佳記甜品 (已搬遷) 新店位置

當大家以為佳記最好食就係b仔涼粉既時候，我不禁得啖笑。b仔涼粉的確係一班人去食既首選，夠大兜，多人食既話又平又飽。其實呢間最好食既我相信係雞翼尖。主要係佢個汁調得好，香辣可口，令人吮算不停。其他甜品就中規中矩啦，畢竟咁大間野，質素下降係正常既。

B仔涼粉呢個名我細細個就已經聽過啦 咁其實一直聽都好少真係去食 見行過就約左2,3個fd去食啦 D人話最多名係個雞翼尖，就點左個黎食個雞翼尖其實幾好味既，夠入味 辣辣地幾正，十分我會比八分 跟住當然唔少得既就係呢個涼粉啦 一黎見到咁多水果係入邊就好興奮啦 食落先知伏黎-_- D水果大部份都係罐頭既 勁甜食到好口乾 得D西瓜係新鮮水果好既地方係幾飽既 但十分我正係會比三分囉

琴日食完晚飯突然想食久違的b仔，於是夜媽媽入左完朗。一去到真係多人到飛起，踏入凌晨依然咁旺場，但由於係自己揾位，我地一行3人好快就揾到張枱搭。今次叫左招牌雞翼尖，魚蛋，腸粉，蜜瓜西米露。雞翼尖名不虛傳，水準依然。好入味，蒜香味好濃。本身唔鐘意食雞翼尖嘅我都忍唔住一食再食。魚蛋腸粉就普普通通，腸粉幾滑。最後，蜜瓜西米露，蜜瓜幾新鮮幾甜，唔錯。

偶爾先食一次嘅B仔涼粉，味道從不退步。今次食嘅係未試過嘅芒果河粉！名嘅關係令大家都覺得呢款甜品好奇怪，但非常好食！河粉味道就好似平日車仔面嗰啲咁，但感覺更粗更厚實，而且滑好多。意外地同甜甜的芒果味道好夾，一啖芒果一啖河粉，再飲一啖芒果汁，感覺好搞笑，好似真係食緊湯粉咁，芒果唔酸亦值得讚賞，而且份量好夠，食完好飽！仲有經典嘅雞翼尖，好味到想食埋啲骨！蒜香更上有少少麻嘅辣味，非常惹味。而且整得好入味，大推介。

難得工作關係來到元朗，當然趁便一試Ｂ仔涼粉吧.B仔涼粉可說是陪伴我們從小孩成長到大人的甜品店,名氣之大令我也忘記了這兒的店名是叫佳記甜品呢火炎熱的下午,也不減街上人前來吃甜品的熱情,大約等了10分鐘才能入座.B仔涼粉,芒果依舊鮮甜,冰凍涼粉實在是解渴必然之選.只是西米露好像比從前吃的稀釋了,應該是因為成本高了店家也要想方法降低成本吧現在回想起來,元朗區好像因為有B仔涼粉,吸引了大量人們跨區而來呢

山長水遠入到去元朗，當然一定要去品嚐一下馳名香港既元朗B仔涼粉啦~今日我同朋友兩個人入到去，一坐底，唔洗多講，黎碟雞翼尖同腸粉先！ 不過，我同我朋友都唔係好食得辣，所以就叫多份雞翼同每人一個涼粉。我就叫左椰汁西米露，佢就叫左鮮雜果涼粉，用黎解下辣都好！😊個雞翼尖真係好辣好辣，但真係好好食。我今次食到流曬鼻水，真係無懼世事變改，還是越辣越愛……腸粉好滑，加埋d醬好好食，而個雞翼都好入味，yummy！至於糖水，我個碗西米露就好香椰汁味，而且十六蚊大大碗，好扺食！另外果碗涼粉都好大碗，而且d生果都好新鮮，也很不錯呀！

已經去了很多次佳記食甜品，而且我一直都覺得又新街的佳記是比較好食的。今之便選了傳統甜品燉蛋，這個看似十分普通的甜品，也做得十分不錯。入口充滿奶香味道，甜度適中，除了涼粉外這也是個不錯的甜品。

好耐無入yuen long 一定要去食b 仔 ! 芒果西米露 做型好靚 好像酥皮湯芒果好甜 又唔你罐頭芒 西米露好木食 唔會好甜 反而好滑好香b仔最正既重有雞翼價錢都唔費

中午落了元朗行下，周圍都係人，又逼又多車又焗，到了元朗先去B仔食少少野。以前好多人都去食下B仔涼粉，因為少同類選擇就覺得好食好特別，但近年已有不少後起之秀，B仔已比下去了。甜品已無咩特別期望，點了一碗椰汁黑糯米，糖水較多，蓋過了椰汁及黑糯米的味。反而小食仍然好食，叫了兩份腸粉及咖哩魚旦，腸粉仲keep住滑嘟嘟，不過無以前咁厚，咖哩魚旦仍好香辣，仲好食過湯水。

元朗一向都有好多好野食，今日走進元朗，一定要試試響元朗出名既B 仔涼粉。我地今次一行2個人，唔可以叫太多野，所以我地都只是叫一個“B仔涼粉”以上就係B仔涼粉喇。好大盆，好抵食。見到好多唔同種類的生果，有龍眼，蘆薈，菠蘿，西瓜，蜜瓜，奇異果，椰果，蜜桃等等，底下就仲有涼粉，比人感覺好健康。生果同涼粉再配以淡奶，口感簡直一流。呢間鋪成日都好多人，想要去果度食既食家就要等等喇。食完之後，我地都終於明白點解佢成日都會咁多人。

我是佳記甜品的常客。這次點了熱食和凍食：雞翼尖、魚蛋蘿蔔和芒果班戟。雞翼尖對愛吃辣的人特別好吃，雖然今次的辣度比上次吃低，但是依然惹味，而且份量挺多，是B仔必吃之選。魚蛋蘿蔔點了不辣的，魚蛋蘿蔔吸收了醬油的味道令味道不會因沾了很少汁變得淡然無味，不過個人還是推介辣的。芒果班戟皮薄餡多，奶油香，芒果肉多而甜，很好吃但一人吃就太多了。

似我地特登入元朗食甜品嘅唔知有幾個-.-有個朋友一直話B仔甜品好好食，嚟到元朗點都search唔到B仔甜品，見間佳記排長龍，就唸住試試，原嚟傳說中的B仔甜品就係呢度涼粉。因為已經食得好飽就冇點個B仔涼粉，但係睇落有冇咩特別，涼粉上面砌咗好多水果。以為係涼粉好食，就點咗個唔記得咩涼粉。涼粉好硬好普通，唔係我鐘意嗰種。加埋煉奶都苦苦地，唔中意食。朋友叫咗個楊枝甘露，都係麻麻地，芒果味唔夠濃，料得西米比較多。最後拎走一個芒果糯米糍，好軟熟同新鮮的芒果味！連續食一盒一啲都唔滯！後悔冇買多幾盒。見好多人都食雞翼尖，好似好好食。阿姐服務係差啲。

細細每就聽B仔涼粉聽到大, 不過我呢D市區人真係十世都唔會入元朗, 更加唔會因為一碗涼粉而入元朗, 不過跟奶奶入黎元朗拜年, 食完勝記牛丸同一間好難食既燒燒賣, 諗住入到黎無理由唔食埋個涼粉先至走, 雖然好飽, 但老公話同我一齊SHARE碗芒果涼粉, 所以最後都衝左入黎!!當時只係8點左右, 入面已經座無虛席, 我地一行四人點左一個芒果河粉, 一個芒果涼粉, 一個紅豆涼粉, 同一客雞翼尖, 老公話佢個雞翼尖真係好好味, 不過我唔鐘意食骨, 所以我無試, 最先上枱係碗紅豆涼粉, 超巨型爆多紅豆係面, 一見到就已經飽灑, 老爺話以為紅豆係煲左既紅豆沙, 無諗過係紅豆肉同蓉, 不過跟花奶口感都唔太甜, 幾好味, 我碗芒果涼粉上枱跟左支飲管, 可以即刻飲上面D芒果汁, 係超凍超甜超好飲, 好味過許留山個D多多聲, 十分正, 入便仲有超多芒果肉, 大大粒, 有成個芒果咁多既肉, 都係廿幾蚊碗真係十分之抵!!涼粉又實又爽口唔粉, 好好咬口, 正!!!! 我決定每次黎元朗一定會再黎食!!

B仔，相信大部分香港人都聽過。人紅生驕，食店名氣大，自然服務質素下降。但今次去B仔，服務態度真的差得有點兒過份。去到的時間十點多，不早不晚，,但許多想食的甜品都賣清光。尤甚是我的最愛榴槤。不過朋友說再晚一點就會回復供應，可能是我們不好彩而已。之後點了一個榴槤布甸( $24)，芒果糯米卷($35)及楊枝甘露($29)。食物當然很好吃，現在雖然不是榴槤的當造期，但榴槤布甸仍然十分香濃，一香滑的奶凍包裹著綿密的榴槤。榴槤雖然不是最頂級的，但足料，啖啖肉。來b仔當然少不了吃芒果啦，芒果糯米卷依舊吸引，煙韌的糯米皮包著大大件芒果，想難食都難。只可惜它應該用兩個不同的芒果，一邊香甜美味，另一邊則有點酸，未夠熟透。不過食物再好，亦食得一肚火。事關d夥計叫極唔應。食甜品，特別像糯米卷一件件，當然係happy share，然而想要多支叉子，匙羹亦難過上天。舉了很耐手都沒有回應，都算，有些夥計更用傲慢的眼神望一望你，然後走開。令人十分生氣和無奈。

呢一日咁岩去左元朗見呢間一直都咁出名D人什至專登入泥食食完正餐既我同朋友決定入去朝下聖B仔涼粉食唔哂雞翼尖我又唔太中意食其他出名既熟食都冇咩興趣最後我地叫左呢兩樣芒果西米露D芒果系真系幾好食好甜 其餘都普普通通香蕉涼粉呢個真系失望香蕉秋好食 但個涼粉一D味都冇連糖水應有既甜味佢都唔夠最後食咩D香蕉算數食左呢兩碗野得出既總結系呢到D水果幾好食唔怪得集好多水果於一身既B仔涼粉咁出名不過 我食完都系唔明有咩咁吸引D人特登去食