佳佳甜品

營業中

休息中

食左一次後就好似上左癮咁每星期都要食一次，雖然佢冇出色的外表，但佢真系好實在好好味。今日試左楊枝甘露同薑汁湯圓。上菜時店員拎碗楊枝甘露俾我果時，我見到佢指甲插左落碗糖水度。。。。雖然我冇出聲，但咁輕既一碗糖水都拎得咁差好似好唔專業啵楊枝甘露睇落唔算足料，可能系打碎哂定點但食落又幾好味，芒果雖然甜而大大粒但得3粒，柚肉同西米都得好少，34蚊正常價位。薑汁湯圓，唔食得薑既人真系唔好亂試呀，因為好薑下，有8粒芝麻湯圓好滑好香，細細粒好易食。不過我覺得成間店最好食都系芋茸蓮子西米露，打得好細滑又香又濃，蓮子又冇苦味完全改變左我對中式甜品的想法。