佐敦咖哩屋 (已結業)

呢度40元左右便有個餐\，有小食，湯，咖喱連飯同餅及飲品，試過牛腩同羊都好味，不過雞就一般，仲有就千萬不要叫凍檸茶，好唔掂的！

一心想去亞龍咖喱,可惜是日休息,所以去左呢間試下~1) set dinner:curry羊,跟飯&可樂- 個汁畸為稀,味道不算好好2) 芝士烤餅- 吾太夠芝士味,差dd3) 小食拼盤- 香料既味道有點怪4) 一樣好似秋葵既蔬菜,我吾鍾意那種質感,怪怪地...但個汁都ok都好旺場,落單亞姐好嚴厲,令人覺得不太友善,間鋪吾係太乾淨,有一隻大大既小強經過,最終被侍應消滅了!

叫左個set dinner, 五香雞都ok, 但個咖喱羊肉超多味精, 有d鹹. 謹記不要點"香辣雞", 毫無印度風味, 本地菜"咕嚕肉"是也! 我同男朋友吃後看了一個半小時的戲, 喝了大量清水, 依然受味精影, 感覺口渴.

食左好多次。夠正宗, 價錢相對便宜, 服務好(絕大部分, 除了唯一的香港阿姐)是肯定的, 不過我不會再幫襯。原因, 就是那個阿姐。罪1: 態度極差, 好似柯打落慢d就過主咁樣。罪2: 有次我用街邊派的贈飲coupon, 我係食完飯先俾佢, 佢竟然鬧(唔係話)我, 唔早d拎出黎, 話「今次算數, 下次唔俾你ar har!」罪3: 有次找數, 個非中國侍應拎張單來收45蚊(正確的), 我俾張一百蚊紙佢找, 個阿姐唔知做乜, 拿拿臨返櫃檯親自找錢, 親自俾番個收錢file我, 入面有45蚊。(!!!)以上事件不是一次過發生, 而是遞進的, 感覺上是唔熟唔食。唔知個阿姐係唔係老闆, 不過真係...... 間野咁正, 唉, 可惜。p.s. 其他印度/巴基斯坦/尼泊爾/藏人的態度是十萬個笑的。

昨晚同朋友黎食．佢之前已經黎過了，今次都係佢帶我黎食．叫左２人套餐．．要咖哩雞同埋羊．．好正．．烤餅好香軟．．正．．點埋個咖哩汁．．好滿足～同埋果個雞扒都好好食．．價錢都唔算太貴呀～

星期一先去食完, 同朋友點左一個set dinner, HK1XX? xx忘記了, 沒記住個價錢, 因為不重要.重要o既係好早就想黎試, 因為好多朋友好早就介紹我試下, 不過試完沒有特別的驚喜. 其他唔需要多講, 主打菜式- 咖喱, 完全比不上佐敦道近廣東道交界的一間尼泊爾餐廳, 用呢兩間黎比的話, 因為天同地比. 雖然我咁講, 但係其實整體味道不是差的, 還可以比佢一個OK以上的分數, 只係覺得傳言有d不符實了..建議咖喱屋的老細可去試下我講果間尼泊爾餐廳, 大家的菜式其實差不多, 而且好近, 但味道真的差太遠了...

．印度奶茶～果度個印度侍應真係好鬼ｎiｃe～因為我地唔想飲普通奶茶咖啡...所以...哈～佢又肯俾我地偷一次雞喎～我平時都唔飲奶茶既...所以唔知有咩分別...但係小房就話ｄ奶味同平時果ｄ唔同喎～ｏｋ啦都...．咖哩磨菇拼烤餅～個印度仔幫我地點左個中辣...越食越辣...可能因為只係磨菇...除左咖哩味...就乜味都冇ｌｕ～但其實都唔係太差既...．咖哩魚塊拼烤餅～都係要左中辣...好好味呀呢個！除左魚...仲有ｄ硯肉係咖哩入邊...魚味完全冇俾ｄ咁濃既咖哩味遮到...推介！好好味！．煎堆糖水～完全係ｅxｐeｃtａtｉoｎ之外！佢果ｄ所謂既糖水...我覺得係９０％蜂蜜＋１０％水...粒野１００％吸收左ｄ糖水！超勁甜...口感泥講...我覺得似ｍ記既熱香餅淋滿糖漿一樣！我都係第一次係呢ｄ地方食咖哩...平時食極都係港式咖哩...好耐之前去過旺角咖哩大王...但已經唔記得係咩味ｌｕ...所以唔知呢間ｄ咖哩係咪正宗既呢？但又真係同平時果ｄ既味道好大出入...好味ｄ喎我覺得...

二人套餐１１９元　　服務：滿意　　咖喱：中　雞羊肉：較新鮮ＮＵＮ餅：正！　乜乜雞：中下　　汔水：正常ＯＶＥＲＡＬＬ：晚餐比較貴　吃午餐抵Ｄ

入去食係因為比個亞叉既大肆宣傳下先入去。嗌左個餐, 有雞有牛, 菜, 飯同薄餅, 全部都係咖哩。個咖哩雞尚算ok, 個咖哩牛d牛太冧la, 一d咬口都冇...個菜好普通冇咩特別, d薄餅唔得! 佢d咖哩做得好差, 好求其, 係我食過既咖哩最唔好食既一間。服務態度ok, 走個陣d亞叉會用唔咸唔淡既廣東話同你講byebye

其實係一個early dinner. 五點幾兩個人o黎食o野,叫o左masala papad, saag panner, mutton vandaloo, nann, nann with mint leaves, lime squash, lemonade 同beer.masala papad即係餐前小食果d waffle. 加o左masala,惹味得o黎都幾辣.不過呢d都係standard o野.saag panner 即係芝士菠菜. 呢到o既芝士cube係我食過咁多地方之中最大舊o既. 一碗菠菜容有成十幾舊大芝士,食得非常滿足.mutton vandaloo真係好辣. 冇masala咁重香料味,但係辣到有aftertaste既辣味. 加埋saag panner,剛好!nann當然冇問題,但果個nann with mint leaves更好味. 唔似d onion / cheese nann面上有層油,較乾身又有薄荷香,好好味.加埋支啤酒,中和番d 辣味,正.

去左呢度買個外買. 我叫左個$39既curry雞拼拷餅. 個拷餅幾香但我覺得有d乾. 另外嗌左個roti, 點知同個拷餅有80%似. 我叫左"小辣"但都算幾辣可能因為我平時食開curry-in-a-hurry d curry一d都唔辣. 間野入面真係勁"up dup", d燈好暗d台"燈"好舊但入面都有唔少人我個日既時間仲有台韓國遊客. overall黎講d curry好好味!!

無乜特別誘因走o左去食既一餐。食既係Seekh Kebab w/ Naan（串燒免治羊肉卷配烤餅）：辣味同香味都唔多夠- 唯一告知有香料存在的，是身體「機能」上的反應；烤餅不錯- 上得大份、整到好似pita，兼夾凍o左仲入得下口。連「餐前小吃」的papad 都做得好過個Seekh Kebab，都幾...。希望下次「有機會」食o下你D 咖哩o個陣可以「補番」個「笑口」俾你。

呢間野想食好耐, last night終於去食．．．．叫左咖哩羊同咖哩牛, 羊冇羊味; 牛冇牛味, 所以食落去都唔知边樣打边樣．咖哩唔夠香．好味既就係個餅，　唔油～同埋２個人都只係＄１１５，　算吧～

雖然地方淺窄,但set lunch幾抵嫁.(but only for weekdays).羊肉set $38~有白湯(唔好飲),小食(脆餅),羊肉飯(幾好食,唔羶),薄餅二塊,冷熱飲品一杯.全麥薄餅$6~好香麥味,比普通薄餅薄一點,一客二塊.

上星期五突然想食咖哩，於是就黎左呢度開飯。兩個人點左一份set dinner for 2同一客雜菜咖哩角。set dinner包括一客烤雞、咖哩牛肉(可選配其他肉類)、咖哩雜菜、naan，白飯同埋餐飲兩杯，都幾豐富ga。烤雞外表橙紅色，可加檸檬汁同食。食味就唔錯既，但係可能因為烤得太乾啦，肉質太"鞋"喇。咖哩牛肉同咖哩雜菜都要左中辣，個人覺得唔係幾辣，arm arm好可以食得出菜既鮮味。但係如果想要刺激D就梗係要大辣啦。咖哩牛肉既咖哩汁充滿左牛肉既鮮味，因此雖然味道唔濃烈都覺得好好食。咖哩雜菜既咖哩汁就有D酸，唔係幾arm我口味。佢地既naan比想像中好食好多呢～好香好鬆軟，超讚！雜菜咖哩角唔係好似平日食到o個D三角形既咖哩角，而係一大舊好立體咁既，皮非常厚而且非常硬，我咬左兩三口就已經放棄左lu。佢地既naan真係做得幾出色，不過講到主菜咖哩就真係一般喇。*致網主們：我sent左個email畀你地唔知你地收唔收到呢？*