令和鍋物酒場

營業中

休息中

個人推介指數 7分 （10分為滿分) - 日式的居酒屋也可以很新潮和有玩味, 這所居酒屋除了有不同有酒精和沒酒精的飲料外, 食物創新, 味道也相當配合, 價錢也十分合理. 這裡下層是接待的地方, 佈置得相當有玩味, 上層坐位非常舒適.各式各樣的日本酒也齊備.是晚我和友人相聚, 雖然沒有點酒, 但也渡過了一個很好的晚上主菜方面我們點了一個頗有趣的組合濃厚芫茜鍋包活薩摩赤雞和野菜豆腐(食材還能追價, 加錢也不貴)說真的份量也不少, 絶對夠兩個大男人吃.本來我一向不愛芫茜, 感覺味道太濃, 但這個組合加上高湯完美地帶出雞的香味, 不用滾得太久, 雞肉剛剛熟的狀態就最好.最後我更不自覺地飲了幾口濃湯, 值得推介再來是一個主食, 日本黑毛和牛鍋燒烏冬烏冬即使浸泡良久也很彈牙, 和牛浸到剛熟的狀態牛味香濃嫩滑, 連湯放入口中, 感覺相當豐富.小食方面我們點了我最愛的炸軟壳蟹天婦羅粉漿做得好才能炸出又薄又鬆化的天婦羅加上蟹的鮮味, 我們前後ENCORE了兩次最後點了一份燒菠蘿消一消膩菠蘿本身已很甜，加上燒過，更香更甜再逼上一點微酸，正好做到解膩的效果飲料方面我就點了一柸頗有玩味的金鑽鳳梨冰在這炎炎夏

對於芫荽，喜愛程度與其他香菜如唐芹或金不換沒有兩樣，同樣喜愛，加入菜式中畫龍點睛，提升不少香氣。令和鍋物酒場裝修有日本居酒屋氣氛，置身其中猶如去了日本一樣。令和有一整頁的芫荽系列，由鍋物到炸物串燒沙律及梳打均有，整餐只叫芫荽食品都已經可以飽腹。鹽燒蟶子當然居酒屋主打的刺身、石燒、鍋物、爐端燒、一品、炸物等等都不缺，叫了48元兩隻的鹽燒蟶子一試。鹽燒蟶子一上枱時即香氣四溢，蟶子只用簡單調味即已經帶出鮮甜美味，肉質煙韌彈牙，令人回味。濃厚芫荽鍋芫荽鍋以一斤芫荽，加上自家鮮熬雞湯而成，單看賣相整鍋翠綠芫荽碎十分震撼，味道反而沒有想像中濃郁，帶有清香芫荽味。到了後期，雞湯揮發後，芫荽味越見濃郁。芫荽鍋包一份薩摩赤雞及野菜豆腐拼盤，日本雞清香嫩滑，野菜豆腐鮮甜，與芫荽雞湯味道相夾。味噌廣島蠔鍋 鍋物中的廣島蠔貴精不貴多，大概有五至六隻。廣島蠔脹卜卜的，入口蠔味很香很濃。芫荽豚肉卷 薄薄一塊豚肉燒熟後油脂香氣四溢，芫荽中和味道，帶來清新爽脆感。芫荽鳳梨冰 芫荽鳳梨冰有滿滿的芫荽碎，整杯飲品只見翠綠色，不過入口芫荽與鳳梨味均很平衡，容易接受，帶有驚喜。

呢條街兩旁開滿各式食肆，有新店亦有舊舖，唔行過都唔知!  今晚哈日友人相約我去呢間新開嘅居酒屋，圖畫搶眼得意，上一樓就到搶眼日式燈籠作點綴，話明居酒屋，各類型酒亦已預備好，眼見其他客出去雪櫃睇下有咩酒岩飲.....哈哈!有幸安排到卡位，坐得相當舒適又帶點私隱，仲有歡迎小食作見面禮，咁就唔客氣，一路食一路睇下餐牌食咩先呢期芫茜超紅火熱，各社交媒體都有介紹，當中代表作濃厚芫茜鍋相當出位，食好"茜"留待下次同茜友一齊黎先食食完開胃菜蕃茄漬後，想再清新開胃D，叫呢客煙燻牛舌蕃茄沙律 ($68)，顏色配搭吸引材料以紫洋蔥及車厘茄代替沙律菜，紫洋蔥帶點辛辣，配合埋淡淡煙燻味嘅牛舌絲，雙重口感與味道!唔食濃厚芫茜鍋，改食薩摩赤鷄鍋 ($268)，食材包括 : 薩摩赤鷄 300g + 野菜豆腐盤薩摩赤鷄個名當佢係日本鷄種，片肉去骨，鷄皮下無咩脂肪，300g份量對眼野菜豆腐盤就裝得滿滿，幾類菇菌及大蔥，一貫日式野菜材料，原來底部仲有寬粉，正呀!奶白色湯底，開始時味道較淡，隨住鷄肉嘅味道散發出黎，味道變得鮮甜; 鷄肉半身口感較紮實，能食到鷄味，即使無任何醬汁點食都好味!小食就係呢客慢煮A4和牛筋 ($68

Happy Friday! 爸媽出去2人世界，我就帶妹妹去食西。 放假前夕，最舒服就係黎呢到飲返杯梅酒，好爽，成個人鬆哂，最重要呢到夠哂私人空間！仲有新店開張優惠🍺 自家梅酒 🍺 剔透香檳色澤，喝下特別涼快，淡淡梅子酸甜味。🥤凍柚子蜜🥤 開頭好夠柚子味，但冰塊溶左就淡哂，無咁好飲。🥢中拖羅🥢 粉紅鮮肉夠嫩滑肥美，油分適中，魚味濃郁。🥢蒲燒鰻魚爆丼🥢 鰻魚軟身入味且無細骨，入口細緻，不過飯就差咁d,偏濕軟但不糊。🥢鍋燒壽喜燒 - 美國安格斯牛肉（200g) 🥢 牛肉好有牛味，喜歡佢咁樣大大片先有口感。野菜拼盤有娃娃菜、生菜、豆腐、菇等，同個湯底好夾，不過煮耐令到湯底偏甜。粉絲唔係好多，有d唔夠喉就叫左烏冬。

高質#日本菜 同樣係#居酒屋 裝修風格🏮之前係旺角都好紅～今次新鋪開係尖沙咀❣️試試佢-⭐️#濃厚芫荽鍋跟薩摩赤雞鍋+野菜豆腐盤呢個真係#芫荽控 必食‼️勁濃郁 甚至係杰～😂但其實我唔鍾意食芫荽不過都試試佢🙈啲雞肉滑啲啲 不過又唔係太特別😛-⭐️#師傅發板 （2人刺身）呢個好正‼️‼️好新鮮❤️❤️黎居酒屋就係要食下#刺身 👍🏿好滿足💯-⭐️#M6澳洲和牛呢個係加點嘅火鍋料🤣🤣🤣98蚊 100g 三塊😛幾好味 不過未去到入口即融-⭐️#鹽燒白鱔 好食 好食 好食 因為好好食 👍🏿👍🏿所以要講3次 啲魚皮燒到好脆 啲魚肉好腍❤️-⭐️#黑毛和牛串價錢同白鱔一樣都係48蚊一串 都唔錯 肉仲keep到粉粉地 同有肉汁👍🏿-⭐️#燒廣島蠔 正正子😋😋極邪惡❣️啲醬好濃味 一啖食哂🤤🤤-⭐️#蜜桃乳酸梳打 唔會死甜～有桃味 純粹打邊爐一定要飲凍飲 如果好似我呢啲唔飲得酒嘅人黎講😂-整體唔錯 居酒屋嘅價錢🤔2個人食左800幾蚊 因為新店開張有8折 所以已經平左了😆唔知優惠去到幾時 不過8折就抵啲😛

呢晚同d朋友黎左開餐！！！呢度既環境佈置都好日式店員友善有禮，感覺很好😊😊店員推介我地試下佢地既清酒生蠔，果然無介紹錯~浸左清酒既生蠔，一d腥味都無，仲好鮮味添😀😀我同朋友都好中意食牛，所以點既主食都係同牛有關既😂😂😂我地要左壽喜燒、石燒牛同石鍋和牛烏冬！！每份壽喜燒都會有埋呢盆蔬菜雜菌，入面仲有嫩滑豆腐同Q彈既葛粉條添😋😋😋日本黑毛和牛真係無得輸，超香超軟腍，好有牛香！！！朋友點既石燒牛就揀左澳洲和牛，食落肉味更濃~最後既石鍋烏冬份量不少，絕對係飽肚之選😆😆😆呢杯鳳梨特飲都好有水準既香甜又解渴，鳳梨仲有助消化架😎😎😚

因為疫情限聚令的關係，又好一段時間沒有整家外出用膳了！！！這晚難得家中大帝和我也能早下班，所以就齊齊出動吃一頓xppp女皇建議吃日式料理，所以便跟他們到了book mark了好一段日子的日式料理。這兒的食物種類和款式都有很多，我們各自點了一款主食，打算一同分享；）點餐後，店員給了我們一份開胃的凍蕃茄讓我們作為前菜～我也點了三顆很有特色的“清酒生蠔”HKd$28+10%作為餐前小食：）每顆都飽滿鮮味，混合清酒同吃，鮮甜之味更為突出❤️❤️❤️其後我們分別點了“石燒澳洲M6和牛200”HKd$188+10%、“A4日本剛毛和牛壽喜燒”HKd$298+10%和“”HKd$蒲燒鰻魚爆丼+10%作為主食~先到場既石燒牛由店員替我們燒至半熟，入口既是香軟又富有肉香！！！配上追加的白飯同吃就更是滿足：）壽喜燒分有堂煮版本及鍋物版本，這回想吃得輕鬆一點，因此點選了鍋物版本，更追加了一份100g的“M6澳洲和牛”HKd$98+10%~A4的黑毛和牛比澳洲的脂肪分佈更甚！近乎入口即溶，非常出色呢！！！！最後的鰻魚丼也有驚喜鰻魚下是酸味十足的漬洋蔥，剛好平衡了肥嫩鰻魚的膩感喔：）我們當晚更點上了新推的“金鑽鳳梨冰

「令和」開咗新分店喇！貫徹裝修好有日本居酒屋feel😌 當晚8:30去到個場好full，同埋有啲嘢已經賣哂，建議大家早啲～師傅發板 (2人刺身) $288 有8款刺身都算抵，白身魚、貝類、紅身魚都齊哂👏🏻 如果冰底上感覺會再新鮮啲～清酒生蠔 $28/1 先將生蠔浸落清酒🍶 帶出到蠔嘅鮮味，店員推介話食完仲可以飲埋個sake (望落有啲濁，我就無飲到了😅)鹽燒牛舌 $48 之前喺旺角分店食過好好食，呢到都燒得香口，但比旺角店少一份驚艷🤣柚子鹽黑豚肉串 $28 性價比高，有齊芥末同柚子鹽可以調味，兩隻口味都掂👍🏻令和刺身爆丼 $188 咩都有啲嘅丼飯🤣 最緊要係海膽唔腥臭😌 三文魚籽撈飯好鮮味，不過可能太夜，帶子同玉子有啲實...鍋物壽喜燒 (M6澳洲和牛200g) $228 壽喜燒有唔同level嘅牛揀，我哋揀最平嘅，肉質都唔錯！另外仲包埋蔬菜籃，基本上壽喜燒必食嘅菇、菜都齊😁自家梅酒 $38、Suntory White $48如果你鍾意睇我嘅食評，不妨關注我，支持吓我，謝謝你☺️💕

自從去過旺角的分店，女朋友就對它念念不忘。前些時候知道它在尖吵咀有分店新落成，女朋友就急不及待地要去朝聖。新店位於食肆林立的厚福街，裝璜比舊店更來得寬敞及有格調，服務員待客十分親切，以上亦是令小編對這店大加印象分的原因。餐廳菜式選擇很多，有爐端燒、天婦羅、刺身、火鍋、魚生丼等。我倆都鍾愛 Sukiyaki，所以選擇了有A4和牛的堂煮壽喜燒。堂煮壽喜燒 -店員會先以牛油在鍋底煎煮，再加上洋蔥及醬油，然後再快煮和牛並伴上蛋漿，十分周到。和牛油脂均勻，爽嫰之餘牛香味十足，再伴上鮮甜的蛋漿，實在令人食指大動。當和牛吃畢後，店員悉時地加上清湯，然後放入其餘蔬菜及添加其他火鍋配料。蕃薯天婦羅 - 天婦羅十分酥脆，麵粉薄薄一層，並沒有掩蓋蕃薯本身的甜味。鹽燒雞皮 - 香脆可口而並不油膩，配上大口啤酒實在享受。餐廳現在更推出了芫茜系列，有火鍋湯底、炸物、爐端燒、沙律及梳打，芫茜迷有興趣挑戰可不妨一試。

經常聽説質素很高的令和鍋物酒場，原來開了新分店在尖沙咀！對我來説地理位置方便很多，終於一試！果然沒有令我失望。食物款式多，每款食物都十分不錯。先來一份清新的前菜番茄沙律，酸甜醒胃！點了一個令和刺身爆丼。賣相已經很吸引！入面有多款刺身，海膽、三文魚、油甘魚、吞拿魚蓉、帶子、甜蝦、八爪魚、北寄貝、玉子等。 太豐富！而且刺身新鮮、 肥美又鮮甜。另外，清酒生蠔亦相當高質。 每隻生蠔都肥美厚肉， 鮮味十足！浸泡清酒更加別有一番風味，必點！一場來到怎能不試試看他們的鍋物呢。我點了一份M6澳洲和牛鍋物，湯底選了壽喜燒。每份鍋物包括了200g和牛和一份野菜豆腐盤。另外還可以追加其他配料 ，我們追加多一份100g和牛， 好滿足！和牛入口軟嫩重牛味，和壽喜燒甜甜的湯底很夾！除了鍋物，還試了石燒和牛。 由店員幫我們燒的和牛非常高質， 燒得剛剛好，不會太熟，有少少入口即化的感覺， 油脂香逼人。另外，炸物天婦羅和池魚唐揚也不錯。 尤其是後者很適合送酒。最後記得點這裏的飲品，飲品選擇又多又特別。鮮檸檬燒灼梳打，賣相吸睛，整排檸檬片疊高很有創意！ 不喝酒精也可以點金鑽鳳梨冰， 酸甜又清新！而且鳳梨味道好突出。

話說令和喺尖沙咀開咗間新嘅分店仲要係好就腳嘅厚福街咁今日我哋一於去試下個新場先個場位於一樓，幾大幾靚而且充滿日式嘅裝修客人入到門仲會職員敲擊太鼓歡迎你食物嘅種類都繁多尤其是居酒屋要有嘅嘢到一應俱全呢間貴為鍋物酒場當然要試下佢嘅鍋物呀首先有前菜蕃茄食落非常爽甜煮菜鍋物份量好大今次我哋揀咗澳洲m7和牛職員加埋醬汁去燒，配上蛋汁食落味道相當豐富當你食完牛肉之後仲可以加湯去食其他蔬菜豆腐廚師發板二人刺身呢個係必食推介所有刺身都係非常鮮甜肥美尤其想講嘅係帶子真係不惜工本大大粒天婦羅蝦炸粉配合都恰到好處蝦肉大隻扎實燒原條茄子茄子已經幫你切好食落十分綿滑值得加分仲有一系列串燒鍾意食香口嘢嘅可以試下串燒雞皮十分鬆脆鹽燒白鱔就相當厚肉黑豚肉串既肥瘦適中鍾意食肉棒嘅朋友可以揀明太子醬雞肉棒有美食點可以少得美酒呢所以我哋都加咗一杯premium啤酒仲有自家製梅酒梅酒飲落酸酸甜甜開胃總結今次食物都好有質素係一間食得翻兜嘅餐廳誠意推介大家去試下

之前曾經去過旺角令和，一試難忘。聽到佢係尖沙咀都開左新分店，叫令和鍋物酒場，即刻帶女朋友黎試下裝修風格十分日系，座位好舒適，氣氛都相當唔錯。一坐低店員就送上左免費既前菜，味道相當唔錯而且開胃。叫得酒場，當然要一人叫返杯酒先啦，我就叫左啤酒，配串燒就啱哂。串燒叫左牛舌同埋柚子鹽黑豚肉，牛舌厚得黎又彈牙爽口，黑豚肉肥瘦適中，配上柚子鹽十分清新。仲有必叫既清酒生蠔，新鮮肥美而且好香蠔味，配上清酒呢個食法真係相當驚喜。店員推介我地叫師傅發板，會有時令既刺身，啱哂2個諗唔到食咩既人哈哈。刺身望落都十分新鮮，白身魚肉質清爽，緊實有彈性，魚味都足。貝類就相對比較普通，總體黎講都唔錯。每枱客都有叫燒喜燒或者火鍋，搞到我都忍唔到要叫返個，澳洲M6和牛壽喜燒，湯底係永遠都唔會錯既壽喜燒，牛肉鮮嫩有肉香，淥5秒唔洗太熟剛剛好。隨餐附送既蔬菜盤份量都唔少，夠哂兩個人食。希望令和呢個品牌都可以keep住水準，長做長有，香港高性價比既日本餐廳真係唔算多了～呢餐都唔錯，人均$450左右

今日同男朋友嚟到尖沙咀新開嘅呢一間日本餐廳睇到佢餐牌其實好多嘢都有得食日式火鍋 壽喜燒 串燒刺身炸物全部都有首先我哋就食呢個蕃茄沙律我哋叫咗一個二人刺身廚師發板出面有勁多款刺身 都有成八款㗎我最鍾意嘅呢就係佢嘅中拖羅有少少筋但都入口即溶我哋仲叫咗啲明太子雞肉棒入面有少少軟骨真係超級正 口感一流我哋叫咗呢個鹽焗牛舌都幾特別 鹹鹹地送酒真係一流之後我哋仲叫咗呢個螢光魷魚 一咬入去即刻爆曬汁 勁正咁我哋今日就叫咗個M6澳洲和牛壽喜燒個和牛嘅油花分布非常之靚入口超級嫩滑 又唔會太油膩到冇咗牛我哋仲登叫咗咗日本蛋嚟點呢一個牛真係風味一流佢本身都有個蔬菜豆腐set配埋個壽喜燒份量都好多下㗎我哋仲加咗稻庭烏冬 正啊

令和餐廳充滿和風特式，店面掛滿七彩繽紛的旗幟、狐狸面具，進入餐廳時，侍應敲打鼓聲，歡迎食客光臨，令人置身於日本居酒屋。木傢俱陳設，簡潔明亮，安坐於寬敞卡位，私隱度高。令和刺身爆丼 $188刺身丼是鮮味大集匯，材料多至滿瀉，有海膽、吞拿魚蓉、牡丹蝦、帶子、油甘魚、三文魚籽、北寄貝及玉子等，一次過滿足多個願望。海膽柔滑creamy，鮮甜味道在舌尖慢慢化開。三文魚厚身，入口油潤、綿滑，蝦肉爽口彈牙，帶子圓厚滑溜。吞拿魚蓉油脂滿佈，拌勻米飯，黏糯滋味，配上晶瑩的三文魚籽，魚油豐盛，丼飯的鮮味加倍提升! 美國安格斯扒250G $168 安格斯嫩紅肥美，用石燒方法，肉質慢慢變成深褐色，肉香撲鼻而來，令人食指大動。入口軟腍，微微焦香，熱燙燙的肉汁在口散發，牛味濃郁，沾上甜燒汁，誘人肉香加倍升華，是最佳滋味。北海道花魚一夜干 $88花魚一夜干開邊焗，魚皮金黃乾身，魚肉雪白，口感微脆，魚肉鮮味加上陣陣鹹香，吱上檸檬汁，酸甜美味，是熱門的下酒菜。燒茄子 $48長長的茄子上，舖滿木魚絲，濕潤、軟綿綿，十分誘人。 金鑽鳳梨冰 $48金鑽鳳梨特別清香多汁，入口冰爽濃甜，味道甜思思，吃完熱燙的石燒牛，再呷一口鳳梨

去了這間在厚福街新開的令和鍋物酒場食晚飯。環境新裝修幾大幾舒服又有卡位坐！menu食物價錢都大眾化又多款式。500ml生啤大大杯都係70幾蚊！都幾抵飲。霜降和牛沙律牛，牛肉非常之鮮又嫩，均勻著配搭住醋汁。車厘茄再加青瓜！爽脆嘅沙律菜夾埋一齊食非常之開胃！雜錦天婦羅有蝦，蕃薯，茄子等，天婦羅蝦大大隻，外層炸到金黃色 !粉漿唔會過厚，香脆無油膩感！再加蘿蔔蓉一齊食更滋味無窮。粒貝刺身非常之靚！爽甜嘅粒貝會切成粒狀。非常之有咬口又夠爽又夠q彈！陣陣海水咸香滲出，好新鮮。又係到我最鍾意食嘅鰻魚嘅時間呀！搽咗燒汁再鋪滿咗豐富嘅紫菜，令到鰻魚嘅口感好豐富，鮮味十足，配搭酸瓜可以消滯！飯用上珍珠米口感煙韌！