仝堂茶聚

營業中

休息中

星期日一家大細同爺爺嫲嫲去飲茶，都係朋友介紹第一次黎。好彩一早訂左枱，如果唔係有排等。去到等左大概15Mins就入座，呢到冇得選擇茶葉，有少少失望，雖然茶味都算唔錯，但係老人家就覺得麻麻地。我地坐係外面大枱，方枱飲茶都比較少。但係環境都幾好，裝修都幾特別，唔算係傳統茶樓。叫左好多野食，有金錢雞，蝦餃皇，流沙包。但係推介就係神之叉燒飯，$218 一碗。完條叉燒免切，問左店員係用日本豚肉，味道口感有別於一般燒味鋪。下次有機會再黎食過!

朋友食過話不錯，所以夜晚叫埋屋企人去食野點知。落單叫人來舉咁耐先有人來店員仲發緊夢，來到茶得一種，飲完個壺茶，等好耐無人主動來加番，茶錢9蚊一個真係唔係好值得。叫左豬仔外形飽同雞仔包點知外面熱裏面冷既，問下問店員話點心無事，同我換，點知出來一樣，我心諗算啦你地都唔換，又唔來問返點樣夠唔夠熱，都好意思收加一70蚊，唉。張台太細叫左8樣野食，都放唔係好落，食完有其他野落樓面都唔行來執下，等人地叫既。唔夠位放你地可以執下食完啦，我知你地忙，咁樣最多你唔收服務費唔洗你地服務啦。食物質素好食但係收費好貴，希望大家入去前睇下餐牌先，埋單700幾仲加一唉。不過有樣餸真係伏----茸香酥鴨個個入面真係鴨咩，肉少粉多，又貴又唔抵食。唔覺意見到店員出面門口傾計，唔過來服務下，真係一個男子服務其他人，唔多人啫，唔洗做啊你班女店員傾計。下次唔會再來都唔會推薦比朋友

义燒併盤，义燒難食極點,同侍應生講,佢話可能師傅心情不好,咁既服態重要收$116元,實在太差,金錢鷄好油，銀雪魚一片9５元好鹹,甜品馬拉糕凍冰冰,無一樣可以值得再來

今時今日，以點心做主題餐廳，競爭好大。依間個定位好清晰，就算係好舊嘅點心都有，例如豬膶豬肚燒賣，去到新派嘅得意豬仔流沙包都有，適合一家大細去食，可以各取所需，小朋友食得開心，大人童年回憶返曬嚟。當然，論味道，佢算合格，冇八月花咁好，但係相對價錢平，值得再去

依日約朋友去午餐飲茶，揀咗依間交通方便，喺又一城商場裏嘅新派茶樓。我哋四個大人同埋一個二歲小朋友，店安排左一個好大嘅卡位俾我哋坐，都好細心。呢度嘅點心真係好好味，又好得意。以下係部份我比較印象深刻嘅點心：呢個雞仔紅豆包好得意呀！唔捨得食！紅豆蓉好綿，趁熱食好好味。呢個炸豆腐粒都好香口，外脆內院。呢個黑蚊蚊嘅包外邊有金箔，好有型，haha。佢裏面嘅奶黃流沙都好香。我哋叫咗原筒豆腐花，好滑好香。佢有黃糖同埋桂花糖兩款。兩款嘅甜味都好好味。仲有其他點心都OK嘅，值得再一次光顧。不過佢有時限，如果想同朋友慢慢飲茶傾計，呢度就只得個半鐘啦。

下班後與朋友相約晚饍，便選了這間位於又一城的新派中菜餐廳。由於數款包點的賣相均相當吸引，心多的我們便選了共有四款點心的「得得意意包」拼盤。它包含了奶黃小豬包、紫薯蘑菇包、黑金流沙包及白蓮蓉桃包。我嚐了黑金流沙包，一咬下滿滿的流沙餡便溢了出來，十分滋味。而朋友則認為奶黃小豬包亦不錯。再來點了龍井醬油雞，茶味不算濃郁，入口帶淡淡的清香。雞肉亦相當嫩滑，肥瘦適中。最後點的甜品則令人很有驚喜，青蘋果蛋糕的賣相「餅如其名」，賣相精緻，內裏有青蘋果慕思及果粒。

拜山，一年比一年少人出席；不過亦因為咁，食飯訂枱係易左少少既。往年要2圍，依家只係1圍，就算訂唔到枱，等位都快D丫。不過有得揀都會想揀有得訂位既，唔駛等丫嘛。就係咁，我地今日就左去仝堂度飲茶啦。點心紙，本來諗住都唔會影食物架啦，因為飲茶都會好快清晒，好難叫一圍枱既人等我相機食先嘛。睇點心紙好多得意包點，如果同小朋友黎應該會幾好，實吸引到小朋友食嘛。講真，環境係幾好既；但係服務真係唔掂，個個都唔想做咁，水壼冇水叫完又叫先有人加水；食完野想佢收碟。嘩，完全係一臉不滿，覺得我地唔應該叫佢執枱咁。大佬丫，D吉碟放滿枱，佢拎新點心黎，放係人地既手邊就走喎。要大聲叫先＂咪＂晒嘴咁行過黎執枱。唔想做就唔好做啦，我地都已經執晒疊好幾隻碟咁係枱度，駛唔駛幫你拎埋入廚房洗晒？咁既服務重好意思收加一？？依個豆腐花賣相好靚，不過因為依碗野，真係睇得出D店員係唔想做既。因為我地去到叫時，有個侍應話今日冇豆腐花。咁佢話冇都冇計啦；點知食食下我地叫到有人食喎。再問啦，原來唔係今日冇，而係我地早到果陣未整好。咁講真，你同我講話冇咁快有，等半小時先有，我實等架，飲茶唔係快餐嘛，半小時都黎唔到一半既點心啦。但佢一開始係答

睇見open rice 上 對這間餐廳有很多好評， 所以想試下， 但係頗失望！價錢貴得嚟唔係好好食， 服務態度也只一般。已經叫了多數是推介的菜式， 味道也只是一般。炸豆腐 皮唔夠薄， 外面有d大排檔可能仲好食d！個蜜汁叉燒比較韌，只係一般水平！有一碟係豬腸+耳+墨魚片，非常韌，咬到牙都軟！而且賣相同餐牌完全不一樣！有如被騙！好後悔叫了！竹笙菜苗一般水準，冇驚喜！菠蘿咕嚕肉d肉不夠淋不夠滑，整碟不夠香！叫了一碟幾款包， 有黑金流沙包 味道算ok， 紫薯包也味道ok， 但個壽包仔不好食， 而包最重要是新鮮熱辣， 可惜 唔知係唔係趕收工，所以未蒸返熱透就拎出嚟，有d失色！仲要食完的碟放到滿枱都係也冇人嚟收！價錢貴得嚟唔係好！

4月16號呢個晚上八點半因本人要加班所以在這個時候食飯！到了又一城的這間餐廳，因為是平日所以人數不太多，而且位置寬躺我安排到卡位坐！食物方面點樣雞蛋蒸魚腸，蟹肉湯二個蝦醬生菜煲生炒咕嚕肉炸豬手花膠撈粗麵！雞蛋蒸魚腸方面味道本人覺得一般，因為除了雞蛋和魚腸之外他面頭有啲揸過的油炸鬼！味道不是太特別而且有少許鹹！蟹肉湯方面本人認為他的豆粉不是太足夠沒有張口的感覺用了方面蟹肉少得可憐！味道只是正常而已！蝦醬生菜煲是本人認為10分出色因為她是熱辣辣煲仔相而且蝦醬味道濃郁生菜10分脆口，口感一流！值得一試生炒咕嚕肉是出乎意料地好味這間餐廳用上平時餐廳沒有的份量！她把咕嚕肉設成細細粒容易食容易入口甚至有香脆的感覺！真的不錯！最後花膠撈粗麵真的不要叫，花膠不是濃郁的蠔油花膠，而係即食花膠，粗麵方面完全不入味，完全等於是一個豉油汁撈粗麵配即食花膠！

呢間餐廳真心一定要讚好！由於我喺又一城返工，除咗公司嘅飯堂之外，之前我淨係會去酒樓飲茶。但係價格都係比較高，人又多，又要等位。直至幾個月之前發現左呢一間餐廳，同同事試過一次之後就愛上左佢喇之後帶唔到嘅朋友去開餐，每次叫唔同嘅嘢食，基本上次次都好滿意！佢嘅點心、主食同埋甜品都係好好味架！我同朋友就最鍾意食佢嘅合桃糊，有炭燒味好有層次又唔會太甜。而佢嘅小雞三兄弟真係可以滿足得我哋呢啲咁重視視覺同埋感覺嘅人好期待佢嘅Menu有新嘅餸菜可以食，講起又想再去喇

㒰堂茶聚這是一間新式的點心酒樓，有很多特色的點心或懷舊小食，例如卡通人物包，脆麻花，砵仔糕等等。我很喜歡他們的迷你排骨飯，細細盅，一個人的份量剛剛好。而小朋友就最愛他們的小雞三兄弟包和三隻小豬包，真的很可愛。地點方便，也很方便的座位也做得挺舒適的，是一個跟朋友聊天茶聚的好地方。

同媽咪飲茶，無咩邊間好㨂，就黎呢間食下。餐廳環境都唔錯，啲位都幾闊，坐得幾舒服。野食都幾多款式。無得揀茶，茶位$9位。食物多為好睇但味道好一般。我地叫左：鮑汁花膠撈粗：都算多花膠，個樣睇落唔錯，但...啲粗麵好硬，好似未煮透嗰種😳。個汁唔係所謂嘅鮑汁，根本係蒸魚豉油味。好咸！蝦子扣柚皮（$69一件）：柚皮無苦澀味值得一讚，蝦子味一啲都食唔到，味道比較淡，只值⭐️⭐️黑金流沙包（$49）：比平時嗰啲細，味道ok,不算太流心，⭐️⭐️⭐️4代仝堂糕：馬拉糕-正常砵仔糕-無口感，唔夠實，太粉，偏甜咖啡千層糕-好重咖啡味，唔係QQ嗰種口感，係啫喱嗰種，唔會太甜蛋散-唔夠脆，有少少硬八味脆豆腐-叫嘅野食裡面最好，豆腐好滑，炸得好好，炸粉好薄，炸得夠脆👍🏼，食得出啱啱脆起即上。

今日我完了job interview後跟男朋友食午餐。我們到九龍塘一間中菜館飲茶。這間餐廳走比較高檔的路線，有傳統菜式，亦有新派點心。這裏在平日的午市也坐滿不少食客。我們點了幾個點心和一小盅湯。1. 水晶鮮蝦餃蝦餃味道正常，外皮不夠煙韌，但蝦肉彈牙。2. 八味脆豆腐這個是灑滿七味粉的炸豆腐，水準正常，不過不失。3. 鮑魚糯米雞這個糯米雞裡面有很多材料，例如鮑魚，雞肉，鴨肉，鹹蛋等等。它味道豐富，但一個糯米雞賣79蚊實屬太貴。4. 韭黃蝦仁腸豉油是另上的，可因應個人喜好決定蘸多少。腸粉味道清淡，他們已經切好一塊塊，每塊都有一粒蝦。5. 桃膠杏肺湯（一位用）這個湯味道非常濃郁，有香濃的杏仁味，口感也很順滑。湯裡附有雞腳和豬肺。我們還點了一籠燒賣，味道也可以。這次埋單要四百幾蚊，我覺得以食物的份量和質素來說太貴了，整體的性價比較低。

同同事farewell, 揀了間坐得比較舒適的 「仝堂茶聚」預先Book 位時，同了receptionist 小姐提，如可以就安排梳化卡位，到取位時，真的好，Receptionist Rebecca 安排了堂入面🍊橙色軟Sofa, 我與同事只是2 人，坐位非常舒服👍🏻Lunch time 比較急，所以一下子點了:-豬仔奶黃包（因為同事個花名叫🐷仔）$59 /3 件，奶黃包來到，好Cute, 因為肚子餓，所以好快消滅左3 隻🐷仔，入左肚子豬潤蒸腸粉 $49，好多時吃豬潤，大多數會硬，但呢度蒸得剛剛好，感覺好新鮮喔😍好滑👍🏻鮑汁花膠撈粗麵$98，因為farewell 同事，食豪少少😂⋯⋯吃花膠，竟然用簡簡單單，塊面直刻靚哂🤭黑松露鵪春蛋燒賣 ( 唔記得價錢）一客2 件，我個人就對黑松露一般，所以不評後加甜品：凍咖啡糕 一客4 件，凍凍地，又有咖啡味，不似啫哩，ok 😊備註： 每枱嘅茶壼都是不同顏色，好特別喔！總括：滿意 $330 ，2 人午餐🥣，係又一城差不多，只是唯一美中不足是，茶壼的茶似是指定，鐵觀音定香片。沒有可以特別叫的茶葉如普洱茶等等

又一城咁多野好食 今次簡左呢間食下中菜點心先 下午茶時間黎 唔洗點等位 都要搭枱咁啦 好在位都幾寬敞 坐得幾舒服 流心奶皇包 3隻小豬好可愛 好殘忍咁食哂佢仲試下可唔可以做到係個鼻到流d奶皇出黎 係失敗左既 🤣🤣好食唔會太甜 熱辣辣再加個伊麵同春卷 夠哂飽餐廳上菜都好快 職員態度又親切不過不失呀 係又一城黎講 價錢算合理