今佐日本料理

營業中

休息中

今日係補祝我男友生日既(因呢度得星期六日先有buffet)門口有個哥哥招呼我地入到去見個環境真係好普通...絶對唔算華坐低無耐我地去攞野食啱啱有人攞盤海胆出唻嘩嘩嘩...係一板板細細板既海胆呀超新鮮,仲有牡丹蝦~~~好多好多一煮煮咁來架....我唔食魚生但我男朋友話好正架喎d人一有海胆出就會去攞..但會不停咁攞出唻架d蟹粥都唔錯架唯獨d酒煮鮑魚硬左少少雖則種類唔多..但鍾意食魚生,日本野既都係好低食架

星期六姨仔加薪請食飯, 指定要食日本嘢, 搵間cheap嘅即係睇唔起佢\。於是就搵咗IMASA啦。個晚只係有海膽任食, 無牡丹蝦。水準不俗, 唔係香港其他日本料理所食嘅大陸入口刺身。其他刺身同壽司都有好多款式。仲有味噌湯同蟹粥, 我覺得蟹粥似羅漢齌粥多d。冷盤有燒牛肉及燒鴨胸, 唔知係咪個日條脷有問題, 總係食\"物\"都無\"物\"味。熱食有10款到, 煎藕餅同炸帶子都唔錯。日式咖哩蟹個樣唔得, 但肉厚。Menu上面有6款手卷可選, 小弟好欣賞油甘魚及加洲手卷, 十分新鮮。最值得一讚係包手卷嘅紫菜, 係\"咯咯\"脆架。Menu上另外有稻庭烏冬, 煮得太淋同湯底唔夠香。Main course嘅燒牛肉同天婦羅都有叫, 但牛肉好\"鞋\"。天婦羅一睇就知個脆漿唔得, 食落都ok, 南瓜都不俗。甜品叫咗紅豆同柚子雪糕, 紅豆唔係日本d大粒紅豆, 有d失望。味道幾好。總括而言, 招呼唔錯, 不過見到d三文魚壽司擺\到乾晒都唔換。$400嚟講, 自己俾就唔會去食啦!......始終都係懷念多年前『雲海』嘅lunch buffet.---一絕！

好抵吃.... 無得頂... HK400 可以任食海膽同牡丹蝦, 如果, 出面食, 一定食唔到.... 好新鮮, 雖然, 係少野食D, 但如果鐘意食魚生.. 係好抵食, 但如果你諗住係好多野食同普通BUFFET 咁, 就會好失望...如果, 鐘意食魚生的話, 你一定唔會失望!!

4月23日同我男友一齊去食, $390/位, 係半島黎講可以話係超值, 雖然食物種類唔多, 但如果鍾意食刺身既話, 就一定可以食到番本有特! 夠新鮮! 夠多! 食極都有, 唔洗驚唔夠喉! 正!~~~~~

時常都想試吓半島的今佐, 今天終於摒棄一切等邊個邊個生日的念頭, 跑來一試....訂位時問及有冇海胆供應, 因為友人很喜歡吃. 但服務員說要視乎供應情況. 誰知, 到達後, 便看到一片片的海胆, 滿滿的舖在冰鎮小盤上, 好開心呢! 友人說時遲那時快, 已攻佔了一碟, 凱旋歸來! 海胆都十分鮮味, 厚厚的大大粒, 好似一條小海胆脷呢! 其餘的魚生共有7-8款, 都比一般的新鮮, 平常吞拿魚常常有根, 但這裡的沒有. 最好味的係甜蝦, 好大隻, 沒有重金屬味. 熱盤都ok, 燒銀雪魚唔錯, 但唔係好熱, 始終唔係即燒嘛! 鰻魚旦卷都幾好味, 旦幾軟, 鰻魚係我的至愛, 梗好味啦! 鴨胸, 燒雞片?? 都ok. 蟹粥, 燉旦, 麵鼓湯, 沙律, 手卷可以不試. 另外可以點一客主菜, 我們分別點了燒牛肉和軟殼蟹天婦羅. 個牛肉我們分別吃了一口, 都覺得很不滯, 很乾and un, 沒有肉汁, 大家都望已卻步了. 反而個天婦羅都ok, 軟殼蟹好大隻吓, 多肉, 都ok. 而個蕃薯係整個天婦羅中我覺得最好味的, 比南瓜還要甜.... 甜品方面可以完全不提. 最後可以orde

同成班同事第二次一齊去食, 發筧冇上次咁好, 因為今次係order任食, 上次係buffet形式, 任選任擇. 雖然今次係order任食, 但款不多. 唔知係咪我成班同事食速度快, orderd食得好慢. 不過食物質數都尚算幾好, 如果勁鐘意食魚生就抵. 否則.... 我最鐘意係食蝦, 海膽同銀雪魚! 另外, 因為我人多關係, 所以所有雪糕都叫齊, 每樣都有試, 推介有南瓜(夠creamy), 蘋果(夠清甜), 棷子(夠香滑).

一個月前已book 好去半島酒店食日本菜，本來大家都好期待，但卻失望而回。雖然話係一級酒店及任點任食，我亦無將它與一般日本料理相提；但收得$390一位，是否應對這個價錢負上一點責任? 如果講是食地方，我又唔覺得特別出色，裝修簡潔但沒又特式。被安排了坐在只有兩張四人的房間內，都ok，頗寬敞。服務是有水準的，因我們雖坐在房內，侍應都常常會來看我們有沒有須要。坐下來，看看餐\牌上任點任食的選擇, 真是出乎意料的.........少!- 前菜: 雞肉塊(一塊1吋x1吋的chicken cake), 兩片八爪魚, 一小塊醬醃茄子, 買相尚可, 味道一般, 非常一般；- 海膽(鮮味, 但每人限300g, 只可order一次)；- 三款魚生(很新鮮) 及牡丹蝦(很大隻且鮮甜)；- 豚肉拉麵(拉麵很滑, that\'s all !)；- 炸蝦及蔬菜天婦羅(不過不失)；- 類似卥肉的東西(以為在吃台灣菜，一點都不好吃) 以上便是全部可供選擇的食物，可能還有一至兩款，但已記不起來，好食極有限...最後亦是最好味的要算是甜品，亦只可order一次，是原個生果的雪榚甜品，有南瓜、西柚、菠蘿味，但最

服務幾好,自己識行埋黎執野最中意係d魚生,好新鮮,特別係蝦,海澹同帶子蝦,帶子同海澹的口感一流海澹一點苦味也沒有蝦好新好正甜品我揀左南瓜雪糕,第一二啖好正,不過食落去就開始愈來愈creamy,好漏

坦白講去過半島食過幾次野印象都好好,但今次去食日本菜放題就好失望,首先環境唔掂無窗不特止,裝修又簡陋,好像臨時開設咁,食物方面刺身真係好一般唔覺得特別新鮮,熱盆更加唔好食選擇唔多,還有刺身叫了頭一次第二次好久才到,咁貴食D咁o既野,一D都唔直!

服務及食物手準一流，牡丹蝦最掂，夠新鮮。最喜歡有個待應隨傳隨到及講解。七五折0左個價錢都可以接受，不過訂位就難0左。

Just a short remind that the 25% off on menu prices valid from 1st May to 11th December 2003. For further details pls refer to:http://newscenter.peninsula.com

Since 75th Anniversary, 25% off for all restaurant inside. (to 21 May, if correct)-----------------------------------------decoration is quite poor for me, not attractivem, cozy, staff are not very attentive.<br />Tried one of set lunch, $260, overall taste and feeling is just so-so, not high class standard.<br />But be reminded that the set in fact is large in portion, and many courses together including not top sashimi, rough appetizer, miso soup, ok tempura, ok lobster (normal

Dinner Buffet 選擇雖然唔多，(無海膽、無拖羅)但勝在新鮮、好味！ <br>無乜人、唔洗掙~ <br>個人認為除o左甜品外，質素好過鹿悅多多聲~ <br>不過都係唔抵食~

我算唔算好彩呢，話晒我都好想試呢間店o既食物，既然你俾咁o既食評，我放棄喇！

尋日去半島入面o既今佐食晏，去之前好有期望，話晒o個度係半島，個set lunch 又要幾百蚊，諗住點都有D 料到o掛﹖點知……<br>先o黎兩款頭盤，都唔錯﹕第一個係一D前菜，味道正常無驚喜；第二個係一個拼盤，有鮑魚仔、蝦同數片鴨胸，鮑魚仔味道一般，但蝦就唔錯，甜甜地，但唔太濃，味道清新，而且蝦結實爽口，作為前菜可勾起食慾，另外鴨胸更加好，又係有少少甜味，鴨胸唔肥，薄薄一片，易入口，連皮食味道更加相得益彰。<br>頭盤後就係刺身﹕有魚、三文魚、吞拿魚同海膽，個人比較鍾意食魚立魚同海膽，而佢o既魚生的確比較新鮮，且帶少少魚腥味，正！<br>接住就係炸物﹕炸帶子，而包住帶子o既係一D 碎果仁，由於帶子味淡，所以我覺得用果仁包住帶子炸會掩蓋o左帶子的味道，而且佢炸得太油膩，搞到下面張紙全張油，影響食慾。<br>之後就係主菜﹕燒牛扒，但係點知主菜就係最失望o既菜式，唔知係咪廚師忙得滯，牛扒燒得過火，面頭有燒焦味，咬落肉汁完全流失，以致肉質o鞋口，好在牛扒算靚，俾佢咁搞法都唔係好韌，但係一般日本舖都好食過佢，駛乜食咁貴﹖<