仁氣居食屋 (已結業)

講緊係成兩個月前啦, 上星期落去, 原來執埋笠, 都預左啦, 間店愈做愈差, 都話左一味斗平斗多, 梗死啦, 食物愈做就愈唔掂, 最初開張時, 我都每星期去一次, 當時, 食物水準都唔太穩定, 但都叫做有貴野食, 隨後不但無左的貴野, 重全部係平野, 想比多少少錢食貴些少都無, 於是招攬晒的平價客, 你愈平, 的客就要求你再平, 唔執笠有鬼!

同女友在尖咀shopping後，特登行過去尖東幫襯呢間野。入去之前睇過menu，食物種類雖然冇咩特別，但係睇落都有唔少客人，要求唔高既，應該都可以一試。同個侍應講我地唔要任食套餐，因為任食既都唔係想食既野，點知一坐低後就知道lei野︰1) 侍應騎呢- 個女侍應一身日本造型，講野快而唔清楚，猛sello的食物，話邊o的邊o的新鮮，一定要試，邊o的又好抵食，唔可以錯過。唉，佢咁煩，我都唔理佢喇，自己叫番想食既，跟住佢就黑面。2) 食物質素差- 我同女友叫左一o的魚生刺身，黎左之後發覺好唔對路，o的食物望落去唔新鮮不特只，仲差過o係迴轉帶上任食果o的，真係非常失望。3) 侍應訓練質素參差- 又講番o的侍應，其實唔係個個都serve得唔好，只不過係咁o岩serve我果枱既唔多掂。又有一個例子，就係其中一個侍應上菜果陣都唔知道果樣食物叫咩名。果樣叫酒煮大蜆，佢就話「酒煮唔知..咩蜆」。o係咁既氣氛下，頓時冇晒食慾。總之一句講晒，我地唔會再去呢一度。果一日我寧願o係上面食串魚蛋跟住過麥記食包好過。

見個任食九十幾蚊任食幾抵食, 今餐又想食飽d, 就呢個啦. 加個焗底又有埋火鍋底又有埋火鍋食, 料既選擇唔多, 不過見有蠔就即管試下.原來醬酒要加$10位, 有d搵笨, 其實得一碗豉油咁大把.所謂既任食壽司, 款式真係唔見多, 白色碟唔洗加加錢, 不過都係得4-5款, 好似好好彩咁執到碟花之戀. 我地坐既位唔係條迴轉帶度, 要行黎行去拎, 想掉位坐近d, 個waiter就話我地想要乜佢幫我地拎. 不過都係冇用, 條帶轉左大半個鐘已經冇野出.刺身得6-7款, 好味既都係得三文魚, 吞那魚, 鮑魚幾樣. 出既時間算中等, 漏單唔太多, 不過都食到悶.可能戍師訓著左, 吹左幾次, d火鍋料先黎到. 個海鮮鍋黎到, 見到都唔想食. 除左一兩隻蠔仔, 同埋幾隻青口, 個鍋有好多唔好食既菜, 其他就得返唔多好食既魚. 自選火鍋料日既蠔算幾大隻, 牛肉丸都ok, 肥牛就唔多肥, 其他唔好食. 服務算ok, 不過d野食真係唔得囉....試一次, 唔會再黎

我同老公黎食下午茶已有ニ年,以前每個月都會黎食一/二次.闊別４個月後,３月３日下午３時再次黎食,點了至愛"仁氣卷"仲有炸蝦卷,小柱,辣味三文魚,軟蟹卷,炸豬扒飯,墨魚... 依家下午茶２點半至開始,仲要落單叫壽司係冇折(以前係半價丫!!!!!),迴轉台果d先至$8碟....but有N碟係腐皮,冇セ選擇.炸蝦卷&軟蟹卷-都ok仁氣卷-以前係用三文魚加牛油果......依家係用"蟹柳"...見到都火滾.辣味三文魚-連辣汁都少左三分ニ小柱-都係白色物體but已經唔係之以前果種小柱仁氣....再見啦!! 你要人比原價點壽司,但係d水準仲差過以前有半價果陣,我點解仲要黎食.

29/2/08晚, 天氣涼! 我地一班同事13人因工作關係而調往其他地方, 所以我專登找來一間放題餐廳作臨走前慶祝一番!!其實最大的問題,係佢地任點任食時我地所落單的漏單情況相當嚴重,入10次單竟然真係可以漏足9次半!! 因為我地全部都係男的關係, 所以份數一定要有番咁上下,但佢地唔知真係以為我地玩野定係咁忙,個個等到頸都長,火煱d湯都煲乾咁濟d野食都未黎!! 經詢問後,又叫我地再落單,但結果..唔駛講都知一樣, 繼續冇野食到, 只係間中黎一,兩碟, 試問...我地一行十三人點會夠食,仲話限食兩小時, 如果真係咁計....我地好似乜都冇乜食過就要走人,黎得最快時就係當d人都走左一半我地d野食就多幾碟,同埋最快到的食物係壽司(因為自己拎,但種類...少得可憐!)...同埋刺身,可能就咁切,唔駛煮....最慢的...火煱配料及熱物!!味道....唔駛講都知...以每人平均$150的價錢(不連飲品)就不要要求太高了...好彩大家都冇乜怨言,只係大家想開開心心的一餐後說道別!!最後....會再黎的機會..應該不大!!!!!!

差差差!!!好差!!!1年前食過呢到既2-5時段，覺得好扺食同埋質素ok,但聽聞依家無左。今日食完後，發覺佢\間餐\廳完全唔同左，好混亂，落10次單漏9次半，食物質素好差，仲好有欺騙成分!比佢\個晚市\"98元打邊爐任吃配料、刺身及迴轉壽司\" 呃左，門口個妹妹仲話\"三文魚賣哂，會用貴d既油甘魚代替\" 見佢\刺身都有10多款，配料都15款以上，以為好抵好著數….入到去發覺迴轉桌上完全無壽司!咁都叫任食???個經理話師父整唔切，叫我返埋位點野食。點了幾個火鎬配點及刺身，15分鐘來了配菜..但同我地點既唔同，後來發現無論我地點咩配料，佢\都係執一式一樣既配料比我地。點左金菇冬菇雞肉都無，無點既野就出現左，每一枱都一式一樣。咁點解要我地tick野食呢???但最離譜係佢\個刺身，我點左三次，過了1小時佢\一碟刺身都無上!又無壽司又無刺身叫\"任食\"咩，咁你話”$10 任食天九翅”都得啦!有幾枱都已經食完哂個鎬，枱枱都問佢\點解無刺身。觀乎全場都係無刺身，淨得個煱。我地同個經理講，10分鍾後佢\比左3件完全乾真真既刺身我，全部都唔係我order既，而味道係極差!!!!金太郎好過佢\10倍!

1-23-2008第一次光臨，出奇地價錢便宜。遇上閒日夜晚這店特別少人，環境算不錯。女友點刺身沙律定食，配蒸豆腐。先談前者沙律份量很多，雜魚生碎亦都食得出數得出起碼有四款，後者很鮮很滑，而且夠熱，這小前菜反而是全晚的焦點精選。定食餐價錢合理，除了沙律還有喬麥拉麵跟餐，有原隻蛋黃，不錯不錯。 至於我要了什錦仁氣魚生飯。配凍香檸茉莉花茶和蒸蛋。蒸蛋跟蒸豆腐同樣入口很滑，這兩道前菜都很出色。 另一推介是魚生飯，足足有成四五款魚生，每款有三塊，真的做得很出色，欣賞仁氣的足料誠意。 我們還追加了牛油炒什菇。作為小吃，可份量頗多呢，而且值得加分的是比其他大型日本料理的多很多很多，不知其他小食份量是否同樣抵食，下次必要多去一趟。是日晚餐，仁氣絕對抵食。

同朋友下午去食TEA,叫咗個刺身定食,什錦刺身+燒牛肉飯+燉蛋+面豉湯,都係$65通常我都食唔哂,同個朋友一人一半,其實女仔黎講係可以兩份食咖...個刺身又幾新鮮,我最欣賞嘅反而係燉蛋,勁滑呀~而家我差唔多日日黎食咖,D壽司都係$8一碟,都算新鮮...又唔係講到咁差嘅...係侍應少左D咁囉~今次食左個定食$65下午茶麵餐\$29凍飲+$5加一服務費Total $109

我一路都成日去幫親仁氣，不嬲都覺得佢幾好，又平！好老實98蚊算係咁，依排覺得d野唔同左，多左d選擇，又多左個任食和食，唔錯!我覺得佢生意都好左!但d速度真係慢左d,唔吹都無野黎!有時都滾滾地，但見佢地個個踢哂腳，都唔係幾好意思吹佢!我都試過好多次d魚生結哂冰,都唔知似乜，跟住我去拆訴,個經理都好唔好意思，話佢地d野未解好凍，但因為比人吹得太緊要，所以都無辦法要出住先!不過我希望你地下次真係預備好d野唔好再比d冰鮮魚生我羅!!!但個加38蚊和食真係超抵食!淨係食個曼魚都抵番哂,超好食!不過真係要好好改善下d速度同冰鮮魚生羅!!!

呢間既食物同服務都差都不得了..我同二個朋友一早打去訂位食佢個刺身壽司火煱既自助餐, 點知我地到左之後,得個座字根本無侍應理我地.跟住我地同個經理落左單後,足足等左差唔多半個鐘都無野食來.跟住梗係同佢地講,佢地先察覺,跟住就攞住碟刺身都頂住.佢地d刺身除左三文魚,甜蝦同北寄貝好食外,其他全部都係垃圾.d吞拿魚仲係結冰,我都未食過咁誇張既刺身.而個自助火煱根本都無嘜食物選擇,完全一d都唔吸引.數理都唔夠25樣.總括而言.呢間野我唔會再去,即使免費都唔去.服務差野食差.簡直一文不值.本來同朋友食飯慶祝生日,點知食到成肚火.

我响poly讀,呢幾年成日落左堂得閒就過仁氣食tea----半價壽司不過而家冇呢支歌仔唱lu...唔知係咪因為唔再抵食,覺得佢好似唔好食左...以後唔會成日去食lu......

我一直都很喜歡這間壽司店因為價錢廉宜, 食物ok最喜愛的就是2-5點時段有半價, 壽司種類又多次次黎又幾多人食ga, 見個師父接幾十張order的壽司等一陣都可以接受!!!!!!!!!!!!!!!!!!!!!!!!!!!!!!!!!!!!不過, 2-5點時段的半價優惠取消了!!!只有優惠set tea or lunch.最喜歡吃壽司的我大失所望以經沒有半價壽命吃了!!!換來的是迴轉壽司帶上5,6款cheap cheap壽司試過幾碟, 雖然$8碟唔食好過食, 一d都唔新鮮求下你地出番個個半價優惠酐喇最最最激氣的是個次唸住介紹我個best frd黎食無左個半價優惠之餘仲要漏單, 仲要係前後2次order都漏先order左個set tea之後食左幾碟$8壽司頂肚再order左個set lunch等等等等等等等等等等等等等等....45分鐘有d唔對路問個waiter先知所有單都無落奇就奇在杯餐飲就黎左個時人好少咁都漏單....超失望好不客氣的cancel晒d order.搭出門口就決定以後都唔黎仲要話畀人知呢間野今時唔同往日!!

為慶祝2008年的來臨，我們一行5人來到仁氣試試朋友介紹的任食放題啦！環境闊落，店內好像有個水池吧？肯為這犧牲不少座位，都叫難得。任食放題所提供的刺身和壽司選擇真的不多，但可另每人加多$38吃其他熱食，選擇多了一倍，有炸蝦牛柳帶子蠔燒餅等等。上菜速度對比其他提供任食放題的日本料理店來說是比較快的，而大部份點了的食物都到齊。點了幾款刺身，其中三文魚刺身叫做不過不失，都切得頗厚。其他熱盤如炸蝦新鮮熱辣，可任點都算有驚喜，雜錦天婦羅都有一般水準。但「炸」軟殼蟹很差，很咸之餘又很濕的，難道是擺在一邊很久的貨色嘛？燒薄餅都不太值得一吃，可忘記。另外，炸蠔一定是炸過火，吃落很熱氣，而蠔是大拇指size的小蠔，但又有得任點，算係咁。全晚最好水準在照燒牛柳粒，熱辣辣又有肉汁，起碼不覺得有落很多鬆肉粉！真係食唔停口架。多人食都叫做抵，起碼店主都唔會俾眼色趕你走，難得難得。

x'mas 同男友去試lee架野...壽司飯太硬...魚生一般...定食冇味....湯又鹹!燒牛舌(推介)!!!幾好燒得唔錯!if其他特別係壽司可以改進就好!價錢唔係特別平~

訂咗位都要等九個字以為係好嘢, 點知雪水魚生咬落去唔知以為自己食緊冰塊,來去得幾款壽司, 總之係一個食唔飽既任食, 一肚火...