仙跡岩 (已結業)

八月一日 (星期日)同老公仔等睇inception,又行到有點累走到了仙跡岩坐下傾下...當然會食下喇我們點了台式雞扒之前第一次在這店吃,感覺好!想再試今次的雞扒]沒有之前的好吃了比較油,而且辣了點雞味算可以芝麻珍珠芝麻味道濃,奶茶比較甜,珍珠都彈牙荔枝玉露清新的荔枝,配上果肉解渴一流!!!去inception了!

今日約左朋友KIYO出黎行街;大家見未食野;下午茶時間行過仙跡岩,就入左黎食野!我照舊叫左碗雞翼麵線;朋友就叫左個下午菜O既雞翼SET再加椒鹽花枝個花枝黎先;望落好似幾好味;食落;好油..之後到我果個眭翼麵線黎;點知佢俾左京麵我梗係叫佢換啦;但係京麵同麵線價錢係吾同雖然佢換左碗俾我但係張單未有自行修改...到我同朋友埋單果陣先叫佢改番!!碗麵個湯底依舊咁咸........."令人難以入口..今日食完碗野之後勁口渴!!朋友O既雞翼同埋珍珠奶茶都緊隨其後'朋友話雞翼係甜甜地O既;但係珍珠奶茶D珍珠就太硬;!坐左陣我地都走左!兩個人食左70幾蚊..真係好貴..

從未飲過這麼難入口的........凍蜜柚點綠成杯飲品，一半碎冰，一半綠茶。由於點子沉在底，加上太多冰，好難吸上來 由於冰太多，成杯飲品淡晒 朋友點了一杯熱蜜柚點紅，一樣咁難飲，成杯茶苦過dd，難飲都「 爆」不再多講，一句講晒，好難飲呀!

星期6, 原本打算同朋友們出MK吹吹水, 大家食下野傾下計。雖然都知呢間吾多好野架喇, 但就偏吾信邪, 諗住俾多次機會佢啦...就咁又貼錢買難受!首先, 我同另一朋友先去等位, 我地共5人。係門口有一枱3個妹妹仔的, 咁剩返3個位係中間, 個位大叔應該係店長, 竟然叫3個妹妹迫埋一齊係張2人枱, 咁有一個妹妹就要搬張櫈坐路口位! 我自己都有D吾好意思, 坐落左同佢地講聲唔該哂!之後D櫈呢又大大張, 一坐之下, 一張高一張低得好緊要, 咁我就以為轉可以較返高啦, 之後店員小姐話:呢個冇得較返高架, 係咁架。說完就閃左了...我同朋友好無奈, 就面皮厚厚咁問右邊隔離枱的"姐姐"可否換一換張櫈(佢放袋而已)之後都係張枱污糟啦, 又冇人理你...到我點餐, 叫左本茉香珍珠, 店長大叔就問我要大定細, 我問大同細係點?店長大叔答我12安士同16安士, O~~真係唔該哂, 我實知實際分別係幾多啦...之後佢指妹妹仔杯野話呢個係細, 大既咪好似大啤酒杯咁囉! 一早咁答, 唔好扮型講12同16係咪好好多呀?之後食物黎到, 又冇餐具...店長大叔有趕客的意思, 有問我地杯野要吾要, 我地話要, 佢變臉超

服務很不要得~希望再培訓他們!!執枱執一半,沒有人影,執完枱又不給menu如果人多的話,我也會體諒,但人根本不多,他們卻喜歡裝忙!!我看見有2枱等了良久也沒有人理會,所以離去了漏單情況嚴重!!我這個月光顧了3次,3次也有漏單!!情況嚴重到你催一樣,他來一樣,全程你要不斷舉手!!食物方面就退步了~唯一一讚是雞扒,雖比不上台灣,但算是ok~炸魷魚味道不錯但咬不開~雙料朱古力雪葩本來也很好!!不知道為什麼那次沒有味,所以我跟他們說他們說是這樣的味道但我上星期也有光顧,但不會完全無味最後他們沖了杯怪味的雙料朱古力雪葩給我朗豪坊仙跡岩的好處可以坐多一陣子,方便聊天因為他們大致上不太會理會你!!算是吹水好地方~

行過見到新出的台式雞扒突然好想試喎!! 手頭上又有 CASH COUPON 未用完，於是就入去坐低試一下。叫了珍珠奶茶 + 雞扒，哥哥仔叫了芝麻綠茶 + 炸蘿蔔糕。雞扒好快到，但叉呢就遲遲未到。侍應後來終於拿來兩支叉，但就真的嚇親人…其中一支污糟到看似是完全未洗過就拿出來…即刻冇晒胃口!!! 叫侍拿拿聲轉過兩支給我們。一直都幾鐘意飲仙跡岩，以前閒來都會叫外賣下午茶，但今次真的好失望呀! 可能就是給那隻叉嚇親，雞扒只覺得是不過不失，跟台灣的完全兩回事，好在，炸蘿蔔糕依然是一貫的高水準。勸大家以後拿起食物放入口之前，真的要睇清楚食物、包括餐具呀!

同朋友行街佢未食lunch就一齊黎食下午茶叫左個豬頸肉拉麵先講d麵餐排寫係拉麵咁咪expect係黃色o個D蛋麵點先拎出黎係雞蓉一丁再講D豬頸肉有2條係肥膏唔係肉而且好重雪櫃最後我都係食晒D公仔麵就算肉都冇乜食咁就36蚊食M記好過>"<

八月二日(星期日)同老公在三十七度的高溫下逛了一陣...滿身是汗呢!所以找到地方坐坐,等看電影!仙跡岩的coupon還未用完,還有兩張,就到了仙跡岩坐坐!叫了個百香果綠茶加珍珠,依然的清甜!老公要了個大的荔枝玉露!不錯加了個炸雞扒!上次不錯的今次要encore,不過今次味道差了!只是辣,沒有其他味道!而且很熱氣,害得老公生了兩非之...

六月十四日(星期日)同老公逛了陣旺角,再轉戰朗豪坊!行到有點累,於是到仙跡岩坐下,休息下,說說行程^.^見到有台式炸雞扒,只要飲珍珠奶茶加12元就有原價是$19,於是加了一件,我要珍珠奶茶,老公要了荔枝玉露大的!上次在台妹吃過,所謂的台式,真令我們吃不消吧,有陰影呢!!不過今次店員送來時,已經嗅到近似我在台灣吃的豪大大了!吃一口,果然不錯,炸粉不厚,而且味粉是有點似豪大大的!吃得過!是剪開了小件,有成6-7件,味道果然好!值得一試!不過比較薄了點,小了點雞味呢!飲品都算不錯,不過珍珠就沒有味道呢!如果懷念台灣的炸雞扒,可能頂住先呢...

同朋友C同her bf行朗豪坊行得累累地去仙跡岩歇一歇每人各叫左個花生厚片吐司成店最平但都要$14只係一塊toast加薄薄既花生醬朋友C仲叫左個珍珠奶茶佢話今次甜左少少!唔知係星期日冇套餐定點-0-朋友C想叫套餐!結果嘜都冇咁制!勁多野都話要散叫冇餐!原來仙跡岩出面有D卡位!!有蠟燭果D照明!好似幾好FEEL

假日同老婆出來 shopping , 在旺角區行得倦了, 我會首選這兒休息 , 因為有梳化坐得舒服 , 仲有緊係野飲大杯啦 ! 仙跡岩其實最抵飲的是碎朱古力雪葩 , $25 一大杯 , 有藍莓 / 朱古力 / 咖啡 , 還有其他 ..... 前三者我都飲過 , 以咖啡味最夾碎朱古力雪葩。炎熱的天氣來杯冰涷的雪葩 , 簡直人生一大快事 。當然我仲有一點原因來這兒 , 就是很易找位 , 朗豪坊長電梯最上頂部旁邊很多時都無人坐的梳化 , 所以不用擔心無位置 ! 因為我講的位置係店外, 所以要入去先付錢 !

同朋友行街,, 想搵地方坐低傾偈, 無奈Starbucks無哂位, 又唔想離開朗豪坊-_-就試下珍珠奶茶啦..嗌左tea set我o個個係綠茶toast, 佢既係藍梅toast綠茶淡到食唔出有綠茶味... 藍梅就食得出既..珍珠奶茶都ok不過toast 真係好普通.. 咁既tea set 要 $31 = 唔抵而且坐得唔耐, 又唔夠cafe 舒服唔推薦

真估不到這間的水準參差成咁:雞翼京麵--啲麵超難食,湯底非常咸,一句講晒,好非常難食,唔怪得知個套餐係最平$33,平嘢無好,原來係真的.花枝丸米線--都等咗一段時間先嚟,但嚟到發現是分開上的,花枝丸有四粒,炸得很,頗脆,亦不會太油膩,米線湯底亦算清.套餐$42,都有點貴.至於飲品無特別.

行完街歇一歇，同老婆坐左一隻 CD 既時間。以前我地會坐 L4 現在已關既 Pacific Coffee，同最後一場戲既人群一齊走。雙料朱古力雪葩 - 賣飛佛，冰凍既朱古力雪葩加入朱古力碎，雙重朱古力味。白朱古力雪葩 - 雖然老婆話鍾意較濃既雙料朱古力雪葩，但覺得一黑一白比兩杯朱古力色好睇..蜜餞雞翼麵線 - 細細碗，蜜餞雞翼入味但唔熱，麵線幼幼的，有半隻鹵蛋和海帶。這間仙跡岩比雅蘭中心的大，無 service charge 唔預有 service 喇！

俗語說不聽老人言, 吃虧在眼前; 計師傅話不看食評前, 吃苦就別怨言! 師傅就係一個活生生嘅例子, 話說早幾日兩口子喺呢個商場度逛街, 逛到條腿差唔多斷喇, 於是就喺附近搵個地方坐底順便飲杯野啦, 咁啱見到呢間食店, 就二話不說入去!入到去門口, 等左一陣先有人帶位, 一看下發覺店內唔算大, 不過好彩人唔算多, 冇左嗰種好逼同好嘈嘅感覺! 坐底後師傅二話不說就叫左杯大嘅青蘋果綠茶, 而友人由於唔渴所以冇落柯打, 點知個伙計就比左一個好不滿嘅眼神, 暗示師傅兩個人只係柯打一杯飲品!等左幾分鐘後, 大嘅青蘋果綠茶就放左喺枱上, 但一看之下發覺佢地係比左一枝粗嘅飲管, 因為師傅通常都係柯打杯細嘅, 所以飲管係幼身嗰隻, 但係就唔知係咪柯打大杯就比粗嘅飲管呢? 因為杯飲品係冇珍珠, 所以師傅覺得唔需要咁粗嘅飲管囉, 但係粗嘅飲管就會吸左d冰塊上黎, 令師傅覺得飲得唔過癮, 從而帶出左一個感覺就係要快d飲, 呢度唔歡迎坐咁耐! 咁當師傅飲完杯青蘋果綠茶後, 個伙計就好快咁過黎收杯, 家陣好趕咩? 師傅覺得佢直頭係想趕我地走!總括黎講青蘋果綠茶一如以往清清甜甜, 係幾吸引, 不過唔算太突出, 環境