仝堂茶聚

營業中

休息中

仝堂茶聚名字很搶眼，如果寫為同堂茶聚相信效果會差一截。食店名字玩味十足，可以想像到是走新派中菜路線，但估不到亦有不少古法懷舊手工菜。食店入口放上造型可愛的得意包仔，十分吸睛。餐廳分室內及室外坐位，裝修各異，但都給人金碧輝煌的感覺。入口寫有晚市推介，既然初次嚐試，推介可以多加參考。大良炒北海道3.6奶連巴馬火腿大良炒鮮奶乃順德名菜，此菜改用北海道牛奶及巴馬火腿，變成fusion菜。炒牛奶色澤潔白，鮮奶味香，軟滑不膩，十分可口。蝦醬生菜煲蝦醬生菜煲簡單得來又惹味，唐生菜伴上鹹香惹味的蝦醬，伴上白飯很快就清光整煲唐生菜。星級蜜叉燒叉燒揀選半肥瘦部位，肉質鬆化，肉味香濃，豬油甘香，不可多得。仝堂BB鴿BB鴿名乎其實，只切開左右兩邊，有手套供應，可以豪放地食用。乳鴿皮脆肉嫩，肉量不多，可以一過口癮。鮑汁蝦籽扣柚皮蝦籽柚皮乃另一懷舊手工菜，製作十分花功夫，入口既腍且滑，柚皮表面鋪滿蝦籽。大蜆花雕蒸蛋菜式上枱時先是聞到花雕香味，用匙羹𢳂上蒸蛋時，可以見到蒸蛋亳無氣孔，顏色金黃，賣相吸引。蒸蛋吸收大蜆鮮甜味，入口嫩滑。

今晚到又一城朋友便帶我來到這餐廳餐廳的裝修與擺設將懷舊與現代融合，形成強烈的對比，有格調。餐牌有好多選擇，除了傳統點心、小菜，當然有港式點心、燒味等。茶位 $9《鮑汁蝦仔扣柚皮 $69》很用心機的一道懷舊菜，完全沒有柚皮的苦澀味，口感鬆軟極吸汁，配上蝦籽鮑汁，一流。《仝堂BB鴿 $46》即叫即炸，熱辣辣，皮炸得金黃香脆，肉嫩香滑，份量雖小，每人淺嚐也不錯。《小雞三兄弟 $59》賣相可愛，見到都開心，餡料是紅豆蓉，分量剛好，甜度適中。《紫淮山黑木耳 $79》十分健康的一道菜。《定海神針( 魚翅龍蝦湯銀針粉 ) $99》一小熱鍋上，幾有特色，銀針粉配上味道香濃的魚翅龍蝦湯，味道口感一流。另可加入咖啡奶，令整體味道更濃郁。《懷舊橙汁卷 $29》橙味香濃，質感滑溜，外面已經好少機會有得食。《和風骨膠原九龍珠 $56》配搭新穎，用蒟蒻製成的珠珠，質感Q彈，整體甜度不高。

九龍塘又一城都不乏好多好嘢食，今次嚟咗一間中菜廳。裝橫比傳統茶樓更加華麗，時尚，所以吸引到我哋嘅注意。 雖然呢間餐廳叫做仝人茶聚， 其實佢除咗點心之外仲有好多嘢食。除左傳統嘅菜式，新派嘅彩色亦都唔少。 叫咗幾款必點嘅食物，燒鵝我就係其中一款呀。古井當歸燒餓， 有上庄下庄選擇，我地就叫左上庄。 燒鵝皮燒得香亦脆，而鵝肉肉質夠嫩，味道甘香，令人回味。 除咗燒鵝之外，呢度嘅乳鴿亦都係必點嘅。 乳鴿燒得皮香肉嫩之外，仲一啲都唔油膩。賣相亦靚，真係燒得金黃，肉嫩多汁。 最後當然要食埋呢度出名嘅黃金炒肉蟹啦。 肉蟹雖然唔係好多膏，但係食落啖啖肉，絕對唔係好似食汁咁。用鹹蛋黃黎炒，夠曬鹹香夠曬惹味。 即係夠曬新鮮大隻，肉質夠嫩夠甜。 唔好以為淨係蟹咁簡單，其實入面加入咗銀針粉，所以夠晒飽肚㗎。

平日晚朋友相聚，來到這中菜館。整體裝修是雅緻舒適的，但清潔麻麻地，服務員不夠細心去做好清潔，檯和椅也有污漬餐牌的食物選擇多，而且很多特色有趣菜色，有些食材是中西cross over，實在特別，又令人食指大動是晚點了：八味脆豆腐：夠大粒亦入味，但份量略少定海神針（龍蝦湯銀針粉）：味道一流，很有特色的小菜，傳統新穎夾起來真的要讚。唯一仍然份量過少,少得可憐。櫻花蝦瑤柱炒飯：爽，有口感又入味。炒得唔錯。龍井醤油雞：又香又滑又好味。豉油王鱈魚：滑，香甜又唔腥。但仍然是比預期份量少。尖子豆腐（帶子豆腐）：穩陣正氣美味份量合預期之選。炭燒蜜排骨：烹調美味，又係份量少囉。杏汁南瓜露：正！滑之餘有南瓜絲，有口感。甜度適中。所有食物都好好味，但份量太少價錢與份量有距離。人均消費267元。好食卻略貴，唔大食的我都唔飽先係最大鑊還有服務員趕住埋單。九點幾已叫人埋單想人走又好似快咗少少。可能無咩顧客所以想早收工吧

外地親友來香港探望，於是專誠帶他到又一城吃有質素的中菜去。過去已經來吃過，就是感覺卡位坐得舒服，上菜又快，選擇很多元化，還做得好仔細一絲不苟的心機，使我很難忘。茶位9位桃膠杏肺湯59材料由雞腳豬肺和桃膠等一拼煲成，口感綿密，奶白色的湯品更帶杏仁香，相當滋補。脆皮海蜇燻蹄69Q彈的厚切燻蹄，充滿骨膠原，海蜇脆爽，沾上酸汁，超開胃。BB鴿46隻即叫即炸，上台熱氣騰騰，炸得金黃香口，皮脆肉嫩，份量雖細，但價錢便宜，我們每人夾兩塊分享就不太熱氣了。干扁四季豆69炒得不太油，比別家價位更優惠，扁豆份量大方，配上炒濃郁又鬆化的半肥瘦肉碎，更見惹味呀！送飯一流😋荷塘白玉片89見到餐牌有腐竹，我便立刻叫。粉綿的蓮子杞子白果冬瓜蒜子和嫩滑的腐竹等豐富材料，特別健康養生，加上自加了些許胡椒，帶了點刺激辣度就更提味。另外，不得不提這個量也不能看輕呢！星級炒牛河126賣相要好，這是走芽菜版本，但仍十分好吃，牛肉軟因按紋理的去切，炒河粉加上洋蔥旦絲韮黃芝麻芫茜等同上，調味恰好，不太濃，做得也不膩，吃後不會滿口油。凍滴咖啡39很大塊冰，實在爽喉，不帶苦澀味，點到即止。荔枝茉莉茶29清甜的荔枝味中帶茉莉花茶香，底下

在又一城新的中菜館「仝堂茶聚」，旨在藉着飯聚，為一家人搭建溝通相處的橋樑，所以在相約大家族前跟另一半來試試先。 餐廳結合經典和廣東手工菜的新鮮點心創作，新派包點、點心富特色，事前看相都非常可愛。今次一定要點「仝堂六小福」， 奶黃小豬包，黑金流沙包，白蓮蓉桃包，紫薯磨菇包，小雞三兄弟等個個都好得意，不太捨得放入口，唯有相機食先！當中最欣賞係黑金流沙包，似一件藝術品，夠型又靚，估唔到一個中式包點都可以整到咁潮！古井當歸燒鵝，皮脆且汁美，肉香而且甘甜點， 非常喜愛。荷塘白玉片有冬瓜，腐皮，蓮子，杞子等，清清地，湯底清甜，非常養生！櫻花蝦瑤柱炒飯炒得很乾身、入味！粒粒飯分明！不錯！懷舊橙汁卷味道能找回兒時味道！（不小心透露自己年代）頗別具一格的新派飲茶， 希望下次帶家人來茶聚。

仝堂茶聚，呢個名好特別，係一間位於九龍塘又一城既中式餐廳因爲老婆係火炭返工既關係，九龍塘就成為一個食好西既好地方，今日老婆話唔想煮飯，就隨隨便便咁入去仝堂茶聚試下，聽講佢既叉燒飯好出名，估唔到又真係有少少驚喜一去到門口，就見到好有創意既麵包公仔原來係仝堂茶聚既主打之一有幾個唔同款式既可愛款式我老婆話好想食，但又怕2個人食唔哂，惟有等下次同朋友一齊試啦！價錢黎講，都算合理，豐儉由人，可以選擇唔同種類既食物我就先選擇左香港手工啤，麥子既鹽田啤酒！有清淡既麥香，容易入口，岩哂香港人既口味！之後叫左大大大大隻既古井當歸燒鵝，雖然係半隻，但絶對無偷工減料係香港真係幾難食到一隻好食既燒鵝仝堂茶聚既燒鵝肥瘦適中，燒鵝皮燒到脆卜卜，咬落仲有少少肉汁，肉質軟滑，唔會太乾，仲有少少當歸既香味，點埋甜舉醬，無得彈果然係古井當歸燒鵝燒鵝配一碗香口既白飯，簡直係大快人心食完之後好滿足，舒緩左一整日既疲累之後仲叫左好特別既定海神針用龍蝦湯煮成既湯底，有好濃既龍蝦香味，味道偏咸，但可以接受加埋勁特別既奶，店員話可以按喜好自由決定加定唔加，非常貼心又特別，加左可以creamy少少又真係見到魚翅本身無為意有魚翅，如果改

同蜜友去左又一城，來一個悠閒茶聚！ 環境實在太舒適，好適合一邊嘆茶一邊傾計。嘢食選擇都幾多 心大心細，樣樣都好想食，揀野食都揀左好耐添！桃膠杏肺湯杏仁味好香，加埋桃膠夠養顏。星級蜜叉燒出面燒到有少少脆皮，肉質帶點脂肪，味道更香口，份量比想像中多。仝堂BB鴿係必食推介，$46一隻，熱辣辣，肉質好嫩，外皮炸到好香脆，唔駛再加調味料都超好食！仝堂蝦餃皇$36一隻有點貴。 大大隻，入面好多蝦，夠足料。 再用埋金箔點綴，即時高級左。蜂巢芋角而家唔係度度有得食，但我又好鍾意食，見到一定會點！定海神針個名咁特別，原來係 魚翅 龍蝦湯 銀針粉 一大窩上枱，好飽肚。香芒汁脆蝦角脹卜卜，外皮鬆化，不過係香芒醬，換上新鮮芒果汁應該更好食。最後以千層咖啡糕同楊枝甘露作結，好飽！ 歡樂時間過得快，又係時候講拜拜！

係火炭返左2年工，深深感受到住係火炭既居民基本上係住左係食物荒漠到咁！放左工後，惟有去接近火炭站既九龍塘又一城搵食今次揀仝堂茶聚，主要係比佢可愛既包點吸引左，而且食得太多西餐，係時候食返d中菜提升下新鮮感仝堂茶聚位於又一城UG o個層，係前往city o個條時光隧道o個一層再上多兩層，都幾容易搵，遠遠已經見到大大個招牌！門口已經有可愛包點既模型吸引左我好想食仝堂六小福，一次過試哂去，勁可愛！不過得2個人食唔哂😥 惟有犧牲一下，好艱難咁選擇了仝堂招積仔！店員服務好好，值得一讚落單時無為意招積仔係甜食，但店員好細心咁表示會幫我地起單同後上！全程服務都算幾有禮貌！我地叫左碟蝦膏炒生菜，加碗靚仔！蝦醬味好香，但又唔會喊，勁開胃！生菜夠綠亦都夠嫩，超健康！之後仲有岩哂蛋控既黑魚子流心蛋雖然蛋唔算非常流心，但係都好香，好有蛋味第一次將黑魚子配雞蛋，原來好夾重點要介紹既仝堂招積仔！一上枱已經勁開心，招積仔個樣咁囧，真係會唔捨得食架！食之前打左好多卡，影左好幾張獨照先捨得食一口咬落去，好心痛呀入面原來係紅豆蓉，分量剛好，唔會太甜真係好好味又睇得又食得，價錢都好得，值得叫黎開心下環境都好大，坐得好舒服，

其實呢間店都係第一次去食，坐得舒服，野食都好食，8點去到人流量唔多，傾計幾好，餐廳擺設都幾講究，下次會再食多次，茶芥九蚊一位，唔需要點飲品，服務員又有禮貌。<<乳鴿>> 46hkd乳鴿烤得金黃， 外皮酥脆， 咬落口感有啲似燒乳豬 ，適合1至2人份量， 幾好食，唔會太鹹。 平時街市都賣緊50 / 60蚊一隻，抵食<< 叉燒 >> 79hkd叉燒外邊嘅蜜汁，黏性非常高 ，食落有啲似麥芽糖質地 ，叉燒既肉質汁豐富， 價格同街市差唔多，但係堅正，半肥半瘦，一定要有白飯配搭埋去食，最好三人份量share。 <<黃金蟹炒銀針粉>>369hkd銀針粉冇添加任何調味料，主要靠鹽焗黃金蟹去調味， 黃金蟹好大隻，炸得乾身， 蟹嘅外周有好多蟹膏， 餐廳上枱嘅時候會畀埋手套我地，方便可以用手食，另外，蟹鉗好大，餐廳亦提供作開蟹鉗工具比我地去用， 食得蟹，就預咗要花時間，最後食咗半個鐘先食曬。<<白飯>> 18hkd白飯都幾大碗，一個女仔食應該食唔曬。加一後，一人二百幾。

朋友知我喜歡懷舊，推介這間有傳統點心的餐廳給我，餐廳的擺設既懷舊得，色調又好時尚，以前細個的中式酒樓必定有龍有鳳有紅柱，這裏有一隻飛舞的鳳凰。餐牌有好多選擇，除了傳統點心、小菜，當然有港式點心、燒味等。金錢雞，現在很少餐廳供應，瘦肉、肥肉與肝加了一層蜜糖，燒得好甘香，加了一大片類似饅頭的麵包，這片麵包真是一絕，很柔軟，令整串金錢雞的口感更豐富。仝堂蝦餃皇，比一般的蝦餃大一至兩倍，好多蝦好爽口，加了細細粒筍，味到好似久違了的兒時蝦餃味。BB鴿，即炸，咬開會有煙出，肉嫩滑又juicy,調味料好入味 。鵪鶉蛋燒賣，是改良版，加了合桃，口感更勝從前。鮑汁蝦籽扣柚皮，廚師除去柚皮的澀味，口感鬆軟，配上蝦籽鮑汁，好嘢未。鮑魚叉燒酥，無得頂，新鮮出爐，撻皮仍然是熱辣辣，大大粒鮑魚幾彈牙，叉燒都好諗甜。黑蒜子百花魚肚，黑蒜酸酸地，味道好別，如果魚肚再大些就更完美。馬拉糕好鬆軟，又唔太油膩。店員服務周到，時不時收拾碗碟，又有笑容，可以慢慢嘆茶😊

今天太太生日，一心和家三口來試試新口味，但未食前已倒胃並立刻離開了餐廳!! (1) 在等了約半小時後(已是下午三時了)，看到原來有一張靠近廚房的客枱是空著的，問前台員工我們仍要多等十分鐘後，問為何有空枱也不可以提供時，前台員工說是大台，你三個人可以坐但有其他兩個新的客人來要撘枱的。(2) 我們覺得勉強可以接受，在仍未坐好已有另一個員工過來在枱的中央放了一塊綠色木板把張枱用以隔開，但在其他相同的大枱只坐了三個人卻也沒有這樣做 (3) 我們除了O咀之外唯有離開!(4) 若在peak hours也明白，但當時已下午三時完全沒有人排隊，不明白現在的餐飲業是否忘記了甚麼是Hospitality? (5) 餐廳的價錢不是牛奶公司價而是半島價，卻完全忘了待客以人為本的心。香港真的生病了

位於九龍塘又一城的仝堂茶聚是一間集合傳統與創新的中式食肆，從它們的室內設計以至菜式的演譯，都隱含著絲絲新與舊交織的感覺。餐廳分為兩個區域，室內用餐區的牆壁貼上黑白的懷舊背景，另一邊可以看到點心師傅即場製作點心。開放式設計的用餐區則比較開陽和閒適。從餐牌上可以看到不少傳統的點心、手工菜之外，還有不少設計新頴，造型可愛的點心，當然有香港人的至愛 - 燒味。神之叉燒飯 （$219）👍👍👍👍👍這個名為「神之叉燒飯」究竟有什麼特別，可以訂價到$219呢？首先看看份量，用了一個大圓砵盛載，足夠二人分享。主角是神之叉燒，用了原條叉燒只切成兩大件，客人可以優雅地用刀叉去享受，但當然亦可以豪邁地一口一口咬下去。叉燒三分肥、七分瘦還有少許燶邊，正正是一件完美叉燒的樣本，伴以一隻太陽蛋，還可以自行添加「唧唧豉油」調味，這就是神級的神之叉燒飯。--古井當歸燒鵝（$169/上庄）👍👍👍👍👍這𥚃的燒鵝有上下庄可供選擇，價錢上庄$169，下庄$189。燒鵝是現場即燒的，所以出到來的效果是皮脆肉嫩，肉汁豐富，啖啖鵝油香。配合酸梅醬，酸甜的醬汁既可解膩亦令鵝肉帶著梅香。--仝堂蝦餃皇（$36）👍👍👍👍👍一籠只有一粒的蝦

After reading some good reviews of this restaurant, we decided to go for lunch on a Sunday. As this is a late lunch, we did not need to wait for a seat. We ordered some specialties like Kam chien chicken BBQ - something different and not bad taste wise but it is not something that I would order again as I am a bit traditional taste bud wise. Another something new we tried - Stir fry Hokkaido milk with Parma ham: only good if eaten with the ham. Otherwise just tasted blend. Something adventurous

今日同女友去飲茶, 之前試過一次,覺得野食幾好味, 服務都幾好, 再黎一次今次醒目有訂枱, 一黎到就有位.茶都係冇得選擇, (希望下次黎會有得比客人選擇邊款茶)今次試左鮑魚糯米雞, 原隻鮑魚上, 一打開即刻要影張相.另一個想讚既係春卷, 熱辣辣又夠脆. 埋單$200幾, 係比其他酒樓貴少少, 但始終比又一城入面酒樓平. ps; 整體食物都幾好, 睇得出係即叫即整, 因為全部食物都好熱,唔似其他酒樓可能係整定. 建議可以比客人選擇茶款. 有機會再去試下晚餐