佐敦咖哩屋 (已結業)

Seriously, what's with the waitress?First time I was there (at the Tuen Mun branch), alone, the waitress yelled at me. "Outside" was what she said, cuz she probably didn't like the fact that i was alone. but that was almost 9 with not many people in the restaurant. I could have eaten inside and there was no need to yell. So, I was like "so, I can't sit here huh? Fine, I'm leaving".Next time I went there (I shouldn't have gone because of the waitress, but I couldn't resist indian curry and naan),

星期六同老外同老外媽媽去完玉器市場就行多兩步去食咖喱。第一次來見舖面都乾淨就放心坐低。叫左個3人套餐，有燒雞件、咖喱羊(原本咖喱牛，改羊加10蚊)、咖喱雞、咖喱雜菜、白飯、兩大件薄餅加3杯凍飲。首先上既燒雞件，無乜味道而且雞肉有d"鞋"。咖喱雞要中辣，辣度就本人而言就口岩口岩好，但老外同老外媽媽就不停飯水食白飯。咖喱羊就要咗少辣，所以就食唔到有辣味，羊亦好諗，不過一d"穌"味都會感覺就好似唔係食緊羊咁。咖喱雜菜-賣相好差，食落都無特別。另外白飯就得一碟，三個人分好似唔係好夠。薄餅就真係最好食，熱辣辣既時候就好香，入口鬆軟，所以要襯熱食。埋單188蚊，食物以咁既價錢都幾抵，而且份量十足，薄餅就係必食。最後一提，臨食前去洗手，洗手間既環境就真係好差，搞到老外媽媽敢去洗手。

平時成日見到ｄpromoter落力sell「佐敦咖喱好好味」，尋日率之同朋友仔去左試。一入到去，個waitress係咁要求我地兩位要「打對面」咁坐，其實當時都冇乜客，唔明點解佢會咁樣要求！叫左個二人餐：有五香雞扒、咖喱羊、菠菜薯仔（係用咖喱雜菜加$10換架！）、薄餅、白飯、餐飲兩杯。五香雞扒好香滑；咖喱羊好食，唔羶又唔肥；菠菜薯仔好特別，味道唔錯；仲有薄餅都比想像中好食，軟綿綿咁～正！講番service，果兩個waitress完全係零服務精神，都唔係做野o既！ｄ態度衰到冇人有呀！！！我同朋友仔都ｏ晒咀，真係唔好意思，服務態度令我地要重新考慮會唔會再黎食！

(DB 未有屯門分店資料, 所以借放在這裏)呢排唔係返工就係嗌交, 心情好差, 朋友提議食點咖喱刺激一下. 今次由佢介紹, 原來佐敦咖喱在屯門也有分店的(錦華花園對面, 近酒吧附近)點了咖喱牛腩飯, 天多尼羊腿, 檸茶同青檸雜飲. 每樣試了兩口, 咖喱牛腩顏色偏紅, 帶偏酸, 似masala多點, 牛腩好淋, 唔錯. 羊腿烤得香口, 唔太"so", 朋友讚. 飲品幾大杯, 水準一般.食物的水準唔錯, 亦唔貴, 加上今次吃不了太多, 所以之後會再來試試其他食物的.

咖哩羊好好味, 好夠稔, 唔太羶, 又唔肥, 個簿餅夠份量, 亦夠鬆軟.

如果個日好肚餓, 這裡是食lunch的好地方!先有個湯, 再來個薄餅, 之後有咖哩, 我比較喜歡咖哩羊, 滑而不羶。咖哩的香辣, 我覺得比亞龍好! 之後有烤餅和飯, 最後有杯餐茶! 絕對滿足你的腸胃!

好耐冇黎食lunch啦.. 今日帶個同事黎試下..每人叫了一個set.. 我叫了我最like既咖哩羊.. 同事叫了咖哩雞..一個set包左好多野.. 包括:雞湯+脆薄餅+烤餅+主菜+白飯+餐飲雞湯同薄餅黎先.. 碗雞湯古椒味好重.. 辣辣地..唔錯, 薄餅好脆.. 加上可以點d綠色醬汁.. 好好味..主菜.. 咖哩羊..我要了中辣及濃汁.. 真係好好味.. d羊肉好稔.. 咖哩汁點烤餅及拌飯來吃真係超好味.. 平時不是吃很多飯既我.. 亦將全碗飯吃光.. 厲害.. 而同事的咖哩雞.. 她都話好好味呀.. 每次黎呢到食lunch都飽到嘔咁滯.. 食既時候好似唔知飽咁.. 食完就真係飽到有少少辛苦.. ps 不過我淨係鍾意係呢間食咖哩(有咖哩汁的) 其他散叫的餸or炒飯我本人就唔多like lu...

o係呢頭成日聽到班阿星做人肉生招牌，非常落力咁又叫又o益，今日有機會o係佐敦開餐一於試下你o的咖哩係咪咁耍家先！平時經過見門口細細睇唔清楚入面，滿以為內裡又細又迫又嘈兼且油煙四起，但入到去又估唔到咁四正喎！雖然唔係靚裝修，但樓底好高感覺好舒服，又冇油煙，天花仲有四部勁冷氣添，唔駛驚會食到出晒汗！講番食物，呢度提供好多套餐，由二人至六人不等，不過女友同老媽子都話散叫好，女權當道之下，咁就散叫啦........叫左芝士烤餅、雜菜咖哩角、印度飯、咖哩雞、鑊仔蝦同白汁燴雜菜。先上的是兩塊好細的薄餅，我地比佢o既size嚇親，以係呢個就係芝士烤餅，細問之下先知原來呢個小食係送o既，不過點小小附上o既綠色醬食，卜卜脆都唔錯架！跟住黎係真正o既芝士烤餅同咖哩雞，芝士烤餅都有一個細pizza o既size，一開四份，烤餅之間夾著芝士，我覺得幾煙韌，不過唔夠香，不過女友同老媽子就頂唔順陣芝士味。咖哩雞要左小辣，份量比想像中小，咖哩真係好香，而雞係去左骨o既，不過係全無雞味可言o既雪雞。雜菜咖哩角一份三隻，呢種咖哩角係包到好似生煎包咁，唔係三角形架！不過入面o的餡只得薯仔，可以話完全冇菜。個皮唔脆，食落就

整體唔錯~ 環境一般啦, 好有南亞果D簡陋餐廳FEEL~價錢係平日(1~5)就OK平, 但係假日就貴D, 因為冇特價... 果日星期日LUNCH三人去食, 叫左個二人餐(兩款咖哩,烤雞,煎餅,2 drinks) 大約$40一個人到... 都飽啦D咖哩都真係唔錯~ 中辣唔係好辣~ 剛剛好~不過飯唔夠(3人食), 冇得加飯...但係D drinks 就好淡...好多水...最吸引人既就係d咖哩同真印度人打理~

夜晚去有2個2人餐, 115.00 和13x.00 ....無加一... d 菜式一樣, 只係多左個餐湯, 基本上都係要A餐, 飽就實飽, 包飲品, 3個"送" 其中2款係咖哩, 咖哩雜菜最唔掂, 無咖哩味, 係個咖哩雞叫做最見得人, 包埋薄餅, 白飯... 2個人絕對係飽....但真係又係無下次囉.... 位置逼, 味道好一般.

Went to this restaurant last WedCurry is really good, considering the price...and it's tasty enoughstaffs were really nice definitely worth going if you don't wanna pay that much and wanna get reasonably good indian curry!

Very disappointed. Curry not much taste. Awful!

在下不敢冒犯，但見閣下的飲食資歷後，就明白為何會有此評價。日常飲食請多飲水，慎之慎之。

呢度o的咖喱o既價錢, 都要比同區其他幾間印式餐廳較為廉宜, 味道亦算唔錯, 但係佢犯o左同寶靈街明珠廣場食buffet o個間"美味村" o既同一錯誤, 就係欠缺調味, 好似碟碟送都無落鹽咁, 淡而無味. (雖然?比美味村好少少)<br /><br />印度菜o既基本要求係味道要夠「出」, 當然唔係要好鹹好辣先至好食, 但最起碼要食到基本o既味道, 呢間舖o既食物平就平喇, 但食味就達唔到一般尖沙咀印菜o既水準, 食過兩三次之後都唔想再去.<br />

佐敦不知為何成了咖喱集散地，阿龍咖喱聞名已久不用多說，咖喱堡雖有一席之地卻少人問津。今天居然人印度人派街招兼整印度咖喱，令人有不得不試的衝動。其實已經是第三次，頭兩次都是吃二人套餐($115)可選一款肉咖喱及一個菜咖喱，連飯及薄餅，印式鐵板燒雞及飲品兩杯，不設加一。普通一客晚飯如咖喱雞羊之類則$38，午食更連飯品小吃之類，也算抵食。主角咖喱方面，味道香濃，汁內加入馬豆蓉，帶點鮮甜味，濃稠恰到好處。辣度方面要有點心理準備，因為並無級數選擇，可以先叫侍應落單減辣，平常辣度可能已令各位多飲幾杯水。兩塊薄餅男士可能不夠飽。薄餅香酥鬆軟，沾咖喱最好不過。如覺得白飯太單調，可以在叫餐時加$9要香料炒飯底，必帶來驚喜。第三次去，不按套餐只叫咖喱飯，添了個印度薯仔沙津。青瓜、燈籠椒、薯仔加青辣椒絲配以乳酪汁酸辣刺激中仍帶清新，開胃非常，但還是提醒閣下，如果怕辣，事先走辣，事關青辣椒絲不可少覷。之前曾試過印度奶茶，加了獨特香料，如未試過，可以試叫熱飲一試無妨。惟茶底單薄，口感普通，但香料之味會給你留下「深刻印象」。地方比較淺窄，請輕裝上陣，衛生方面倒也不錯。