佳佳甜品

營業中

休息中

喺附近食完晚飯， 七點左右，去到佳佳唔需要排隊就可以入座，好開心！冰花燉雞蛋我嘅另一半對燉蛋情有獨鍾但係佢當然嗌咗冰花燉雞蛋。我一開始仲笑佢，去到糖水舖唔食糖「水」，好似唔係好識食。點知，我試咗佢碗燉蛋一啖，即刻覺得自己失敬哂！！ 呢款燉蛋蛋質滑溜不在話下。最驚喜係一入口就聞到同食到好香濃嘅雞蛋味，即刻成為我喺佳佳嘅新寵！推介😋芋茸蓮子西米露正常發揮，水準之作。我鍾意食芋頭，所以選擇芋茸西米露。芋茸已經煮得好溶，糖水主要口感來自蓮子。蓮子夠硬身，有得咬下，喺棉密糖水入面好突出，咬住有種莫名嘅治癒感🥰好夾！

米芝蓮推介甜品40年老店❤️佳佳甜品成日都聽人講佳佳甜品好出名 今日等我黎會一會佢 九點左右去到 好彩咁岩唔駛等位可以直接入座🧠補腦合桃露 芝麻糊雙併$28一食入口 食得出好真材實料 成碗糖水雖然好杰身，但係隔渣隔得好好，入口仍然保持順滑感😋一開始仲擔心兩種唔同口味既糖水溝埋一齊好奇怪😗但係好神奇地 食得出合桃同芝麻各自既香味👍🏼但各自表演完之後佢地竟然融為一體 產生左一種好衝擊味蕾既味道🤤‼️✨不過今次叫左凍，會建議熱食 熱食感覺上會更加順滑同埋味道突出🐏楊枝甘露大大舊芒果肉 極為滿足🤤成日覺得要煮到西米好食極考功夫 時間拿捏一定要好準確 煮得唔夠耐入面會實心 煮得太耐會冇哂西米煙韌既口感🥹好食既西米加上用芒果肉打成既湯汁芒果亦好甜，加上甘甘既金柚增加爽脆既口感👍🏼✨整體黎講性價比都幾高‼️

食飽飽，又想同朋友傾多一陣間計，食甜品或者糖水就啱晒😎😎今次喺佐敦附近食完晚飯，就嚟咗佳佳，地理位置都算方便，幾近地鐵站。佢哋嘅出品夠晒穩陣，而且價錢算係大眾化，合理價格，合理質素😌😌餐牌簡潔易明，主要都係一啲傳統中式糖水，有凍有熱。芋蓉蓮子西米露（熱）本身以為芋蓉係一舊仔放入糖水入面🤔🤔原來唔係！而係成碗糖水嘅質感都傑傑地，芋蓉已經混和其中！質感算係好滑，有好香芋頭味，又有啲西米，有少少軟糯口感🥰🥰暖笠笠，超舒服。蓮子唔苦，幾有咬口👍🏼另外，朋友叫咗凍嘅楊枝甘露，佢話都唔錯，性價比算係幾高，唔使$40😋😋不過要留意嘅係，越夜就越多人，分分鐘要排隊😉

整體性價比👍🏼👍🏼👍🏼👍🏼以呢個平嘅價錢，我覺得性價比高呀，不過有d地方就...有待改善食物質素👍🏼👍🏼👍🏼👍🏼冰鮮燉雞蛋：雞蛋香味香甜，口感好滑白果腐竹糖水：白果好軟熟，甜度適中芝麻湯圓：皮厚薄正常，味道香濃，薑湯有少許辣味，但適中份量都係正常中式碗食完唔會超級飽，所以適合晚飯後食環境👍🏼👍🏼👍🏼👍🏼檯與檯之間距離ok坐得都舒服，冷氣夠，唔會太凍衛生情況ok服務👍🏼👍🏼門口等位都算快，但一定要企定定排隊，所以如果放工好累，就可能要考慮下先啦職員會有意逼你快d埋單，當你個碗無野嘅時候，佢會立即收走個感覺有d似 「附近嘅...澳牛」

食完晚餐想食個甜品去佳佳就啱啦🤩🤩令人有信心嘅中式甜品👍🏻👍🏻食完下次會想再試其他雖然要排隊但宜家人唔算好多所以等一陣都ok架☺️☺️💚冰花燉雞蛋(凍)🥚好滑又有蛋香仲唔會太甜超讚超好味🤤🤤👍🏻👍🏻💚芋茸蓮子西米露(凍)加湯丸🍡芋茸好細滑好香，蓮子又有好多粒湯丸有三粒係黑芝麻餡個皮厚左少少但餡都多嘅整體都好好味👍🏻👍🏻👍🏻💚木瓜燉雪耳(凍)🍈相對呢個就失色左少少木瓜同雪耳份量都多但味道唔係好甜😛😛

一段時間冇嚟佳佳甜品了，下午時份不需要排隊，印象中好似第一次見到這個menu，傳統中加入了現代元素，不是板板的拍個食物照片，是畫作的我喜歡。芝麻糊拼核桃露，天氣太熱我選擇凍的，芝麻糊的香味四溢，核桃露比較流質，兩者結合在一起口感幼滑，是一道非常好的甜品。核桃露拼杏仁露 熱食，杏仁的味道很特出，口感柔順，健康養生。佳佳甜品將傳統甜品優化，更適合現代的香港人。

係佐敦食完晚飯，又想食埋糖水，我會推介以上中式糖水店俾大家。佳佳甜品由2016年開始，連續6年獲得米芝蓮「街頭小吃推介」，糖水出名足料，製作用心，唔介意排長龍既話，都可以試下。寧波薑汁湯丸$25杏仁露、芝麻糊、合桃露同薑汁都係呢度既招牌。今次試下薑汁湯丸，薑汁特別辛香暖胃，與眾不同，濃得來帶有辣勁，係全碗糖水既精髓所在。湯丸皮薄煙韌，咬一啖湯丸，芝麻餡立即傾瀉而出，入口滑溜無夥粒，充滿香濃芝麻味，甜而不膩，齒頰留香。百合綠豆沙（凍）$25加左臭草既綠豆沙，一入口味道已經非常突出，綠豆煲至起沙，加埋百合，少少清甜，味道同一般糖水舖既綠豆沙比，無太大分別，只係無咁水狀。為保持食物質素，將最原始既風味帶俾食客，呢度既芝麻都係人手洗、浸、炒、磨、煮，落足時間同心機煮，店舖既糖水只有來來去去廿幾款左右，貴精不貴多，而且唔會太甜。超過40年歷史既老字號，年輕一代依家仲可以食到咁傳統既味道，實在有賴老闆對食物既堅持同執著。好味：4/5環境：3.5/5客服：3.5/5

//佐敦四十年老字號👍🏻佳佳甜品❤️‍🔥〰️〰️〰️〰️〰️👅 #yumyumfood佐敦✨ 呢間中式糖水舖已經差唔多40年歷史 仲已經有好多次獲米芝蓮推介🎖佢哋賣嘅都係真材實料嘅糖水‼️今次終於有機會去試吓佢🤤～✨ 食完的確好有驚喜 芝麻糊口感綿密🖤 合桃露亦煮得好幼滑 兩者味道一樣咁香濃😍濃稠度亦啱啱好 好滿足👍🏻而且每款唔過$30 性價比非常高🥹✨不過喺呢幾碗入邊我最中意嘅其實係 芋茸蓮子西米露😍💜芋頭西米露就聽得多 但其實都只係西米露加咗幾粒芋頭喺入邊🫣但芋茸蓮子西米露真係未聽過 佢嘅芋茸真係好足料 亦好夠綿密 配埋西米露同埋蓮子 令口感更豐富😋啖啖都係濃郁嘅芋頭味 食完真係夠晒飽肚～✨ 呢間糖水舖長期都好多人等位 就知道幾受歡迎🤭未食過嘅 絕對值得去試吓❤️‍🔥～🍴芋茸蓮子西米露 $𝟸𝟻🍴補腦合桃露 $𝟸𝟾🍴合桃露拼杏仁露 $𝟸𝟾🍴芝麻糊拼合桃露 $𝟸𝟾📍 佳佳甜品🔍 佐敦寧波街29號地舖

以前附近食完飯經常來食. 鍾意佢夠傳統同埋價錢貼地. 最近經過坐低食下綠豆沙. 以前$20有找的普通糖水依家已賬價到$25一碗. 本身都冇乜嘢. 理解物價通脹鋪租貴. 但碗嘢一食稀到綠豆水咁. 少少綠豆渣都冇. 極度失望！而且我係非繁忙時間去食. 基本上好少客人. 一入到店啲人係唔會理你. 冇安排坐位. 又唔會主動埋黎落單. 好似冇人理咁. 感覺太差. 已經冇值得再來嘅理由！

本來都有幫襯土瓜灣店和佐敦店的堂食，都沒什麼問題。但今天買外賣，一聽到自取號攞到手，已經打咗個突，又細兜又輕，33蚊喎～點解用新包裝，唔用返傳統包裝？食開就知，份量少咗1／3，會唔會有啲過份，唉～希望可以用返舊式外賣碗，如果唔係，真係好趕客。因為味道已經係一般，並不是驚為天人的感覺。價錢又唔係好平，所以希望店家會留意到顧客的意見反應。不過堂食時，啲店員都唔係好理顧客，同埋收枱收得勁快，所以。。。。有待改善。

楊枝甘露蛋花馬蹄西米露楊枝甘露稀到芒果汁咁🤦🏻‍♂️🤦🏻‍♂️又唔足料，得小量西柚粒，仲要帶有腥味。蛋花馬蹄西米露🤦🏻‍♂️🤦🏻‍♂️一樣喺唔足料，馬蹄小得可憐，西米一樣小得可憐。睇嚟呢度淨喺出名薑汁、芝麻糊同埋湯圓，其他出品都完全對唔起個價錢。

外賣了2碗糖水。木瓜燉雪耳及薑湯湯圓。店員把2碗糖水叠起放膠袋。中間又冇放紙格。未番到屋企，下層紙盒紙蓋巳凹下，上層碗下陷。D糖水溢哂上嚟，成個袋都係。真要改善。糖水好味都冇用。浪費哂。紙杯質量太差啦。

係油尖旺搵糖水食唔難，搵好食嘅湯糖水就好難😰。不過好在佐敦都有間高質糖水鋪，主打中式傳統糖水😚1️⃣蛋花馬蹄露呢個我覺得係佳佳入面最特別同好食🤣，首先佢係期間限定，得夏天☀️先有，而且仲要夠哂冰凍🥶，消暑一流呀😊！糖水用上真材實料，粒粒馬蹄好實在同爽口😁，蛋花🥚都絕不吝嗇，每一匙都有蛋花😆，好抵食！2️⃣核桃露併杏仁露傳統先突顯真功夫😌，呢碗核桃露同杏仁露都好好味，有選擇困難症嘅人可以食呢款糖水，咁就可以一次上兩種味啦🤣。佢嘅核桃露好細滑香濃😍，加埋杏仁露嘅特有味道，兩者混為一體，另一番滋味😚鋪頭當然有好多款冷熱糖水款式啦！經過附近就記得試一試啦🤩

十分無禮貌！唔會再來！天氣熱想帶老人家食啲凍嘅甜品，嚟到排隊，明明入面有位坐，偏要人等另一張枱，已經講明唔介紹分枱坐！好啦，入到去分枱坐，見張大枱終於有位，米問下可唔可以轉枱囉，我都講明如果無得轉都無所謂，只係問一問，結果個侍應就串起來話頭先叫咗你等㗎啦！你唔聽！大佬，我都係好有禮貌問下啫，出面30幾度，又有老人家，我都已經講明如果無得轉都無所謂，洗唔洗咁串？叫野食時我哋好有禮貌地講想要凍嘅，個唔知係老闆定係侍應就好串咁話：你唔講我就當你熱㗎囉！你講我先比凍，唔講就無！我心諗：我依家就係同你就講要凍嘅，你串咩啫？到叫麥米粥，又細碗又硬唔好食，竟然係呢個價錢真係唔會再食！！

✿ 核桃露拼芝麻糊✿ 楊枝甘露經常會叫佳佳甜品外賣做宵夜食，真係佳佳甜品，必屬佳品，個人都食到愈黎愈肥，但都係停止唔到對糖水嘅愛最常叫嘅都係上面嗰兩樣，芝麻糊好滑身好好食，拼埋核桃露就有多一種味道，好似好抵食咁。楊枝甘露就好清新，好適合食完油膩嘅晚餐之後食。