仙跡岩 (已結業)

曾經喺香港風靡一時的台式餐廳真係愈來愈少，以前開過好多間分店的仙跡岩，已經俾咖啡店取代，真係感到不是味兒。今日出開去葵芳，就入去回味一下。以前餐廳以台式飲品及小食作賣點，宜家生意難做，連飯同粉都賣埋。我地2人入去正是食晚餐。我點左一個台式牛肉麵線加花生吐司，老婆就點左一碗雞翼新竹米粉+熱飲。先講我碗麵線，完全食唔出嗰種台灣麵線感覺，我只係覺徥似公仔米粉。老婆的新竹米粉亦唔見突出，只係比一般米粉爽口。至於花生吐司就保持一貫水準，都幾好食！除左食物之外，最重要係員工態度。佢地唔係太有經驗，落單時成日聽漏客人點餐，態度又麻麻！雖然我都嚮往舊日的台式餐廳feel，但係食物質素真係下降左，希望可以改善一下。

記得讀書的時候，經常會跟同學仔來「仙跡岩」，一杯台式飲料／一客小食，就此可以坐好幾個鐘。「仙跡岩」、「仙縱林」、「仙桃園」。。。都是以前經常光顧打釘的地方。時而勢易，各大連鎖咖啡店，外賣台式飲料店，似乎已經已代替了這類台式小食店！滷肉飯，脆豆腐，花支丸面線，蜂蜜綠茶，青蔥樂坦白講，以上的食品，只可以用「入得口」去形容，是食完後不會想記得的。我的「青蔥樂」求要小甜，但跟飲糖水似乎沒兩樣。「蜂蜜綠茶」正常版，亦沒有差很多，勉強飲了半杯，放棄了。埋單$118。（驚訝價！）就以上的食物質素加上環境，實在很難真心付款。就當是買個回憶下午茶吧。

昔日仙跡岩既飲品類是非常好飲，所以早前購買團購優惠，誰不知中伏了。之前已換咗一杯雙層朱古力，味道跟以前差太遠。今日再換一杯芝麻珍珠，更加令人失望，無奶味，茶味，得芝麻味，小甜變走甜，好似飲水咁，葵涌廣場嗰D俾佢好好多。加上舖入面有個中年肥佬，每次去換都態度差，好似我係無俾錢咁，雖然有優惠，但我都係消費者，唔該佢檢討下，服務差，飲品差，若不改善品質，恐怕遲早結業。若要自持高檔，就唔好學人做團購。奉勸大家唔好幫襯，附近有更好既選擇。

以前飲真豬奶茶梗係去呢個寶號今次叫杯重量級少甜拎走SIZE其實同坊間差不多,但呢度要26蚊,但價錢不是重點奶味幾重,因此幾滑下,但茶味唔夠強烈,真豬無味,不夠彈牙呢個先係重點建議改良下D真豬喔,因為唔知點解無味現在咁大競爭,要與時並進

與同事在附近吃得多，找不著半點新意，來仙跡岩嚐嚐。大塊雞排手拉麵，如果這樣都算是拉麵，我也無話可說了。像河粉一樣的極軟林林闊麵條，熟林後立即放進稍有丁點兒咸味的「湯」。雞排，剛炸好，優點是(1)熱的，缺點是(1)極薄、(2)沒味道、(3)太乾、(4)沒半滴肉汁。綠茶點子，點子是有趣的，就像某些甜品店那些三色果般，而綠茶則只有淡淡的氣味，單售廿四元實在搵笨，賣相「比五青汁醜」，又深綠又不夠青，其實味道還有點兒像青萍果加綠茶。以往那以飲品極為美味而聞名的仙跡岩已不復再，當年，不論珍珠奶茶、莫卡點子，均令我留下深刻回憶，那時心想，仙跡岩的飲料，即使貢茶如何美味也望塵莫及，現在似乎逆轉了。這樣一個「頹麵」加飲料，$48，以葵芳的午市價格而言，不算高昂，但計及食物質素，下次絕對不會再回來。

糖醋骨飯套餐 + 珍珠抹香綠茶珍珠抹香綠茶抹香綠茶 : 味道ok, 無叫少甜, 但甜度同茶味都適中珍珠 : 好腍… 無口感糖醋骨飯套餐包括粟米, 飯, 糖醋骨糖醋骨: 超級入味, 正! 味道甜甜地, 但晤膩, 反而幾開胃~ 夠腍, 又晤多肥肉.飯: 好似係用珍珠米, 軟硬度適中粟米: 完全無味, 好難食…Overall: service ok, waitress好有禮貌. Environment都還好, 晤會好吵~~ 

今日女朋友係葵芳呢邊返工本身約左食晚飯但係佢突然早收工雖然我即刻衝出來但都要佢等左好耐由於女朋友好肚餓所以行左陣街就決定食仙跡岩呢間一直想試啦但係之前沙田個間執左今次終於有機會啦!去到岩岩好全間餐廳得返2個位真係好彩我地分別叫左$49既炭燒豬頸肉手工拉麵 同埋 $39既台南肉燥撈麵叫滿$30既套餐,野飲有半價所以我地再叫左原價$24既椰香珍珠 同埋原價$22既抹香珍珠個炭燒豬頸肉手工拉麵比想像中差個賣相完全唔得食落無咩味個湯底本身又唔夠濃只係得豬頸肉有味雖然係有炭燒味, 但係質感一般般, 唔能夠幫呢碗麵加分, 而且數量又好少不過拉麵既口感都ok既至於個台南肉燥撈麵呢個都ok肉燥都幾夠味連埋撈麵食都唔錯女朋友都好快就食晒不過佢一食完就話要再食其他野可見碗麵其實真係得好少至於2杯飲品我飲既椰香珍珠就真係充滿椰汁如果本身仲要椰汁可以一試食埋珍珠, 其實好似椰汁西米露女朋友飲既抹茶珍珠就高級好多飲落好清新為味覺帶來非一般既刺激呢杯真係值得推介!

有一位好賣家, 在約定時間之前34分鐘才whatsapp我, 他忘記了帶我件貨 那時候是晚上9:11...他詢問我能否改約另一天的早上8時, 我還沒趕得切回答, 他再whatsapp我多一遍, 說他正在趕返中環再把件貨託運回到葵芳與我交收, 要我再等多半小時, 他確實是一個負責任的賣家時間是晚上9時多接近10時, 絕大部份店鋪已開始打烊, 究竟何去何從? 地鐵站附近的許留山, 門前已擠滿等位的食客... 納悶葵涌廣場那唯一的甜品舖已拉上大閘 新都會廣場那間糖百府亦已封板結業去幸好, 記得新都會廣場3樓有一神秘地帶, 內藏了一間仙跡岩, 一間於1994年把波霸珍珠奶茶由台灣引入香港, 並掀起日後台茶風暴的領先者。分店營業時間到11時, 因此場內依然熱鬧, 有放工後與朋友聚腳的OL們, 也有帶著一包二包行理箱及屈臣氏、萬寧購物袋的異鄉客..., 總之各懷各的故事。(前)重量級珍珠奶茶 $28, (後) 重量級百香果綠茶 $26眾所皆知「珍珠」亦即是台灣稱之為「粉圓」的黑漆漆圓滾物, 是蕃薯粉和木薯粉的混合物；此店所煮製的珍珠是沒有味道, 煙韌也不黏牙是其特點, 可是我還是喜歡別店那些用

上世紀九十年代，台式飲品大行其道，迷倒不少觀眾，後來卻沈寂一時。輾轉間，卻轉變了台式飲品加入了台式小食和粉麵飯，仙踪林和仙跡岩便是表表者。轉眼間，前者現在卻只有一間分店，後者只有五間。以往在下也許都會在仙跡炭用餐，可是次數並不太多，況且近這幾年來，在下感覺上仙跡岩和仙踪林似乎不再為人熟識，而且在下已經絕跡在這兩間餐廳用餐。到了今天，在下下班的時候有點肚餓，於是在仙跡岩先吃一點東西才回家。在下從門外的餐牌看看有甚麼可以果腹，但是卻又餓得打鼓，還未看完，便要走進用餐大堂坐下來好好研究吃甚麼東西。食物款式不少，有吐司和粉麵飯，也有小食，但是唯獨沒有下午茶，可能是因為時間已經接近七時了，最後還是點了一客魯肉飯和抹香珍珠。未幾，在下所點的都已經送到在下面前，魯肉飯的魯肉未見復蓋白飯之上，而且還有鹵蛋，花生及黃蘿蔔作為配菜。在下先吃鹵蛋，鹵蛋鹵得並未入味，只是吃到一般蛋的味道，而魯肉也未見一般魯肉飯的味道，感覺上淡口了一點，味道並不太濃，黃蘿蔔只有腍沒有煙韌的感覺，而醬汁方面，卻較為充裕。抹香珍珠的抹香茶，如以往般的一如既往的熟悉，較為香甜而且具有抹香茶味，而且還有一層泡沬在抹茶上；珍珠則較為腍及

ｏ係葵芳Shopping，行到累累地，記得商場入面有仙跡岩，一於去果度Hea 下食小小野我想飲較為清新的飲品，所以我選擇左唔會好甜的蜂蜜綠茶。然後 再黎個脆豆腐，我男友唔知飲咩好，所以佢叫左杯隨便我果杯蜂蜜綠茶好蜂蜜綠茶，唔係好甜，冇乜特別。而果杯隨便，我都係第一次試，有D驚唔知係咩黎，但飲落唔係想像中咁恐怖，有D蜜瓜味，甜甜地，不過唔啱我到我每次必點的脆豆腐，外脆內軟，D豆腐好滑，加埋果D 酸酸地的汁，配合得剛剛好，好開胃( 正 )

第一次去葵芳依間食仙跡岩，到果陣已經係下午2：00，所以可以叫下午茶，但個價錢同正常差吾多，而且選擇都吾多，所以都係叫個正常餐算吧，咁我男友叫左個吉列豬排定食，一杯凍莉梨綠茶，我就叫左個炭燒排骨湯米線，一杯吾記得咩凍紅茶。。。等左一陣個待應小姐攞左杯飲品嚟準備放底，咁我咪問下佢依杯係咩，佢真答得好好笑，依杯咪你哋叫的飲品囉，下。。。咁即係咩先得架，佢𠵱𠵱哦哦好耐都講吾出，之後另一個待應小姐就攞另一杯野過嚟，我再問佢係咩，好彩依個小姐就好D，可以講得出。。。講返食物：吉列豬排定食 - 個件豬排炸得好燶，所以食落好硬，飯同配菜 (粟米)都一般炭燒排骨湯米線 - 一嚟到，就知衰，完全冇味道的一碗米線，再加三小件的排骨，真係好不知所謂，之後要求豉油，才可以勉強入口，到最後都係食得1/3就放棄先於兩杯，不過不失。食完後，想話搵牙籤用下，係張枱完全吾見，咁咪叫個待應小姐攞，佢好驚訝咁，好似問返轉頭，咩係牙籤。。。。又要講左好耐，佢先知我哋要咩。。。。真係滴汗。。。一間好的餐廳，除左食物好，服務質素都好重要，老實講，以前係青衣城食過好多次，食物都可以，但依間，食物一D都吾得之餘，服務質素一D都吾掂，

20/11/2010 (星期六)我為兩點半而來，上次偶然試過這款飲品，覺得酸酸地甜甜地，非常美味，一直都想再去飲，今次就食午飯。原來兩點代表兩粒話梅，半就代表酸甜參半，所以就叫兩點半。趕時間去做Gym，就叫一碗牛展麵和一杯兩點半。兩點半： 酸甜參半，有檸檬汁的清新香味，酸酸地甜甜地，非常美味，而且顏色美麗。 牛展麵： 不過不失，味道一般啦。

係仙跡岩的2010VIP (有9折), 由於仲有一張25元coupon (12月31號到期), 決定今日lunch係呢度食, 終於非常後悔1:50去到, 侍應姐姐有3個, 客亦有3 個, 已經覺得有d唔對路坐低睇menu, 佢的價錢絕對唔平, 選擇亦比以往少, 老公order肉澡米線餐 ($46!!!) , 包一杯綠茶, 佢想轉飲珍珠奶茶, 要加4 蚊, 成個餐結果要$50! 我叫最平麵食- 雞翼京麵($24) + 金桔青檸($21)加珍珠(+$4), 都要$49! 叫完食物, 侍應姐姐放低張單我地先發覺有"加一服務費", 當堂啞咗, 成張單由 $99 變到$108.9, 即刻問下侍應姐姐, 佢話係新增的, 我再追問, 佢話唔係好耐之前的事, 應該係12月頭, 我真係無諗過仙跡岩會收加一服務費... ok, 都Order左, 應該完成佢, 由於無客, 我終於好肯定見到佢的食物係由微波爐烹調的, 即係叮熱d由公工場預先處理好的食物, 好, 或者叮都好味呢, 結果當然唔係..肉澡米線 - d米線好似槳糊, 肉澡都係咁, 整體: 淡而無味珍珠奶茶 - 甜爆, d珍珠外面好"林"但個心硬, 一

與朋友行街，行了幾個鐘，很口渴，找地方飲嘢。飲品：-冰河綠茶：餐牌上寫住即是薄荷綠茶。飲不到綠茶味，為何話是綠茶？我朋友試過，都話無綠茶味，不是我一面之詞。整杯飲品只有薄荷味，仲要是勁甜，十分差朱古力雪香加珍珠：我和朋友之前都飲過不少朱古力雪香，我們都覺得今次這杯完全不似台灣飲品，它只是港式茶餐廳的凍朱古力加了珍珠。我是來飲台灣飲品，不是飲港式飲品！雙芒會：餐牌上寫住是double mango。但我和朋友竟然飲不到芒果味，飲到楊枝甘露的味道，仲要是難飲的楊枝甘露大家可以想像吓各人都很口渴，但三杯飲品的下場卻是：朱古力雪香被全杯飲完（因為幻想它是港式茶餐廳的凍朱古力）；冰河綠茶飲了五分一便放棄；雙芒會飲了三分一便放棄。服務：-我們落單時個女侍應：（1）不是望住我們，是望住隔幾張枱的人。莫非隔幾張枱有靚仔？（2）無問飲品size。莫非個侍應懂得讀心術，知道我們心中想飲什麼？環境：-座位比較迫，感覺似food court

:同朋友一齊放工飲野, 最好呢d地方. 叫個吐士, 羅白糕, keep 水準 雙芒會(正),加珍珠 但要少甜, 好重mango 味.抺茶點子加珍珠個待應有禮, 沖野個個員工見我地兩柸細都加左珍珠, 所以幫我地轉隻大柸裝, 唔洗waste 野.當晚餐都唔貴喇, 仲用埋member card. 九折..