佳佳甜品

營業中

休息中

佳佳， 第一次聽到呢個名， 就諗起熊貓🐼！哈哈， 佢係佐敦道出哂名，係間老牌糖水舖， 任何時間都有人龍排喺門口！大家好識做，食完就走，所以一般好快就有位！主打中式傳統糖水，有成廿幾款，仲未計加拼組合。啱啱正餐食咗好多煎炸嘢，要快食綠豆沙降火。呢個綠豆沙好得，㷛到起沙，唔會太甜 ; 加埋百合， 清心潤肺，安心養神！😊我最怕有啲糖水舖打濃芡， 傑撻撻，乜胃口都冇哂。😳食完即刻埋單， 外面條人龍越嚟越長 ; 香港人習慣食完晚飯，再食番碗糖水。

講到傳統糖水佳佳係必食之選價錢方面相當實惠👍寧波薑汁湯圓 $20😻有七粒份量唔少個皮超滑同薄芝麻餡料好豐富芝麻勁香超好食個薑汁好夠味正食完好暖胃呢間之前食過一兩次不過大約一年前今次來個水準都keep得好好

之前唔記得系睇邊度電視節目介紹佐敦佳佳甜品，一直以來都好想試，特別系佢嘅番薯糖水，話番薯唔知點樣揀，姜湯又用咗唔同既姜去煲，我系一個番薯糖水愛好者，所以喺附近一定要試下。去到門口已經知道名不虛傳，無論買外賣定系堂食嘅人都好多，原本我已經想放棄，但系男朋友話一場嚟到就等下啦。真系好彩無放棄到，因為我地系叫外賣，由落單到拎走前後都唔使10分鐘，速度好驚人。返到屋企即刻忍唔住食，一食就知道真系不得了，姜湯夠辣，應該系用咗老姜，用嚟驅寒一流，仲有個蕃薯，腍得黎仲保持到番薯嘅完整性，好有咬口，一吃就愛上，推介各位黎呢度食中式糖水😋😋

經過佐敦,看見有甜品店便入去了,簽到期間發現這裏是出名的甜品舖,即管試一試他的味道,我叫了一碗合桃溝芝麻糊,點的是要熱的,果然名不虛傳,合桃香滑,芝麻糊絕無甘苦味,只有很香的芝麻味,不會太甜,好味,點一個兩溝熱糖水只是24元,另點了一個鵪鶉蛋燉雪耳糖水,也是熱的,這個也不錯

食左一次後就好似上左癮咁每星期都要食一次，雖然佢冇出色的外表，但佢真系好實在好好味。今日試左楊枝甘露同薑汁湯圓。上菜時店員拎碗楊枝甘露俾我果時，我見到佢指甲插左落碗糖水度。。。。雖然我冇出聲，但咁輕既一碗糖水都拎得咁差好似好唔專業啵楊枝甘露睇落唔算足料，可能系打碎哂定點但食落又幾好味，芒果雖然甜而大大粒但得3粒，柚肉同西米都得好少，34蚊正常價位。薑汁湯圓，唔食得薑既人真系唔好亂試呀，因為好薑下，有8粒芝麻湯圓好滑好香，細細粒好易食。不過我覺得成間店最好食都系芋茸蓮子西米露，打得好細滑又香又濃，蓮子又冇苦味完全改變左我對中式甜品的想法。

吃芝麻糊，我不會去別家。我很喜歡吃芝麻糊，但在香港吃到正規的確實比較困難。雖然這芝麻不是上等食才，但要做到最好還是要花工夫。而這樣肯花時間去處理的店在香港不多。外界很多也是用芝麻粉開水，只有這店是從打磨便自家處理。芝麻糊吃下的時候有芝麻粒，有口感，很滑。芝麻味很濃郁。這次因為勞動節假期，太多人，所以買回家。二十分鐘後吃，還是熱的。真好。我還會推介之前吃過的馬蹄露和楊枝甘露。但這兩種甜點都是夏天才有的，要留意。

佳佳甜品每年都獲得米芝蓮街頭小吃推薦的稱號，而且每次過去都是要排隊的。甜品種類很多，非常港式正宗的甜品店。這次朋友帶我來吃了這家，店面不算小，晚飯時間來的並沒有排很久。酒釀圓子。楊枝甘露。各色美食也是應有盡有，好吃的太多，數不過來，想吃美食的小夥伴，只能自己過去排隊啦。我們兩個人點了一份綠豆沙一份杏仁露 一份木瓜糖水最出名好像是芝麻糊但是我倆剛剛吃完晚飯 不想喝芝麻糊 綠豆沙很好喝 杏仁露喝多了有點膩 木瓜糖水不甜膩好喝

今次嚟到「佳佳甜品」之前8-9點時間嚟食，發現排晒長龍爆晒人，所以今次就揀6-7點放工時間嚟食。結果如願，唔流排隊。今次點咗2款食物：香滑芝麻糊、濃薑蕃薯糖水。香滑芝麻糊（$22）之前食過大埔一間出名嘅小食店，碗芝麻糊有酸味嘅，所以今次係呢道試一下芝麻糊，係咪正常真係有酸味。而事實上呢道嘅芝麻糊無酸味，仲有一陣陣炒芝麻嘅穫香味。口感食落好滑，又好綿，唔會好鞋口。濃薑番薯糖水（$22）第一次嚟佳佳食糖水、亦都係第一次食到咁濃薑味嘅糖水。由於本港奴長期有啖，所以食呢碗濃薑糖水好開心，好似刮走晒d啖咁。濃薑味好持久，令人忘懷。蕃薯好綿，蕃薯心無起渣。

今日夜晚約咗朋友一齊去佐敦食晚飯，食完之後見時間仲叫早早地，只係九點幾，所以就同佢諗住睇吓邊度有甜品食。佢話附近有一間米之蓮一星嘅甜品店，食過都幾好食，又見九點幾應該唔會太多人食糖水，所以我哋就去咗食啦。去到門口發現勁多人，但因為未諗到有咩其他糖水店可以揀，所以就諗住邊排隊邊搵其他。排咗10分鐘左右就因為前面排隊嘅比較多人又或者未齊人，所以我哋都好快入到去。入到去我第一時間就揀我想食嘅芋茸蓮子西米露，而朋友就揀咗薑汁湯圓。基本上啲糖水都好快上，薑汁湯圓有大概七粒，西米露就好綿好好味。總括來講$22一碗係抵食嘅，而且好味，但因為其實唔算坐得太舒服我哋食咗15分鐘左右就走左啦。

佳佳連續數年獲得米芝蓮推薦的平價糖水店，當中糖水口感豐富，令人一試難忘。而且佳佳位置方便，位於港鐵佐敦站 A 出口, 步行約3分鐘佳佳還位於舊舖時，已經光顧了，講小小歷史，當時因佳佳獲得了米芝連後，舊業主「咁岩」大幅加租，幸好當時出現了救星熟客業主以平租，租出同區寧波街店舖所以有幸能夠仲食到這好味中式唐水佳佳主打中式糖水，雖然已經連續數年登上米芝蓮，但價錢仍然經濟，亦不減水準，實在難得白果薏米腐竹 - $22白果薏米腐竹食落有點像豆漿的味道，甜度剛剛好，非常可口，薏米食落好軟身，而白果挑了當中的芯，所以全無苦味（亦都好腍），可見平平無奇的白果薏米腐竹糖水製作當中都下了不少功夫了（薏米能去水腫，白果又能滋陰養顏抗衰老。我諗你都識選擇啦）

相信大家對位於佐敦既佳佳甜品一啲都唔陌生，係佢咁多樣糖水當中我最鐘意食佢個薑汁湯丸。首先係佢個薑汁湯，碗糖水一黎到已經好香薑味，但係一飲落去就勁辣！薑汁濃厚，又辣又香係好正！（女生當養生飲都岩，可驅寒）😉 其次就係湯丸，真皮薄餡靚👍🏻皮好煙韌，芝麻餡好香，甜得黎係清唔會好膩。HK$20一碗黎講CP值高。一試就愛上變成賣飛佛😋不過值得一提既係，如果夜晚6點前去就唔洗排隊，有次夜晚9點幾去都要排4-5個宇..

湯圓一流，其他甜品如芝麻糊也很好吃。😋服務員態度有善🤗。等候時間不算長，人多都不覺混亂。唯一是附近沒有車位🚗，但一定會再去。👍🏼👍🏼👍🏼值得推薦。

After having dinner near Jordon, we decided to have some desserts, I ordered a black sesame soup with tangyuan. You only have to add 7 dollars to get 3 tangyuan with peanuts filling. The soup taste quite good, not too sweet and not too diluted. It tasted so smooth. As for the tang yuan, the size is just right. I don't like it with too many flour. Overall it is a very good restaurant if you want to try some Chinese desserts and it's near Temple Street.

一向我係偏好西式甜品，但佳佳改變咗我對中式糖水嘅睇法。呢碗芋茸蓮子西米露，食落清香得嚟又幾足料，味道亦唔會做得太甜。就算外賣亦睇得出佢嘅用心，佢唔係用普通發泡膠碗，而係有設計過又結實的。

❤️最愛既糖水沒有之一🙈只是唯一！寧波薑汁湯圓始終係老人家既致愛😍薑汁夠濃夠辣😍試過一次就番唔到轉頭架真係！去到邊食完飯都會諗起佢🙈波波都唔可以呷醋😆是關佢都係同樣想念住呢碗神級薑汁糖水🤤今日就算去左港島食飯都要兜番去佐敦去食番呢碗糖水先捨得番屋企😝佢既薑味濃烈程度係有咩感冒喉嚨痛一飲成個人都醒神番，驅走晒啲寒氣😎辣爆喉嚨個一刻就好似會辣死埋啲菌咁🤣好治癒既感覺😝梗加唔駛講既係佢雖然係米豬蓮既多年推介，但一碗足料連7/8粒芝麻湯丸既糖水只係賣$22😍😍😍係真正既親民價！介紹過比唔少朋友仔，試過都話好！😋唯一就係多人要等要排隊又多遊客同唔會坐得耐，唔係用黎飯後吹水既糖水舖🙈講真如此質素既糖水店真係可遇不可求！去食甜品個質素都好重要！絕對誠心推介❤️試過你就會知佢有幾正！