伊藤 (已結業)

星期六做完運動, 當然要補充體力.順便行過來, 吃飽才回家.此店正宗地道, 有日藉師傅打理, 地方細細的, 有bar 檯有卡位, 巨型LCD TV, 都唔錯.套餐最低消費約$120, 我就要了個吉列豬扒定食.前菜是豬肉, 以為像煲湯豬肉硬崩崩, 但出奇的腍和入味, 還有幾片漬蘿蔔, 也好吃.燉蛋有蛋味, 口感嫩滑, 雞肉, 蝦, 銀杏, 魚蛋等, 落足料.吉列豬扒到, 豬扒炸到橙黃色, 幾吸引; 咬落豬扒肉汁多, 也香脆, 同時間還有芝麻和燒醬, 自己可以磨芝磨再混上燒醬, 正宗吉列豬扒才有此供應.白飯聞不到飯香, 但吃下好有咬口; 麵豉湯稍為遜色, 海帶比較硬, 不過個味也對胃口.飯後生果有火龍果, 提子和橙. 生果也新鮮味甜.坐在bar 檯看著海魚, 都幾新鮮, 下次可以叫壽司套餐.

我們一家人去了好几次,每次試不同食物,最深印象是牛肉反！

昨天為小妹的農曆生日,梗留比蝦子餅同我慶祝啦!地點我揀的,好不容易才找到入口...我order一份刺身定食,一份"牛當",炒什菜同2支"朝日".刺身定食- 共6款,件件都好新鮮,尢其係池魚同甜蝦...甜蝦好大隻!牛當- d牛肉係幾有牛肉味,但我覺得最好味係d配料...洋蔥,牛肉汁同飯.哇!d米大大粒,撈埋牛肉汁確是味美.炒什菜- ok!食得出d材料應該唔係本地或大陸貨.d菜同菇都好脆口,"十十"聲.我覺得呢度d食物同環境都比菖莆亭好(可能客少d),用DBS白金卡找數仲有九折...我會再幫襯!

今晚和男朋友約好食晚飯,就在公司樓下嗰間日本餐廳,"伊藤"在這裡工作差不多一年,都未食過,聽講好貴,今晚兩個人都有同感想試一試,入到去,侍應招呼我們坐底,先來一杯茶一條毛巾抹手,問個侍應你們這裡有什麼東西最靚最好食介紹吓?"這裡最靚有新鮮TORO,仙台牛肉,牛肉可食剌身,重有kimke魚,針魚,.......最後我們點了一客,Toro剌身,6塊,好肥好好食,牛肉刺身,6塊,果然好靚,入口熔化,鹽燒KIMKE,好滑好香,一客什菜沙律,吾錯,一碗時魚飯,一碗麵豉湯,嘩好飽,埋單要$1925,好貴,不過真係好好食,物有所值,一定會再來,不過吾會經常囉!

禮拜五去食晚飯, 發覺已經改左名做"伊藤" (Ito San). 問一問個侍應哥哥, 話係因為轉左師傅(!)。食左個sashimi set (二人前), 有七款共十四件, 超大塊, 好鮮甜。仲食左個牛丼, 個menu 話比吉○家好味, 果然如是。牛肉新鮮o的, 又冇咁咸, 又有粉絲同薑絲, 附送味噌湯。又食左個"明太子omelette, 係用蛋包住明太子, 切開一舊舊好似加洲卷, 幾好食。最後送上生果(木瓜、橙和哈密瓜)。

聽朋友介紹,佢話呢間餐廳最靚係刺身.於是來試一試,坐底看看餐牌,好多嘢食,一時都吾知叫什麼,於是問問侍應,有什麼係最靚最好食架,佢介有新鮮toaro,海謄,毛蟹,都係啱啱空運到,最後叫左個刺身并盤,嘩!好靚呀,望落去已經知好新鮮,入口鮮美,海謄甘香,好味,果然一流水準,朋友冇介紹錯,下次一定再來

我一向lunch time 都經常到此店食lunch!不過近排(around約一個月左右)d食物真係好唔掂...就講近排.d野又貴左又唔好食!首先我壽司定食,我一夾件壽司竟然可以散晒!同埋d魚一d都唔新鮮!!有冇攪x錯你地唔係當我地唔識食ar?佰幾二佰蚊食依d垃圾好過份wor~我個friend食個好似叫做牛肉蓋飯,(我個friend講)嘩~~~d牛肉真係....好難食!!好似無線美女廚房咁想立刻吐出!但基於係搭抬先冇吐~我一向比較鍾意此店的麵鼓湯~但現在的麵鼓湯真係不敢恭維都唔知係乜味!好甜!一d都冇麵鼓味.真係好失望.......我地最後都有向待應complain!

"容或我飛不出邊界,仍舊遊街.無什麼姿態亦覺輕快.刻不出深界如像輪tire,經過發現門牌."地點唔好搵,去到華蘭路尾,本來幾乾爽的身軀,未到門口已經濕透,可恨的天氣.兩個人當然直行直入大把位任坐唔嬲,七點一刻黃金時間,店內一個客人也沒有.只得數名無所事事的侍應,同播緊東張西望的派士馬電視.胃口不大,想有些飯下肚,最好有埋湯,甜品,同燉蛋.叫個定食一定無死.睇個餐牌,最平的滑蛋豬扒定食只係一張紅衫魚,其他定食也不大貴.之前麵包超人果個,都唔洗二百.簡單直接,當無任何心水之時,往往最後要個鰻魚飯了事.友人要個最平的滑蛋豬扒定食.先上個燉蛋,質感很滑,蒸得剛好不過老,有冬菇白果,面頭的魚子,加添些咸香.友人豬扒定食先到,忍不住吃了一小件,真的好吃,炸豬扒外層炸得金黃不過厚,肉質鬆化非常.難怪友人吃罷大叫哀思.鰻魚便當份量足,兩大塊燒得光澤的鰻魚,肉質肥美不腥.加埋燒汁撈埋底下的日本米,吃罷飽了九成.很滿足.吃罷風花雪月一大輪,直到埋單一刻,都係得一個客來過.有點擔心此店距離倒數的日子不遠了....

看完KC兄的食評，立刻心思思想來一試，那個有水準的吉列豬扒；早幾日約了朋友食晚飯，就提議來這裏一試。地點都幾難找，如由地鐵出口，經海堤街直入到華蘭路，便很容易找到；但如由英皇道入，就會很難找，只因離遠是看不到招牌的。看完餐牌後，我們決定了叫魚生飯定食和吉列豬扒定食。先來幾碟前菜，之後是燉蛋，再來才是主菜，最後是甜品。燉蛋- 蛋味幾香，又滑口，但可惜最近剛食完，在有比較下，便差了少許。魚生飯定食- 魚肉新鮮好味，而且部份是一些貴價魚，但可惜最喜歡的海膽帶有陣陣魚腥味，口感比差得遠了。吉列豬扒定食- 外皮炸得好脆，肉質鮮嫩，真係比香港很多地方也出色，好有在日本食的感覺。甜品係綠茶味的榚點，味道清甜，幾香綠茶味。價錢都算幾貴，但和相比就給比下去了；如給得這價錢，不如給多一點去好了。

秘撈工作方面，要往太古坊走一趟去講數。意外地一個鐘唔使就搞掂，回報仲幾滿意。有額外的收入，當然要額外的獎勵自己，不能吃得太差，走了來這裡。呢度舖面細細，但裝修幾雅致，中間的卡位架著超大的LCD電視，幾醒神。不想吃刺身壽司，就要了個吉列豬扒定食。拿熱毛巾抺抺手，喝口綠茶，就有得吃。漬物是幾片漬蘿蔔，簡簡單單的；先付是一碗汁付白蘿蔔及幾片豬肉，清清口腔；燉蛋口感嫩滑，蛋香味重，標準配料如椎茸、雞肉、銀杏等落齊，也不馬虎；主菜是一大塊炸豬扒，吃了一口，熱辣辣炸得香脆，好味。塊扒質地相當不錯，脂肪滲在肉中，吃落肉質鬆軟，醮點黃芥辣去吃，十分美味。伴碟的沙律完全是日式規格，加埋菜絲，可以和熱氣騰騰的炸豬扒來個平衡。甜品是兩件紅豆羊羹，意外的不太甜。埋單132蚊，不便宜，但吃到水準幾好的日式吉列豬扒，都算是物有所值。

見咁多食評, 忍唔住都要去試一試, 但結果有d 失望囉。我係15/2 同個朋友去食, 訂左8 點。去到, 得一兩檯客, 仲好大陣煙味。一坐低, 就聽到隔離檯complain 緊今晚d 野差左好多, 不由得有少少擔心。個餐牌呂太睇得明, 唔係好試叫。叫左好多人讚既特上壽司定食, 仲有一個天婦羅定食。先上既係跟定食既「dun」蛋, 好滑, 幾好味。之後上天婦羅定食, 好普通, 唔算特別好食, $140 有d 貴。最後到重點既壽司, 幾欣賞年牛肉壽司, 真係好滑好多汁, 仲好濃牛肉味, 但其他就好普通, 同「元」字頭既壽司店冇咩分別, $ 180 值唔值就真係見仁見智。最後仲有甜品, 係果醬pancake 卷, 但好唔得, 一pat pat 唔知似mud, 一d 都唔好食。帶住好大其望咁黎, 得咁既品質真係好失望囉, 仲要一d 都唔平。ps: 全場得一個女侍應, 結果d services 慢得好緊要, 我等落order 都等左5 分鐘。

在另外一個食評網見到介紹這小店的抵食特上壽司定食，早兩天訂座知道農曆新年也不休息，但價格會加一，但仍然好抵食- 原本$180，今晚$198，不過你看看內容一定話物超所值。步入店內已有不少日本家庭在座，更令人增添信心。兩件拖羅- 賣相已覺非常肥美，塊頭也不少，入口沒有筋，稍嚼即溶，剩下一嘴魚油，比美上次到大阪旅行吃到的鮮美，十分滿足。兩件炙燒霜降牛肉- 牛肉也很大塊厚身，肉汁豐富肉味濃厚，一點渣也沒有。據那位網友所言，夏季的牛肉會是生的，但冬季就會是炙燒過的。牡丹蝦一件- 味鮮甜肉質彈牙。另外還有海膽卷(海膽份量不多但味美鮮甜)，三文魚子卷，數款白魚，一款貝類和吞拿魚卷。白魚和貝類的款式會不時轉變。平時壽司定食大多只會給吞拿魚和熟蝦或甜蝦，這店可是供應牡丹蝦和肥拖羅。新年有個好開始，感覺很幸福。定食還附蒸蛋(很多香菇絲、蟹柳絲，很香滑)，漬物(蘿蔔，酸瓜)，炸豆腐、麵豉湯和果物。這店和le mieux bistro 都是近來在東區發現的寶藏。

在香港從未吃過如此回味、好吃的日本菜！烏冬好有口感、牛肉刺身入口即溶、海膽鮮甜、燉蛋香滑無比......美中不足是侍應少、冷氣不足，叫斟茶叫了三次才斟，一邊吃一邊冒汗。下次一定要嘗嘗那個牛肉刺身一人前。

最近一次來袖山食海膽蟹膏飯、好香。原來蟹膏配海膽好好味！朋友食壽司定食＄１８０、好抵食、有２件TORO、有２件牛肉、有蝦、油甘魚、秋刀魚、海膽、三文魚子、和壽司卷。好似９月先有得食、話SPECIAL。LUNCH 和DINNER都好多人。要BOOKING。

今日嚟食午餐，叫咗個$140，有壽司、麵、小碟等，整體味道唔錯，水準有番咁上下十二點十前走有八折