修士吧 (已結業)

情人節去左呢度食dinner, 非常激氣!唔滿意之處：1. 長直髮waitress態度麻麻2. 出菜速度極慢3. 人客唔多但係都好混亂, 我地同隔離枱叫同樣0既野食, 但係我地order先, 點知人地d野食齊左都未到我地, 我地都諗住唔緊要啦, 等多陣.... 點知等左好耐, 唔對路, 問個waitress, 先至同我地講我地點0個樣野食冇晒, 要轉第二樣... 佢個menu得三個set, 冇得好揀, 好慘... 4. d野唔熱又唔好食冇下次~

pizza的價錢很平大慨四十幾蚊左右,係pizza hut大批的size,味道唔差但芝士味唔夠多--愈多愈好~!!pizza皮是薄批那種,應該是廚師自制的,四周圍的邊焗得脆脆的很香口. 香荵燒春雞都抵食大慨五十幾蚊,成碟份量都幾大,外皮很薄很脆沒有雞皮很(膠口)的感覺,很濃郁的ROSEMARY香草但不搶雞本身的味道,食到LAST就覺得咸左少少但送啤酒就VERY GOOD!! 我地二人叫左PIZZA,燒雞和兩杯麥啤埋單$230-40 環境格調都幾舒服,我地座普通枱睇見人地四個人以上座大梳化好似幾(爽)幾舒適,不過要注意--到了23:00左右室內的音樂就會HIT d,大聲d.....

是晚8點幾鐘同個姊妹買完婚紗走左入美麗華商場有個叫諾士伄階，好朋友介紹我去到修士吧，這裡的環境好舒服好似係半開放式沒有門口，雖然話係酒吧但係就唔係好大煙味，女侍應話ｉｎｓｉｄｅ既枱ｆｕｌｌ晒就叫我地座露天的都好ｏｋ我地叫左兩杯好少酒既飲，有少少好似櫻桃味酸／甜幾好飲唔難入口，一份西泠牛肉和香辣雞翼，牛扒幾新鮮冇雪味入口唔干有肉汁，廚師只係用左ｄ黑胡椒和少少香草調味就夠，配料是薯仔皮和蔬菜伴有翠綠色的香草醬在碟上好靚，牛肉和香草醬一斉食更覺鮮美，香辣雞翼都好靚，外表金黃色肉質ｏｋ好滑，雞翼本身的調味唔太濃因為上面灑有ｄ香辣粉辣味啱啱好服務ｏｋ侍應好有禮貌有ｄ仲幾靚女．．．整體來說都很滿意，食物方面係意料之外的好，冇諗酒吧都會做得好既牛扒，如果評分我的是８５／１００而好姊妹阿恩的是８９．９／１００喎！零點一分係扣我地座果張枱唔平衡喎？！

呢度環境好舒服,三五知己落嚟飲紅酒吹吓水,感覺好ok!! 紅酒既款式多唔太貴,平時間唔中有落嚟但係未試過d晚餐. 7/11加拿大既家姐返來香港話好耐末去過酒吧,於是嚟左呢度食dinner,有匯豐咭discount就有50% off餐湯係牛尾湯味道唔錯好有牛肉味,材料好足,頭盤的煙三文魚好新鮮軟滑,比較其他地方食到乾乾的好好多,另煙鴨肉沙律都唔錯,主菜就叫左鵝干牛柳同牛仔骨,牛柳order三成熟煎得啱啱好,肉質有口感,家姐在加拿大都好鍾愛食牛扒都覺得很好,配菜有茄子,燒番茄新鮮,擺碟設計得簡約不花考好英式風味,我地將兩只碟都食得乾乾淨淨,好感恩!!!

飲beer tower再加雞軟骨及足球遊戲﹗呢0的咪就係happy hour囉﹗鍾意呢度坐得舒服，露天位是聚腳的好地方呢﹗

跟幾個朋友到尖咀飲野想不到地方, 竟想不到是由細表妹選地方, 到了這兒, 一個曾經很多人去的酒吧地點轉移, 店名依舊, 客路都不同了, 現時老中青都有, 在這街上都算是熱鬧的一店吧! 點了一支啤加一客薯皮, 薯皮加了醬汁去焗, 但都是焗得乾得要死, 薯仔又硬又乾, 不喝口啤酒也不行, 坐位又不算太舒適, 下次都是不來了.

sat和老公&媽咪行到美麗華二樓搵食,先發現修士吧從海港城搬左來呢度,我地睇下個set dinner都有好多款式而且仲有信用咭discount 折左$101,就有頭盤+餐湯+主棻+dessert&drink 是日餐湯係三文魚濃湯-好rich嘅魚味,呢個湯其他食肆好少食到,味道有d似龍蝦湯好好味 頭盤我地就order左焗蚝,煙三文沙律和鵝肝醬多士,頭兩款都ok好新鮮,鵝肝醬有少少黑菌味道配上很脆的法包^^ 主棻其實有好多款式選擇樣樣都想試,三文魚柳有少少黑椒調味煎得很香配香草汁,個汁好滑係用cream同牛油煮成 牛仔骨肉質鬆軟彈牙是不經淹製嗰 種,配棻有薯條,茄子,青豆,等...但有個很特別的蓄茄配棻,細問之下先知道原來係用蓄茄釀入粟米和自制的蕃茄啫喱所做成,味道幾得意,很有心思 免治牛肉千層面OK啦D肉汁幾好味 dessert有焦糖燉旦和bread pudding,燉旦好滑有少少cream味,上面就有d脆卜卜嘅焦糖,pudding有少少酒味,唔太甜 整體來講食物很好,很新鮮,味道好,有心思,我個人就特別喜歡三文魚濃湯好正!!!招呼尚算ok,其實佢係

原來除左諾士佛臺，美麗華商場裡面仲有個叫諾士佛階既地方。近來同一個失散多年既舊宿友重聚，見到依度用匯豐卡有半價，於是入去一試。晚餐本來$168，加埋下欄錢同服務費再打折就變左大約$100，以尖沙咀黎講都算係相宜。食物方面，是夜餐湯係磨菇湯，前菜、主菜同甜品各有三款選擇，但份量偏少，不過都足以飽肚。我前菜揀左煙肉焗蠔，主菜係鵝肝牛柳，甜品則係法式焦糖燉蛋，整體既味道都唔錯；朋友就叫左凱撒沙律、牛仔骨同燉蛋，佢個沙律可以揀三文魚、雞肉或其他配料，而個牛仔骨既味道幾香甜，比我塊略為熟既牛柳更加出色。環境方面，好明顯佢o係係一間以做睇波生意為主既酒吧，晚餐只不過係順便做埋，所以佢果d 食物質素已經比我預期中高。由於店內裝左好多鏡，所以所有位置都可以睇到電視，適逢是夜有利物浦大戰南華睇，但礙於朋友唔好睇波，所以我只係可以邊食邊傾再間中望下電影螢光幕，實在係有d 接不暇。另外雖然話法例禁止左食肆吸煙，但依度d 人好似好肆無忌憚咁食煙飲酒，幸好我附近都未算好大煙，如果唔係我肯定坐唔耐。至於服務，如果係酒客既話啤酒小姐會顯得比較殷勤，否則就只能得到最基本既一般服務，例如我杯餐飲一早已經落左單，但唔知點

Went to this bar because of its tempting dinner set menu under the HSBC discount, but it was a disappointment. Ignoring the fact that I am to piad for my bill even before the arrival of my drink, services is bad. For the dinner set, we could pick an appetizer, the entree, the dessert, and the drink, and they've to ask us to repeat after the arrival of every single course! The waitresses aren't very good either, hardly responsive and the portions are so small I feel like I'm in a pint-size res

昨晚跟家人周圍試hsbc card 既優惠, 選了這兒一試.. 這裡主要是飲酒的地方, 來吃晚飯的人不多, 客人來主要是渴酒和食煙. 話說回來, set dinner 有沙律, 湯, main course, 餐飲和甜品, tuesday night 去仲送一杯餐酒... 我叫了牛柳拼鵝肝. 家人叫了羊. 我覺得羊比較好吃. 以價錢來看, 也算不錯. 可是我不喜歡食煙的地方.