倫哥私房菜 (已搬遷) 新店位置

今晚係Happy Friday, 收咗工，我地一行三人，去咗倫哥觀塘店食晚飯😙好彩有book位，今日都幾多人。。。我地自己帶咗白酒🥂，收開瓶費$30 (每款酒收$30)，收費都算平呢👏🏻首先，先黎一個雞煲，由於我唔食得辣，所以叫咗最少辣，即係bb 辣🌶正呀！真係好少好少辣，岩哂我😆食完後，上了刺身，都幾新鮮，都好正，然後到打邊爐時間到食之前，先黎碗糖水清清喉嚨先🤗有海鮮，有🦐有🦀有扇貝，有魚，有帶子😋😱好新鮮呀但係計人頭，冇得無限供應。。。再黎肥牛。。。一樣新鮮，但都係冇得無限量供應😟呢期邊爐煱底係冬瓜雞煲，又幾特別喎😛好靚呀！其次邊爐食物都係一般菜，丸咁。。。飲品任飲！啤酒除外🍺總結，呢個價錢，都算底食嘅！因為食才用料都算新鮮！

呢間有一定名氣,已經開了數間分店所以諗住趁同朋友慶祝生日去試一試好彩預早一定時間book,實左太多人了海鮮種類不少,份量充足,而且質素不錯湯底更加值回票價除海鮮外,其他火窩材料都好多選擇絕對可以飲飽食醉

呢間係朋友帶我去食既，食物好多好豐富，首先嚟咗個雞煲先，唔好以為有打邊爐有雞煲佢就會好求其，雞煲又麻又辣，好認真。蠔汁鮑魚夠冧夠入味，蟹湯底用黎打邊爐勁正，海鮮品種都有八款仲要好新鮮！牛頸脊就唔係任食嘅，但就算加單都係加＄39左右，仲要係手切！最主要係大部分啲嘢食都係可以無限再叫，價錢又平，又唔限時，可以舒舒服服咁慢慢食，下次都會再帶其他朋友去食，係可以值得再去嘅餐廳，服務態度亦都好好，所以成個過程都食得好開心！

上次係太子食過一次倫哥覺得好好食之後,  今次決定搵埋一大班朋友去, 順便同朋友farewell!!觀塘店較大又比較多圓台, 仲可以有房添(房間最低消費3000元，最多容納14人，需落500元訂金)最近倫哥仲玩埋直播抽獎, 依家生日正日或前後1日黎有“足金金牌”. 真係又食又拎, 可惜我地無人生日~哈哈哈! 不過, 朋友就抽到個安慰獎下次黎用.海鮮任食放題包左鮑魚, 同蒸海鮮, 大大隻好入味!跟住就開始食雞煲, 吾完吾夠同事仲問你要吾要加雞, 吾駛我地就開始打邊爐啦!!今次就擇左個蟹鍋, 係原隻甘上既蟹鍋(+30)~因為我地10人甘就有2個鍋.重點黎啦............................就係海鮮拼盤, 依到係10人份量, 黎既時候我地真係哇哇聲~手切肥牛都好好食!!!但每人只有一碟, 再加就要+$38.丸就係沙拉丸, 墨汁丸都好好食, 任叫除左聖子, 貝款同帶子其他都可以免費再叫. 但因為我地太足料既關係, 食吾哂,所以無再叫~今晚真係好滿足, 食得好飽又好美~

上星期去觀塘倫哥為家人慶祝生日，去嘅原因係以前食過都幾好，不過係佐敦個間 ，以為今次都係同上次差唔多，點知今次中晒伏 。訂咗位大概七點半開始， 先食雞煲 ，都ok啦 ，跟住一人一隻鮑魚 ，然後到打邊爐 ，上咗個海鮮盤，裏邊有蝦，帶子，聖子，生蠔，龍躉片，蜆 。份量就一人一隻，一人一片咁啦 。裏邊好多都唔可以refill，只得蝦 魚片 蜆 可以refill ，牛肉就兩個人一碟 ，冇得refill 。要再食就38蚊一碟 。諗住都冇所謂啦 ，有其他火鍋配料可以再叫。點知再叫嘅時候， 啲火鍋配料乜都話賣曬 ，牛柏葉冇 ，魷魚冇，連豆腐都冇 ，啲豆腐只係百福豆腐，都話冇！我哋只係叫咗一輪，再叫第二輪就話冇 ，極之 令人失望， 咁唔好叫任叫任食火鍋啦 ，價錢又唔係平，每人平均要三百幾 ，旺角任食火鍋都好過佢啦， 人哋都係平均 160 ，170 倒， refill 5 ，6輪都仲有。一句講曬 ，冇下次！

我地訂咗枱十一個人七點一開始先嚟雞煲鮑魚之後開始打邊爐八點半已經好多野都話無哂無尤魚牛栢葉脆肉鯇 連豆腐都無 點解可以咁無咪去買 人地訂咗枱對食物嘅預算唔可以好啲 可以refill嘅海鮮已經唔多得蝦蜆同龍躉我地叫得refill嘅都唔係貴野講真 人地限時任食都兩個鐘啦 係無心做任食嘅就唔好做 唔好呃人 侍應服務係ok 快同有禮貌但都彌補唔到食物供應不足嘅問題 每人加埋一都三百 唔算平呢個價可以食到更有質素嘅野以後都唔會再嚟

各種食物都新鮮，蝦,牛脊肉,芝心牛丸,墨丸都值得稱讚！可以嘗雞煲同打邊爐滿足兩個願望。食用的地方同洗手間清潔。服務員嘅態度都不錯,友善。但係任食就覺得不符事實；任你落單但係冇得提供，因為賣晒無貨。。。我哋一行20個人，7:30開始食，8:15叫第二轉；皇帝菜，芝心牛丸，勝瓜，牛柏葉等等已經冇貨....我哋兩枱加埋都食唔到一斤半生菜...我相信可能為控制貨源以保持食物新鮮避免隔夜，但係我哋叫第二轉想追加已經好多都冇...而且我哋係訂咗枱，點解可以預算係甘，所以呢個價錢＄300一人任食唔OK。最後要提嘅係有個甜品叫做真的假不了，係北海道牛乳燉蛋白燕窩，大家都好期待，服務員奉上甜品，我哋以為個細碗係吉嘅，放埋啲睇原來裏面有野，只係個甜品得3分一碗，所以水平線睇唔到佢嘅存在，大家都笑左。

之前去過太子果間 今次無位 剛好觀塘有人取消 那就去觀塘吧 地點很難搵 離地鐵站遠 但去到安排入房 都好有私人空間 間房只有兩台 雞煲任食 食左兩煲 之後有鮑魚同蒸細像but 好好食 跟手先就係海鮮打邊爐 雖然海鮮唔係任食 但其實已經好飽 個湯底一流 好有海鮮味 因為唔限時 同朋友傾幾耐都得 300$一位連加一 提一提 除左貴海鮮無得任食 肥牛都唔得 兩人一碟

同事生日，波士訂左食私房菜...新嚐試，唔錯！雞煲+半任食海鮮火鍋，埋單大約都係二百六十蚊度，算抵食！食得豪啲+$30轉蕃茄龍蝦湯底有新意又好味，非常like👍🏻👍🏻👍🏻 （本身唔加錢都已經唔錯，係蕃茄膏蟹湯底！）一直都諗半任食海鮮火鍋到底仲有啲乜食？宜個海鮮拼盤上檯令人嘩然！有蝦、帶子、魚片、魷魚...重點海鮮夠新鮮，入口好鮮甜！蜆肉唔會有沙好乾淨，鮮蝦肉質實淨，實左有水準！

最鍾意周圍食食，今晚一大班朋友來到工廠大廈搵食，環境就普普通通，每枱有專人服務，上菜都好快，首先上鮑魚，聖子，好有鮮味，跟住上雞煲，我地叫左小小辣，非常惹味，食左兩大煲，可以任叫的，跟住到海鮮火鍋，嘩，好大盤，有部分食材可以任叫，當然貴嘢就冇，總結，服務唔錯，態度好好，食物美味，價格尚可接受，每人三百幾蚊，朋友話下次還會幫襯

九月二日 1900 一行十人 記得預早訂定房呀 朋友係三星期前訂的真係要讚一位美女伙記先 佢嘅服務態度一流 先上雞煲 一中辣 一不辣 靚女就教我地點處理 搞三次再熄火焗2 Mins就可以 d雞真係唔嚡嘅又入味 食到8899 就叫我地落柏葉，水尤同豬皮條 出其地入晒味 飲品無限飲仲有五花茶 清清熱氣 可以加雞不過大家想再試多d其他 以免太飽留肚 跟住上扣飽魚 夠入味又滑淋 蒜蓉粉絲金菇大聖子 鮮味無沙 大口大口爽 主角揀左蟹湯底 口湯頭先係精華 入面有齊蕃茄薯仔冬菇粟米仲有大隻肉蟹 d蟹肉好豐滿又有質感 超like 其他配料新鮮可以參考相片 海鮮併盤 象拔蚌仔 大蜆 鮮尤 脆挽 大蝦 每二人一碟牛頸脊 最鐘意魚皮夠脆 響鈴一搬 唔係即整 丸類就非一般 佢地用芝士年糕 醬爆蝦丸 雲吞 水餃 九菜餃也可以 其實已經好好飽了 提提大家不是所有野都係任添 不過d伙計會細心話你地知架 最後點可以無甜品呢 聽聞又朵既"真的假不了" 原來係甜品黎架 ! 好期待但見到就少少失望 原來係燉奶 唔太甜暖暖的

倫哥私房菜難訂位，所以早一星期就訂左4人位😁一去到...嘩😱係個包箱房間！依個設計唔錯，又有冷氣又有電視同wifi!談天說地又唔會比人吵住，一邊打邊爐一邊睇電視再一邊吹水，爽丫😁😁工作人員真係值得一讚，唔知係咪個個都經老細訓練下出黎...個個都好有禮貌又態度超好！打邊爐中段因食物痴底，員工都願意幫我地換，比著其他食店...唔黑面對客人已是仁慈😂😂一開頭先食雞煲，我地食左2輪就開始轉打邊爐，一決定轉打邊爐就無得反轉頭食雞煲啦😆先說雞煲，叫左中辣，初入口又唔覺好辣，但都食到雙唇變左孖潤腸😅😅😅雞肉幾彈牙嫩口，幾好食！任飲飲品方面：五花茶及汽水五花茶較甜，比較似糖水！另外會送一渣西瓜汁，但味道唔太好，而且又唔夠冰凍！似西瓜沙多過西瓜汁，應該唔加水溝淡，係原隻西瓜搞碎制造出黎，可能西瓜唔係當造所以唔甜唔好飲！2碟熟食：飽魚及聖子飽魚個汁唔錯，個口感都彈牙聖子第一次食唔太熟，員工話幫我地同廚師跟進，再蒸熟反比我地，但洗得唔太乾淨，有仲有沙食到😰終於到打邊如要再食牛，38蚊另外聖子同帶子都不包任食範圍選擇湯底：龍蝦湯底（另加30蚊）龍蝦好失主，肉竟然梅既...我食了一小口，成隻唔食😰😰而且湯底又無

之前朋友邀約佐敦倫哥, 質高抵食, 加晒分, 惟獨時段設限, 吹水聚會唔頂癮, 但香港地, 飲食業競爭慘烈, 租金, 人手, 食材, 樣樣攞命, 能夠保持質素平衡到咁精彩, 已經難能可貴.倫哥居然觀塘開多間不限時, 窩心飯竇, 馬上14人吹雞牛一飯局.先黎BB加中辣雞煲行孖咇, 濃香惹味, 雞煲三寶, 豬皮, 水魷, 牛栢葉, 拍拖更, 耳仔郁郁, 手口不停, 已經半飽, 心要追, 手要停, 後面正牛, 海鮮源源不絕, 要留肚.蠔皇扣鮮鮑亮麗登場, 滋味不凡, 只此一味, 已見功架, 心力, 緊接蒜茸蒸聖子皇, 肉脆爽, 鮮甜, 為怕食客浪費正味食材, 火鍋費勁當酒席做, 連火鍋配料蔥花, 用上師傅刀章切到靚仔薄一薄, 咁細節位都落足功夫, 滾動.邊邊時間, 肉蟹海鮮鍋, 強勢開路, 正牛, 海鮮, 兩大天皇, 芧得輸, 鮮牛頸脊, 甘香, 牛味濃, 海鮮盤霸氣, 料鮮, 款足, 量足, 大滿足.食材精彩, 服務亦貼心難忘, 個個美女, 帥哥, 隨和, 親切, 服務到位, 對比坊間大部份貼錢買難受, 黑面, 一肚氣經驗, 足見倫哥厚待伙計, 強將手下無弱兵.聽價錢覺貴, 食過就知低,

佐敦同德興街倫哥一早試過覺得唔錯，今次有朋友生日想同朋友分享，14人一早訂左觀塘倫哥試下新店。上星期六成35度天氣焗到人都癲，由觀塘地鐵站行到去鴻圖道已經扭得出水，心諗地點咁隔涉唔係超級好食一定無下次。上到去入到房地方略嫌迫，但全部好朋友無所謂，一開波先來兩個麻辣雞煲，一個bb辣一個中辣。個人覺得中辣剛剛好，雞份量十足香噴噴，居然仲可以任添，哈哈～當然要encore ，忍唔住食左4煲再添左好多碟三寶，尤魚豬皮牛栢葉，已經半飽。再嚟上湯底打邊爐，我地揀左兩個蟹鍋，如果龍蝦加30蚊，其實都抵既，但有朋友係蟹痴所以兩煲都係蟹。今次比之前去倫哥有唔同，鮑魚同蟶子皇係煮好上枱每人每款有一隻，估唔到鮑魚細細隻扣得好好味，蒜蓉蒸蟶子皇火候剛剛好，睇得出有用心去做，讚!再嚟上齊全部打邊爐既料，海鮮佔大多數，全部都好新鮮，龍躉片同大蝦都可以任食，美中不足墨魚滑好正上左一碟就無晒，下次請倫哥準備多些。牛肉好靚好得但唔係任食，兩人有一碟其實都夠食。至於其他丸類餃類就真係一段，其實可以等人客點先上，無謂浪費。蔬菜選擇真係唔足夠，只得三幾款，唔係幾夠需要改善。總結係唔錯，14人汽水涼茶任飲，加錢飲左1打啤酒，埋

上星期六與一班至愛親朋共14人慶祝生日，朋友介紹去倫哥打邊爐，因為貪佢有獨立房坐間，首先坐低就先食個麻辣雞煲，其實我唔食得太辣，好彩倫哥有bb 辣，小辣， 中辣同大辣比我地揀，我地揀左一煲bb辣， 一煲中辣，bb辣就啱晒食唔到辣嘅我而湯底就有龍蝦窩(但要加30元）同蟹窩，我地揀左蟹窩做湯底，蟹肉好鮮味好結實，蟹湯都好鮮甜，食物方面就有海鮮(好新鮮）， 牛肉(好有牛肉味），墨魚滑(好彈牙），菜方面種類須然唔係太多，但已好足夠，而且清洗得干淨員工服務態度都好好下次有聚會，會再選擇倫哥