佳佳甜品 (已搬遷) 新店位置

佳佳甜品，由小店小巷，開到入舖，不用再大排長龍坐在街邊後巷食糖水，但糖水的質素並沒有退步、價格沒有大大提升、依然足料實惠。怎樣的湯丸叫好質素？對，皮薄涵靚，吃多幾粒不會飽滯，中間的芝麻涵感覺好像吃芝麻糊一樣。怎樣的湯丸叫你難忘？要有好的湯丸，不少甜品店都已有了。但要吃到丁一碗令你難忘，每次回來都要食的湯丸，你必要一試這裡的「薑汁湯丸」。吃湯丸前，先呷一口薑汁，可以肯定這老闆絕對足料，用上極多的薑，做出又香又甜，並帶一點辣。湯丸配上足料的薑汁，令糖水不會有太甜太膩的感覺。以$16一碗8粒湯丸，更有如此高的質素，實在感到這小店的良心。如加湯丸，$5有3粒，真想問一句，可否加薑汁。薑汁到胃，寒氣一一驅散。寒冬下，來一碗「薑汁湯丸」，令這夜更完美。

餐後再慢慢散步到佐敦吃甜湯，滋潤一下其實是我盯上這裡的濃薑糖水～冰糖燉木瓜 HKD$17軟腍的木瓜很清甜，而冰糖的湯水中也混著濃郁的南北杏味芋茸蓮子西米露 HKD$15甜度偏淡，好甜的老妹嫌不夠喉蓮子鬆化吃到碎碎的芋頭濃薑蕃薯糖水 HKD$15吃過其他後就覺得一定要吃到這個蕃薯糖水粉粉綿密的蕃薯有著濃烈的薑辛味，好辣啊同時也非常驅寒，是3款中我們最愛的提議喜愛吃夜宵的老妹到對面買火鴨翅回家某人說不用，現在飽得很！！對啊對啊，最好就不要吃夜宵嘛結果呢...回到家就後悔了～ 果然我是最了解你的人

芝麻糊 $15 (湯圓$5/3粒)(好食指數:7.5/10)8-1-2014芝麻糊非常滑溜，開始食既時候會比較糊口，不過後尾會水返。味道唔甜，好香芝麻味。而湯圓既芝麻餡料就相對較甜。冰糖燉木瓜 $17(好食指數:8/10)8-1-2014糖水非常清潤，滲有少少木瓜味，帶些小冰糖味但又唔甜。木瓜都算多，每瓣均軟硬度適中，好滋潤。

喺佐敦同朋友打完邊邊好想食D甜野，一諗就諗起佳佳食中式糖水了睇下價錢合理，選擇也不少架黑芝麻糊~~~吃得出是磨的，絶不是粉開之質感，黑芝麻好香，又夠熱白果薏米腐竹~~~非常濃香的腐竹香味，配上煲得好林的薏米真係GOOD GOOD GOOD呀！店子宜家比以前坐得舒服

食完美味既燒烤+美人鍋，同學們都意猶未盡想食番碗傳統糖水，印象中廟街附近有間，所以我地就行過去睇下。行到廟街附近，發現佳佳店舖外面多有成十幾個人等緊，店舖內亦坐滿人，諗住好既野先至有人等心態去試，誰不知外面個班人原來響度等外賣，而我地唔駛等位情況下，侍應哥哥就帶我地上樓食。我地三個人分別叫了三款糖水：薑汁寧波湯丸，糙米麥粥及合桃糊加湯丸。三款糖水都用心制造，湯丸內芝麻饀好香濃，合桃糊食得出係自己鮮磨而成，加上價錢好平，唔駛$20就食到好好味既糖水，實在是難能可貴！！

食飽飯一行十人專登黎食糖水中式傳統糖水有紅豆沙綠豆沙杏仁露合桃露芝麻糊燉蛋蕃薯糖水木瓜雪耳薑汁湯圓大致上都係$15～17 好抵食混色以貴價為準加湯圓$5三粒我自己叫左薑汁湯圓一碗有八粒$15薑汁好薑好足料食完成個身暖粒粒 正湯圓好滑 鋪頭寫係寧波湯圓 細粒的食完好滿足呀！

佐敦呢頭絕對唔係我地既活動範圍，有幸偶遇隔離鋪唯珍，剛好J2台飲食男女介紹過，佳佳近在咫尺，不尋而遇，我覺得真係超好彩。 個節目介紹老闆對中式糖水既堅持，無錯，呢度無咩楊枝甘露，無乜撈物撈，有既就係細個去下村糖水鋪食果d ,芝麻糊，杏仁糊，雪耳木瓜，湯丸。老闆喺節目話過，一家人，食完晚飯黎食碗糖水，點可以賣得貴過正餐，今時今日仲有咁既良心商人，真係好難能可貴。自從遇上，食左幾次，杏仁露食得出係生磨無粉味，當然係好. 但係每次都忍唔住要叫湯丸，皮既滑，係差d咕一聲就會吞落肚，黑芝麻既香係食完仲留喺味蕾。好似呢排天氣凍，簡單食碗薑汁寧波湯丸，個薑湯既香辣，從佢微黃色既湯底就知真材實料，8粒價錢只係15蚊，就算特登黎食都係值得。

聽過佳佳甜品的名字已久，可是一直都沒甚機會到來，甚至連它的所在位置也不知曉。直到有一天來到佐敦，才知道位置所在。餐廳的環境與一般中式甜品店大玫一樣，只是用上上了淺木的枱櫈，枱櫈給在下的感覺是有點原始的風味吧。從牆上的海報，價錢確實很親民很抵食，從各款甜品中，有一款令在下注目的就是這個了。芋茸子蓮子西米露。這款甜品都幾特別的，用上了芋茸，加上蓮子及西米，三者看來各不相干，但冈似乎很夾。呷一口甜品，滿口都是芋頭的香味，稠結度適中，再往下舀的時時，只有數顆的蓮子，蓮子未算最最鬆化的時候，只有一點點的鬆化。西米都算幾大粒啦。整個甜品都不算大甜，合心意。選擇芋茸，或多或少喜歡吃芋頭有關，加上西米亦是喜歡的甜品材料，於是才決定喝這一碗甜品。

年紀大就會鐘意食不太甜的傳統糖水.雖然我都鐘意天后的甜姨姨.核桃露加湯丸 --- 相信是自家磨, 不過比較稀.芋頭西米露 --- 唔夠芋頭味不過唔緊要啦，$15 $17蚊碗去邊度搵吖.

不知道大家會不會像我一樣，從小也不喜歡吃中式糖水。但可能年紀開始大，就會越好奇想試吃一些自己從未吃過的食物。要知道西式甜品大部份都是高糖，高脂肪，而中式糖水大部份都是有益，又養顏。看看餐牌，選擇不算多。但有時款式不需要多，而是要精！我點了芝麻糊拼合桃露。這是我第一次嘗試吃的中式糖水。一入囗，沒有令我失望！香濃幼滑的芝麻糊配上合核露，味道很配，非常好吃！吃完一碗還想再叫多一碗，但無耐地怕嚇怕身邊的朋友所以沒叫到。芋茸蓮子西米露和冰花燉蛋是朋友叫的，我沒有試過，但朋友吃完也非常滿意，回味！我一定會再來佳佳，品嚐其它不同的糖水。

吃完唯珍麵家後行過兩步便來到佳佳由檔口仔搬進大舗的佳佳價格雖然上升了但比起用更高價錢去吃連鎖甜品店的開粉糖水依然覺得物有所值我們點了合桃露＋麥米粥＋芝麻糊加湯圓合桃露濃稠度恰到好處，不會太稀或黏喉顏色自然，未吃已可以嗅到果仁香氣吃下去口感香滑，口腔充滿合桃的美味甜度適中，讓我一口接一口很快吃完也不覺得很「漏」很滯反而感覺很舒服！不過今次的芝麻糊則稍出現狀況；（可能因為是鍋底撈出來的最後一碗（看見他之後換另一鍋）所以充滿燶味＞＜不過熟客的媽媽說只是間中出現這種狀況就算了～～

聽聞好食有抵，所以過黎試下位置幾方便，佐敦A出口行去好快到order左$17合桃露，超級快有熱辣辣，正！好好味+好大碗like！ 食完後都幾飽之後散步左一陣都未落隔

傳統糖水舖一店,換舖後.店面裝修新.叫左碗紅豆麥米粥.$15好熱的糖水,滿滿一碗.麥米入口"煙煙韌韌",花生一咬就好粉,正!紅豆"起沙",且有陳皮味.又唔太甜.唔錯!

當晚同朋友係佐敦食完拉麵便來到這裡食糖水, 這是我去佐敦必定會吃的甜品。因為我真的太喜歡薑味了~這裡的薑汁寧波湯丸,不會一味得薑味辣到你傻, 有薑味 而且黑芝麻湯丸亦皮薄餡靚。而且價錢實在是沒話可說

香港地區, 各樣成本上漲, 令餐廳食肆不得不出盡奇招, 而這些奇招多是為減省工序, 化繁為簡的。又或者一些低技術, 高增值, 而欠內涵的操作。令真正需要心機, 時間與經驗的傳統口味付緒流水。就以糖水鋪為例, 利用現成作料, 左配右襯, 然後加個Gimmick就賣三四十元。然後什麼紅星名人又來開一間, 撈撈油水, 看到這些, 真的連進去的心情都沒有。反而, 好端端的一個工整傳統糖水卻是有一點興趣。這家糖水以前就在這新鋪的對面, 轉角半開放位置。味道一向不算特別好, 只是起碼肯花時間做傳統糖水, 而且佐敦地區宵夜夜遊人都多, 所以正好對味。疑因鋪租關係, 糖水店改在對面租上一個大一倍以上的有蓋鋪, 以圖擴充生意。幸好, 他們還繼續做傳統糖水。一碗麥米粥, 好久沒吃過了, 味道不太甜。可是麥米香味弱, 糯米亦欠一種綿口乳香感覺。糖水中有花生爽 口, 不過花生味道都依然不足。整個麥米粥都有點過稀的效果, 只是不過不失吧!可是, 一碗這樣的糖水, 市場遠逐的人不多, 但餐廳依然繼續製作, 我希望年青的人應繼續支持那種傳統口味。而且索價只不過是HK$15, 收費算是合理。雖然味道一般, 不過意義上