仁芝初

營業中

休息中

現在的糖水店大多是賣新穎款式的糖水，舊有的中式糖水反而愈來愈少了。今日難得在旺角找到一間，餐廳還在試業中，一律九折，所以就外賣了幾碗回家享用。餐廳地方不大，只得數個座位，裝修簡單，店內放了很多MARVEL 擺設，應該店主的喜好吧。餐廳選擇不算多，主要賣舊式中式糖水，是老闆自家手工製，每日新鮮製造。鍾意他們的糖水不會死甜。外表白雪雪的白果薏米腐竹糖水，低卡健康，腐竹煮得溶溶的，溶得像豆漿般的口感，令糖水多一份豆香味，薏米白果煲得淋身有咬口。芋頭西米露食得多，芋蓉蓮子西米露就第一次食，鍾意海量晶瑩剔透的西米，用上芋蓉來煮，令糖水比較濃稠幼滑。滋陰潤肺的木瓜燉雪e，木瓜夠淋身，甜度剛好。

After lunch, we saw a new restaurant next door. It was a Chinese dessert shop located in Ladies Market.  As the weather became colder, it was a good time to have something sweet yet healthy. And Chinese desserts are always the answer.The place wasn't too big with some interesting collectible toys and comic books. It seemed the owner must be a comic book fan. Seating was sparse and not too cramped.Menu is in Chinese only but they have drawings of all their items. There is no 10% service charge.Bo

濃得像溶了芋頭的芋茸蓮子西米露～～～難得星期六 同大嚿去咗旺角附近行街 行到攰攰地我哋就嚟咗呢一間朋友介紹嘅甜品舖食甜品 得意嘅鋪頭名 令我哋一聽到就好有興趣點知去到嘅時候就黎落雨 所以我哋最後決定都係買外賣返屋企食😆～～～餐廳嘅裝修幾簡潔乾淨 仲有啲模型擺設 係大嚿鍾意嘅Marvel系列 環境幾舒服 可惜就落雨 如果唔係都會想坐喺度食～～～睇完餐牌之後 我哋就叫咗三個甜品 買返屋企同屋企人一齊分享 包括有芋茸蓮子西米露 生磨香濃芝麻糊 同冰花燉蛋🥚～～～芋茸蓮子西米露：靚靚嘅粉紫色令人心醉 食落芋頭味非常濃郁 直情弄到好似溶咗粒芋頭咁 非常足料 我哋仲額外加咗芋圓 煙煙韌韌嘅芋圓 非常彈牙同呢一個西米露好夾 推介大家都咁樣配搭黎試吓😋～～～生磨香濃芝麻糊：黑漆漆嘅芝麻糊係我哋想要嘅甜品 可以防長白髮之餘 對身體亦都有好多好處 係一款好健康嘅中式甜品 而呢度嘅芝麻糊味道亦不錯加埋芝麻湯圓食 就更加豐富😁～～～冰花燉蛋：由餐廳去到返屋企 經過多輪撞擊之後 外貌變得不討好 雖然外表不再漂亮 但係食落去味道依然好吃 香香甜甜 蛋味幾重 屋企人都好鍾意食😊～～～推薦度：🔥🔥🔥🔥🔥🔥🔥🔥仁芝初

喺旺角見到有間新開嘅糖水舖，個名幾得意叫【仁芝初】，就諗住買啲糖水外賣返屋企同屋企人食。原來呢間舖頭主打係中式糖水，咁就叫咗三款試下，包括生磨香滑芝麻糊、楊枝甘露、同埋木瓜燉雪耳。個芝麻糊好香滑而且芝麻味好濃，鍾意芝麻嘅朋友一定會鍾意依個生磨香滑芝麻糊。 另外楊枝甘露係重點推介，入面嘅芒果粒超大粒、超多，最緊要d芒果又好甜，加埋金柚嘅味道既甜又酸，所以覺得楊枝甘露超正。木瓜燉雪耳就超潤喉，雪耳同埋又可以養顏，食得多都對身體好最緊要，木瓜同雪燕畀人一種好fresh嘅'感覺，夏天食一流！

MK 旺角 • 仁芝初 (旺角)📍 旺角通菜街2Q-2Z號鴻輝大廈地下6號舖➰將近進入秋冬，介紹近期新開張的中式糖水舖「仁芝初」，滋潤一下☺️ 五星抵食🌟➰楊枝甘露 $38木瓜燉雪耳 $28生磨香滑芝麻糊 $26加芝麻湯圓三粒 $8➰楊枝甘露有最少五大塊鮮甜的芒果肉，不少西柚和西米，好抵食，補充維他命C之選😆 木瓜燉雪耳透心涼，而雪耳含植物性蛋白質，滋潤皮膚；木瓜則含胡蘿蔔素，平衡皮膚油脂分泌👍🏼 黑芝麻糊好香，超級大碗🤩 芝麻含鐵質及鈣質，是頭髮生長的營養素，其飽和脂肪令頭髮帶光澤，不過卡路里偏高🙈———————————📌 Instagram: penguin_foodblog

到底我有幾耐無食中式糖水，都應該真係好耐，我愛中式糖水，不止甜蜜，還愛養生。放工後去旺角買了文具，附近有間中式糖水叫仁芝初，覺得很有文化，亦真係好想食，就叫外賣，都要滋潤下。本身想食皇牌，但賣曬，最後揀左以下三款：芋茸蓮子西米露：我叫凍，老公中意凍食，打開蓋見到淡紫色已經很喜愛，芋茸其實是芋頭磨成茸，很幼滑，勁香芋頭味，比起泥再稀少少，我相信應該有隔渣，仲有棉滑的蓮子及西米，唔錯。白果薏米腐竹：奶白色糖水很清香，白果無苦味，份量適中，薏米有口感，很滑口，軟身，腐竹已溶左，不過我喜歡食到一片片的感覺，味道微甜，很足料。木瓜燉雪耳：熱辣辣，木瓜份量夠，很大件，木瓜非常清甜，雪耳爽滑，很口感，煮得剛剛好，而且大塊雪耳，很乾淨，非常養顏

到旺角買點電腦產品，途經花園街、通菜街一帶，就順道逛逛，看到這一家新開以賣傳統糖水為主打的甜品店，見其定價相宜，就買點甜回家跟家人共享。小店地方不大，但裝潢不錯，還放了很多英雄模型，感覺還有點潮呢！店員介紹其糖水都是自家手工製，雖然，款式不多，但可以說是貴精不貴多，每款均是用心製作。而且，以旺角區而言，定價實屬相宜。這個不是芋頭，是芋茸喔！「芋茸蓮子西米露」（$26）是將芋頭磨成芋泥來做，所以，芋味十足，口感幼滑細膩，加入西米，添了幾分咬口感，而蓮子粉糯清甜，食得出用靚料。另一款糖水「蛋花馬蹄露」（$26）較少見了，所以，有點好奇其味道如何。蛋花打得漂亮，馬蹄露味道清甜不膩，爽口的馬蹄粒粒亦增加了口感層次。以上都是單價，試業期間，外賣更有九折。試過兩款糖水，感覺是真材實料的出品。

今天同姊妹去旺角購物，發現通菜街有舖頭新開張，「仁芝初 Art of Dessert」裝潢格調很好，環境相當不錯，姊妹話要進去外賣糖水。試業期間堂食及外賣自取，一律九折，位於旺角區，地理位置方便，環境舒適，有一份雅緻休閒，整齊優美，燈光柔和，氣氛輕鬆。糖水是自家手工糖水，即時製造，多款糖水任你選擇，餐單添置糖水的款式及價值，有冷有熱食，未食巳吸睛，期待品嚐糖水。我喜歡食水果，選擇了楊枝甘露，姊姊選擇木瓜燉雪耳另加湯圓，妹妹選擇蓮子陳皮紅豆沙另加湯圓，利用闊口紙杯盛載好實，不怕會倒出來。 楊枝甘露 楊枝甘露是凍食，入面有很多芒果肉，芒果味香濃，芒果鮮甜好大粒，增加口感，西柚肉多汁，西米十分爽滑，清涼的快感，令人心曠神怡，喝後在喉嚨徘徊片刻，充滿優雅不膩的滋味，口感細膩的糖水。木瓜燉雪耳木瓜燉雪耳是熱食，十分滋潤，木瓜清香，雪耳軟滑容易入口，不會太甜，口感很好，帶出優雅的情調，另加$8有湯圓三粒，芝麻湯圓很香芝麻味，任何天氣適合食的糖水。蓮子陳皮紅豆沙另一款熱食是蓮子陳皮紅豆沙，紅豆沙香甜，紅豆味很出，同陳皮味很配合，蓮子巳去芯，另加$8有湯圓三粒，芝麻湯圓口感豐富，帶出絲絲甜意在心頭，入

仁芝初⁣剛開業三星期的仁芝初位於西洋菜街（近廣華醫院附近），剛巧避雨路過，便入內一試。⁣仁芝初主打中式甜品，其中芝麻糊/杏仁露/合桃露均是每日自家鮮製。小編分別試了黑白雙拼配芋圓🔘🟣合桃露拼芝麻湯圓🟠⚪️楊枝甘露🟡🔶⁣首先傳統甜品十分出色，合桃露香而不甜，帶有陣陣合桃、米香；芋圓十分Q彈，湯圓皮薄且滑，十分推介。楊枝甘露亦有不少芒果柚子，份量十足。⁣個人覺得位置方便，需要飯後甜品的朋友不妨一試。⁣

如果你問我旺角有咩中式甜品好推介，呢一間糖水鋪一定唔可以錯過。位置就係女人街，非常方便，而且種類都算多，包保你你食到唔停口。店鋪非常乾淨衛生，好放心。今次試咗三碗糖水，分別係黑芝蔴拼核桃糊，楊枝甘露同香芋西米露。核桃糊仲加多咗三粒湯圓，入邊係黑芝麻餡，我最鍾意好好味！楊枝甘露入邊有芒果同埋新鮮嘅柚子肉，酸酸味味口感非常唔錯。香芋蓮子西米露，香芋味好濃，好耐冇食過咁好食嘅中式糖水啦！價錢親民而且款式都幾多，行過不妨入嚟試下。

食完雞煲落到樓下見到依間迎開糖水鋪, 新到招牌都未搣, 原來試業中! 見唔到就話, 見到就想食糖水, 就入去外賣番屋企食~ MENU設計幾靚幾吸引, 好多款中式糖水, 而且係每日新鮮製造, 依D手工野又傳統令我有D期望~店入面既裝潢好簡單, 簡潔明亮又唔會好迫狹。外賣包裝整潔, 盒面上寫上簡單字以識別邊碗打邊碗, 貼心。楊枝甘露 大大粒芒果, 當然唔少得柚肉同西米, 楊枝甘露好香甜, 味道岩岩好!芋茸蓮子西米露 推介! 芋茸味道好突出, 融入於西米露內, 所以質感杰身, 好濃郁呀! 加上甜甜地既蓮子,  絕配! 中意芋頭味既人不可以錯過。白果蕙米腐竹入口好滑溜, 白果香重, 底部好多蕙米, 每啖都食到D好有口感, 腐竹已經煲到碎哂變左精華, 整體味道清甜,  好味~相信依間糖水鋪真係完全手工, 做既糖水既味道都好天然, 又香又甜反黎唔會有死甜味,  LIKE!

星期五放工的晚上當然要來一碗糖水獎勵自己，晚飯後近近地去左屋企樓下新開糖水店「仁芝初」，佢地主打自家生磨糊糖水及其他中式糖水生磨香滑芝麻糊質地濃稠，口感香滑，黑芝麻味道好濃郁！食得出係真材實料用黑芝麻生磨的蓮子陳皮紅豆沙+芋圓紅豆沙都幾足料，有唔少紅豆同蓮子，充滿粒粒口感。另加的芋圓有兩款：芋頭同番薯地瓜口味，煙韌彈牙有嚼勁薑汁芝麻湯圓一碗大約有六至七粒湯圓，細細粒，一口一粒剛剛好。湯圓好軟糯，內裏嘅黑芝麻充滿沙沙口感，香甜可口

今日出旺角同朋友一齊睇戲，睇完見時間仲早於是食埋甜品至返屋企~間甜品鋪新開，裏面裝潢簡潔，坐落好舒服。店鋪賣中式甜品，我地兩個人揀咗三樣，包括熱冰糖燉木瓜（$28）、熱薑汁芝麻湯丸（$26）同埋凍生磨香濃合桃露（$28）。冰糖燉木瓜食落好清潤，加上木瓜本身夠熟，所以好甜好好味。合桃露聞落已經非常香濃，食落果然好香合桃味，質地好好幼滑，不過又唔會太稀。另外佢甜度適中，唔會搶左合桃既香味。薑汁芝麻湯丸既湯丸竟然有8粒，出手好大方！湯圓皮薄餡靚，芝麻餡又多又香濃，咬一啖就流出黎，食落覺得好幸福！

自己都鍾意食糖水🤪今日經過家樂坊附近見到有一間新開嘅糖水舖 ～有中式有西式，仲要係自家手工製作，每日新鮮製造🥰新開張期間全部甜品有九折🤩望一望餐牌價錢亦唔貴 咁就外買左幾碗同屋企人同一齊食～叫咗生磨香滑芝麻糊丶生磨滋潤杏仁糊同埋楊枝甘露楊枝甘露好足料🌟入邊有好多舊芒果亦都有柚子 非常清新芝麻糊非常潔身 亦都好滑芝麻味好重杏仁糊聞下去淡淡杏仁香 吃下不太甜，有滋潤功效😁食完晚飯再食碗糖水 ～令人心曠神怡💯

今日出開旺角，見女人街街頭新開左哩間糖水店，價錢唔貴新開張仲有9折，就買返碗糖水返去同屋企人一齊食。糖水店款式唔算多，全部係中式糖水，廿幾蚊就有交易，比起而家食個甜品郁啲都一百幾十抵食好多，有時做到攰想食返啲甜野，都唔洗諗過度過。薑汁芝麻湯丸($26) - 湯丸比超市買倒嘅現成湯丸細粒，不過湯丸皮幾薄幾滑，芝麻餡亦夠香，一碗有八粒好足料，薑汁味夠重但唔會太辣，都幾好食。楊枝金露($38) - 平時食倒嘅材枝金露啲芒果都係切到細細粒，但哩度嘅芒果就大大塊，仲要有好多塊，楊枝金露酸甜味啱啱好，唔會得死甜，整體唔錯。百合香草綠豆沙($26) - 唔知係咪因為將綠豆打到爛晒，哩度嘅綠豆沙係見唔倒完整一粒綠豆，不過口感就比平時食倒嘅綠豆沙杯杰好多，所以食完都幾飽肚。