仙跡岩 (已結業)

難得出開去，又咁岩lunch比我見到而家唔係到到有既仙跡岩，以前讀書年代已經好鍾意食仙跡岩，有時諗唔到飲乜就好興叫隨便黎飲，唔明點解之後會執下執下又一間，而家真係買少見少！見餓餓地坐低就叫左個台式雞翼滷肉飯，水準同以前食開有D出入，以前既係幾好食，但而家好似退左步雞翼滷得麻麻地，出面鹹鹹地但入面冇咩味，雞翼煮得好似有D老，肉質鞋左少少，滷肉味道有點膠，多汁到滲晒落下面d飯都有汁，滷肉份量都足夠撈飯食，碗內仲有少少椰菜跟埋飲品叫左杯凍士多啤梨紅茶，夠哂冰凍，飲落甜甜地既紅茶，既有濃郁茶既香味仲有陣陣士多啤梨既果香，都幾特別又幾好飲！

餓餓地見附近有間仙跡岩，就入左去食返個tea先返屋企休息，可能tea time鋪頭都唔算多人，座位寬闊，坐得幾舒服，侍應服務態度又有禮貌！order左碗炭燒軟骨湯米線，豬軟骨味道甜中帶鹹煮得好夠林又入味，唔洗好用力都咬得開d軟骨黎食，幾好味，配料仲有菜加蔥花，但湯底好清冇咩味，有D單調米線煮得唔會太淋又唔會太硬，適中口感都唔錯，雖然軟骨份量唔算多，但已足夠餸米線一齊食！野飲order左凍苿香珍珠奶茶，大大杯充滿奶茶既香味同好滑，清清地既苿香味加埋落茶香味到，好夾飲落又舒服又好飲，珍珠煙煙韌韌，甜甜地更加增加口感既層次！

午餐唔知食咩好，喺附近就揀咗一間坐得舒舒服服既地方食嘢，呢間野嘅午餐其實都唔平，反而散叫仲抵食過套餐。豬軟骨湯米線軟骨整得幾林不過冇乜味道，覺得佢唔夠鹹而且完全冇口感咁滯，啲肉好爛。米線又係比較林一些，冇乜口感好像煮了很久時間，湯底更是淡而無味，唔俾劣評佢都唔得。

好耐無食過，想回味一下。青年時，常去的餐廳。點知，我飲到最難飲薑母茶……又苦又辣 ， 同個員工講，下次唔好叫囉……😠😠😠點解唔換過？我一啖都飲唔落口，咁叫點俾錢？？

唔知大家有冇印象，曾幾何時仙跡岩非常hit！行開葵芳廣場，夜晚又唔想吃小食當晚餐，就去咗隔離新都會廣場食晚餐。發現有仙跡岩，重拾回憶...就去咗食晚飯。黎得仙跡岩，當然唔少得飲珍珠奶茶喇!!奶茶茶味同奶味平均，珍珠質感較硬，沒有什麼味道，食完仲有啲胃痛添Order左個花枝招展麵，menu寫上係鮮茄魚鮮濃湯底，但真實同相像既味道好唔同！湯底完全冇魚鮮味，一啲都唔似魚湯！味道十分鹹，似味精湯！麵底係纖麥拉麵，麵條粗身，幾有口感！炸過既墨魚丸幾香口彈口，又唔會好油，為整碗麵加番啲分！

想當年布癲狗我中學嘅時候，仙跡岩既鋪頭可以話係風靡一時，同而家嘅譚仔一樣到處都總有一間係左近，原以為經過時代嘅洗禮，仙跡岩已經係香港市場上消聲歷績，居然今日無意中發現中碩果僅存一間係葵涌新都會廣場入面！台式滷肉飯配胚芽珍珠奶茶 ＄56較為年輕的客人可能不清楚仙跡岩是香港第一間主要引入台灣美食嘅餐廳，當時香港正值刮起一股台劇風潮，令到台灣食品在香港異常受歡迎，仙跡岩亦憑著台劇興起成功打入香港市場，更多香港人了解到台灣的美食文化！但係而家香港市場台灣餐廳越來越多，所有餐廳不進則退，今日去食完依個滷肉飯就深深明白到點解當初門市林立既台灣一哥會去到依家分店只剩寥寥數間。第一點是食物水準方面；滷肉飯普通過不再普通，好聽的可以說是保持當時的水準，難聽的就是這些年來一直都沒有進步。吃下來充滿油膩感，鹹淡適中，但毫無特色。同等的價錢下，有更多為數不少的台灣餐廳有更好的質素。第二點是食物材料的供應；一碗滷肉飯只有半隻滷蛋及甜瓜兩片作配料，然而只有價錢方面保持一哥地位，價格不菲。一客簡簡單單的滷肉飯配一杯珍珠奶茶多謝盛惠56大元。店內仍然以當年風光時代的往績作招徠，從現在的角度看來，看似是諷刺多於佳話。

今日同同事一行五人去左依度食台灣野，好似好耐無食咁，都係因為想飲珍珠奶茶，我地四個叫左套餐，有位同事就散叫。師大小兵哥牛肉麵: 牛肉味道幾濃同幾入味，肉質好淋，湯底濃郁，麵條就煮得軟左少少，但可以接受花枝招展: 有炸墨魚餅、蕃茄茸配纖蕎麥拉麵，墨魚餅味道一般，但蕃茄茸唔係蕃茄壓碎個種，只係用茄膏，湯底無咩味，有d失望士林棒棒雞米線: 清湯底粟米粒海苔米線，味道普通，棒棒雞炸得幾脆，且唔厚粉，真係平時食鹽酥雞既味道，幾好味麻辣豬頸肉拉麵: 豬頸肉味道普通，湯底既麻辣只係後其加上去既麻辣油，並唔係一齊淆煮，拉麵麵質煮得太軟，食落似扁意粉，整體上一般我覺得味道不過𣎴失，但價錢偏貴，唔係好值比噤既價錢去食哩個味道既台灣野

從前小時候覺得佢都幾ok ,經過今次我係從此以後都5會去葵芳呢間+食仙跡岩其實佢1粒星都5值，可惜無得5簡！佢難食既程度係完全feel  5到台灣既味道！八方雲集啲面線仲好食過佢！佢有幾難食？湯底清，仲要係福字面既湯底 ，你話岀前一丁都無咁嬲啊！佢個面仲要5係台灣既面線，係蝦子麵咁既款！我5記得影餐排，真係差勁，啲人服務仲要好差！

星期六下午又去葵芳逛街, 由於想飲珍珠奶茶既關係,最後揀左呢間吃下午茶, 好耐都無黎啦, 環境無乜變...魚湯米線併棒棒雞加配重量級香芋珍珠奶茶其實個魚湯米線有點失望,完全飲唔到魚湯味, 淨係飲到味精味,不過個棒棒雞都幾驚喜, 外脆內軟,吃落仲有少少酒香味! 杯重量級香芋珍珠奶茶真係好大杯,落單時已講明香芋要濃郁, 果然真係好好飲!五香牛展麵線加配重量級珍珠奶茶個麵線好失望, 以為會好似xx雲集d大腸麵線咁,點知結果係似幼麵, 一d都唔好吃,牛展得3塊, 好厚有d韌,杯珍珠奶茶好重茶味, 有dd澀..雞翼麵線加配重量級肧芽珍珠奶茶有d昆布,雞翼有2隻, 好淋好香同有少少脆,肧芽珍珠奶茶依然重茶味,不過d肧芽都好多...

原來仙跡岩係食飯,我從來我都以為係食糖水,即係好似許留山咁...所以今日真係大開眼界,即使我朋友係咁話真係食飯嫁拉我去,我都係坐低左,睇左餐牌,先信...哈哈每人都叫左個飯同埋加錢換左杯珍珠奶~我食韓式照燒雞炒飯一睇,碗野得2舊雞...真係得兩舊,咁就$54,仲要碗飯係咁細碗,我有D擔心我對面個朋友食吾食得飽...我就岩岩好GE.不過好彩,原來食食下入面都有少少雞肉,同埋D飯真係粒粒都有味,炒得好均勻!好味好味~~衣個份量我食得曬之餘又夠飽,岩岩好!!朋友的飯,表面上係得一隻蝦,會吾開心GE,不過原來碗底有3隻,加埋4隻,都開心GE~~珍奶方面,我飲香芋珍珠小甜,朋友飲抹香珍珠.我試曬兩杯GE味,我就吾太鐘意抹香個茶味,太濃 有D苦澀,明明佢都冇少甜...我杯香芋就好好多,冇咩澀味,夠香,好飲,吾會好甜.不過呢,D形珠真係太差了吧?!痴住一大舊,吸都吸吾到!!!我已經係咁用飲管吉吉吉,但佢地都吾散開...最後成杯野我只係食到3~4粒珍珠...SAD.

下午一家人到新都會食 lunch ,行左一陣諗住坐吓飲杯野，行行吓見到有仙跡岩，於是入左去，諗住咁多年都無去過便再試吓，由於我地剛食飽並唔係太肚餓，所以四個人只點了二個下午茶餐，待應都有照落單，不過我覺得佢地唔鍾意我地叫咁少野，直至有一位男經理返到來，又係咁望住我們，令都我們週身都唔舒服，我地都諗住一食左野就立即走，點知飲品同吐司都來了，珍珠奶茶無味，而吐司又好細件，完全唔好食，我地好快咁食完便埋單，在埋單時我地仲聽到經理講今日D生意好難做，直情話我地啦，呢 D趕客行為，今時今日的服務態度，我真係以後都唔會再去 !

兩個人，下午六點，點左一碟四件既脆豆腐，一杯凍既炭燒點子，一杯凍泡沫咖啡。唔洗等好耐，正常時間啦，脆豆腐層皮好似麥樂雞咁，有點厚...我個人唔太喜歡。味道又無乜，只係有少少台式既鼓油係度，但夠熱既。泡沫咖啡就太淡了，奶味又無，咖啡味都唔夠。炭燒點子就仍然好味道，同其他分店一樣，ok!

繼續要和老婆仔省錢大計留錢去韓國旅行所以最近都在尋找比較便宜的餐廳今天來到葵芳到處尋找下發現這裡的價錢可接受就選擇了這間老婆仔點了個55元的台式滷肉雞翼飯而我就要了42元的台式雞絲滷肉飯另外再加24元要了杯凍茉香珍珠與預期一樣台式雞絲滷肉飯有大量的滷肉佔了很大的部分另外再加少量雞絲拌飯的味道主要來自滷肉確實算是不錯只是略嫌鹹了一點就算明知滷肉會較鹹仍然是這樣但最失敗的是雞絲雞絲就像是雞絲乾完全沒有一點味道一點雞的味道也沒有誇張點來說就似是吃紙巾一樣至於老婆仔的台式滷肉雞翼飯其實也和我的飯差不多幸好老婆仔的雞翼算是比較正常雖然有點普通但也製作得很香以這個價錢來說還算合理至於凍茉香珍珠老婆仔要了少冰不過或許是因為少冰顯得太甜了就似是吃糖漿一樣味道有點假雖然味道一般但平價餐廳來說這裡的食物算是可以了能滿足我們的肚子又不致於不可接受而且這裡環境也不錯能讓我們好好吃一個午餐

星期六放工後相約媽媽到商場午餐，由於不想吃太多，就來到了仙跡岩，回想起仙跡岩以前在各區也有蠻多分店，現在已經所剩無幾了店內環境色彩繽紛，但環境比較窄看看餐牌，有些粉麵飯套餐，還有些小吃類，每款麵食連飲品約$40-$50。店方為求快捷，還提供了一張寫有所有食品點餐紙吃顧客點餐炭燒豬頸肉手工拉麵連飲品（$50）來到時香味十分濃郁，厚切豬頸肉份量不算太少，大約有6-7件，還有些少椰菜在配料。先試一口豬頸肉，厚身的質感，爽口彈牙，帶點油香，味道不錯。但拉麵入口滑溜，但口感則比較淋身，沒有拉麵應有的彈牙口感，比較嚴重的問題是湯底，充滿著濃濃的公仔麵味精的味道，感覺自己在吃即沖杯麵多放一碗拉麵脆豆脆 （$16/4件）一客4小粒，炸得金黃，外層粉漿夠薄，內層帶著少許黏黏的粉質，入口鬆化，而內裏的豆腐口感滑溜，沾上醬汁後，為淡淡的豆腐味道變得豐富，整體不算草莓厚片吐司 （$17）與現時其他食店相比，這裡的吐司明顯給比下去，體積小又不多厚，上面只是放上一埋草莓。打算取出一角時，卻發現只有上半切成4份，枱上沒有餐刀就經過一輪拉扯，終於取得了，不過由於賣相不太好，所以也沒有拍照。入口尚算鬆軟，草莓醬足夠塗滿

新都會除m記外都係d貴價吾飽既餐廳，e間算平就去左e間食晚餐。我叫了肉澡撈米線，39蚊以為有好多，点知扒四五啖已經冇曬，完全吾夠飽lol，肉澡係夠多，但米線太少，仲要咁貴想点？😔😠吾夠食唯有叫個孖寶雙輝，26蚊得兩隻雞翼仔同一隻鹵水蛋，味道一般般，26蚊可以買到好多隻雞翼同雞蛋啦，搶錢咩！😲😡仲有e度得好少套餐，想飲野就只能加半價，即加十蚊，食個撈米線加飲品要成五十蚊，離譜員工方面，佢地成日都收吾切d野，客人未食完佢地都想收，趕住去邊？😂😂不過d珍珠奶茶都幾好飲既，好多珍珠，係貴左d lo 😖.食完吾飽仲要去葵涌廣場三樓買冷麵食！