修士吧 (已結業)

平時同朋友去酒吧多數都係飲 cocktail，貪佢又甜又易入口。但因為呢排世界盃，係少數服從多數既關係之下，去左呢間修士吧。成日以為呢d無乜鬼佬既酒吧，好雜好嘈。但原來呢度係唔可以猜枚同玩我憎既骰盅，實在係對環境有要求既人一大喜訊！天時暑熱我地揀左室內冷氣地方坐，入面有套白色大sofa好靚，好好坐。本來我想照舊order cocktail，但係我d朋友話呢度最出名係生啤，咁o岩個侍應又向我地推介 k1664，話呢隻法國啤酒好o岩女仔飲。飲落，香香地甜甜地，易入口！之後 order 野食，見到有我最鍾意既蜆肉意粉，一於試試！其餘都係一d 炸野、焗野。另外侍應又再推介咸豬手俾我地。食物方面，俾我想像中好好多，我最鍾意既蜆肉意粉仲order多一次添！仲有個咸豬手又真係無介紹錯，絕對可以一試！不過d甜品就真係麻麻，望落就好靚既，不過唔係無味，就太甜。雖然我唔係為睇世界盃，但呢度又的確可以滿足到我d朋友，度度都可以睇到電視，包你唔會睇唔到！佢地仲話決賽要再黎呢度。不過原來呢度係無獨立厠所架，要行返出去商場，都幾遠........

世界杯開波, 最好梗係搵到撻地方吃+喝啦, 聽朋友講呢度有位咪同幾個朋友一早黎霸定個靚位囉, 原來呢度出名多生啤種類, 地方算幾闊落, 叫咗幾個小食, 咸豬手真係不錯, 蒜蓉包都不俗, 有個薯皮我就麻麻, 不過我d fd就話幾好食, 雖然當日戲碼超弱, 不過果度氣氛不錯, 再加上老細(唔遁得叫咩名咯)熱情既招呼, 真係一個不錯既好去處. 美中不足係d侍應冇咩笑容 + 蠢, 幾次無啦啦俾張單我叫我埋, 我都冇叫過埋單, 不過總括而言, 值得再去.

當晚係世界盃超級星期六，四圍都爆到裂。我最憎就係d地方為左做生意就加桌加椅，迫到七彩！但係修士吧就無咁做，所以即使坐到滿哂，都無o個種水洩不通，烏煙障氣既討厭感覺。佢有室外同室內俾你選擇，室外雖然熱左少少，但係有得食煙，唔駛下下行出店外面都抵哂啦！我地一行七人，唔知係咪上左癮，生啤真係好味好多，呢度勁多款囉，正！另外狂叫小食，因為聽講呢度d set dinner 麻麻。超級推介︰薯皮、豬手、蒜蓉飽、蜆肉意粉、仲有一隻意粉忘記了。全部都食完翻尋味，order多一次！黎緊世界盃都會去多幾次，不過就會提早d，因為可以覇d sofa 位！

入得bar，其實唔會預佢正餐會好食！一行三人叫左好多野食。先來兩個長期半價set dinner，湯還可，主菜都不過不失，但個甜品就真係得個樣，一d都唔好食。相反，佢d小食就真係唔錯，焗薯、炸魚條、豬手，樣樣都ok，加埋啤酒，簡直係一流！可能食dinner時間都係早，所以環境都算可以，傾到計，但係室內有人食煙，令到有d唔舒服‥‥‥‥‥‥‥

去睇詹瑞文之前，沙漠王子提議去諾士佛台搵食，時間太緊迫，唔可以俾我慢慢比較同挑選餐廳，所以就去左諾士佛台的第一間食～$168/set，HSBC卡有半價，會抵好多，但係即使無半價，相比諾士佛台其他餐廳都算係平soup of the day：青豆湯：OK creamy，不錯～starter：鵝肝醬多士：小小的一塊，鵝肝好腥，法包就幾脆～焗蠔：無試，大概唔錯～Main course：煙鴨胸：我覺得呢個最好，唔太鞋，個紅酒汁都OK～肉眼扒：好韌（因為無問幾成熟？）Dessert：bread pudding：都係無乜味creme bluee：麻麻，無乜味drink：iced coffee：非常難飲上菜速度奇慢，三催四請都未有main course，但係main course食到一半就上dessert，張枱仲要唔夠位放非常無奈～waitress唔係惡就係唔理人，服務要改善！環境就唔錯，幾好氣氛，可能如果只係飲野會好Ｄ啩～食到咁貴覺得唔係幾好意思......仲要之後睇港男港女show。。。

經常在雜誌見到推廣，內容豐富頗吸引，前晚與朋友聚舊食飯，證明了廣告實在不可信，食物質素很一般：　頭盤有三款可揀，朋友揀了香蒜煙肉焗生蠔，沒試不作評價；我要了凱撒沙律拌煙三文魚，所謂凱撒沙律其實就是生菜兩件，毫無芝士/煙肉香。是日餐湯為青豆忌廉湯，只得浮面那層橄欖油香且吸引，湯本身可是淡而無味，頗差。　主菜有七款選擇，看餐牌每款內容都甚吸引。友人揀了西蘭羊架件鮮乳酪薄荷汁，落單時沒有詢問成數，出來果然過熟過鞋，又沒有應有的羊騷香味，一句話：不好吃。我的主菜是西蘭牛柳拼法國鵝肝伴紅酒黑醋蜜糖，鵝肝口感鞋且有渣，牛柳要求五成熟，一件達標一件過熟，配以不過不失的醬汁，勉強可以收貨。　　甜品有三款選擇：creme brulee, 麵包布甸及藍莓慕絲餅。詢問侍者，他毫不猶豫推介藍莓慕絲餅，味道的確香甜不錯，不過慕絲如風質地始終非我所愛。朋友點的creme brulee就小得可憐，又不熱，唯一可取是焦糖夠薄夠脆。是日咖啡quota已用完，故點了凍檸茶走冰，茶粉開出來的凍檸茶好難飲。　晚餐如非半價，根本不會有人吃吧。

老外呼吸墮連男啫杯中物，又鐘意攬gag，佢揾人去"happy hour"嘅話大家都唔會托手踭。我推介修士吧比佢嘅原因係佢地有野飲有野食又有open area，啱晒D老外，佢一坐低就點咗一"槍"啤酒，佢中文唔好，所有量詞都係用個"槍"字，呢一"槍"啤酒有5杯，其實同分開逐杯逐杯叫係同價，咁樣只會擺到D啤酒熱晒。

上星期有幾個自遊行既朋友落黎玩．．．又要招呼下佢地啦．．話要行尖咀買貴野，，，又要行星光大道．．．成４０度有咩好行呀．．．我話帶你地去見識下香港既酒吧啦．．去左修士吧之前都有去過環境唔錯又唔會太雜．．．去到坐左係入面有ｄ大梳化既枱．．．ｄ自由人唔知係咪睇得電視多．．話係妙手仁心成日都見到佢地坐係咁大張梳化度飲酒．．我話係呀．．咁咪幾型．．報酒水喇．．．中上價．．４－５０蚊杯啤酒．．．大酒唔知都無飲，小食都可以．．．埋單４個人六百幾．．．差唔多啦．．ｄ朋友話無介紹錯呀．．坐得好舒服．．我心諗大陸無咁大張梳化你坐呀

晚餐煙肉焗生蚝好味d蚝好肥美,鵝肝多士味ok,,but...兩件太多飲埋個湯都7成飽,餐湯係椰菜花忌廉湯,湯上面嗰d香草油令個湯好有新鮮氣息,煎黑欖煙鴨胸幾香,鴨胸皮燒得好香脆~黑欖汁和鴨的味道都幾襯,有燒蘋果伴菜~第一次食到~蘋果上淋左d黑莓汁好靚好開畏,至於牛肋條呢~都ok,.dessert有blueberry cake,breadpudding........個set $101都真係好抵,環境幾comfort,會介紹比d friends^^

Tequila Sunrise--一般...太多冰.Pink lady--賣相幾好!黑啤-----OK!蒜容薯容田螺---田螺無味..淡爆...要問佢攞鹽!!要成48蚊!不過環境幾好,靜靜地...因為我地太早去..無咩靜既地方可以飲野...同埋可以食煙.

有starter,同埋甜品!! 都有幾款選擇,例如煙三文魚,蠔~ 例如焦糖燉蛋,cake,麵包布丁~我地叫左牛同雞,,奇怪地佢地唔會問牛要幾成熟!! 兩樣都好味,個汁尤其出色~~甜品燉蛋都好好味!!可以食煙,,對煙民黎講係一個唔錯既選擇唔記得講,果d侍應都唔知自己SERVEs緊d咩...有個女既拎碟雞上黎,又話係魚...我地話無叫魚喎,,雞就有..先改口話係雞!!有個男既拎杯檸水上黎,又話係檸茶,,我地話無人叫檸茶喎,,先話係檸水!!!

今晚係尖沙咀同朋友食完飯後,由於太耐無見而且食晚飯時太嘈吵根本唔可以好好地咁傾計於是飯後到了這裡邊飲紅酒邊分享..朋友原打算點白酒.係一款特別提子釀製之出品但因發覺嗰名同佢平日飲開ge好唔同.於是轉紅酒係fruity ge! 呢隻真係唔錯.但唔知叫咩名.但朋友係呢方面簡直係expert..所以佢recommend咩我都會信得過佢..好放心!

琴晚去左呢度同朋友一齊飲野,星期三全日happy hour,飲品半價,平均廿幾蚊一杯,都幾抵入面的seating大多數都係一d大梳化,好舒服,適合成班朋友一齊飲野傾偈琴晚間bar都唔算多人,整體都ok

雞胸扒用香料燒得好香唔鞋,個雞胸面積比一般的大看是美國進口的,燒香咗D洋蔥放在扒上一斉食香味在口腔四散,淋上鮮黃色的汁色澤好搶眼,個汁有好香牛油味,伴菜材料豐富!!至於個Dinner的頭盤-煙肉焗生蚝好香好味,餐湯和藍莓MOUSSE餅都OK,其實個Dinner好多元化,肉眼扒,煙三文魚,羊仔扒都好吸引,幾抵!.dinner 50% Off 優惠唔知到幾時另外芝士辣肉腸薄餅好食,材料夠多,批底夠香脆,我個人感覺好過D薄餅連鎖店.平時星期三Happy hours去好多人,今日早段就唔太人多,侍應服務唔夠水準,好多時見d女仔走埋一堆傾計,個場又大,我地同隔離枱o個對情侶要揮手十幾廿秒先有人理,poor!!~

前菜煙肉焗蠔十分好。main course 的牛扒十分鞋和"un", 雖然sauce 很好味, 但材料不得, 但伴碟的fat chips 十分好(整餐中最好的)。甜品是麵包布甸, 但不是焗的, 友人不喜歡, 但淋面的果味sauce 很好味, 飲品一般。其實set 內有很多選擇, 樣樣都好, e.g. cesear salad, 法式焗蛋, 羊扒etcHK bank VISA 有半價。始終是酒吧, 小食和酒精cocktail (我之前試過)一流, 飽肚食物始終不是很好。會再去但在happy hour, not for dinner.