住家菜 (謝斐道)

營業中

休息中

有時出街食得多或者OT少左返屋企食飯都會想叫餸食飯同掛住媽咪煲湯🏡呢間sell家既味道同無味精☺️-老火湯 $20/位 $50/煲一位都好大碗，有4-5碗仔2個人都夠飲👍🏿好足料每次來到都一定會叫-薑蔥魚腩煲 🐟 $88魚腩走過油，外脆內滑 拎出來果陣仲滾住😍啫啫魚腩煲🤣-西蘭花牛柳粒 🥦 $78有好多牛柳粒🐮 唔會過熟但又夠鑊氣-最後仲送糖水😋😋😋😋是日杏汁西米露比較少見，好滑飲完覺得皮膚都滑左😂

今日去左銅鑼灣食住家菜，朋友知我鐘意飲湯介紹我黎食，$50有主菜、湯同甜品無加一真係好優惠，今日有苦瓜排骨, 黃花魚,炒牛肉，炆雞, 菜揀，我地今日有4個人，一人叫左一個送，苦瓜排骨, 黃花魚,炒牛肉，炆雞，整體黎講味道都算可以，黃花魚最好味，都叫大條，送菜都好有住家菜味道，今日個湯係蕃茄黃豆湯，都幾大碗同鮮甜，整體黎講都算幾抵食，我地係12點4到，1點左右開始有人要排隊入去食了，不過好多人食完都走，我好想食沙薑雞，但五係日日有，下次去試下先。

香港茶餐廳多，但好食既好少。要麼好貴，要不是就係貴夾唔跑，或者多鹽少料多味精。難得有機會試試呢間都小有名氣主打主家飯既餐廳，食左個午餐。今次叫左個鼓油雞飯，有飯連湯加甜品，未食都覺得好抵。雞煮得不錯，分量很足，雞沒有煮過火，非常幼滑。湯係霸王花，可惜好像煲燶了一點，有點燶味，不過見少少就飲掉算了。靚仔，正常，不過不失。有個蛋花馬蹄露，不是我杯茶，但味道不錯。$50蚊一個套餐，有埋甜品已經係錦上添花。餐單上重有其餘幾味都幾吸引，下次還會再來！

因為我們特別喜愛到這裡點「住家魚」，所以已光顧過數次，而每次也會點魚😍雖然我很喜愛煮住家飯，但甚少在家中蒸魚呢！今天我們六時左右晚餐，所以還有很多位。坐了一會兒，已要排隊等位了！今次我們點甜麵醬蒸黃花魚$118 美味😋店員看到我拍照，還主動幫我把這碟魚橫放😂太尷尬了因為太油膩，所以在家不會做的鹹魚茸煎肉餅$75Facebook讚好及分享活動，送$50很大煲的「住家湯」最後，送是日糖水，冰糖紅棗糖水

平日夜晚想食住家菜，健康冇味精，又有飯又有湯。MrC 既最愛。大概7點幾到，要排隊，但店員好有禮貌，好有心，見大肚婆都問需唔需要入去坐住等。等咗都唔算好耐，就可以入座。先叫咗一煲湯$50好抵飲！超大煲。不加味精。有湯渣。好夠熱。超滿足。每日都唔同款，我已經唔記得個日係咩湯。總之好飲！沙拉骨$72分量正常。肉多骨小，炸過外面脆脆，上面有京都骨醬加沙拉醬。好邪惡，好好味！撈飯一流！菜圃肉崧煎蛋角$70近排好中意食呢個，清清地，裏面有菜圃增加口感。正。蒜茸豆苗 $55 (好似要加錢轉豆苗)Mr C話呢幾日冇乜食菜，所以都特登叫多個菜。好綠，好新鮮。炒得唔錯。食完飯好滿足。Mr C成日都話冇住家飯食。好彩有呢家住家菜！

忽然大家都能抽點時間 聚集一起食個便飯 今天是冬至 簡單得來也希望有水準 就選了公司樓下的住家菜 一行五人點了五個菜 至於我和阿熊是常客 店員得知今次是我們一家的做冬飯 也為我們送了一煲湯暖胃 ☺️平日只有我跟阿熊二人總是只能點兩個菜 今次多了幾人 終於可以多試幾款 大魚大肉蒜蓉蒸開邊蝦 大概有十隻 蒜蓉如果能再多一點必定會更惹味 粉絲雖為配角 但也總不能少阿麻雞（半隻）雞肉不老 再點他們這秘製的阿麻醬 正雜菜煲 十分足料 有白菜、菜心、西蘭花、菇、粉絲、蝦米 而且高湯也很好豉油蒸烏頭 送飯之一 再有必點既雜果咕嚕肉呢餐冬至飯簡單而好味

朋友嚷著要食小菜，就選了在銅鑼灣區的這一間。星期一的晚上約7:30來到，已出現人龍！但很欣賞他們入座的安排，而且店員對所有顧客都十分友善，又會把點菜紙交給正在排隊的客人，可以加快點菜、上菜的時間之餘，又讓我們於等位期間充實一點，感覺時間就過得快一點！老火湯不加味精，我和朋友都超愛喝湯，當然不會錯過，細瓦煲原煲上，$50一煲，應該抵過以每位$20計的點法。我們三個人，無認真數，但應該每人飲了三小碗。湯，超好味，連湯渣都好食！於等位時從玻璃望入去，見到有好幾枱都點了咕咾肉，我們一於跟！不是用罐頭菠蘿，而是用了新鮮火龍果、提子等水果作配菜很特別，酸甜汁調味得很好，啖啖肉。蒸肉餅最有住家feel，我們點了梅菜肉餅因為叫做有點菜的成份😊肉餅不是碎肉那種，似是用了一些很腍的梅頭豬肉，味道有少少偏咸，很適合佐飯。蟹子黃金蝦：自從吃了新加坡的黃金炸魚皮後，對「黃金」很喜愛。這裡的小菜真的是即點即做的，蝦熱辣辣，超好味，咸蛋黃就是最佳的調味，反而蟹子有點可有可無的感覺。我們點了飽魚雞粒竹筒飯，濕潤的有味飯很足料，我甚至覺得有點料太多的感覺！全部小菜都高水準，唯一美中不足的是我們一致覺得太細碟，有點「不夠

自己一個人住都好少煲湯水飲，最鐘意黎到一坐低，職員就拎住大大碗湯放係你要前，仲有我喜愛的湯渣，日日新鮮！每日都唔同款👍🏼主菜都有好多選擇，大部份都健康為主，有肉有菜💋繁忙的生活來一點家的味道❤️

常說港人為兩餐奔波，OT更為家常便飯，諷刺的是，辛苦過後連簡簡單單吃餐家常飯比吃山珍海味更難。沒想到銅鑼灣鬧市的這一角，郤吃到了一餐滿足的家常飯。兩個人三餸一湯，簡單但有質素，是滿足的。這次叫了：吃：三菇西蘭花 $68 麻婆豆腐 $62 蒸烏頭 $88 白飯X2 $22三菇西蘭花：十分健康的配搭，低熱量又高纖的菇類及西蘭花只用上幾片金荀，吃落油份不多，亦保存了食物的水份不會太乾麻婆豆腐：豆腐夠滑，碎肉亦很多，很足料，略嫌辣味不足，帶不出這味餸應有的惹味。不過，媽媽煮的菜，通常也不是很辣的蒸烏頭 ：很大條，蒸的時間剛好，魚肉是剛好離骨的，肉質不算很滑但熟練的煮法搭夠味道          喝：住家老火湯（一煲）$48來這裡的客人幾乎都會加一個老火湯，這裡的湯很足料很好喝，亦喝不出有味精的味道，一煲份量很多可以喝上7-8碗了，如果兩個人去我覺得叫一碗也足夠。環境：餐廳空間不大但客人很多，座位都排得很密，吃飯時感覺很熱鬧服務：由於是晚飯時間，要等約十分鐘才能進入，排隊時職員會先給你下單紙下單，雖然佷忙職員尚算有禮共花費$288

香港大部分的打工仔都習慣日以繼夜 夜以繼日地工作，會用心在家和家人食一餐屋企煮的飯亦少之又少。香港雖然是美食天堂，各國美食隨處可見，但內心總會掛念住家菜的味道。朋友介紹位於銅鑼灣已經光顧多年的住家菜，主打小菜系列强調不加味精，健康之選。午餐每天有5款不同餸菜，套餐包湯及糖水，非常相宜。剛坐下店員就立刻送上餐湯，是日精選爲鯊魚骨響螺湯，估計熬制上好幾個小時，奶白色的湯頭喝下去有甜甜的味道，而且回甘的味道好重鯊魚骨味，完全沒有味精。咖喱鷄的材料很多，薯仔完全吸收咖喱汁，非常好味，翠玉瓜炒雜菌味道清淡，少了餐廳那種重重的味精味，而且雜菌亦非常新鮮。甜品喳喳，大大碗，材料豐富。食物及價錢雖然非常宜人，但我略嫌飯煮得不夠軟，有點影響餸菜口感。

早前有人引我令至沒有戒口，攪到傷風咳一直還未好，這兩天有人終於主動話食得正氣一點⋯ 返工捃住家飯食 星期五晚上預計到處處也多人，好彩都只係排咗十多分鐘便可入座 排隊期間店員已經比定紙仔我地揀野食，所以入內坐下幾秒後小煲住家靚湯已經捧上是日老火靚湯，完全無味料，一煲有四五碗，蜜味卜卜蝦，蝦唔算細隻，肉質爽甜，醬汁甜甜地好惹味清清地既鮮腐竹浸菜心 遲遲未到嘅蒸肉餅，原來廚房係等埋一批先蒸⋯眼見遲半小時入座嘅食客也是同一時刻出菜⋯差不多食晒其他餸菜；肉餅內有馬蹄粒和土魷，肉得滑又唔鞋，調味適中，很好下飯 附送糖水銀杏腐竹薏米，免費既都好足料夠火喉味香濃 !

在平日繁忙的銅鑼灣，到lunch hour大街小行的餐廳都迫滿左人。有同事介紹話謝非道有間五十蚊樓下，有湯，又有湯水既餐廳，聽落幾抵食！一於就自己去試下。點半鐘去到門口都唔洗等，有位可以入。平日常餐都有五款到可以簡，我就簡左黃花魚餐。侍應先送上湯，今日係蕃茄薯仔湯，佢話自己餐廳冇加味精，我飲落都好自家味道，好屋企的感覺！之後主菜條魚size岩岩好，啲蒸魚豉油幾甜好好味，去撈埋啲飯好好食！最後食埋甜品緑豆沙就走，甜品就普普通通喇冇乜特別。午餐黎講幾滿意，臨走侍應都有講多謝哂同Byebye。遲啲會再光幫襯！

這家「住家菜」已經幫襯多年, 其無味精的菜式及老火湯都是吸引筆者的主因。對上一次食已經有差不多兩年前, 今晚再次幫襯唔知質素能否維持?七點左右到達位於銅鑼灣後街內的「住家菜」, 已經有條小人龍。餐廳不太大, 但擺滿枱, 因此食客大多數食完便立即結賬。加上在門口等候期間, 店員已經把下單紙派給客人, 入座時下單, 坐下不久食物隨即送上。人流快, 以快取勝, 時間不算太長。這張下單紙上的菜式好像多年不變, 都是以家常小菜為主。價錢大多是六、七元, 最貴都不超過九十元。以今日的物價來說, 都算得上經濟實惠。<老火湯 $48(煲)> 在「鴻福堂」買包湯要四、五十元而且只有一碗的份量。在「住家菜」 不用五十元竟然有一小煲, 約五湯碗的份量。是日老火湯: 眉豆粉葛豬骨湯。標明不加味精的老火湯, 湯料看似足。湯的顔色偏淺色, 淺嚐一下, 味道不是期待中的濃郁。可能店方要張價就價, 用同樣份量的湯料但加多㸃水煲更大煲湯。另外, 老火湯雖然用煲呈上, 但湯竟然是暖的, 不是熱烘烘。筆者認為温度對老火湯是基本要求。最近到「樂天客棧」, 店方用小火爐連湯煲一同呈上, 令湯的温度得以保持。就算

偶爾記掛著家裡的飯，自自然然的想到住家菜，午餐$37包括一碗湯，一碗飯以及一碟餸，姑且看看有沒有家煮的感覺。紅蘿蔔薯仔豬骨湯，想是大煲湯的緣故吧，不只湯烯淡如水，就連湯料也是無味的，一點都不像家裡的湯水。薑蔥蒸魚，還以為會吃到和在家中一樣滿口的鮮魚; 詎料吃到的僅是一嘴的油，雖然沾有蒸魚豉油汁，豉味和咸味兩者皆欠，帶不出魚的鮮甜味; 薑蔥和莞茜是烯疏地撒在魚身上，香味當然散發不出。撇走味精，店方想營造到家的感覺，本來是一件好事，但菜式呈現出來的效果卻是心有餘而力不足。

到銅鑼灣抵食之選! 住家菜。在銅鑼灣，小弟認為，很難找到價錢合理，食物美味的小店。大多數是價錢也許是叫合理吧， $50-$100，卻像是在吃$20元的貨色。然而，住家菜確實是令人覺得物【超】所值的地方。一到住家菜，侍應馬上為我們盛上是日例湯，小弟點下豬柳飯(正確名稱小弟忘記了)。豬柳軟身易入口不痴牙，配合醬汁，和一碗白飯，簡直是天衣無逢。最尾還送上一小碗五花茶，令人窩心。小小不足之處是飯量大的我對這小小的白飯渴求太大，如果飯量能夠增多一點點就會更完美。不過，整體而言，這店是銅鑼灣抵食之選! 物超所值!