住家菜 (謝斐道)

營業中

休息中

少有住家飯吃的小弟，今日應約與三位朋友來到銅鑼灣晚餐，吃的正是名為「住家菜」的餐廳。小店以深棕配米白色作主調，燈光略為昏暗，卡座長檯形如港式茶餐廳，但格調相對較高檔，不過座位略為擠迫。這裡賣的是一般中式小炒，以住家風味為題，我們一行四人最後點了四餸一湯便成。 蕃茄薯仔黃豆豬骨湯：為是日例湯，以新式瓦煲奉上，每人分得近兩碗，份量算是充足。例湯的蕃茄及薯仔味道頗重，加入黃豆更添了獨特的豆香，但整體也不會太濃郁，頗有住家風味，如果可以再添些豬骨味道便會更佳。 鎮江小排骨：排骨肉厚，切成小塊以鎮江醋處理，味道帶酸甜而不嗆喉，但多吃始終頗膩，只能淺嘗吧。 腐乳蒸雞：雞件肉多卻不太嫩滑，但腐乳味道很突出，惹味得來也不會太鹹，是為整晚味道最好和最「住家」的一道菜。 麵豉豆腐斑腩煲：豆腐與斑腩均不是經油炸處理，故豆腐味道異常清淡，但斑腩則較鮮嫩，而且相對入味。可惜麵豉味不算重，但整體味道較鹹，味道過於濃郁，欠了那份住家風味。 乳香粗齋菜：齋菜質素一般，但南乳味香濃，完全滲進材料內，算是可以了。 紫米露：為奉送的飯後甜品，除了黑糯米，還加入少量西米，味道不會太甜，而且口感豐富，以奉送而言確是不錯。

Girl friends chose this place coz they wanna have some chinese soup...as they don't get enough "湯水" from home~ The atmosphere is extremely cramped... not very comfy and I think it felt like having lunch... people waiting outside and everything so rush...The food is not bad at all... but the soup i prefer my moms... hee hee Soup... ok Tou Fu Dish - nice but the portion is little bit small Steam mince pork - not bad either, not too salty~ sweet & sour - is my least fav... Veg with duck eggs(bla

一家人逛完工展會已十時, 銅鑼灣依然人來人住, 餐館亦擠滿了客人.. 最後選了這間住家菜.老火例湯臘味炒芥蘭臘鴨芋頭煲魚湯雜菜煲魷魚馬蹄蒸肉餅因為太晚到店, 所以魚類已售罄. 若非, 真要試試砂鍋魚頭煲.老火例湯(當日是節瓜鱆魚湯)-照我們量度, 一煲大概有八碗. 顯然沒有味精, 而且用料十足.臘味炒芥蘭-臘味的油份剛好被芥蘭吸收, 芥蘭既爽脆又沒有渣滓.臘鴨芋頭煲-芋頭夠粉, 芋頭汁很有臘鴨香味, 加上臘鴨的鹹香味, 佐飯一流!! 魚湯雜菜煲-清清淡淡的, 有什菌, 有什菜, 魚湯也不腥.魷魚馬蹄蒸肉餅-馬蹄有口感, 肉餅肉嫩多汁.餐後有甜品贈送, 當日甜品為清補涼, 味道一般.很有家常感覺的餐館, 價格相宜, 出菜速度極快是三五知已飯聚談天的好去處.

十二月上旬暫住在沒炊具的舊唐樓，附近雖有不少特色小吃，但媽媽在周日弄的鹹菜炆門鱔、炆釀豆腐等自小吃大的家常菜，鹹酸的汁可送下小半碗白飯，一時失去了，又會覺得人生似欠缺了什麼似的，是回家後的原味．．．？來一餸一湯一甜品的套餐＄36，老火例湯，每天大煲的煮，料足味道自然不會差，更不需味精提味。兩餸一湯，最近大局連連，是日還是清簡一點好了，叫了鯪魚肉釀豆腐，菜芯伴蒸的釀豆腐，味道家常。豆腐吃了一半，白飯看似濕潤，但吃落亦軟熟沒有「米匡」味，也吃了半碗，另外加了$12叫來小白菜，白灼菜清清腸胃，當晚上老媽問今天有沒吃菜時，網誌中亦總算有相為證．．．偶的原味家常菜食味與感受分享＠http://foodxfile.blogspot.com/2009/12/blog-post_12.html

人愈大，朋友間的聚會不自覺地減少，一來公事忙得不可開交，二來將大部份時間照顧另一半，乃人之常情，不難理解。某晚相約老友食飯，對上一次見他已有大半年了，二人一邊行一邊傾，差點忙了吃飯，路經住家菜時剛好有位，便即興試試。住家菜的晚市看來相當熱鬧，店子小小人流卻甚多，幸好早來一步，否則不知要等幾耐才能入座。店員推介老火湯，但價錢不吸引，由於二人食量有限，最後只點了翠玉瓜炒雜菌 ($50) 及太極鴛鴦飯 ($68) 共享。先來的翠玉瓜炒雜菌，將翠玉瓜厚切，保持爽脆口感，再跟各式菇類、紅蘿蔔片炒在一起，賣相又紅又綠，相當健康，無加味精，味道來得非常清淡，的確有一種住家飯感覺。太極鴛鴦飯緊接上檯，即白汁蝦仁飯拚茄汁雞絲飯，循例先吃白的，材料有一些鮮蝦及芹菜粒，賣相看似對辦，那想到覆蓋著炒飯底的白汁，入口竟然淡如無味，感覺古怪，多少令人失望；再試另一邊的紅底，茄汁調味明顯好得多，雞絲數量多而且炒得不失嫩滑，收貨了。這裡無加一，飯後更敬送紫米露，不加味精是這裡的賣點，味道會較茶記來得更清淡更健康，對我這個快餐奴隸獸來說，談不上喜歡，但偶一嚐之也是可以的，聽說這裡的午市套餐包老火湯一碗，價錢更相宜，有機

我之前都幫襯過住家菜, 覺得佢D食物水準OK, 但上星期同個FD去食LUNCH, 我真係十分十分之失望.失望唔係因為佢的食物水準差, 而係佢的服務態度勁差!我同我FD坐低後叫左肥牛同魚, 之後有兩個女人坐在我們隔離, 同樣點了這兩種菜. 之後有waiter 走來同我講, 魚賣晒, 要change 第二樣菜. 我fd 問張單係咪我地, 個waiter 話係的, but 我地覺得有d怪,佢冇叫o個兩個女人change菜,於是問個waiter, 佢話kitchen 跟單的次序整,又咩又咩, 咁我話why 遅order的人有魚, 我地冇? 我問左佢幾次, “咁係咪你地錯?” 個waiter 死都冇認係佢地錯, 又唔同我地換番碟魚, 只係不停duplicate話”kitchen跟單的次序整..冇魚俾我地….”一輪廢話.我同我fd 勁嬲. 佢D 態度不知所謂. 最後我地碟魚俾左o個兩個中女食左,我地只係有碟cheap 菜當保償, 平息唔到我地的怒氣.

男朋友帶左我嚟呢度食飯, 佢話不如我請你食住家菜啦, 我俾佢嚇親, 以為佢自己煮, 又或者搵第個女人煮笑就講完, 講番食物, 住家菜標榜係無味精的製作, 也吸引了平時食慣味精的我的注意, 因為食得太多味精, 個人都唔舒服, 之但係喺出面食飯, 食到味精就在所難免的了我地兩個人, 但係都叫左好多嘢食, 例湯係葛湯, 可能無味精, 味道唔算好濃, 不過火喉就夠了, 所以飲的時候唔會覺得好濁, 阿麻雞係男友大力介紹, 話好好食, 我就覺得一般, 因為唔係好鍾意食麻油, 食到我條脷都痺了仲有一味莧菜雙蛋就清清地, 幾啱我, 有皮蛋同咸蛋, 浸落莧菜湯食幾好食, 肉餅都唔錯, 有種咸香的味道, 幾好, 無味精都有咁嘅味, 合格有餘了唔夠喉再要多個蒸水蛋, 叫完有點後悔, 因為最後食唔哂, 但試過蛋係蒸得幾滑的!服務好好, 侍應好親切, 仲好有禮貌, 俾到我舒服的感覺!

燭光晚會前醫肚，維園附近食乜都貴，一般茶記起碼40蚊落樓，最平的小巴黎在屯門食到厭哂，最後花小姐發辦行遠些少，幫襯謝斐道的「住家菜」。此店標榜著「無味精」，Home Feel的廣東菜，老火湯幾乎每檯都有，本晚的是鯊魚骨煲響螺，算不錯，對於飲慣湯如本貓，就無乜特別。小菜方面點了3個，分別是蜜餞蒜香排骨、鐵板鳳陽豆腐和檸檬蒸烏頭，條魚蒸得唔錯，起碼肉不會「鞋」；其餘兩個菜都甜甜地，適合送飯。花小姐少吃排骨、魚怕多骨，最期待的是豆腐，點知個豆腐加了豆瓣醬，見上面少少椒絲怕辣…伯母跟草小姐勸喻下終於肯吃些少，就是嘛！豆瓣醬只甜不辣。一如過往，加菲貓肩負清場責任，幾乎包起三碟餸。埋單兩舊多點，平均40-50蚊一碟，免加一兼有甜品送，都幾抵食；服務員又非常醒目，適時添茶遞紙巾，唔錯唔錯。

星期五晚約九時到謝斐道住家菜晚飯，二人共點了一小菜及一炒飯，每碟五十多元。待應說九時後本店送湯，隨後湯送上。結賬時，朋友沒有看清楚單便負錢，共一百四十多元。等找錢時，我對朋友說，五十多元一小菜，不收加一，應不需這麼多錢，是否收了例湯的錢。到男待應找錢時問他，他說這段時間不送湯，我說我們沒有叫湯的。他回問是那個待應送？我答是一名女待應，他說這裡全是女待應，我指出那個女待應後，我看著男待應沒有問那名女待應便直接到收銀處。我懷疑他根本是知道的。男待應再回來找錢時，態度欠佳的說：「今次個湯算我請你飲啦，其實無湯送架！」我回應說：「你應該話俾你同事知。我根本無叫湯，是你同事自已放低的！」男待應再態度欠佳的回應：「得啦！」但當晚我聽到待應們對每枱都說九時後送湯便把湯放低的。我想這是他們的手法，因大部份客人都不會小心檢查單上的價錢，他們便這樣從中得益。各位結賬時請小心查單。

今日, 終於有時間去住家菜食lunch (2:15pm) 因為行街行到過時才吃lunch, 人客不多, 3, 4 枱人, 不用等位. 如果以$38特餐, 吃一餐家常飯: 有湯(添飲), 一餸, 一飯, 一糖水, 已很滿足, (當然要餸菜合口味)才稱得上滿足啦!可能因以口碑太好才來, 所以有點失落, 但會再來幫襯, 因為:1. 湯(蓮藕豬骨) 好好飲, 真係無味精2. 叫了一碟(苦瓜炆排骨) 好好味, 好似有少少果皮, 好香3. 個人慣常食好少野, 但因食物合口味,最終 吃畢全碟及一碗飯, 一碗湯及半豌糖水(羅漢果桂圓片糖)由於糖水不合口味, 所以放棄咗佢

3個人咁岩去CWB行街梗係要試下"傳說中"好好食既住家菜啦,,,早少少訂左枱,,準時去到都要等多5分鐘左右先入座,,,環境一般啦,,比想像中細既鋪頭,,但有卡位都幾OK,,,菜牌掛哂係個WALL度,,大大隻字有埋價錢好清楚,,,夜晚無套餐,,只有散叫,,白飯9蚊碗但水準OK既,,,例湯咸魚蒸肉餅阿麻雞蟹子黃金蝦球豆豉X魚油麥菜D野都OK大碟,,由$50-80不等,,,有是日精選,,有咩魚呀寫哂出梨,,,味道其實就不太出眾,,但無失望,,,間野主張無味精,,我朋友就話D野比較淡,,,我個人覺得個湯就真係比較淡,,但D小菜都正常,,,咸魚非常好食,,果陣咸香係個口度遊走,,,阿麻雞必食,,雞夠滑同個汁幾惹味,,,黃金蝦佢就用左炸既煮法,,可能咁樣易上咸蛋黃D啦,,,豆豉X魚油麥菜最失色,,第一次食依個菜係有汁既,,,一樣啦,,未食完就上幾碗糖水俾你,,OK啦D服務,,,期望愈大,,失望愈大,,可能其他餸好D啦,,,

同事話要食這間店,我又未食過,試下係咪咁好先得.我們兩個人,可以食兩款餸,叫了餸後送來湯.是日無味精湯是冬瓜旺菜意米湯,湯入面放入蠔士,好清香.飲完又真的沒有口渴.瑞士汁雞雞醃得唔夠入味,加上超細隻,還差過自己在家煮.反倒排骨卻不錯,軟軟淋淋又夠味,最重要唔會似酒樓那些排骨那樣淋得古怪,不錯,吃到差不多時送上紅豆沙糖水,糖水唔熱的,最好都只是不太甜,惜豆味不重,麻麻地38元一個餐有湯有飯有糖水,在銅鑼灣區來說己算抵食.最最重要白飯任裝,點都會夠飽呢

呢日俾tama拋下~唯有同個(男)同事去食lunch~於是就去左呢間好近公司嘅餐廳食~門口標榜著住家菜~哈~後來先發現係佢個名~呢度d裝潢都算唔錯~又唔多人~d枱都好大張~坐得幾舒服~兩個人食左蜜糖豬扒&腰果西芹炒牛柳粒~兩款餸都幾住家feel~唔多油~又整得幾好味~豬扒同牛肉都ok~一個set包埋湯,白飯同糖水~今日有節瓜章魚豬骨湯同清補涼~三者都係任~

由sogo一直行落去,都唔知食咩好。結果行行下到左呢間,朋友試過話ok,就入去試~顧名思義,主打係住家菜及老火湯.雖然只係兩個人,但又好多野想試~一碗是日老火湯: 蘋果..青紅蘿蔔...豬骨...死啦唔記得左個名, 總之係潤的..味道都ok, 最重要係飲完後真係唔口渴,一碗份量都夠兩個人飲~沙爹肥牛煲: 同茶餐廳質素差唔多, 但唔代表唔好,都幾惹味 金銀蛋菜: 無莧菜,最後我地選左菜心,諗住冬天菜心靚. 但最後效果麻麻, 係唔夾...我地應該叫例如豆苗果d, 會夾d~整體都ok, 份量偏少啦...一班男仔食可能就差d

第一次到住家菜的分店食晚飯，叫了中式牛柳，好淋但不是太熟，及太大塊了，阿嫲雞(例牌)，沒有雞味及不知是什麼醬味，薑汁抄芥蘭，芥蘭好好咪，還叫2個白飯，飯後送紅豆沙。食物都好普通沒有什麼特別，環境方面都好細，待應好有禮貌。