佳佳甜品

營業中

休息中

天氣一凍就想食糖水，一諗就諗起佳佳喇，所以放咗工幾攰都要搭車出嚟食番碗糖水先😋我就最鐘意食芋茸、芋泥咁，當然要食番碗芋茸蓮子西米露啦，外面好少有芋茸嘅糖水，通常都係一粒粒嘅芋頭西米露。尼碗糖水甜度剛剛好，但如果芋頭味再濃啲就更加perfect喇😌而朋友就點咗碗芝蔴糊，佢話碗芝蔴糊好香同好有芝蔴味，好好味最後再外賣咗碗芝蔴糊同番薯糖水，番薯糖水好夠薑味，加埋落碗芝蔴糊度變兩溝原來仲正呀😍可惜掛住食冇影相😝

第一次幫襯，開頭都驚有d伏，雖然唔係咩貴嘢，但因為個肚唔滿足先想食糖水，如果難食，都真係會失望叫左兩款糖水，一款椰香紫米露$33，一款芋蓉西米露$25，每款各＋$7有三粒芝麻湯丸！價錢黎講合理，出面大致都係咁上下價！味道方面大家都滿意，紫米露好足料好香紫米又不失椰味，夠「潔」身，唔會水稀稀，整體甜度偏向少甜，幾好芋蓉西米都好味，無紫米咁「潔」屬正常，好大杯，$24好抵食芋頭味好香，都好味！湯圓薑味好濃三樣我地都覺得好滿意

中式糖水宜家真係買少見少， 就算幾飽都好，我只要行過經過一定會買返碗黎食。芋蓉蓮子西米露係我每次都必食既～凍熱都一樣咁好味！芋蓉香滑，但略嫌西米少左dd.初嘗粒粒紅豆涼粉，好似怪怪地咁，以為會唔習慣，點知佢又幾好食ga wo。紅豆依然保持到一粒粒嘅形狀而又唔會完全爛曬，好味～至於冰花燉蛋，就真係有點失望啦，超普通，味道又比一般，同埋唔多夠滑～另外一提，佢地既湯丸真係好好好好好味呀！但皮好煙韌，芝麻好香口！一定要加呀～唯一美中不足既係，外賣既份量好似比堂食少。堂食會更開心呢～

疫情底下，好多食肆都收十點，糖水舖都不能幸免。久而久之，大家都習慣左早啲食完晚飯就番屋企。今晚屎忽痕，想食糖水，一於善待自己，食間好正嘅中式糖水舖！（最緊要係佢收夜晚12點！）🔹凍百合綠豆沙：雖然係十月尾，但香港仍然係有啲熱，所以整番碗凍綠豆就爽啦！「清甜」呢兩隻字係呢碗綠豆沙到搵到，佢唔會係果種一般用糖逼隻甜味出黎嘅甜品，而係食到綠豆同百合嘅清甜味，加上有少少西米粒伴隨，有啲軟綿綿口感富豐下👍🏾 🔹熱芝麻糊拼杏仁露加芝麻湯圓：作為一隻貪心的小狗，叫糖水就少不免要雙併！一黑一白，芝麻糊溝杏仁露，既有芝麻濃香味，亦有杏仁嘅獨特香味，加埋芝麻湯圓有啲野𡁻下，滿足感大大提升！㊙️湯圓皮煙煙韌韌，好食！（好多人外賣拎走）

上網搵緊佐敦有咩美食推介嗰陣時就發現好多人都發呢間佳佳甜品舖歷史悠久又好味咁就梗係要買返去試吓🤣🤣.揀咗碗楊枝甘露其實分量比我想像中細碗🥶唔係太食得飽都係過下口癮.味道就一般般可能係未食之前期望太高覺得食入口同普通嘅楊枝甘露差唔多🥶不過可能係舖頭食個風味又會唔一樣

百吃不厭，佳佳好味道食咗咁多年，佢都依然冇變，唯一變嘅，就真係越來越多人食啦都明白，因為佳佳咁多年都保持到食物水準嫁！我最鍾意就係食佢個合桃露完全食得出佢唔係用粉去撈，而係生磨合桃露。我今次試咗兩球，因為想食埋芝麻糊兩種Mix埋，啱啱好，不過我就覺得佢唔夠熱另外朋友仲叫咗個涼粉紅豆，涼粉我又咬口，紅豆份量都好多，總之就好好食啦！凍食呢個就perfect~不過你都唔洗諗可以坐得耐，因為好多人係出面，一食完你就要走喇！

去佐敦食完飯，想食碗糖水暖下胃！一定係揀佳佳甜品呢度分地下同一樓，樓下門面光鮮佈置中式，樓上閣樓大啲靜啲但冇裝修，如果6-8位通常坐樓上！我哋叫咗芝麻糊加湯圓同蕃薯糖水加湯圓蕃薯糖水夠曬薑芝麻糊夠香濃滑漏食完大滿足

今天難得同朋友到佐敦食晚飯，當然要順道去"佳佳"食埋糖水喇！🥣🥣🥣💖呢間都不用多介紹，扺食！好食！總之 "發哥都話正喇！" 👍👍😎今時今日都仲有咁抵食，咁足料，咁好食嘅中式傳統糖水，真係抵佢日日滿座！👍👍👍🥳🥳🥳💖 🥣 紅豆糯米麥米粥 $24 + 3粒湯丸 $7✨ 紅豆半起沙，麥米有咬口，湯丸又軟又滑，非常滿足！👍😋💖 🥣 濃薑蕃薯糖水 $24 + 3粒湯丸 $7✨ 超濃薑糖水，驅寒一流，蕃薯煲得入味夠淋，超正！🔥😍💖 🥣 白果薏米腐竹 $24✨ 白果、薏米足料，煲得又香又淋，腐竹煲爛，非常香口！👍🥰

Kaikai featured as Michelin Dessert Shop, and i would say it’s honestly worth the title haa, it’s so so popular esp in late supper time, luckily no need wait for long for take away haaAlmond Soup is good, but walnut soup just way one level above almond soup i would say lolll, the texture is good tooWalnut Soup is lovely and smooth with strong walnut flavor, i simply love ittt haa, the taste like another good dessert shop Hoi Kee Walnut Shop, though here you don’t get walnut diced as in Hoi Kee,

約左老友happy Friday gathering, 係佐敦食完晚飯再落下場食糖水。佳佳係米之蓮之選，試完真心覺得係實至名歸。第一輪，每人叫一款，落單再送到好快，我試芝麻糊拼杏仁露，甜度適中、唔會太甜。因為我唔鐘意太甜，會膩同滯，但完全唔會仲好香濃好滑冇渣。食多2 碗都冇問題。紅豆沙拼芋茸西米，老友贊正！第二輪，都係每人叫一款，白果薏米腐竹，薏米煮到晶凝通透，好靚好有咬口，腐竹煮到化唒係個糖水度，融為一體，好正呀！因為飽飽地所以冇加蛋，如果唔係就完美了！楊枝甘露，老友都係俾贊，下次到我試下

佳佳甜品～我細細個就食佢架啦😛係好耐好耐之前佳佳甜品仲係條巷仔旁邊開檔既時候…..就已經幫襯😗最鍾意當然係芝麻湯圓！對上一次食係幾時？已經一啲印象都冇⋯今晚收工突然好想食中式糖水，造就左今晚呢餐佳佳～見到有得叫兩溝就溝溝佢啦！芝麻糊+合桃露加湯圓$33湯圓還是OK的～芝麻咪濃，口感滑滑的～芝麻糊都算香滑，不錯！合桃露相比之下就較淡～係佐敦呢頭，想食中式糖水選擇唔多，佳佳都算係坐得鬆動，價錢都算合理。

《製》佳佳甜品《品》【芝麻糊】$24▪️芝麻味明顯但未算濃，具其甘苦，但重度芝麻痴未滿足。▪️色澤灰黑，非濃墨之色，勝在甜度夠低，適口；▪️質感順滑夠稠，無結塊問題，但非老饕鍾愛的沙沙口感。▪️不俗，但米芝蓮甜品而言，未算驚艷▪️最大弊病是不夠熱辣，徒溫熱，非冒煙，未夠療癒。—————————————————————————【芝麻湯圓】$7▪️不算大，皮餡比例1:1，餡更多、整體更大，會更滿足▪️皮筋道軟糯，耐嚼而不黏牙，口感頗佳▪️麻蓉夠沙，濃苦更勝芝麻糊，水準發揮，可以一試。—————————————————————————🗺️佐敦寧波街29號地舖

假期前夕的晚上🌃絕不能錯過吃甜點的胃口😻爲辛苦勞碌的一星期畫上句號作最完美的結束🔚喜歡吃中式甜點的我-懂吃的人必然選擇黑芝麻😼▪️芝麻糊拼杏仁露加蛋$26+$3烏黑黑的黑芝麻糊·磨得香滑而濃郁😍淡淡都是充滿芝麻香的香氣.細膩的口感讓人幸福起來😎🤤配合杏仁糊絲滑細緻的甜蜜滋味🤫令人更完美結束疲累的心情😎加蛋更增加口感的層次😎

芝麻糊&腐竹糖水加蛋🌟------------------------------極力推薦！✨✨✨芝麻糊稀糊嘅程度啱啱好👍🏻磨得好滑芝麻味好重😍😍😍而腐竹糖水稍遜但都不過不失😋😋白果薏米幾有咬口可惜嘅係今次冇叫到寧波湯丸🙁😝唔係就更加好食😗😛

相信大家對佳佳都毫不陌生，去開佐敦食完飯如果有肚既話一定會去食埋個靚糖水。呢間鋪頭食左無數次都係會回頭，個人鍾愛佢既「糊」 無芝麻糊核桃糊杏仁糊等等全部都好好味，皆因佢啲糊全部磨到好細膩，食落滑溜溜，最重要係唔會太甜，飯後黎一碗真係好正好滿足！顺带一提，之前去開土瓜灣見到佢地開左一間分店，好似叫「佳佳二姐甜品」，上次去食覺得不及總店，糖水太甜食完覺得好口渴，所以都係乖乖地去總店食，排一陣隊都係值得既～