影片
更多
2000-11-07
18 瀏覽
尋日去半島入面o既今佐食晏，去之前好有期望，話晒o個度係半島，個set lunch 又要幾百蚊，諗住點都有D 料到o掛﹖點知……<br>先o黎兩款頭盤，都唔錯﹕第一個係一D前菜，味道正常無驚喜；第二個係一個拼盤，有鮑魚仔、蝦同數片鴨胸，鮑魚仔味道一般，但蝦就唔錯，甜甜地，但唔太濃，味道清新，而且蝦結實爽口，作為前菜可勾起食慾，另外鴨胸更加好，又係有少少甜味，鴨胸唔肥，薄薄一片，易入口，連皮食味道更加相得益彰。<br>頭盤後就係刺身﹕有魚、三文魚、吞拿魚同海膽，個人比較鍾意食魚立魚同海膽，而佢o既魚生的確比較新鮮，且帶少少魚腥味，正！<br>接住就係炸物﹕炸帶子，而包住帶子o既係一D 碎果仁，由於帶子味淡，所以我覺得用果仁包住帶子炸會掩蓋o左帶子的味道，而且佢炸得太油膩，搞到下面張紙全張油，影響食慾。<br>之後就係主菜﹕燒牛扒，但係點知主菜就係最失望o既菜式，唔知係咪廚師忙得滯，牛扒燒得過火，面頭有燒焦味，咬落肉汁完全流失，以致肉質o鞋口，好在牛扒算靚，俾佢咁搞法都唔係好韌，但係一般日本舖都好食過佢，駛乜食咁貴﹖<
<br>
先o黎兩款頭盤，都唔錯﹕第一個係一D前菜，味道正常無驚喜；第二個係一個拼盤，有鮑魚仔、蝦同數片鴨胸，鮑魚仔味道一般，但蝦就唔錯，甜甜地，但唔太濃，味道清新，而且蝦結實爽口，作為前菜可勾起食慾，另外鴨胸更加好，又係有少少甜味，鴨胸唔肥，薄薄一片，易入口，連皮食味道更加相得益彰。
<br>
頭盤後就係刺身﹕有魚、三文魚、吞拿魚同海膽，個人比較鍾意食魚立魚同海膽，而佢o既魚生的確比較新鮮，且帶少少魚腥味，正！
<br>
接住就係炸物﹕炸帶子，而包住帶子o既係一D 碎果仁，由於帶子味淡，所以我覺得用果仁包住帶子炸會掩蓋o左帶子的味道，而且佢炸得太油膩，搞到下面張紙全張油，影響食慾。
<br>
之後就係主菜﹕燒牛扒，但係點知主菜就係最失望o既菜式，唔知係咪廚師忙得滯，牛扒燒得過火，面頭有燒焦味，咬落肉汁完全流失，以致肉質o鞋口，好在牛扒算靚，俾佢咁搞法都唔係好韌，但係一般日本舖都好食過佢，駛乜食咁貴﹖
<br>
最後有綠茶同芝麻雪糕，味道普通。
<br>
講完食物，講下環境同服務。環境的確係幾高級，人都唔多個，環境清幽。但係服務就真係無乜，唔知係咪環境太靚，所以D 侍應都唔出聲。
<br>
總括o黎講，俾咁貴價錢，換o黎咁o既質素就唔係咁抵，所以大家去之前唔好咁大期望……
張貼