仙跡岩 (已結業)

成日都黎呢間仙跡岩，貪坐得舒服，尤其有一邊有落地玻璃，雖然出面只係街景，但可以望遠少少感覺都幾好~呢間近日轉左 menu，無左我最鍾意既魷魚串燒菜飯餐，而家改為樣樣分開計：魷魚串燒 $22米線 +$9 (如配菜飯好似 $12 咁上下)茉香綠茶 +$10 (改其他飲品再補差價)呢個 "set" 夾埋要 $41 都唔平~~魷魚串燒：~ 新鮮即炸，咬開仲出煙~ 魚肉 & 魷魚粒配搭好味，好有水準~ ~ 一定要點埋 d 淮鹽，更好味! 米線：~ 份量好少(個碗好淺)，女仔食都唔夠飽...~ 米線偏腍，似乎煮得太耐~ 湯底太清，無乜味茉香綠茶：~ 好香茉莉花味，唔太甜，v. good!!呢度成日轉人，服務一般，舉手好耐都無人理...

同朋友相約係葵芳行街...join完先搵個地方坐坐...飲下野再血拼藍莓黑白朱古力雪葩: 因為影相既關係...耽誤左小小時間...飲既時候已經溶溶地冰打得幼細...飲落有好香既藍莓味...朱古力味反而唔太出...雪葩中間混合黑白朱古力幼粒....有咬口..可惜朱古力味欠奉整體唔可以話係差既...但真係樣樣都爭小小..我覺得還可以啦。

早上在網友的blog中看到珍珠奶茶後,決定午餐要來杯久沒飲過的珍珠奶茶,雖然葵涌廣場有很多便宜版本,但我還是選了價錢較高但質素會較好的元老級仙跡岩。下午茶時段人客稀少,再次佔據臨窗位置,但求偷閒一會兒。點了蜜餞雞翼麵線+珍珠奶茶作為是日午餐。珍珠奶茶茶味當然不能跟港式奶茶相比,這裡的還算香滑,相信是奶粉用量也不少的關係吧!只是冰塊稍多,增加冰凍感但減少了奶茶份量,在消費者角度有點不化算呢。珍珠還是QQ的,軟硬度很好而且很有咬感,在香港來說是很不俗的水準了,只是吃著吃著,又懷念起台灣那些又便宜又大杯味道又好的珍珠奶茶而已 麵線本想改為米粉只可惜不能轉換,當吃阿宗好了! 這裡的湯頭味道偏淡,但所加的炸香蔥(蒜片?!)卻十分惹味,加進湯裡變得香氣十足!今次配菜有不少海帶,所以整碗麵線有著海帶特有的海草味,而且海帶質感滑滑,個人覺得很好吃哩。除了海帶還有半顆鹵蛋,鹵水味道不算很濃,不過卻很新鮮,喜歡吃蛋的我當然全數接收。麵線吃來有點像蝦子麵,爽爽的感覺跟吃米粉相像,放著清湯的麵線比糊狀的麵線來得好看及清新一點,也比想像上好吃;蜜餞雞翼有著輕輕的甜味,未被湯浸軟的外皮帶點脆口,真的蠻好吃的,今次

星期日晚上~ 呢度冇乜人叫左個雞翼、鮮茄牛肉客飯加珍珠奶茶雞翼幾好味~ 仲要20蚊有成4隻~ 個客飯都唔錯~ 不過0的鮮茄就「稀」得滯似湯多0的~ 同女朋友share食就0岩0岩好~

(30/9/07)介紹老公吃脆蘿蔔糕、飲黑豆抹茶。我自己選印芒紅茶。o野飲好快到,黑豆抹茶真係好好飲架!好creamy,仲有黑豆渣,即係足料啦!加埋炒米粒/玄米粒?好夾味。印芒紅茶同芒果紅茶,有咩分別?印芒無咁香精味o羅。脆蘿蔔糕,係咪少食多滋味呢,o係公司每人食一件,覺得好正!而家每人食四件,都好食,因為個炸皮係炸得幾香酥,點埋個燒汁,滋味就是在此!

外賣下午茶飲了很多次，來堂食其實只還是第一次。同日還有兩個第一次，不過不在此記了~　在仙跡岩我很少會點珍珠系列了，因為珍珠不夠棉韌囉!但它的飲品還是調配得不錯的，如今次點的泡沫咖啡，又香又滑、口感細膩，大大杯飲下去，令人滿足之極。　還點了肉圓丸子，滿心以為會是台灣的肉圓模樣，原來不，它是糯米包著肉丸子，點醬油吃。味道也不差的，不過總是有點失望，我原期望它會特別一點。　環境有點吵，不是一個很適合傾偈的地方，但作為簡餐的地點都算ok!　

去完銀行後,突然想飲珍珠奶茶,所以走上一層黎呢間仙跡岩。店員正忙碌準備大量外賣,自己搵個近窗自閉位面窗而坐,如果無塊大鏡,相信我會坐得更開心!清清地揀個魚板豆腐米粉+茉香珍珠套餐。茉香珍珠先到,茉香味道少之又少,貨不對辦耶!幸好珍珠質素唔錯,煮得很Q,相當好咬,只可惜飲管比珍珠細,啜得稍有難度。米粉稍後送到,望落相當豐富!!湯頭方面較淡,幸有炸蒜片增加香味,味道即時提升不少;魚板豆腐平時都有食,味道係豆腐中有魚蛋味,煮得夠熱都幾滑,ok;米粉的確用上我喜歡既幼幼新竹米粉,食落其實似食粉絲,軟軟滑滑,好味道!再加上兩條台灣人稱為"大陸妹"既小棠菜後,的確幾台灣feel。服務方面,雖然店員都忙住包裝大量外賣,但仍能提供有禮服務,合格。

到附近睇樓後，隨便找個地方吃個午餐。點了一份客飯、一份炒粉、一杯飲品，埋單$85。我點了「大和咖哩豚肉客飯」（$39）：以food court tray 上枱，有飛機餐feel。一份黃金粟米粒、一份台式凍豆腐、咖哩薯仔煮豬肉、一大碗白飯。咖哩汁好稀，談不上日式濃稠咖哩汁的味道。餐飲選了珍珠奶茶，比以往飲過的好稀，其實差左。女伴點了「南瓜米粉」（$28）、「凍芋香珍珠」（$19）。米粉唔好味，食一半巳經想放棄，味道唔得。芋香珍珠都係好稀，…。如無意外，都唔會再來。