佳佳甜品

營業中

休息中

聽朋友講黎間糖水好好食琴晚專登買外賣返屋企食買左合桃露同埋芝麻糊😍芝麻糊芝麻味濃 但係有D甜合桃露就好creamy好滑無渣有D似Nut milk 唔會太甜但合桃味就唔太濃整體黎講正正常常啦！

一向都有食開呢間甜品夜晚口淡淡想食甜品就叫老公去買外賣返黎喇勁薑蕃薯糖水$25水準咁多年都keep住一樣好味道品套甜薑味好出我習慣會整碎哂蕃薯咁一匙匙咁不黎食咁樣就可以啖啖肉喇❤️合桃糊加芝麻湯圓（$28+$7）依舊好香滑合桃味道好濃加左湯丸$7有3粒湯丸都好大粒好味以前成日買生湯丸返黎自己煮而家要減肥就冇買了怕自己忍唔住日日食外賣佢個碗做得好好既都有保溫作用不過有點美中不能既就係佢比以前細碗左好多咁🙈而碗糖水亦都裝唔滿既🥲不過都明白好多野都貴左既而佢一直都冇加過價

呢間甜品舖好耐之前都已經想來食，因為身邊好多人食過都話幾好食，嚟到門口見到好多明星嘅合照，果然係出名嘅糖水舖合桃露嘅味道唔錯，質地綿滑，唔會話俾人感覺好稀，都有合桃味用紙質地嘅外賣盒，就算幾熱嘅甜品，都唔驚有化學物質

是日星期三，大約5:45pm黎到，唔使等位就有得入，環境乾淨闊落，一啲都唔迫，而且冷氣充足。芝麻糊拼核桃露（熱）$28 加湯丸$7蚊3粒落完單好快上，都算大碗，大碗過普通飯碗。我先食咗擺喺上面嘅核桃露，好滑，亦都唔會好甜，核桃味未算十分香濃，之後試下湯丸，入面係芝麻餡，十分煙靭，之後再試佢個芝麻糊，亦都係十分幼滑，唔會一嚿嚿。下次一定會再嚟試其他甜品啊😄btw,如果有花生糊同埋花生味湯丸就好啊🤭

去開佐敦，夜晚上完堂又凍又餓餓地，即刻諗起曾經係佳佳甜品食過既薑汁蕃薯🍠糖水， 勁夠薑又暖，湯圓都係佢地十分出名既一環，冬天食真係有溫暖人心既感覺，十分治癒。🥰於是就決定要買碗糖水番屋企治癒下心靈😚今明天氣咁熱， 諗住試下新野， 惠食既我想凍同熱糖水都整番碗番去同男人一齊分享😚😙今次外賣左健康又滋補既芝麻糊同埋冰涼冰花燉蛋😍😍味道：1. 芝麻糊濃稠得黎唔會好似好多粉咁杰撻撻， texture 質感適中， 好香好滑， 芝麻味好香，甜度偏高但唔會膩，唔好太甜既我都覺得味道好好，同男人分岩岩好😛食完覺得好潤😜5粒星 ⭐️ 滿分：⭐️⭐️⭐️⭐️價錢：$26 呢個價錢都合理😚 +左 $3蚊4粒湯圓 ！ 正都幾抵，湯圓都係佢地招牌食物黎，好煙韌軟糯，推介！👍🏻2. 冰花燉蛋燉蛋都幾滑身， 蛋味勁濃， 甜度適中， 不過我食開西式Crème Brûlée ，對比下我好唔算太鍾意食中式燉蛋🌝🌝 份量都okay， 因為都幾飽肚下🌞🌞5粒星 ⭐️ 滿分：⭐️⭐️⭐️價錢：$27 呢個價錢都合理😚總結黎講，呢間懷舊中式甜品都係高質既，但最好食都係薑汁湯圓同埋薑薯糖水， 薑味愛好者必試同埋冬天暖身暖心一流👍🏻 推介！

佳佳係一間中式甜品鋪☺️係一間老字號😎點咗兩碗招牌糖水✨寧波薑汁湯圓寧波湯圓細細粒。一啖一口都咪話唔爽。內藏芝麻餡。芝麻香氣撲鼻。滑溜順口🥹。✨合桃露拼杏仁糊合桃補腦+杏仁滋潤🥰超養生糖水！糖水落足料，絕對冇水汪汪嘅情況出現😬！

今日叫左三款糖水，一碗綠豆沙加湯圓，豆味香，一碗芝麻糊，好香滑，一碗楊枝甘露，芒果份量較少，如果多啲會更好，味道ok，傳說嘅糖水糸做得不錯，地方足夠，唔會太迫，冷氣亦足夠

吃完飯友人說想吃糖水，當時天氣很差，本來想回家，但友人極力推薦這家糖水店，所以冒著全身濕透的險來到這裡，果然值得。服務員態度很親切，店內裝潢充滿60、70年代風味，用上厚實木檯木凳，碗子也是青花瓷式樣的，好像回到過去！進入正題，說說糖水，我們點了芝麻糊和芋茸蓮子西米露，芝麻糊充滿芝麻香，但又不甜，感覺吃完頭髮都變黑了🤣芋茸蓮子西米露這個糖水很少見，可以說我是第一次見到這個糖水，非常特別，而且非常好吃！我本身就喜歡吃芋茸，想不到店家居然將其加入西米露中，令整個口感更豐富，更濃稠，再加上芝麻湯圓，軟軟糯糯，皮薄餡香，果然是米芝蓮推薦的糖水店！

朋友之前介紹尼間知名米芝蓮推介既中式糖水舖，冬天必食熱辣辣既濃薑蕃薯糖水，食完成個人暖笠笠。上次黎都排左好耐隊。 不過今次下午茶時黎食，都系得左15分鐘就有位。好食既野等下都值。間店大部分糖水都系可凍可熱，款式都多。濃薑上次試過，今次就試下同樣出名既芝麻糊配湯圓，仲嗌左紅豆沙拼芋茸西米。 ⦁芝麻糊（熱）$24芝麻濃郁，口感幼滑棉密，質感濃稠，啖啖芝麻香，甜度剛好。 ⦁加湯圓三粒 $7湯圓大細岩岩好，煙靭軟糯，入面果餡係芝麻，配埋芝麻糊，完全系養生既感覺。 ⦁ 紅豆沙拼芋茸西米（凍）$24紅豆沙濃稠程度不及芝麻糊，偏稀。而芋茸基本上都融晒落紅豆沙入面，口感一般。 整體來講，餐牌圖文並茂，環境乾淨唔逼，食物而且足料，價錢合理。個人力推濃薑蕃薯糖水、芝麻糊配湯圓。

.每次過黎佐敦都諗起佳佳甜品，今日係附近飲完茶就過去食碗糖水先走🤣我叫左芝麻糊($26)老公叫左冰花燉雞蛋($27)芝麻糊依舊好香芝麻味，黑芝麻炒得好香，磨得好細，令到成碗芝麻糊好滑，冇食到咩碎粒。同埋成碗食哂都唔會好漏又唔會好甜，係岩岩好既甜度。冰花燉雞蛋都蒸得好滑，蛋香味濃，雖然偏甜少少，但都好食，同平時食燉蛋唔同的。其實我都幾中意佢既裝修，圓木枱圓木凳，好有懷舊既感覺，以前啲糖水舖都係街邊坐圓凳🤣

呢晚同朋友食完飯之後 就去咗位於佐敦呢間米芝蓮必比登榜上有名嘅港式糖水店 店員親切 店內環境舒服 枱同枱之間唔會好逼 碗同餐具都好傳統☺️ 🥣紅豆沙 拼 糯米麥米粥(凍) 💰25最多配料嘅一款 兩款雙拼但都唔洗加錢👍🏻蓮子紅豆花生麥米 口感豐富 🥣白果薏米腐竹(凍) 💰27薏米口感幾彈牙 但份量唔多 比較稀同偏甜 🥣鵪鶉蛋燉雪耳(凍) 💰25可能因為食咗濃味嘅湯圓先 所以呢個比較淡冇乜味 感覺似係飲緊甜嘅糖水 🥣核桃糊(熱) 💰28幾香滑 但食多幾啖就會滯咗 (可能因為我哋上一餐食完仲未消化🤭) 🥣寧波薑汁湯圓(熱) 💰25薑汁好重薑味 辣辣哋食落好舒服 一碗有八粒芝麻餡湯圓 皮薄軟腍😋

呢間糖水舖，十九幾年前已經食佢，由舊"檔" 食到新舖，佢嘅湯圓依然係咁熱辣辣，咁皮薄餡靚，個糖水依然係薑味超濃郁，大愛，冬天飲就驅寒暖身，夏天就出番身汗舒服晒。之前冇糖食，都要買一碗，即刻上車食我哋最鍾意嗌一碗湯圓再加湯圓，因為有時一碗又唔夠，兩碗又太多，雖然湯圓好食，但係冇理由唔食下佢其他嘢糖水😂果次去開深水埗，見到有間甜品店又係老店，又有手工湯圓，貪方便就入咗去，諗住唔會差佳佳太多啦。點知伏已中，大家千祈唔好去喺深水埗匯豐銀行附近既老甜品店，要食湯圓寧願遠少少，去番佐敦佳佳食！！！

已經番兜過好多次嘅糖水🫶​✨芒果紫米露（凍）​好有份量❤️好多芒果，又甜又大粒🤤好多紫米，椰汁花奶味好香濃🥰 ​一啲都唔甜，但係味道好濃郁‼️真材實料 好好食‼️💕​​✨冰花燉雞蛋（凍）​超級重雞蛋味😋 仲好滑溜‼️又係唔甜，但係好有味道👍👍👍​​味道👅👅👅👅👅​抵食🤑🤑🤑🤑​環璄⭐️⭐️⭐️​服務👍🏻👍🏻👍🏻​番兜🍉🍉🍉🍉🍉 ​(最高分x5）​

佐敦美食: 佳佳甜品 (中式糖水)食佢老味指數: 🌕🌕🌕🌕🌗-新年第一個post，想介紹吓好食嘅糖水俾大家，祝大家虎年團團圓圓，甜甜蜜蜜！最緊要嘅係身體健康！心想事成！🧧🐯 -🔥凍芝麻糊湯圓($33):🌕🌕🌕🌕🌗因為嗰陣食完晚餐有啲飽，但係又好想食糖水，所以兩個嗌左一碗黎食😋 我第一次食凍嘅芝麻糊，比我想像中更加好食，比起熱嘅係另一種風味👅成個芝麻糊好濃郁，啲湯圓有少少暖，加埋一齊都好夾！-整體來講：芝麻糊本身就$26 ，加埋三粒湯圓就要加$7~ 價錢就中規中矩啦，但係真係幾好食，會再encore~😁

芝麻糊勁好食，黑芝麻味香濃，口感細滑，又唔會太甜，稀杰濃度適中，用料十足！非常價廉物美❤️合桃露一打開個蓋就聞到香濃嘅味，仲有磨碎到好細嘅合桃碎，非常足料性價比好高。持到傳統味道，價錢合理！甜品好味足料，有多欵式選擇分凍，熱兩種，甜味啱啱好，芝麻糊跟杏仁糊好好吃,一定要加湯圓