦👍🏻👍🏻👍🏻👍🏻👍🏻

星期五晚約左一班朋友黎食打下邊爐, 吹下水實在太多人book, 早一個月先book到位可以whatsapp book位超方便, 前一日會confirm booking $258一位加一, 汽水任飲, 只收現金有得雞煲又有打邊爐打邊爐點少得醬料, 自己睇相先食雞煲, 店員話要辣先好味, 可惜唔食得辣, 叫左最小辣雞肉任加, 好入味, 少少辣食完雞煲轉海鮮打邊爐, 加$20可以轉龍蝦湯底, 但個個話懶得拆殼所以無叫海鮮湯底鮮甜惹味打邊爐點少得肥牛肥牛唔薄身, 有口感海鮮拼盤好大盤, 有聖子, 鮑魚, 帶子, 脫肉鯇,花甲, 蠔.....全部都大大隻, 好豐富再黎魚皮餃, 雲吞, 魚蛋, 好飽好飽...最後仲有甜品, 燕窩燉鮮奶

再一次到倫哥見門面有所改動應該賺到錢所以改變一吓 入到去坐低待應講解收費,原來已經和上次唔同改變左,再唔係$268任食再加一,而係$258/位,星期五/六/日/假期前夕加$10/位,另收加一服務費,醬油錢$5/位,$20前菜/枱,其餘冇改,手切牛頸脊後加$30/碟,凉茶、汽水任飲,獅威啤酒$20/3罐,只收現金人未到齊待應就上個前菜食吓和涼茶飲吓先可惜前菜由麻辣雞腳變成麻辣豆角和喬頭 好在都好好味好爽,人到齊就上雞煲,由於太肚餓關係 好多食物都冇影相,只能講俾大家聽 一如上次個雞煲好惹味d雞好嫰滑,唔夠可以再加,還有羊腩煲,食緊時待應介绍個刺身船$258,不個我哋冇要,但點左幾個另外俾錢小食,椒鹽一口豆腐,外脆內軟,一口和牛、一口牛脷,味道好正送啤酒一流,另外叫多個冰震凉瓜,食落好爽好fresh 食完雞煲就轉海鮮煲打邊爐,普通係蟹煲湯底,我哋其中一窩加$20轉龍蝦湯底,兩個都係原隻蟹和龍蝦,d肉好鮮甜好實正牛頸脊就一碟靚一碟顔色就瘀紅,咬落口感可以但冇乜牛味 海鮮拼盤齋睇賣相已好吸引 除左鮑魚、蟶子王、帶子、肥牛唔係任食,其他可再加,樣樣都好新鲜,蟶子王、鮑魚好彈牙,龍躉

之前見雜誌猛推介倫哥(ps因為個d唔係好出名,又冇乜生意個d先會成日廣告)終於約幾個朋友上去試試,老實講,位置有點兒偏第一次上到去,一推門,真係嚇死,以為得2張,再行入少少原來間左房,可能係新開張,仲未有咁多人黎。一坐低侍應就問係唔係第一次黎,價錢,有d咩野係可以任叫任食…等等等食過覺得唔錯,所以都再一次上去食點知,今次去到坐低就話幫我地上左個雞煲先,食完雞煲就上海鮮煲價錢個D都冇再講過,上個月中食都係248再加一今個月頭再去已經加多左$10($258加一),如果食之前有講價錢會好D Lo(收銀就話來貨貴左,先加你$10<講到理所當然咁= =')雖然只係$10海鮮煲唔錯,特別係隻肉蟹雞煲都唔錯,味道唔太重第一轉D蝦同聖子,都幾大隻丸拼盤,Wasabi丸,可試試唔夠再加,比多30蚊就有一碟LA燕窩燉蛋

環境不錯,員工服務十分抵讚…抵讚到即場笑言點解依家啲男員工咁好笑容,平時呢啲情多數出場係女仔人身上,今日兩個男員工都好好笑容同舒服,傳菜速度都快,不過追加嘅…就慢左小小。先講雞煲…真係做到好滑好食,唯獨個蟹煲就梅左啲…不過呢個價…仲要雞還雞蟹還蟹煲…算係咁,而且料又足夠,如果鐘意食牛嘅人…就未必夠,今餐我地8個人有4碟牛…後來又來多碟圓碟。

朕既好朋友約朕去食雞煲，佢提議議左去佐敦既倫哥私房菜，於是乎佢就Book位（本身Confirm左），但因為阿倫哥真係太好生意，佐敦店已經爆左，問我地轉過去新開既觀塘店介唔介意，朕就真係無咩所為，最緊要好食，於是乎朕一行人就轉戰觀塘！去到樓下，搭貨Lift上到三樓，一出Lift就見到張Banner。入到去，內裏新裝修，有細房又有Party房，汽水仲要任飲。一坐底，佢地就話唔好意思，要我地由佐敦轉過黎，於是乎就送碟象拔蚌刺身俾我地食吓，刺身鮮甜，新鮮爽口，食完個刺身，就上個雞煲。上雞煲時，店小二都有講解，雞煲用大火煲八分鐘攪混，然後關火焗五分鐘，食得！呢度既雞煲，雞肉嫩滑，汁料香濃，因為朕唔係咁人人戈日女辣所以係叫小辣，之不過佢個麻香不減，不錯！呢度唔似其他食雞煲既地方，用雞煲加湯打邊爐，而係另外換個海鮮鍋黎打邊邊，咁就無咁油。當海鮮上爐之後，其他配料都一齊上枱，有海鮮拼盤，肥牛同埋啲手打丸同蔬菜。海鮮和肥牛用料新鮮，海鮮拼盤有鮑魚太子蟶子皇花甲生蠔海蝦同埋脆肉鯇。除左蟶子皇，鮑魚同埋太子同埋肥牛唔可以任食之外（肥牛另計30蚊一碟，無蟶子皇不過蟶子都可以任食），其他都可以任食，汽水任飲，啤