仁芝初

營業中

休息中

約咗朋友喺旺角食晏，之後各自歸家。本來想去附近買點零食給家人做下午茶，途經通菜街，看見這間甜品店，原來舖頭新開張，試業期間堂食及外賣自取，一律九折，就一於買番幾款回家同屋企人品嚐。問店員拿了餐牌，原來店舖主打自家手工糖水，全部新鮮即製，一共有 14 款，大部分都可以揀凍食或者熱食，定價由 $26-$38 不等， 另外亦可以選擇雙拼，加湯丸、蕃薯、芋圓或雞蛋。揀咗楊枝甘露、芋茸蓮子西米露同夠薑蕃薯糖水，三款糖水都用闊口紙杯盛載，個蓋冚得好實淨，而且店員亦包裝得十分穩妥，就算搭了一程車回家亦完全沒有漏瀉。先嚐至愛的楊枝甘露 ($38)，杯內有不少芒果肉、西柚肉和粒粒西米。芒果味道好鮮甜，而且切得又夠大塊；西米勁大粒，好有咬口；西柚肉冰冰凉凉，加埋入面嘅椰奶，入口酸酸甜甜，好醒胃，很適合夏天享用。芋茸蓮子西米露 ($26)  芋頭磨成泥，煮得非常幼滑，入口很清香，加上軟爛的蓮子和煮至呈透明狀的西米，味道清新，一點也不甜膩，好吃。另外呢款夠薑蕃薯糖水 ($26)  亦做得很出色，杯內約有四五件金黃閃亮的大蕃薯，食落綿軟無渣，正。糖水應該係用咗老薑攪拌成薑汁煮成，薑味很突出，辣到無朋友，卻又令人

太耐無出街，今日同阿仔出去旺角行下，旺角靜左好多，想行下女人街，點知d街檔直頭無開，以前只會望見行緊個邊的食肆，而家反而突顯左兩邊的食肆，見無野行，於是去左一間試業的新糖水店買外賣返屋企消夜。呢間舖頭個名幾特別~仁芝初=杏仁露、芝麻糊同搓湯丸🤔我係咁諗😆呢度舖仔細細，裝修簡潔，牆上以超人為主題作粉飾。而個甜品餐單簡單直接，設計上卻見心思，無論封面的插畫，至內頁以繪畫形式介紹糖水，真的不簡單，呢兩位創業的年輕人，我真心欣賞。最後，我由旺角坐巴士返慈雲山，三碗外賣糖水一漏不漏，熱的糖水仲係暖嘅，最欣賞係個蓋，令倒汗水不會滴返落碗糖水度。熱生磨芝麻糊~芝麻糊夠香，夠滑，無得彈。熱夠薑蕃薯糖水~夠薑，夠辣，係我至愛的蕃薯糖水口味。凍楊枝甘露~滿口的芒果香味，加上金柚，更突甘甜，阿仔至愛。香港的糖水市場都爭得好利害，以「仁芝初」小店經營，希望可以努力生存下去。

#潤一潤 #心情都靚啲每次打完邊爐呢都會好熱氣，飲涼茶對我來講太涼，所以我每次都會去整返杯腐竹白果糖水下火兼潤喉。最近試咗幾間糖水店，都係鍾意仁芝初呢間，通常我都外賣返屋企慢慢嘆，呢度外賣用紙碗，為環保出一分力，值得一讚👍今日叫咗我嘅例牌腐竹白果糖水之外，仲叫埋蓮子紅豆沙同埋楊枝甘露慢慢嘆。呢度嘅腐竹白果糖水係非常之咁足料，腐竹迷必食，成個糖水變成奶白色🥰啲腐竹煲到溶晒淡淡腐竹味，超正！同埋啲白果一啲都唔苦，仲好香少少回甘，連啲薏米都軟林林到好似西米咁棉😋然後呢度個楊枝甘露都好好味，個楊枝甘露唔會死甜，仲要個質地好creamy同爆香芒果味，加埋個芒果好清甜，凍食一流！老公就最鍾意食蓮子紅豆沙，呢度個紅豆沙唔會太甜，覺得啱啱好，而且蓮子都去晒芯，紅豆又煲到爆曬岀晒味，老公就最鍾意飲糖水，而我就至愛食剩返啲紅豆渣🥰

旺角新開左買傳統嘅糖水舖！餐廳環境舒服，仲有啲模型擺設，好似一間Cafe甘靚甘舒服😍！但係買嘅竟然係傳統中式糖水，整體俾人一種好整潔嘅感覺。木瓜燉雪耳 $28有少少薑味😍😍😍，幾舊大嘅木瓜，雪耳份量都好足料😍😍合桃露$28 杏仁露 $28呢兩款中式甜品唔係度度都有得食🥺。之前有試過食一d勁甜嘅完全食唔落。呢間甜度適中，而且質地都好幼滑。🥳呢間做到幾正統嘅嘅中式糖水，暫時食呢三款就好味，係係我地記憶中傳統中式糖水應有嘅味道😛😋

知道好多地方買嘢有減價，所以今日下午出咗去血拼一下。行到攰想嚟個中場休息。 入到依間糖水店感覺很舒服， 佢哋營造嘅社交距離很大很闊， 光線又舒服，放了一些Marvel figure加一啲畫,仲有我至愛嘅Deadpool畫像,叧外仲播住首首都啱聽嘅歌，勁播Dear Jane,周國賢（仲要播”橡筋”）等嘅歌，點左糖水未到可以聽住歌等，正👍芋茸蓮子西米露 $26 （$8 三粒湯丸）嚟到見到咁大碗覺得自己食唔曬，但係一陣濃濃嘅芋頭味，除咗有分明嘅西米粒之外仲有有咬口嘅蓮子粒，感覺上湯圓係自家製嘅因為佢有得賣生湯圓暫時佢得黑芝麻餡，。整體上成碗糖水嘅甜度同溫度都剛剛好。 楊枝甘露$38另外叫咗一碗楊枝甘露，好耐冇食過一碗係咁重而且唔假嘅芒果味，裏面嘅芒果粒都係大大粒鮮甜可口， 真材實料而且仲有柚子條和少量西米粒，冰冰涼涼又啱口味，食完個人好舒服有力量再去血拼了！

係旺角行完街食飽飯，比我發現女人街尾開左間糖水店😋，但因為剛食飽晚飯，所以冇留底堂食， 外賣回家同屋企人一齊食。👍⚛ 楊枝甘露 ～ 仔仔最愛 ，芒果大大粒又夠鮮甜，西柚唔會酸岩岩好。⚛ 芋茸蓮子西米露 ～ 見到呢到加8蚊就有芋圓緊係加啦，因為媽咪好喜歡軟糯的食物，芋茸夠香綿配合蓮子一齊煲西米露很夾。⚛ 生磨香滑芝麻糊 ～ 識我嘅人都知我有掉頭髮問題，所以我去親糖水店都必點芝麻糊， 今次因為買回家同老豆分享我特別加左湯圓， 熱的芝麻糊特別香濃，加配湯圓絕配。我幾欣賞呢間小店，因糖水唔會太甜，加上自家手工製，每日新鮮製造。

今朝食左早餐之後都無再食野，到了下午4-5點的時間，有點肚餓但就快食晚飯，就去了樓下還碗糖水頂下肚。這間新開的甜品店，主要是售賣中式糖水為主，款式都有十多款，並且標榜糖水是每日新鮮製造，值得一試。生磨香濃合桃露拼芝麻糊兩溝後都各自嚐到芝麻及合桃香，質感幼滑，味道唔會太甜，完全唔似用粉開，真材實料，食到最後都唔會有渣。楊枝甘露超多香甜的芒果及柚子，另外還有西米，夏天食涼浸浸，可解暑氣。木瓜燉雪耳女人至愛平價補品，雪耳及木瓜佔了大半個杯，十分足料，木瓜香甜，木耳爽脆。

🔸楊枝甘露 $38🔸木瓜燉雪耳 $28🔸生磨香滑芝麻糊加湯圓 $34-食完飯又想食甜品，今次揀咗食中式甜品潤吓喉、養下生，見呢間糖水舖新開張，有試業九折優惠，就買來試試😋⚫️香滑芝麻糊一打開就聞到超香嘅芝麻味，而且磨得超滑，食得出唔係沖粉嘅hea嘢！再加+$8有三粒芝麻湯圓，double芝麻味，勁正！⚪️木瓜燉雪耳超養顏嘅糖水，每次食完都會覺得喉嚨好舒服😌入面嘅木瓜超大舊，仲係靚生果嚟，雪耳又係大大舊，唔係碎濕濕嘅，超足料抵食！🥭楊枝甘露寫住係皇牌，一定要試吓啦！入面嘅芒果肉超大粒，仲有好多粒柚子肉，成碗都好杰身，果然係鎮店之寶啊！

女人街開咗間新既中式糖水店 - 仁芝初睇落似家庭式經營而明顯地係新一代主理因為裝修簡約既同時又不失老闆特別美國英雄聯盟盡顯其店新人事 新作風真係唔覺得係糖水舖而餐牌唔會再係硬照拍攝即煮好既實物 照相成餐牌而是手繪 都真係幾靚！簡單不失重點 一睇即明 楊枝甘露 $38細路仔口味既我 每次去食中式糖水 都會點楊枝甘露食得多 都可以分到真假真材實料 呃唔到人哩碗楊枝甘露 落重本 芒果肉大大粒上香甜 鮮芒味濃 鮮忌廉落得唔會過多 搞到「結」晒健康左百合香草綠豆沙 x 生磨香滑芝蔴糊 $26落足材料既綠豆沙可以係碗度撈到百合 香草但因為max 左個濃濃既芝蔴糊好快就被搶過去建議唔好咁max 友人貪婪 想一次食晒2款不同口味就出事啦！但都食到芝蔴既香滑既生磨香滑芝蔴糊 $27（外賣）為表誠意 外賣碗芝蔴糊返去比屋企人食外賣黎講 用上紙盒 就知道 小店既經營理念肯用d環保產品 真係不易講返芝蔴糊 經過一段時間拎返屋企 都重係咁香而且夠曬味 有一亮點 老闆同發哥既合照😂支持小店啦～

今日星期六，出去工作後，經過見到這家新開甜品店，乾淨企理，決定買糖水同家人滋潤一下。一次過買了3款熱賣產品。楊枝甘露 （皇牌）芒果肉🥭香甜多汁，芒果汁底非常幼滑，芒果味濃郁，西柚肉酸酸甜甜，西米爽口，凍飲特別適合夏天，好醒胃。生磨香滑芝麻糊我特別鍾意石磨製，芝麻味特別突出，熱食最香濃，我買時剛剛新鮮煮好，芝麻味特別香，口感幼滑，養生之選～芋茸蓮子西米露芋茸完全融入西米露內，啖啖清新芋頭香，細心隔走纖維，口感幼滑無渣，蓮子粉糯，甜度剛好。傳統甜品有一種魅力，勾起段段童年回憶。

嫁來香港這麼久一直很喜歡香港的糖水店，今天剛巧跟老公經過這一家，發現是新開張不久的店子就拉著老公試了店主很年輕也很親切，牆上貼了很多漫威的東西，於是喜歡鋼鐵人的老公就跟他聊了幾句，把我掠在一邊好一陣子總算坐下後，發現餐牌上的圖畫挺可愛的，偷偷在心裡加了分這家店中式糖水比較多，本來想點冰糖燉木瓜的我被壞壞的老公取笑說「妳不需要再吃木瓜吧～」於是我就點了楊枝甘露(我是想點西瓜，因為老公的綽號是西瓜，可惜沒有)，等了不久店主就親手送來了，加分～材料很足夠，而且可能因為店主在有名的糖水店修練過(這是他告訴我們的！)，因此味道跟平常吃的有微妙的不同，彷彿芒果跟柚子完美地合奏出一首舞曲，柔和地滲透進我的體內，使我整個人被西米露的汪洋包覆著。總的來說，這次吃糖水的經驗是愉快的，臨走的時候店主也特地送我們出門，兩個男人又多聊了一會鋼鐵人，最後答應店主下次會再來後就走了亮亮評分：4.5(扣了0.5是因為兩個男人經常在聊漫威都沒怎麼理我)