仁氣居食屋 (已結業)

之前學校miss食過介紹俾我地, 話$98任食有刺身火鍋, 刺身又唔會薄it it, 算係幾好幾抵食~今日同同學食晚餐黎左呢度食, 9個人任食要左一個火鍋湯底,壽司選擇不多, 連玉子同蟹子都冇, 叫左幾次至有黎左一碟蟹子壽司, 再叫就話冇晒tim~而鰻魚壽司d鰻魚就一d都唔好味, 唔知點解好腥其他都幾ok, 我地狂食左勁多刺身都ok, 一般厚度, 三文魚就唔錯, 但其他就麻麻,有一種好深色的我不敢吃, 但聽同學說頗難食火鍋都幾好味, 大家都覺得牛丸好吃, 不會死實實的,白蘿蔔煲淋後吸滿湯的精華, 超級好味呢!!總括黎講呢個價錢呢個質數都算幾抵,當然不能同酒店buffet比, 而且食物選擇不多,但味道絕對不算差, 所以都食得好開心~~~

本身因為係學生，消費力唔高今日係華懋個度睇完戲，諗住搵個地方醫下肚仔（順帶一提，華懋ｄ戲票夠平，個戲院亦都ｏｋ可以接受，係人氣差左ｄ，睇鬼片最好唔好揀呢間）咁岩有個ｆｄ話呢間野７點前半價（我地去個陣４點幾啦）就去左，未入去，已經有職員係度推銷兩件壽司／三件魚生＋一款日式小食＋一杯飲品（橙汁，蘋果汁，茉莉花茶）２５蚊加多５蚊有個主食跟（ｘｘ拉面／烏冬／飯，有成七八款）（要５點前落單）（就算唔叫野飲都有茶任飲）另外２８蚊樓下ｇｅ壽司半價，２８蚊樓上八折咁３丁友，就叫左３個ｔｅａ，另外再跟壽司刺身．．．三個ｔｅａ，前菜分別係兩份魚生一份壽司壽司係一件三文魚一件魷魚，刺身就一份三件刺身抵食ｄ，大件，厚身，脂肪分佈平均，另外係腩仔黎ｇｅ，夠哂得小食跟左一份雞肉串燒（兩支，ｄ汁好正）一份雞軟骨（ｄ醬又係好正，係椒鹽脆炸）一份魚餅（呢個ｏｋ，食落可以接受，不過．．．我本身唔係好鐘意食魚餅ｇｅ）主食要左一份親子飯（三個人，一陣就分哂，ｄ蛋蛋好滑，雞肉又好嫩，ｄ汁都好入味）一份豬扒拉面（第二個俾人瓜分ｇｅ主食，ｄ豬扒炸得好香口，配上ｄ醬，外脆內滑，無得彈）一份豬扒滑蛋飯（點菜時候無為意，其實呢個都好食，

相信像我這年紀的香港男子，應該沒有太多人未有迷戀過黃金俠金光閃閃的打火機，一個轉身就變為大鐵甲人，多威風多英勇，細個都不知幾恨有一個當年要買超合金一定無可能，去扭蛋五蚊隻就十隻有八隻都係雜蛋這天是下著大雪的星期五，收工與吃飯，她帶了珍藏的黃金俠超合金出來我當然唔會變身又變身就算，一於羅佢黎拍下沙龍寫真，大鬧尖東仁氣以上左手面的一張我最滿感意，成隻差一步就掉落豉油碟，好有動感呢待應見我地玩得咁投入，都唔知上唔上0的壽司比我地好，我就一於懶理，玩完先算，搞到咩鬼都打瀉哂，哈哈﹗食左唔係好多野，不過價錢大眾化，壽司好新鮮，值得推介比大家﹗

屬仁氣既大長今會(打牌既)開業至今,我諗應該有年零二年,但我都未曾幫襯過,次次都係幫襯仁氣,咁啱朋友X生日例牌雀局,我哋就揀咗"大長今"<食物>日式雀局套餐"竹"1)牛肉鍋(超多牛肉)2)燒鯖魚(好大條好好味)3)牛油什菇4)刺身5)壽司8件6)燒雞7)飲品<服務>一流,定時定後會幫您換毛巾同茶,仲可以存放蛋糕8小時雀局套餐$538+電動洗牌機$80(每小時加$10) = $680

8/9(六) 6:45pm友人推介的食店;與友人一行四人興致勃勃的把臂同行欣賞古巨基的"Magic Moments"前,致電到此店訂了座.準時到埗,給安頓於近迴轉壽司帶的卡座,總算坐得舒舒服服!和風格局,米色牆身,平實的木方桌椅;唯桌與桌之間散落得較密集,鄰桌的對話一清二楚.餐廳內設散叫或任食;我們則選了$98任食:鍋物,刺身及壽司任食,加$28罐裝汽水果汁任飲,價錢的確大眾化得很,因此座上客九成都是學生哥兒.刺身:三文魚,吞拿魚,八爪魚,魷魚,甜蝦等大路刺身,魚類刺身除色澤暗啞外,有朕難以入味的雪藏異味;壽司方面可於迴轉帶上自取,款色及味道同樣欠驚喜黃乏鮮!鍋物湯底要了蕃茄湯底,比中式的來的濃稠鮮味,不錯不錯!鍋物配料選擇並不多:牛肉,豚肉丁,雞肉,三文魚頭腩,餃子,魚腐,豆腐,豆卜,支竹,竹輪,獅子狗,皇帝菜,紹菜,金菇,鮮冬菇,拉麵,烏冬等.各配料大致頗新鮮的;肉嫩菜鮮.撇除不濟的刺身壽司,$98安安樂樂吃個任食日式火鍋,牽強的過得去吧!

$58一個牛肉鍋，牛肉一碟加埋d蔬菜一盤，兩個人食都飽哂，個湯夠甜味，牛肉都好新鮮...之後再叫多碟大硯30幾蚊，隻隻都好大隻，同埋蠔，好味道超抵，$58蚊去邊都搵唔到咁足料

同老公2個人去食, 好抵呀~ 食到飽飽飽飽都係百幾蚊,menu上面大部份都係半價, 有貼紙就8折!最最最好食係三文魚同帶子, 刺身好厚身, yummy!!!! d waitor都好nice, 環境都ok, 靜靜地可以傾下計......relax下, 唔使迫~

昨天我和朋友們一行8人於這吃晚飯，雖然大家都未曾來過，但都祈望會有些驚喜的，但最終是失望。當我們坐下就研究它們$98 buffet任食，但原來只有10多樣可選擇。失望﹗之後我們就決定自己點菜叫shusi、魚生等...最失望的就是它們的shusi好像不是即做的，因為紫菜和軟殼蟹等等已不脆，部份的又不太鮮味。

三個人, 記不起食左幾多碟, 差不多二三十碟都有, 連十支啤酒, 都只係三百幾, 十分底! 最好食係劍魚腩和吞拿魚壽司, 另外火鍋的材料都很新鮮, 但員工態度一些好一些不太好, 東海中心元氣排長龍時的第二選擇

次次黎親都打邊爐，今次就試下散叫其他野，估唔到原來都好好食喎！推介：焗帶子-好香芝士味一流讓雞翼-好好食好入味鐵板牛肉厚燒-夠軟有肉味魚生都新鮮可能有做任食去貨夠快

大大話話都幫襯過十幾次, 但呢次係我嚟咁多次最特別既一次..1)牛肉鍋(甜湯) - 必食2)壽司(6款) - ok3)炸軟殼蟹手卷(1個) - 凍咗...差d4)燒三文魚腩- 超級好味, 推介5)刺身- 會員免費, 今次超級驚喜二人共消費: $240

當日一行十多人去食飯,被安排到隔壁的一間鋪,入到去,第一件事, 好臭;第二件事, 因為果度有陪電視, 我地問果位侍應可唔可以開黎睇, 佢立刻用極睇唔起我地既態度講:'最低銷費二千蚊先可以開'..------跟住我地叫野食,1, 因為我地多人, 叫野食一定有d 亂嫁啦,個侍應居然用好唔耐煩既語氣講:'食xxx既人舉手'...有無搞錯?? 我去食大排檔都唔會咁啦...2, 因為我地叫套餐, 有3款餐飲, 果位侍應, 又用佢個極差既語氣叫我地舉手, 但佢區經濟只比我地叫其中2款, 當我地話想要第3種飲品既時候, 佢好惡咁講:'得xx 同xx 咋'-------最後d 野食黎到,有三文魚刺生, 1, 非常唔新鮮;2, 非常腥;其他野食都平平啦,不過佢既餐具都好有問題,我問左個豬扒飯, 佢居然比隻食拉麵既湯羹我...

收工與朋友到尖老睇戲，未睇當然要先醫肚餓最重要一點係佢七點前落order所有食物都有半價優惠，咁鬼抵去邊到搵？食物不錯，壽司口感好，刺身亦新鮮最重要係啤酒8點前order 56蚊有半打麒麟啤，真係咁鬼抵酒吧都飲唔到與友人食到肚漲，叫到八款壽司加刺身再加4樣定食，都係一人80蚊，如正價即係百六蚊呢，真係抵抵抵﹗

以前lunch來過....後來沒有來了!今次夜晚同男朋友經過, 見到他們說7點前有半價(order計), 又好似幾抵。- 帶子- 海膽墨魚- 三文魚- 鰻魚- 甜蝦- 蚱蝦卷- 三文魚手卷- 三文魚刺身嘩....好新鮮!以為平野冇好野!但估唔到好好味, 連舊飯都好美味! 真係可以講好過元氣同元綠!三文魚刺身好肥美同新鮮,真係魚腩部份,唔會貨比貨。另外叫左, 都好好味。- 燒三文魚骨- 海鮮拉面- 牛肉金菇卷- 什菜天婦羅D侍應服務態度唔錯。個個都面帶笑容。但係環境比較舊少少! 其他都好好呀!埋單...半價只係hkd160

肥少女喜歡吃三文魚，今晚同bf帶她來這裏吃任食火鍋＆刺身壽司餐．預早訂位每位送一杯花茶，冷熱隨意，夠大杯，清香又不甜，^^.要了三文魚刺身、北寄貝、吞拿魚、甘蝦...夠新鮮，叫多少件來多少件，令人吃得寫意．火鍋料選擇不多，勝在新鮮，澳洲牛肉帶雪花但不肥及很有牛肉味，粟米超甜，菌類及疏菜也新鮮，三文魚腩很肥美.....Service也很好，waitress工作有誠意態度不錯，有禮貎也沒有漏單，可能時間尚早，我們三人坐大卡位夠寬敝舒適．這間叫迴轉居食屋，但奇怪迴轉枱上空空如也，一碟壽司也沒有？？waitress說tea time大部份食品半价，也有特价茶餐，很優惠，下次可以試試，今晚個個也吃得滿意，捧著肚子行街街，但明天要減肥了！！