影片
黎到長洲，個個都會食魚蛋，食完魚蛋都會口渴，當然要買番杯涼透心又止渴既野黎飲啦！係東源食完好食既大魚蛋，行多幾步就會見到呢間飲品／小食鋪，個名好得閒，叫伙頭福星呢間野主要賣雪糕同沙冰，口味非常之多.....當我地仲諗緊飲咩既時侯，個姨姨好好人咁向我地推介佢地既沙冰，超級nice！！！我同朋友一人叫左一杯沙冰，我叫左杯西瓜沙冰，佢就要杯益力多沙冰價錢都唔係話太平，大約18蚊一杯，等左幾分鐘就有得飲飲落第一淡，超甜！！！好滿足啊，佢隻甜唔係糖水果隻甜喎，係西瓜既甜啊再試我朋友杯益力多味，梗加好飲！！！！！完全唔會加好多冰或者水去溝淡，益力多落多好足！！！飲完之後即刻唔覺得貴啊，你諗下平時街邊幾蚊至10蚊杯果d都係水同糖水味黎！！！
繼續閱讀
在長洲行完張保仔洞出碼頭，一直又曬又熱，喝過汽水吃完雪條仍未降溫，不經不覺走到伙頭福星，被它的公仔麵炸雪糕吸引，所以用$20買了兩球。公仔麵炸雪糕其實不大吃到公仔麵，外面是一層口感煙韌既麵團，裏面包著一球雪糕，咬下去先熱後冷，必須快快進食才能感受外熱內冷的雙重體驗，而且這樣雪糕才不致溶化。因此，夏天吃的話手腳要加快。
繼續閱讀
七一長假入o左去長洲船p 同釣下墨魚咁，好開心！o係上船之前，同d friend 先o係長洲碼頭同東灣中間呢度行o左陣，享受下午後悠閒o既時光，食下小食，嘆下甜品。食o左長洲大魚蛋同芒果糯米糍，跟住大家睇中o左呢間買下o野飲～想講真係好抵，珍珠奶茶$15，沙冰最平$15 都有，最貴都只不過係$20，o係出面最平都廿蚊起跳啦下話？尤其呢度都叫遊客區，遊人絡繹不絕……d 飲品係即叫即整的，但都唔使等好耐。我呢杯叫「情意濃濃」($18)，玩味十足o既名字，背後係繽紛樂朱古力溝鮮奶沙冰。首先，佢打得算係幾勻洵，飲開成日都上面仲有大粒冰跟住下面就水汪汪。味道o黎講奶味重過朱古力味，唔太甜，好正好消暑！長洲仲有樣o野好興，就係成塊針板一樣大o既西瓜，見好多人都一路行一路食，呢間都有賣($15)。我無食不過見其他人買，真係雪到好凍冒晒煙咁，睇見都流口水，而家晏晝咁熱，唔怪得咁多人幫襯啦！
繼續閱讀
伙頭福星長洲之旅食食食！已經天黑，大家都未夠喉，經過呢間串燒店，肥髀見到有炭烤魷魚想食，媽媽當然無say no！落order即叫即燒，$35/2隻，見叔叔將兩塊魷魚乾夾在夾網內，不停反轉再反轉！加啲豉油再燒一陣，然後剪成絲放在發泡膠盤比肥髀，因為肥髀唔食辣，所以無加辣，魷魚乾有嚼勁，一路𡁻鹹香味道一路滲出，送啤酒一流！肥髀成盤食晒！朋友比嘅燒羊肉亦好惹味！一啲都唔膻！叔叔一路燒，會撩下大家傾偈，好健談！
繼續閱讀